കർണാടക എൻജിനീയറിങ് എൻട്രൻസ് പരീക്ഷയിൽ മികച്ച വിജയം നേടിയ എം. ഉപേന്ദ്രക്ക് കോച്ച് ഹബീബ് ഉപഹാരം നൽകുന്നു
ബംഗളൂരു: 2023-24 അധ്യയന വർഷത്തിൽ 10, 12 ക്ലാസുകളിൽ മികച്ച വിജയം നേടിയവർ, വിവിധ എൻട്രൻസ് പരീക്ഷകളിൽ ഉന്നത റാങ്ക് നേടിയവർ, ഹിറാ മോറൽ സ്കൂൾ ഏഴാംക്ലാസ് പൊതുപരീക്ഷയിൽ വിജയിച്ചവർ തുടങ്ങി 10 വിദ്യാർഥികളെ ആദരിച്ചു. വി.സി.ഇ.ടി നൽകിവരുന്ന സ്കോളർഷിപ് വഴി പഠനം പൂർത്തിയാക്കിയ വിദ്യാർഥികളെയും ഇതോടൊപ്പം ആദരിച്ചു. വിദ്യാർഥികൾക്ക് ഉന്നത വിദ്യാഭ്യാസത്തിനാവശ്യമായ മാർഗനിർദേശങ്ങളും സഹായങ്ങളും വി.സി.ഇ.ടി എജുക്കേഷൻ വിങ് നൽകി വരുന്നുണ്ടെന്ന് ഭാരവാഹികൾ അറിയിച്ചു.
‘സ്പ്രിങ്അപ്’ വിഷയത്തിൽ പ്രശസ്ത കോച്ച് ഡോ. സയ്യിദ് ഹബീബ് ക്ലാസെടുത്തു. വി.സി.ഇ.ടി വർഷംതോറും ഹൈസ്കൂൾ മുതൽ പ്രഫഷനൽ കോഴ്സുകൾ വരെ പഠിക്കുന്ന 60 വിദ്യാർഥികൾക്ക് സ്കോളർഷിപ് നൽകുന്നുണ്ട്. ഓരോ വിദ്യാർഥിക്കും മെന്ററെ നിശ്ചയിച്ച് അവരുമായി നിരന്തരം പഠനവുമായി ബന്ധപ്പെട്ട് ആശയവിനിമയവും നടത്തുന്നുണ്ട്. മുൻവർഷങ്ങളിൽ സ്കോളർഷിപ് സഹായത്തോടെ എം.ബി.ബി.എസ്, എൻജിനീയറിങ്, നഴ്സിങ്, എം.ബി.എ, മറ്റു ഡിഗ്രി കോഴ്സുകളിൽ പഠനം പൂർത്തിയാക്കിയ പത്തിലധികം പേർ വിവിധ അന്താരാഷ്ട്ര കമ്പനികളിലും വിദേശത്തുമായി ജോലി ചെയ്തുവരുന്നുണ്ടെന്നും ഭാരവാഹികൾ അറിയിച്ചു. ബിജു, ഷംസീർ എന്നിവർ സംസാരിച്ചു. ചടങ്ങിൽ സാജിദ് നവാസ് സ്വാഗതവും അബ്ദുൽ ഹാദി നന്ദിയും പറഞ്ഞു. അൻവർ, സിമി, അമീൻ, ഷീബ തുടങ്ങിയവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.