തിരുവനന്തപുരം: താരസംഘടനയായ ‘അമ്മ’യിലെ പ്രശ്നങ്ങളിൽ സർക്കാർ ഇടപെടില്ലെന്ന് സിനിമ-സാംസ‌്കാരിക മന്ത്രി എ.കെ. ബാലൻ. ‘അമ്മ’ പ്രസിഡൻറു കൂടിയായ നടൻ മോഹൻലാലുമായി ചർച്ചക്കു ശേഷം മാധ്യമങ്ങളോട‌് സംസാരിക്കുകയായിരുന്നു മന്ത്രി.
സംഘടനയിലെ ചില തീരുമാനങ്ങൾക്കെതിരെ പൊതുജനവികാരം ഉണ്ടായിട്ടുണ്ട‌്. ഇത് പരിഹരിക്കാൻ ഭാരവാഹികൾ മുൻകൈയെടുക്കണം. ഏകപക്ഷീയ തീരുമാനമുണ്ടാകില്ലെന്നും ബന്ധപ്പെട്ടവരുമായി ചർച്ച ചെയ‌്ത‌് തീരുമാനിക്കുമെന്നും മോഹൻലാൽ ഉറപ്പ‌ു നൽകിയിട്ടുണ്ട‌്.
അദ്ദേഹത്തിെൻറ വിദേശയാത്ര കഴിഞ്ഞ‌് ചർച്ചയുണ്ടാകും. ഡബ്ല്യു.സി.സിയുമായും ചർച്ച നടത്തുമെന്ന് ലാൽ അറിയിച്ചതായി മന്ത്രി പറഞ്ഞു. ബുധനാഴ‌്ച രാത്രി മന്ത്രിയുടെ ഒൗദ്യോഗിക വസതിയിലെത്തിയാണ‌് മോഹൻലാൽ ചർച്ച നടത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.