പയ്യോളി: ദേശീയപാതയിൽ നന്തി ഇരുപതാം മൈലിൽ ബൈക്കിൽ ലോറിയിടിച്ച് യുവാവ് മരിച്ചു. വടകര താഴെഅങ്ങാടി മുല്ലകത്ത് വളപ്പിൽ എം.വി ഹാരിസ് (41) ആണ് മരിച്ചത്. സുഹൃത്ത് നാദാപുരം റോഡ് റഹ്മത്ത് മൻസിലിൽ ശുഹൈബിനെ ഗുരുതര പരിക്കുകളോടെ കോഴിക്കോട് സ്വകാര്യ ആശുപത്രിയിൽ പ്രവേശിപ്പിച്ചു.
ശനിയാഴ്ച രാവിലെ ഏഴരയോടെയാണ് അപകടം. ഇവർ സഞ്ചരിച്ച ബൈക്കിന് പിറകിൽ മിനിലോറി ഇടിക്കുകയായിരുന്നു. ഇടിച്ച മിനിലോറി നിർത്താതെ പോയി. ചാലിയത്ത് നടക്കുന്ന എസ്.കെ.എസ്.എഫ് കോഴിക്കോട് ജില്ലാ കൗണ്‍സില്‍ മീറ്റിൽ പങ്കെടുക്കാന്‍ ബൈക്കിൽ പോകുകയായിരുന്നു ഇരുവരും. എസ്.കെ.എസ്.എസ്.എഫ് മേഖല കമ്മറ്റി അംഗമാണ്.
താഴെങ്ങാടി ഫർണിച്ചർ കട തൊഴിലാളിയാണ് ഹാരിസ്. മാതാവ്: ഖദീജ. പിതാവ്: പരേതനായ ബാബു. ഭാര്യ: റംല. സഹോദരങ്ങൾ: നാസർ, ബഷീർ, സഫീർ, ഫൗസിയ, ജമീല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.