പേരാമ്പ്ര: കൈതക്കലില്‍ നിയന്ത്രണംവിട്ട കാറിടിച്ച് സ്കൂട്ടർ യാത്രികൻ മരിച്ചു. മുളിയങ്ങല്‍ പനച്ചിങ്ങല്‍ അബ്ദുറഹ്മാന്‍ (55) ആണ് മരിച്ചത്. സംസ്ഥാന പാതയില്‍ കൈതക്കല്‍ കള്ളു ഷാപ്പിനു സമീപം വ്യാഴാഴ്ച രാവിലെ എട്ടുമണിയോടെയാണ് സംഭവം. ഉള്ള്യേരി ഭാഗത്തേക്ക് പോവുന്ന കാര്‍ നിയന്ത്രണംവിട്ട് സ്കൂട്ടർ ഇടിച്ചു തെറിപ്പിച്ച് സമീപത്തെ ചായക്കടയും തകര്‍ത്ത് അന്‍പതോളം മീറ്റര്‍ ദൂരെ പോയി നില്‍ക്കുകയായിരുന്നു. പിതാവ്: ചേക്കു ഹാജി. മാതാവ്: കുഞ്ഞാമിന. ഭാര്യ: മുംതാസ്. മക്കൾ: ജംഷിദലി (ഗൾഫ്), ഇനാസ് (വിദ്യാർഥി, മംഗലാപുരം). സഹോദരങ്ങൾ: ബീരാൻകുട്ടി, കുഞ്ഞമ്മദ്, കുഞ്ഞി മമ്മു, കുഞ്ഞബ്ദുള്ള, ഹമീദ്, പാത്തു, സഫിയ, സുബൈദ, പരേതനായ ഇബ്രായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.