പഞ്ചായത്ത് പ്രസിഡൻറും കുടുംബവും സഞ്ചരിച്ച കാർ കൊക്കയിലേക്ക് മറിഞ്ഞു; ഒരു മരണം, അഞ്ചു പേർക്ക് പരുക്ക്

മംഗളൂരു:ഉജ്റെ ഗ്രാമ പഞ്ചായത്ത് പ്രസിഡന്റ് പുഷ്പാവതി ആർ.ഷെട്ടിയും കുടുംബവും സഞ്ചരിച്ച കാർ ചർമാഡി രണ്ടാം ചുരത്തിൽ നിന്ന് കൊക്കയിലേക്ക് മറിഞ്ഞ് ഒരാൾ മരിച്ചു. അഞ്ചുപേർക്ക് പരുക്കേറ്റു.

പ്രസിഡന്റി​െൻറ സഹോദരി സരോജിനി ഷെട്ടിയാണ്(41) മരിച്ചത്.പ്രസിഡന്റ്,മകൾ പൂർണിമ ഷെട്ടി, പേരക്കുട്ടികളായ സമ്രുദ്ധ്, സാക്ഷി, ഡ്രൈവർ അരുൺ എന്നിവർക്കാണ് പരുക്കേറ്റത്.

കക്കിഞ്ചെ ശ്രീകൃഷ്ണ ആശുപത്രിയിൽ പ്രവേശിപ്പിച്ച ഇവരിൽ പരുക്ക് ഗുരുതരമായ സരോജിനി ഷെട്ടിയേയും പൂർണിമ ഷെട്ടിയേയും മംഗളൂരു സ്വകാര്യ ആശുപത്രിയിലേക്ക് മാറ്റി.പ്രസിഡന്റി​െൻറ കൈയെല്ല് പൊട്ടിയിട്ടുണ്ട്.