ലോകത്തിലെ ഉയരം കൂടിയ മനുഷ്യൻ നിര്യാതനായി

ജിദ്ദ: ‘ലോകത്തിലെ ഏറ്റവും ഉയരം കൂടിയ മനുഷ്യൻ’ എന്നറിയപ്പെടുന്ന പാകിസ്​താൻ പൗരൻ ഗുലാം ഷബീർ (42) ജിദ്ദയിൽ നിര്യാതനായി. ഹൃദ്രോഗബാധിതനായി ചികിത്സയിലായിരുന്ന അദ്ദേഹം ഞായറാഴ്‌ചയാണ്​ മരിച്ചത്​. ആരോഗ്യനില ഞായറാഴ്​ച​ കൂടുതൽ വഷളാകുകയായിരുന്നു.

255 സെൻറിമീറ്റർ ഉയരമുള്ള അദ്ദേഹം 2000 മുതൽ 2006 വരെ തുടർച്ചയായി ആറ്​ വർഷം ലോകത്തിലെ ഏറ്റവും ഉയരം കൂടിയ മനുഷ്യനെന്ന റെക്കോർഡിന്​ ഉടമയായിരുന്നു​. ഗിന്നസ് ബുക്ക് ഓഫ് റെക്കോർഡ്സിൽ രജിസ്​റ്റർ ചെയ്​തിട്ടുണ്ട്​.

സൗദി അറേബ്യയെ കൂടുതൽ ഇഷ്​ടപ്പെട്ട ആളായിരുന്നു​. താൻ സന്ദർശിച്ച 42 അറബ്, അ​റബേതര രാജ്യങ്ങളിൽ വച്ച് ഏറ്റവും മനോഹരമായ രാജ്യമാണ് സൗദിയെന്നായിരുന്നു അദ്ദേഹത്തി​െൻറ അഭിപ്രായം. ഇരുഹറമുകൾ കാരണം വലിയ സന്തോഷമാണ്​ തനിക്ക് സൗദിയിൽ​ അനുഭവപ്പെടുന്നതെന്നും പറഞ്ഞിരുന്നു.

നല്ലൊരു ഫുട്ബാൾ ആരാധകനാണ്. സൗദി ലീഗിനെ ആവേശത്തോടെ പിന്തുടർന്നിരുന്നു. നിരവധി നേതാക്കളെയും ഭരണാധികാരികളെയും കണ്ടിട്ടുണ്ട്​. ഗുലാം ശബീർ 1980ൽ പാകിസ്​താനിലാണ് ജനിച്ചത്. സമൂഹ മാധ്യമങ്ങളിൽ സെലിബ്രിറ്റിയായിരുന്നു. നിരവധി പ്രശസ്ത പരിപാടികളിൽ പങ്കെടുത്തു. നിരവധിയാളുകൾ ഗുലാം ഷബീറി​െൻറ വിയോഗത്തിൽ ദുഃഖം രേഖപ്പെടുത്തി.

Tags:    
News Summary - tallest man Ghulam Shabbir passed away

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.