വെള്ളം ശേഖരിക്കവെ ഇരുമ്പ് ഷീറ്റിൽനിന്ന്​ ഷോക്കേറ്റ്​ വീട്ടമ്മ മരിച്ചു

എരുമപ്പെട്ടി (തൃശൂർ): വീട്ടമ്മ ഷോക്കേറ്റ് മരിച്ചു. നെല്ലുവായ് മുരിങ്ങത്തേരി തെക്കേ കൂടാരത്തിൽ വീട്ടിൽ പരേതനായ സതീഷിന്‍റെ ഭാര്യ ഷാനിയാണ് (44) മരിച്ചത്. വീടിന്​ പുറകുവശത്ത് മേഞ്ഞ ഇരുമ്പു ഷീറ്റിൽനിന്നാണ് ഷോക്കേറ്റത്.

തിങ്കളാഴ്ച രാവിലെ 8.10നാണ് സംഭവം. പൈപ്പിൽനിന്ന്​ വെള്ളം ശേഖരിച്ചുകൊണ്ടിരിക്കെ ഇരുമ്പ് ഷീറ്റിൽ തൊട്ടപ്പോൾ ഷോക്കേൽക്കുകയായിരുന്നു.

ഉടനെ വീട്ടിലുണ്ടായിരുന്ന സഹോദരൻ മെയിൻ സ്വിച്ച് ഓഫ് ചെയ്ത് ഷാനിയെ ഓട്ടുപാറ ജില്ലാ ആശുപത്രിയിലെത്തിച്ചെങ്കിലും രക്ഷിക്കാനായില്ല. മക്കൾ: ഗോപിക, ഗോഗുൽ, ദീപക്.