ദേ​ശീ​യ നീ​റ്റ​ൽ

വി​ദ്യാ​ഭ്യാ​സം സം​സ്ഥാ​ന​ങ്ങ​ളു​ടെ അ​ധി​കാ​ര പ​രി​ധി​യി​ൽ​പ്പെ​ടു​ന്ന രാ​ജ്യ​ത്ത് അ​ത​ത് സം​സ്ഥാ​ന​ങ്ങ​ൾ ന​ട​ത്തു​ന്ന പ്ര​ഫ​ഷ​ണ​ൽ സ്ഥാ​പ​ന​ങ്ങ​ളു​ടെ പ്ര​വേ​ശ​ന​ത്തി​ലും കേ​ന്ദ്ര​ത്തി​ന് കൈ​ക​ട​ത്താ​ൻ അ​വ​സ​രം ന​ൽ​കു​ന്ന നീ​റ്റ് (NEET: National Eligibility cum Entrance Test) പോ​ലൊ​രു പൊ​തു​പ്ര​വേ​ശ​ന പ​രീ​ക്ഷ ആ​വ​ശ്യ​മാ​ണോ? ഇ​ന്ത്യ​ൻ ഭ​ര​ണ​ഘ​ട​ന വി​ഭാ​വ​നം ​ചെ​യ്യു​ന്ന ഫെ​ഡ​റ​ലി​സ​ത്തെ ​നോ​ക്കു​കു​ത്തി​യാ​ക്കി സം​സ്ഥാ​ന​ങ്ങ​ളു​ടെ അ​ധി​കാ​ര​ങ്ങ​ളെ​ല്ലാം കേ​ന്ദ്രം ക​വ​ർ​ന്നെ​ടു​ക്കു​ന്ന കാ​ല​ത്ത് ‘ദേ​ശീ​യ’​മാ​ക്കി​യാ​ൽ പി​ന്നെ എ​ല്ലാം മി​ക​ച്ച​താ​കുമെന്ന് ക​രു​താ​മോ?

ച​രി​ത്ര​ത്തി​ലും വ​ർ​ത്ത​മാ​ന​ത്തി​ലും എ​ന്തും വ്യാ​ജ​മാ​യി സൃ​ഷ്ടി​ക്കാ​മെ​ന്ന് ജീ​വി​ച്ചു​കാ​ണി​ക്കു​ന്ന നേ​താ​ക്ക​ൾ നി​യ​ന്ത്രി​ക്കു​ന്ന ഏ​ജ​ൻ​സി​ക​ളി​ൽനി​ന്ന് സ​ത്യ​സ​ന്ധ​ത​യും വി​ശ്വാ​സ്യ​ത​യും പ്ര​തീ​ക്ഷി​ക്കാ​​മോ? ‘ദേ​ശീ​യ ഏ​ജ​ൻ​സി’​ക​ളി​ൽ എ​ൻ​ഫോ​ഴ്സ്മെ​ന്റ് ഡ​യ​റ​ക്ട​റേ​റ്റ്, സെ​ൻ​ട്ര​ൽ ബ്യൂ​റോ ഓ​ഫ് ഇ​ൻ​വെ​സ്റ്റി​ഗേ​ഷ​ൻ, ദേ​ശീ​യ അ​ന്വേ​ഷ​ണ ഏ​ജ​ൻ​സി എ​ന്നി​വ​ക്കൊ​ന്നു​മി​ല്ലാ​ത്ത സു​താ​ര്യ​ത​യും നി​ഷ്പ​ക്ഷ​ത​യും ദേ​ശീ​യ പ​രീ​ക്ഷാ ഏ​ജ​ൻ​സി​ക്ക് (എൻ.ടി.എ) മാ​ത്രം ഉ​ണ്ടാ​കു​മെ​ന്ന് വി​ശ്വ​സി​ക്കാ​മോ? കാ​ൽ കോ​ടി​യോ​ളം വി​ദ്യാ​ർ​ഥി​ക​ളു​ടെ നെ​ഞ്ചി​ലെ നീ​റ്റ​ലാ​യി മാ​റി​യ നീ​റ്റ് ചോ​ദ്യ​ച്ചോ​ർ​ച്ച​യോ​ടെ വി​ശ്വാ​സ്യ​ത ചോ​ർ​ന്ന ദേ​ശീ​യ പ​രീ​ക്ഷ ഉ​യ​ർ​ത്തു​ന്ന ചോ​ദ്യ​ങ്ങ​ളാ​ണി​ത്.

കാൽ കോടി കുട്ടികളുടെ കണ്ണീർ

എ​സ്.​എ​സ്.​എ​ൽ.​സി പ​രീ​ക്ഷ​ക്ക് ഫു​ൾ എ ​പ്ല​സ് കി​ട്ടി​യ കു​ട്ടി​യേ​യും​ കൊ​ണ്ട് ര​ക്ഷി​താ​വ്, കോ​ച്ചിങ്ങു​ം പ്ല​സ് ടു ​പ​ഠ​ന​വും ഒ​രു​മി​ച്ചു കൊ​ണ്ടു​പോ​കു​ന്ന കേ​ര​ള​ത്തി​ലെ മു​ൻ​നി​ര സ്ഥാ​പ​ന​ങ്ങ​ളി​ലൊ​ന്നി​നെ സ​മീ​പി​ച്ച​പ്പോ​ൾ കി​ട്ടി​യ മ​റു​പ​ടി കൗ​തു​ക​ക​ര​മാ​യി​രു​ന്നു. ‘‘ഈ ​വ​ർ​ഷ​ത്തെ നീ​റ്റ്, ജെ.​ഇ.​ഇ പ്ല​സ് വ​ൺ കോ​ച്ചി​ങ്ങിനു​ള്ള ആ​ദ്യ പ്ര​വേ​ശ​ന​പ​രീ​ക്ഷ ക​ഴി​ഞ്ഞ വ​ർ​ഷം ന​വം​ബ​റി​ൽ ക​ഴി​ഞ്ഞി​രി​ക്കു​ന്നു. തെ​ക്കു തൊ​ട്ട് വ​ട​ക്കുവ​രെ കേ​ര​ള​ത്തി​ലെ വി​വി​ധ ജി​ല്ല​ക​ളി​ൽ അ​വ​ർ ന​ട​ത്തു​ന്ന റെ​സി​ഡ​ൻ​ഷ്യ​ൽ സ്ഥാ​പ​ന​ങ്ങ​ളി​ലെ​ല്ലാം പ​ത്താം ത​രം പ​രീ​ക്ഷ ന​ട​ക്കു​ന്ന​തി​ന് മു​മ്പെ പ്ര​വേ​ശ​നം പൂ​ർ​ത്തി​യാ​യി​രി​ക്കു​ന്നു.

ആ​റ് മു​ത​ൽ എ​ട്ട് ല​ക്ഷം രൂ​പ വ​രെ രൂ​പ ഫീ​സ് ന​ൽ​കി​യാ​ണ് ഈ ​കോ​ച്ചിങ്. ഇ​തി​നെ​യും ക​വ​ച്ചു​വെ​ക്കു​ന്ന, എ​ട്ടാം ക്ലാ​സി​ൽ നി​ന്നേ തു​ട​ങ്ങു​ന്ന നീ​റ്റ് കോ​ച്ചിങ്ങും ​രാ​ജ്യ​ത്തു​ട​നീ​ളം വ്യാ​പ​ക​മാ​യി ക​ഴി​ഞ്ഞു. ഇ​​ങ്ങനെ രാ​വും​പ​ക​ലും കു​ത്തി​യി​രു​ന്ന് പ​ഠി​ച്ച് പ​രീ​ക്ഷ​െയഴു​തു​ന്ന കാ​ൽ കോ​ടി വി​ദ്യാ​ർ​ഥി​ക​ളു​ടെ​യും അ​വ​രു​ടെ ര​ക്ഷി​താ​ക്ക​ളു​ടെ​യും ത​ല​ക്ക് മു​ക​ളി​ലേ​ക്കാ​ണ് നീ​റ്റ് പ​രീ​ക്ഷ​യു​ടെ വി​ശ്വാ​സ്യ​ത ഇ​ടി​ഞ്ഞു​പൊ​ളി​ഞ്ഞു വീ​ണി​രി​ക്കു​ന്ന​ത്. വി​ശ്വാ​സം ന​ഷ്ട​പ്പെ​ട്ട നീ​റ്റ് പ​രീ​ക്ഷ വ​രും വ​ർ​ഷ​ങ്ങി​ൽ എ​ഴു​താ​ൻ ത​യാ​റെ​ടു​പ്പ് ന​ട​ത്തു​ന്ന വി​ദ്യാ​ർ​ഥി​ക​ളു​ടെ​യും അ​വ​രു​ടെ ര​ക്ഷി​താ​ക്ക​ളു​ടെ​യും ആ​ധികൂ​ടി കാ​ണു​ക.

നീ​റ്റ് ചോ​ർ​ച്ച അ​ന്നേ തു​ട​ങ്ങി

നീ​റ്റ് പ​രീ​ക്ഷ​യു​ടെ ത​ലേ​ന്നാ​ൾ മേ​യ് നാ​ലി​നാ​ണ് ചോ​ദ്യ​പേ​പ്പ​ർ ചോ​ർ​ന്നു​വെ​ന്ന ര​ഹ​സ്യ​വി​വ​രം ബി​ഹാ​ർ പൊ​ലീ​സി​ന് ല​ഭി​ച്ച​ത്. ഇ​തി​ന്റെ അ​ടി​സ്ഥാ​ന​ത്തി​ൽ ന​ട​ത്തി​യ റെ​യ്ഡി​ൽ നീ​റ്റ് പ​രീ​ക്ഷ​ക്കു​ള്ള നി​ര​വ​ധി അ​ഡ്മി​റ്റ് കാ​ർ​ഡു​ക​ളും പോ​സ്റ്റ് ഡേ​റ്റ​ഡ് ചെ​ക്കു​ക​ളും പ​ട്ന​യി​ലെ ഒ​രു ഹോ​സ്റ്റ​ലി​ൽനി​ന്ന് ക​ണ്ടെ​ടു​ത്തു. 13 പേ​ർ അ​റ​സ്റ്റി​ലാ​കു​ക​യും ചെ​യ്തു. 2016-ൽ ​നീ​റ്റ് ചോ​ദ്യ​പേ​പ്പ​ർ ചോ​ർ​ത്തി​യ സ​ഞ്ജീ​വ് മു​ഖ്യ എ​ന്ന​യാ​ളെ​യാ​ണ് ഇ​പ്പോ​ഴ​ത്തെ ചോ​ർ​ത്ത​ലി​ന് പി​ന്നി​ൽ പ​ങ്കു​ണ്ടെ​ന്ന് ചൂ​ണ്ടി​ക്കാ​ട്ടി പൊ​ലീ​സ് തെ​ര​യു​ന്ന​ത്. ന​ള​ന്ദ ഗ​വ​ൺ​മെ​ന്റ് കോ​ള​ജി​ലെ ടെ​ക്നി​ക്ക​ൽ അ​സി​സ്റ്റ​ന്റാ​ണ് സ​ഞ്ജീ​വ് മു​ഖ്യ മ​ത്സര​പ്പ​രീ​ക്ഷ​ക​ളു​ടെ​യെ​ല്ലാം ചോ​ദ്യ​പേ​പ്പ​ർ ചോ​ർ​ത്തി​​ക്കൊ​ടു​ക്കു​ന്ന ‘സോ​ൾ​വ​ർ ഗ്യാ​ങ്ങി’​ന്റെ മു​ഖ്യ​ൻ.

ബിഹാ​റി​ലെ ചോ​ർ​ത്ത​ലി​ന്റെ മു​ഖ്യ​സൂ​ത്ര​ധാ​ര​ൻ എ​ന്ന് അ​ന്വേ​ഷ​ണ സം​ഘം വി​ശേ​ഷി​പ്പി​ക്കു​ന്ന​യാ​ൾ. നീ​റ്റ് ചോ​ദ്യ​​േപ​പ്പ​ർ ചോ​ർ​ത്തി​യ​തി​ന് സ​ഞ്ജീ​വ് മു​ഖ്യ​യെ 2016-ൽ ​ഉ​ത്ത​ര​ഖ​ണ്ഡ് പൊ​ലീ​സ് അ​റ​സ്റ്റ് ചെ​യ്ത​താ​ണ്. അ​ന്ന് അ​റ​സ്റ്റി​ലാ​യി 14 മാ​സം ജ​യി​ലി​ൽ കി​ട​ന്ന് ജാ​മ്യം നേ​ടി​യി​റ​ങ്ങി​യ മു​ഖ്യ വീ​ണ്ടും ഇ​തേ പ​ണി​ക്കി​റങ്ങി. മു​ഖ്യ​യു​ടെ മ​ക​ൻ ശി​വ് കു​മാ​ർ ടീ​ച്ച​ർ റി​ക്രൂ​ട്ട്മെ​ന്റി​നു​ള്ള ബിഹാ​ർ പ​ബ്ലി​ക് സ​ർ​വീ​സ് ക​മീ​ഷ​ൻ പ​രീ​ക്ഷ ചോ​ർ​ത്തി​യ കേ​സി​ൽ ഉ​ജൈ​യി​നി​ൽനി​ന്ന് അ​റ​സ്റ്റി​ലാ​യി ഇ​പ്പോ​ഴും ജ​യി​ലി​ലാ​ണ്. നാ​ല് ല​ക്ഷ​ത്തോ​ളം വി​ദ്യാ​ർ​ഥി​ക​ൾ എ​ഴു​തി​യ പ​രീ​ക്ഷ​യാ​ണി​ത്. എ​ഫ്.​ഐ.​ആ​റി​ൽ പ്ര​തി​സ്ഥാ​ന​ത്തു​ള്ള ഏ​ക പേ​ർ മു​ഖ്യ​യു​​ടേ​താ​ണെ​ങ്കി​ലും ഇ​യാ​ളെ ഇ​നി​യും അ​റ​സ്റ്റ് ചെ​യ്യാ​നാ​യി​ട്ടി​ല്ല. ജൂ​ൺ നാ​ലി​ന് ന​ൽ​കി​യ മു​ഖ്യ​യു​ടെ മു​ൻ​കൂ​ർ ജാ​മ്യാ​പേ​ക്ഷ ജൂ​ലൈ നാ​ലി​ലേ​ക്ക് മാ​റ്റി​യി​രി​ക്കു​ക​യാ​ണ്. സ​ഞ്ജീ​വ് മു​ഖ്യ ചോ​ർ​ത്തി​യ ചോ​ദ്യ​പേപ്പ​ർ റോ​ക്കി എ​ന്ന​യാ​ൾ​ക്ക് ന​ൽ​കി​യെ​ന്നും അ​തു​വ​ഴി പ​ല​യി​ട​ങ്ങ​ളി​ലു​മെ​ത്തി​യെ​ന്നു​മാ​ണ് പൊ​ലീ​സ് പ​റ​യു​ന്ന​ത്. സ​ർ​ക്കാ​ർ ഉ​ദ്യോ​ഗ​സ്ഥ​രാ​യ സി​ക്ക​ന്ദ​ർ പ്ര​സാ​ദ് യ​​ദ്വേ​ന്തു, അ​മി​ത് ആ​ന​ന്ദ്, ബം​ഗ​ളൂ​രി​ലെ ഐ.​ടി പ്രെ​ഫ​ഷ​ന​ൽ റോ​ഷ​ൻ കു​മാ​ർ എ​ന്നി​വ​രും റാ​ക്ക​റ്റി​ലു​ണ്ട്.

40 ല​ക്ഷം രൂ​പ കൊ​ടു​ത്ത് ജ​യി​ലി​ലാ​യ വി​ദ്യാ​ർ​ഥി​ക​ൾ

ചോ​ർ​ത്തി​യ ചോ​ദ്യ​പേ​പ്പ​ർ പ​ഠി​ച്ച് പ​രീ​ക്ഷ എ​ഴു​തി അ​റ​സ്റ്റി​ലാ​യ ആ​യു​ഷ് കു​മാ​റി​ന്റെ പി​താ​വ് അ​ഖി​ലേ​ഷ് കു​മാ​റി​നോ​ട് നീ​റ്റ് പ​രീ​ക്ഷ ജ​യി​പ്പി​ക്കാ​ൻ 40 ല​ക്ഷം രൂ​പ​യാ​ണ് സി​ക്ക​ന്ദ​ർ പ്ര​സാ​ദ് യ​​ദ്വേ​ന്തു ചോ​ദി​ച്ച​ത്. ദാ​നാ​പൂ​രി​ലെ ആ​യു​ഷ് കു​മാ​റി(19)​ന് പു​റ​മെ റാ​ഞ്ചി​യി​ലെ അ​ഭി​ഷേ​ക് കു​മാ​ർ (21),സ​മ​സ്തി​പൂ​രി​ലെ അ​നു​രാ​ഗ് യാ​ദ​വ് (22), ഗ​യ​യി​ലെ ശി​വ് ന​ന്ദ​ൻ കു​മാ​ർ എ​ന്നീ വി​ദ്യാ​ർ​ഥി​ക​ളും കു​റു​ക്കു​വ​ഴി​യി​ൽ ജ​യം കൊ​തി​ച്ച് ഒ​ടു​വി​ൽ ജ​യി​ലി​ലെ​ത്തി.

ചോ​ദ്യ​പേ​പ്പ​ർ ചോ​ർ​ന്ന​ത് ബീ​ഹാ​റി​ലെ ഒ​റ്റ​പ്പെ​ട്ട സം​ഭ​വ​മാ​യി ക​ണ്ട്, പു​നഃ​പ​രീ​ക്ഷ ന​ട​ത്തി​ല്ലെ​ന്ന് കേ​ന്ദ്ര മ​ന്ത്രി ധ​ർ​മേ​ന്ദ്ര പ്ര​ധാ​ൻ വാ​ശി പി​ടി​ക്കു​മ്പോ​ൾ ചോ​ർ​ച്ച ഉ​ത്ത​ർ​പ്ര​ദേ​ശ്, പ​ശ്ചി​മ ബം​ഗാ​ൾ, ഒ​ഡി​ഷ എ​ന്നീ സം​സ്ഥാ​ന​ങ്ങ​ളി​ലേ​ക്ക് പ​ട​ർ​ന്നി​ട്ടു​ണ്ടെ​ന്നാ​ണ് ബി​ഹാ​റി​ലെ അ​ന്വേ​ഷ​ണ സം​ഘം പ​റ​യു​ന്ന​ത്. 10 ല​ക്ഷം മു​ത​ൽ 66 ല​ക്ഷം രൂ​പ വ​രെ ചോ​ർ​ത്തി​യ നീ​റ്റ് ചോ​ദ്യ​പേ​പ്പ​റി​ന് കൊ​ടു​ത്ത രാ​ജ്യ​ത്തി​ന്റെ വി​വി​ധ ഭാ​ഗ​ങ്ങ​ളി​ൽ നി​ന്നു​ള്ള 30 വി​ദ്യാ​ർ​ഥി​ക​ളെ കു​റി​ച്ചു​ള്ള വി​വ​രം കി​ട്ടി​യി​ട്ടു​ണ്ടെ​ന്നാ​ണ് ഗു​ജ​റാ​ത്ത് പൊ​ലീ​സ് പ​റ​യു​ന്ന​ത്.

നീ​റ്റ് പ​രീ​ക്ഷ​യു​ടെ ഗു​ജ​റാ​ത്ത് മോ​ഡ​ൽ

ക​ർ​ണാ​ട​ക, മ​ഹാ​രാ​ഷ്​​​ട്ര, ഝാ​ർ​ഖ​ണ്ഡ്, ബിഹാ​ർ, ഹ​രി​യാ​ന സം​സ്ഥാ​ന​ങ്ങ​ളി​ൽ നി​ന്നു​ള്ള വി​ദ്യാ​ർ​ഥി​ക​ളെ​ല്ലാം ഗു​ജ​റാ​ത്തി​ലെ ഗോ​ധ്ര​യി​ൽ വ​ന്ന് നീ​റ്റ് പ​​രീ​ക്ഷ എ​ഴു​തു​ന്ന​തെ​ന്തി​നാ​ണ്? അ​തി​ന് കാ​ര​ണ​മി​താ​ണ്. ബിഹാ​റി​ലെ പോ​ലെ ചോ​ദ്യ​പേപ്പ​ർ പ​ഠി​പ്പി​ച്ചു​വി​ടു​ക​യ​ല്ല, അ​ധ്യാ​പ​ക​ർ ത​ന്നെ ഉ​ത്ത​ര​ക്ക​ട​ലാ​സു​ക​ളി​ൽ ഉ​ത്ത​രം അ​ട​യാ​ള​പ്പെ​ടു​ത്തി കൊ​ടു​ക്കു​ക​യാ​യി​രു​ന്നു ഗോ​ധ്ര​യി​ൽ. വ​ഡോ​ദ​ര​യി​ലെ റോ​യ് ഓ​വ​ർ​സീ​സ് കോ​ച്ചിങ് സെ​ന്റ​റും പ​രീ​ക്ഷ ന​ട​ന്ന ജ​യ് ജ​ൽ​റാം സ്കൂ​ളും ഉ​ൾ​പ്പെ​ട്ട ചോ​ർ​ത്ത​ലി​ൽ അ​ഞ്ച് പേ​രാ​ണ് അ​റ​സ്റ്റി​ലാ​യ​ത്. ഗോ​ധ്ര​യി​ലെ നീ​റ്റ് പ​രീ​ക്ഷാ സെ​ന്റ​റി​ലെ​ത്തി​യ പൊ​ലീ​സ് സം​ഘം തു​ഷാ​ർ ഭ​ട്ട് എ​ന്ന അ​ധ്യാ​പ​ക​നെ അ​റ​സ്റ്റ് ചെ​യ്ത​പ്പോ​ൾ അ​വ​രു​ടെ കൈ​യി​ൽ ചോ​ർ​ത്തി​യ പേ​പ്പ​ർ വാ​ങ്ങി​യ 26 വി​ദ്യാ​ർ​ഥി​ക​ളു​ടെ പ​ട്ടി​ക​യും ഏ​ഴ് ല​ക്ഷം രൂ​പ​യു​മു​ണ്ടാ​യി​രു​ന്നു.​

തു​ട​ർ​ന്ന് സ്കൂ​ൾ പ്രി​ൻ​സി​പ്പ​ൽ പു​രു​​ഷോ​ത്തം ശ​ർ​മ, ഏ​ജ​ന്റു​മാ​രാ​യ പ​ര​ശു​റാം റോ​യ്, വി​ഭോ​ർ ആ​ന​ന്ദ്, ആ​രി​ഫ് വ​ഹോ​റ എ​ന്നി​വ​രും അ​റ​സ്റ്റി​ലാ​യി. പൊ​ലീ​സി​ന് കി​ട്ടി​യ പ​ട്ടി​ക​യി​ലെ ആ​റ് വി​ദ്യാ​ർ​ഥി​ക​ൾ ഗോ​ധ്ര​യി​ലും 20 പേ​ർ തെ​ർ​മ​ലി​ലും പ​​രീ​ക്ഷ എ​ഴു​തി​യ​വ​ർ. തെ​ർ​മ​ലി​ൽ പ​രീ​ക്ഷ എ​ഴു​താ​ൻ ബിഹാ​ർ, ഝാ​ർ​ഖ​ണ്ഡ്, മ​ഹാ​രാ​ഷ്ട്ര എ​ന്നി​വി​ട​ങ്ങ​ളി​​ൽ നി​ന്നെ​ല്ലാം വി​ദ്യാ​ർ​ഥി​ക​ളെ​ത്തി​യി​ട്ടു​ണ്ട്. എ​ന്നാ​ൽ, ഈ ​വി​ദ്യാ​ർ​ഥി​ക​ളെ​യും ര​ക്ഷി​താ​ക്ക​ളെ​യും ചോ​ദ്യം ചെ​യ്യാ​ൻ പൊ​ലീ​സ് വി​ളി​ച്ചു​വെ​ങ്കി​ലും അ​വ​രാ​രും പോ​യി​ല്ല. അ​വ​ർ​ക്കാ​യി പു​തി​യ സ​മ​ൻ​സ് അ​യ​ക്കു​മെ​ന്നാ​ണ് ഗു​ജ​റാ​ത്ത് പൊ​ലീ​സ് പ​റ​യു​ന്ന​ത്. നീ​റ്റ് ചോ​ദ്യ​പേപ്പ​ർ ചോ​ർ​ത്തി വി​റ്റ​ഴി​ച്ച ബിഹാ​റി​ലെ ‘സോ​ൾ​വ​ർ ഗ്യാം​ഗി’​നെ കു​റി​ച്ചു​ള്ള അ​ന്വേ​ഷ​ണ വാ​ർ​ത്ത​ക​ൾ പു​റ​ത്തു​വ​രു​മ്പോ​ഴും ഗു​ജ​റാ​ത്തി​ലെ വി​വ​ര​ങ്ങ​ൾ പ​ല​തും പു​റ​ത്തു​വ​രു​ന്നി​ല്ല.

ആ​ദ്യ പ​രീ​ക്ഷ​യി​ൽ ആ​റ് ടോ​പ്പ​ർ​മാ​ർ

ഹ​രി​യാ​ന​യു​ടെ കാ​ര്യ​മെ​ടു​ക്കു​ക. ഝ​ജ്ജ​റി​ൽ ആ​ദ്യ​മാ​യാ​ണ് നീ​റ്റ് പ​രീ​ക്ഷ ന​ട​ക്കു​ന്ന​ത്. ഹ​ർ​ദ​യാ​ൽ പ​ബ്ലി​ക് സ്കൂ​ൾ, വി​ജ​യ സീ​നി​യ​ർ​ സെ​ക്കൻ​ഡ​റി സ്കൂ​ൾ, എ​സ്.​ആ​ർ സെ​ഞ്ച്വ​റി പ​ബ്ലി​ക് സ്കൂ​ൾ എ​ന്നി​വ​യാ​യി​രു​ന്നു പ​രീ​ക്ഷാ കേ​ന്ദ്ര​ങ്ങ​ൾ. എ​സ്.​ആ​ർ സെ​ഞ്ച്വ​റി സ്കൂ​ളി​ൽ മാ​ത്ര​മാ​ണ് പ​രീ​ക്ഷ ശ​രി​യാം​വി​ധം ന​ട​ന്ന​ത്. സാ​ധാ​ര​ണ നീ​റ്റ് പ​രീ​ക്ഷ​യി​ൽ ഒ​ന്നോ ര​ണ്ടോ വി​ദ്യാ​ർ​ഥി​ക​ൾ​ക്കേ മു​ഴു​വ​ൻ മാ​ർ​ക്ക് ല​ഭി​ക്കാ​റു​ള്ളൂ.

2021-ൽ ​മൂ​ന്ന് പേ​ർ​ക്ക് ഫു​ൾ​മാ​ർ​ക്ക് ല​ഭി​ച്ചു. എ​ന്നാ​ൽ ഇ​ത്ത​വ​ണ ഹ​ർ​ദ​യാ​ൽ പ​ബ്ലി​ക് സ്കൂ​ളി​ൽ എ​ഴു​തി​യ​വ​രി​ൽ മാ​ത്രം ആ​റ് പേ​ർ​ക്ക് മു​ഴു​വ​ൻ മാ​ർ​ക്കും ല​ഭി​ച്ചു. സ​മ​യ​ക്കു​റ​വ് കാ​ര​ണം വി​ദ്യാ​ർ​ഥി​ക​ൾ​ക്ക് ഗ്രേ​സ് മാ​ർ​ക്ക് ന​ൽ​കി​യെ​ന്ന് എ​ൻ.​ടി.​എ പ​റ​യു​മ്പോ​ൾ ഓ​ഫ്​​ലൈ​ൻ ആ​യി ന​ട​ന്ന പ​രീ​ക്ഷ​യി​ൽ എ​ത്ര കു​ട്ടി​ക​ൾ​ക്ക് ആ​വ​ശ്യ​മാ​യ സ​മ​യം ല​ഭി​ച്ചി​ല്ലെ​ന്ന് എ​ങ്ങനെ അ​റി​യാ​നാ​കും എ​ന്ന ചോ​ദ്യ​ത്തി​ന്, അ​പേ​ക്ഷ ന​ൽ​കി​യ​വ​ർ​ക്ക് ന​ൽ​കി​യെ​ന്നാ​ണ് ഉ​ത്ത​രം. ഒ​രു കേ​ന്ദ്ര​ത്തി​ലെ എ​ല്ലാ വി​ദ്യാ​ർ​ഥി​ക​ൾ​ക്കും ഒ​രു പോ​ലെ സ​മ​യം ന​ൽ​കു​മ്പോ​ൾ ചി​ല കു​ട്ടി​ക​ൾ​ക്ക് മാ​ത്രം ഗ്രേ​സ് മാ​ർ​ക്ക് ന​ൽ​കു​ന്ന​തെ​ങ്ങനെ​യെ​ന്ന ചോ​ദ്യ​ത്തി​ന് ഉ​ത്ത​ര​മി​ല്ല.

ആ​കെ​യു​ള്ള 67 നീ​റ്റ് ടോ​പ്പ​ർ​മാ​രി​ൽ ആ​റു പേ​രും ബി.​ജെ.​പി നേ​താ​വ് അ​നു​രാ​ധ യാ​ദ​വി​ന്റെ ഹ​രി​യാ​ന ബ​ഹാ​ദൂ​ർ​ഗ​ഢി​ലെ ഹ​ർ​ദ​യാ​ൽ പ​ബ്ലി​ക് സ്കൂ​ളി​ലു​ള്ള​വ​രാ​ണ്. അ​ടു​ത്ത നി​യ​മ​സ​ഭാ തെ​ര​ഞ്ഞെ​ടു​പ്പി​ൽ ബി.​ജെ.​പി സ്ഥാ​നാ​ർ​ഥി ആ​കാ​ൻ ഇ​രി​ക്കു​ക​യാ​ണ​വ​ർ. സ​മ​യ​ക്കു​റ​വ് പ​റ​ഞ്ഞ് ഹ​ർ​ദ​യാ​ൽ പ​ബ്ലി​ക് സ്കൂ​ളി​ൽ പ​രീ​ക്ഷ എ​ഴു​തി​യ​വ​ർ​ക്ക് കൊ​ടു​ത്ത ഗ്രേ​സ് മാ​ർ​ക്ക് ദേ​ശീ​യ പ​രീ​ക്ഷാ ഏ​ജ​ൻ​സി, അ​തേ സ​മ​യ​ക്കു​റ​വ് അ​നു​ഭ​വി​ച്ച തൊ​ട്ട​പ്പു​റ​ത്തു​ള്ള വി​ജ​യാ സീ​നിയ​ർ സെ​ക്കൻ​ഡ​റി സ്കൂ​ളി​ന് ന​ൽ​കി​യി​ല്ല. പ​രീ​ക്ഷാ​കേ​ന്ദ്ര​ങ്ങ​ളി​ൽ ര​ണ്ട് സെ​റ്റ് ചോ​ദ്യ​പേ​പ്പ​റു​ക​ൾ ന​ൽ​കാ​റു​ണ്ട്.

ഒ​രു സെ​റ്റ് ചോ​ദ്യ​പേ​പ്പ​ർ ചോ​ർ​ന്നു​വെ​ന്ന് അ​റി​ഞ്ഞാ​ൽ ഉ​പ​യോ​ഗി​ക്കാ​നു​ള്ള​താ​ണ് മ​റ്റൊ​രു സെ​റ്റ്. എ​ന്നാ​ൽ, ഹ​ർ​ദ​യാ​ൽ പ​ബ്ലി​ക് സ്കൂ​ളി​ലും വി​ജ​യ സീ​നി​യ​ർ​ സെ​ക്കൻ​ഡ​റി സ്കൂ​ളി​ലും ഈ ​ര​ണ്ട് സെ​റ്റ് ചോ​ദ്യ​പേ​പ്പ​റു​ക​ളും പൊ​ട്ടി​ച്ച് പ​രീ​ക്ഷ​ക്ക് ന​ൽ​കി. ബി.​ജെ.​പി ഒ​റ്റ​ക്കും സ​ഖ്യ​ത്തി​ലും ഭ​രി​ക്കു​ന്ന ബിഹാ​റി​ലും ഗു​ജ​റാ​ത്തി​ലും ഹ​രി​യാ​ന​യി​ലു​മാ​യി ന​ട​ന്ന നീ​റ്റ് അ​ഴി​മ​തി​യു​ടെ ബിഹാ​റി​ലെ ഒ​ര​റ്റം മാ​ത്ര​മേ പു​റ​ത്തു​വ​ന്നു​ള്ളൂ. ഗു​ജ​റാ​ത്തി​ലെ​യും ഹ​രി​യാ​ന​യി​ലെ​യും അ​​ന്വേ​ഷ​ണ​ങ്ങ​ളെക്കുറി​ച്ചു​ള്ള വി​വ​ര​ങ്ങ​ൾ ച​ർ​ച്ച ചെ​യ്യു​ന്നി​ല്ല.