ന​ന്മ​ക​ളെ ആ​ഘോ​ഷ​മാ​ക്കി​യ മ​നു​ഷ്യ​സ്നേ​ഹി

മനുഷ്യസ്നേഹം എന്ന ഗുണത്തിന്റെ പര്യായമായിരുന്നു കെ.വി. മുഹമ്മദ്‌ സക്കീറിന്റെ ജീവിതം. അദ്ദേഹതത്തി​ന്റെ വിയോഗം ജീവകാരുണ്യ -സമുദായ സൗഹാർദ മേഖലക്ക് വരുത്തുന്ന നഷ്ടം നികത്താൻ നാം ഏവരും ഒരുമിച്ച് പ്രയത്നിക്കേണ്ടതുണ്ട് 

ന​ന്മ​നി​റ​ഞ്ഞ കേ​ര​ള​ത്തി​നാ​യി പ്ര​വ​ർ​ത്തി​ച്ച ക​ർ​മ​യോ​ഗി​യാ​ണ് ഞാ​യ​റാ​ഴ്ച വി​ട​പ​റ​ഞ്ഞ കെ.​വി. മുഹമ്മദ് സ​ക്കീ​ർ എ​ന്ന സ​ക്കീ​ർ​ക്ക. മി​ക​വു​റ്റ​രീ​തി​യി​ൽ വ്യ​വ​സാ​യ​ങ്ങ​ൾ ന​ട​ത്തു​ന്ന​തി​ലേ​റെ അ​ദ്ദേ​ഹം പ്രാ​മു​ഖ്യം​ന​ൽ​കി​യ​ത് നാ​ട്ടി​ൽ സൗ​ഹൃ​ദ​വും സാ​ഹോ​ദ​ര്യ​വും ഉ​റ​പ്പു​വ​രു​ത്തു​ന്ന​തി​നാ​യി​രു​ന്നു.

വാ​ക്കി​ലും പ്ര​വൃ​ത്തി​യി​ലും ചി​ന്ത​യി​ലും നി​ര​ന്ത​ര​മാ​യി പ​രി​ശ്ര​മി​ച്ച​ത് അ​തി​നു​വേ​ണ്ടി​യാ​യി​രു​ന്നു. അ​രി​കു​വ​ത്​​കൃ​ത​രേ​യും പാ​വ​പ്പെ​ട്ട​വ​രെ​യും അ​തി​ർ​വ​ര​മ്പു​ക​ളി​ല്ലാ​തെ സ​ഹാ​യി​ക്കാ​ൻ ഒ​രി​ക്ക​ലും പി​ശു​ക്കു​കാ​ണി​ച്ചി​ല്ല. സ​മൂ​ഹം അ​ക​റ്റി​നി​ർ​ത്തു​ന്ന ജ​യി​ൽ അ​ന്തേ​വാ​സി​ക​ൾ ഉ​ൾ​പ്പെ​ടെ ഒ​റ്റ​പ്പെ​ട്ട ഏ​തൊ​രു വി​ഭാ​ഗ​ത്തി​ലെ മ​നു​ഷ്യ​ർ​ക്കും ആ ​സ്നേ​ഹ​ത്തി​ന്റെ പ​ങ്ക് ല​ഭി​ച്ചു.

പ്ര​യാ​സ​ങ്ങ​ളി​ല്ലാ​ത്ത ആ​രോ​ഗ്യ, വി​ദ്യാ​ഭ്യാ​സ മേ​ഖ​ല​ക​ളി​ൽ കു​തി​പ്പ് ന​ട​ത്തു​ന്ന സ​മൂ​ഹ​മാ​യി​രു​ന്നു അ​ദ്ദേ​ഹ​ത്തി​​ന്റെ ല​ക്ഷ്യം. ധ്രു​വീ​ക​ര​ണ​ചി​ന്ത​ക​ൾ ഇ​ല്ലാ​താ​ക്കാ​നും പ​ര​സ്പ​രം അ​റി​യാ​നും അ​റി​യി​ക്കാ​നും തൃ​ശൂ​രി​ൽ സൗ​ഹൃ​ദ​വേ​ദി​​ക്ക് രൂ​പം​ന​ൽ​കി​യ​പ്പോ​ൾ സ്ഥാ​പ​ക​ചെ​യ​ർ​മാ​നാ​യ​ത്​ അദ്ദേഹമാണ്.

വി​വി​ധ ആ​ഘോ​ഷ​വേ​ള​ക​ളി​ൽ പ​ര​സ്​​പ​ര സ്​​​നേ​ഹ​ത്തി​ന്റെ പ്ര​തീ​ക​മാ​യി സ്​​നേ​​ഹോ​പ​ഹാ​ര​വു​മാ​യി എ​ന്നും അ​ദ്ദേ​ഹം മു​ന്നി​ലു​ണ്ടാ​യി​രു​ന്നു. കൊ​ച്ചി​ൻ ദേ​വ​സ്വം ബോ​ർ​ഡ്​ ഭാ​ര​വാ​ഹി​ക​ളു​മാ​യും ആ​ർ​ച്ച്​ ബി​ഷ​പ്പും സ​ഹ​കാ​രി​ക​ളു​മാ​യും ഊ​ട്ടി​യു​റ​പ്പി​ച്ച ബ​ന്ധം അ​വ​സാ​ന​നാ​ളു​വ​രെ കാ​ത്തു​സൂ​ക്ഷി​ക്കാ​നാ​യി.

മ​ദ്യ​വി​പ​ത്തി​നും പ​ലി​ശ​യു​ൾ​പ്പെ​ടെ സാ​മ്പ​ത്തി​ക​ചൂ​ഷ​ണ​ങ്ങ​ൾ​ക്കും എ​തി​രെ മു​ന്നി​ൽ​നി​ന്ന് പ്ര​വ​ർ​ത്തി​ക്കാ​നും അ​ദ്ദേ​ഹ​ത്തി​നാ​യി. അ​ഗ​തി​ക​ൾ​ക്കും അ​നാ​ഥ​ക​ൾ​ക്കും ജാ​തി​മ​ത പ​രി​ഗ​ണ​ന​ക​ളി​ല്ലാ​തെ പ​രി​ലാ​ള​ന ന​ൽ​കാ​നും മു​ന്നി​ലു​ണ്ടാ​യി. കാ​ള​ത്തോ​ട്​ ത​ണ​ൽ, വ​ര​ന്ത​ര​പ്പി​ള്ളി ദ​യ റി​ഹാ​ബി​ലി​റ്റേ​ഷ​ൻ സെ​ൻ​റ​ർ തു​ട​ങ്ങി​യ അ​നാ​ഥ-​അ​ഗ​തി മ​ന്ദി​ര​ങ്ങ​ൾ​ക്ക്​ അ​ദ്ദേ​ഹ​ത്തി​​ന്റെ നി​ർ​ലോ​ഭ പി​ന്തു​ണ​യാ​ണ്​ ല​ഭി​ച്ച​ത്. വി​ദ്യാ​ഭ്യാ​സ​മേ​ഖ​ല​യി​ലും അ​ദ്ദേ​ഹം വ്യ​ക്തി​മു​ദ്ര​പ​തി​പ്പി​ച്ചു.

പെ​രു​മ്പി​ലാ​വ്​ അ​ൻ​സാ​ർ, കൊ​ടു​ങ്ങ​ല്ലൂ​ർ എം.​ഐ.​ടി അ​ട​ക്കം സ്ഥാ​പ​ന​ങ്ങ​ളു​ടെ ഉ​യ​ർ​ച്ച​ക്ക് ആ​വു​ന്ന​തെ​ല്ലാം ചെ​യ്തു. മെ​ഡി​ക്ക​ൽ, എ​ൻ​ജി​നീ​യ​റി​ങ്​ പ്ര​വേ​ശ​ന​പ​രീ​ക്ഷ പ​രി​ശീ​ല​ന കേ​ന്ദ്ര​ങ്ങ​ളു​ടെ ഈ​റ്റി​ല്ല​മാ​യി​രു​ന്ന തൃ​ശൂ​രി​ൽ പു​റം​നാ​ടു​ക​ളി​ൽ നി​ന്നെ​ത്തു​ന്ന കു​ട്ടി​ക​ൾ​ക്ക് ആ​വ​ശ്യ​മാ​യ സൗ​ക​ര്യ​ങ്ങ​ളും റ​മ​ദാ​നി​ൽ ഭ​ക്ഷ​ണ​വു​മെ​ത്തി​ക്കാ​ൻ മു​ന്നി​ൽ നി​ന്നു.

സാ​മു​ദാ​യി​ക ഐ​ക്യ​ത്തി​നാ​യി മു​ന്നി​ൽ​നി​ന്ന്​ പ്ര​വ​ർ​ത്തി​ക്കാ​നും അ​ദ്ദേ​ഹ​ത്തി​നാ​യി. മാ​സ​പ്പി​റ​വി ഏ​കീ​ക​ര​ണം തു​ട​ങ്ങി വി​വി​ധ പ്ര​ശ്​​ന​ങ്ങ​ളി​ൽ സ​മു​ദാ​യ ഐ​ക്യ​ത്തി​ന്​ കോ​ട്ടം​ത​ട്ടാ​ത്ത പൊ​തു​നി​ല​പാ​ട്​ സാ​ധ്യ​മാ​ക്കാ​നും ക​ഴി​ഞ്ഞു. മു​ജാ​ഹി​ദ്​ പ്ര​സ്ഥാ​ന​ത്തെ ഒ​ന്നി​പ്പി​ക്കു​ന്ന ദൗ​ത്യ​നി​ർ​വ​ഹണ​ത്തി​ലും നേ​തൃ​പ​ര​മാ​യ പ​ങ്കു​വ​ഹി​ച്ചു. ശി​ഹാ​ബ് ത​ങ്ങ​ളു​മാ​യും എ.​പി. അ​ബൂ​ബ​ക്ക​ർ ഉ​സ്​​താ​ദു​മാ​യും ഹൃ​ദ്യ​മാ​യ ആ​ത്മ​ബ​ന്ധം കാ​ത്തു​സൂ​ക്ഷി​ച്ചു.

മു​തി​ർ​ന്ന​വ​രെ​യും യു​വാ​ക്ക​ളെ​യും കു​ട്ടി​ക​ളെ​യും എ​ല്ലാം ത​​ന്റെ സൗ​ഹൃ​ദ​വ​ല​യ​ത്തി​ല​ലി​യി​ക്കാ​ൻ അ​ദ്ദേ​ഹ​ത്തി​ന്​ ക​ഴി​ഞ്ഞി​രു​ന്നു. എ​നി​ക്ക്​ സ​ഹോ​ദ​ര​തു​ല്യ​നും സ​ഹ​യാ​ത്രി​ക​നു​മാ​യി​രു​ന്നു സ​ക്കീ​ർ​ക്ക. യാ​ത്ര​ക​ളെ ഇ​ഷ്ട​പ്പെ​ട്ടി​രു​ന്ന അ​ദ്ദേ​ഹ​ത്തോ​ടൊ​ത്തു​ള്ള യാ​ത്ര​ക​ൾ പ്ര​ത്യേ​ക അ​നു​ഭ​വ​മാ​യി​രു​ന്നു. അ​ത്ത​ര​ത്തി​ലെ ഒ​രു ദു​ബൈ യാ​ത്ര​യി​ലെ ച​ർ​ച്ച​യി​ൽ​നി​ന്നാ​ണ് സി​റ്റി സെ​

ൻ​റ​ർ എ​ന്ന ആ​ശ​യം ഉ​ട​ലെ​ടു​ത്ത​തും തൃ​ശൂ​രി​ൽ അ​ത് യാ​ഥാ​ർ​ഥ്യ​മാ​ക്കി​യ​തും. ആ​ശ​യ​ങ്ങ​ളു​ടെ ക​ല​വ​റ​യാ​യി​രു​ന്ന അ​ദ്ദേ​ഹം ച​ർ​ച്ച​ക​ളി​ൽ ഏ​റ്റ​വും വി​നീ​ത​മാ​യ അ​ഭി​പ്രാ​യ​ങ്ങ​ളെ​യും തി​ക​ഞ്ഞ ബ​ഹു​മാ​ന​ത്തോ​ടെ സ്വീ​ക​രി​ച്ചു. വാ​ദ​പ്ര​തി​വാ​ദ​ങ്ങ​ളി​ൽ അ​ദ്ദേ​ഹം സൗ​മ്യ​ത​യാ​ർ​ന്ന നി​ല​പാ​ട് കൈ​ക്കൊ​ണ്ടു.

സാ​മൂ​ഹി​ക-​സാ​മു​ദാ​യി​ക ഐ​ക്യം, വി​ദ്യാ​ഭ്യാ​സ പ്ര​യ​ത്ന​ങ്ങ​ൾ എ​ന്നി​വ​യി​ലെ​ല്ലാം ഒ​ട്ടേ​റെ മാ​തൃ​ക​ക​ളും അ​തി​ലേ​റെ ഉ​ത്ത​ര​വാ​ദി​ത്ത​ങ്ങ​ളും കൈ​മാ​റി​യാ​ണ് അ​ദ്ദേ​ഹം വി​ട​പ​റ​ഞ്ഞി​രി​ക്കു​ന്ന​ത്. അ​വ​യെ ഉ​യ​ർ​ത്തി​പ്പി​ടി​ക്കു​ക നാം.