ഇ.​പി ഹാ​പ്പി

ക​ണ്ണൂ​ർ ലോ​ബി​യി​ൽ കലഹംമൂ​ത്ത​പ്പോ​ൾ, അ​ത് ല​ക്ഷ​ണ​മൊ​ത്തൊ​രു രാ​ഷ്ട്രീ​യനാ​ട​ക​മാ​യി. അ​ണി​ക​ളും വ​ർ​ഗശ​ത്രു​ക്ക​ളും സി​ൻ​ഡി​ക്കേ​റ്റ് മാ​ധ്യ​മ​ങ്ങ​ളു​മെ​ല്ലാം ന​ന്നാ​യി ആ​ഘോ​ഷി​ച്ചു. പാ​ർ​ട്ടി​യു​ടെ ക​ണ്ണൂ​ർകോ​ട്ട കാ​ക്കു​ന്ന ജ​യ​രാ​ജ​ന്മാ​ർ സ്വ​തവേ ‘ക​ല​ഹപ്രി​യ’​രാ​​ണ്. പ്ര​തി​യോ​ഗി​ക​ൾ ആ​രാ​യി​രു​ന്നാ​ലും അ​വ​ർ​ക്കു​നേ​രെ ഒ​രു ‘മേ​ഴ്സി’​യും കാ​ണി​ക്കാ​തെ പാ​ഞ്ഞ​ടു​ക്കാ​ൻമ​ടി​യി​ല്ലാ​ത്ത​വ​ർ. പ​ക്ഷേ, ഇ​ന്നേവ​രേ പ​ര​സ്പ​രം ഏ​റ്റു​മു​ട്ടേ​ണ്ടിവ​ന്നി​ട്ടി​ല്ല. ജ​യ​രാ​ജസ​ഖാ​ക്ക​ൾ ഇ.​പി​യും പി​യും പ​ര​സ്പ​രം ഇ​ങ്ങ​നെ പോ​ര​ടി​ക്കു​മെ​ന്ന് ആ​രും കിനാവിൽപോലും കണ്ടതല്ല. കോ​ട്ട​യു​ടെ സ​ർ​വ​സൈ​ന്യാ​ധി​പ​ൻ സ​ഖാ​വ് കോ​ടി​യേ​രി വി​ട​പ​റ​ഞ്ഞ​തോ​ടെ അ​തും സം​ഭ​വി​ച്ചു​വെ​ന്നാ​ണ് അ​ണി​ക​ളു​ടെ സ​ങ്ക​ടം. പോ​രി​ന്റെ തു​ട​ക്ക​ത്തി​ലേ ഇ.​പി പ്ര​തി​ക്കൂ​ട്ടി​ലാ​യി; ആ​രോ​പ​ണം ചി​ല്ല​റ​യ​ല്ല​: ഒ​രുമാ​തി​രി ബൂ​ർ​ഷ്വാ​​യെ​പ്പോ​ലെ ഇ.​പി​യും കു​ടും​ബ​വും റി​സോ​ർ​ട്ട് ക​ച്ച​വ​ട​ത്തി​ൽ അ​ഭി​ര​മി​ക്കു​ന്നു​വെ​ന്ന​ല്ലേ വി​ശ്വ​സ്തസ​ഖാ​വ് ഉ​ന്ന​യി​ച്ചത്. അ​തോ​ടെ നാ​ട​കം ക​ത്തി​ക്ക​യ​റി. സം​സ്ഥാ​ന ക​മ്മി​റ്റി​യി​ലാ​യി​രു​ന്നു ആ​ദ്യ അ​ര​ങ്ങ്. പോ​യി​പ്പോ​യി, അ​ത് പോ​ളി​റ്റ് ബ്യൂ​റോ​യി​ലെ​ത്തി​യ​പ്പോ​ഴേ​ക്കും ഇ.​പി​യു​ടെ കാ​ര്യം തീ​രു​മാ​ന​മാ​യെ​ന്ന് വി​ധി​യെ​ഴു​തി സ​ർ​വമാ​ധ്യ​മ​ങ്ങ​ളും. അ​വ​ധി​യി​ൽ ക​ഴി​യു​ന്ന ഇ.​പി​ക്ക് പു​റ​ത്തേ​ക്ക് വ​ഴി​യൊ​രു​ങ്ങി​യെ​ന്നു​വ​രെ നി​രീ​ക്ഷി​ച്ച​വ​രു​ണ്ട്. പ​ക്ഷേ, ഇ​ത് പാ​ർ​ട്ടി വേ​റെ​യാ​​ണെ​ന്ന് ഒ​രി​ക്ക​ൽക്കൂ​ടി സി.​പി.​എം തെ​ളി​യി​ച്ചു. വി​ഷ​യം സം​സ്ഥാ​ന സെ​​ക്ര​ട്ടേ​റി​യ​റ്റി​ൽ ച​ർ​ച്ച​ക്കു​വെ​ച്ച​ശേ​ഷം ഇ.​പിയെ വി​ശു​ദ്ധ​നാ​യി പ്ര​ഖ്യാ​പി​ക്കാ​നാ​യി​രു​ന്നു തീ​രു​മാ​നം. പ​തി​വു​പോ​ലെ, ഭ​ര​തവാ​ക്യ​ത്തി​ൽ മാ​ധ്യ​മ​ങ്ങ​ളെ നാ​ലു ചീ​ത്ത​വി​ളി​ക്കാ​നും മ​റ​ന്നി​ല്ല. ഇ.​പി​യും ഹാ​പ്പി; പാ​ർ​ട്ടി​യും ഹാ​പ്പി!

ബൂ​ർ​ഷ്വാ, കാ​പി​റ്റ​ലി​സ്റ്റ് ലോ​ക​ത്ത് പ്ര​വ​ർ​ത്തി​ക്കു​ന്ന പാ​ർ​ട്ടി​യാ​ണ്; അ​പ്പോ​ൾ അം​ഗ​ങ്ങ​ൾ​ക്കും അ​തു​വ​ഴി ചി​ല​പ്പോ​ൾ പാ​ർ​ട്ടി​ക്കു​ത​ന്നെ​യും വീ​ഴ്ചസം​ഭ​വി​ക്കു​ക സ്വാ​ഭാ​വി​കം. തെ​റ്റുപ​റ്റി​യാ​ൽ തി​രു​ത്തു​ക​യാ​ണ് ക​ര​ണീ​യം. ഉ​ൾ​പാ​ർ​ട്ടി ജ​നാ​ധി​പ​ത്യം ശ​ക്തിസ്രോ​ത​സ്സാ​യി സ്വീ​ക​രി​ച്ച ​പാ​ർ​ട്ടി​യി​ൽ തെ​റ്റു​തി​രു​ത്താ​ൻ സ​വി​ശേ​ഷ സം​വി​ധാ​ന​വു​മു​ണ്ട്. അ​താ​ണ് ക​മ്യൂണി​സ്റ്റ് പാ​ർ​ട്ടി​യു​ടെ ക​രു​ത്ത്. നി​ശ്ചി​ത ഇ​ട​വേ​ള​ക​ളി​ൽ ആ ​സം​വി​ധാ​നം ​പ്ര​വ​ർ​ത്തി​ക്കും. അ​ങ്ങ​നെ​യൊ​രു പ​രി​പാ​ടി​യാ​യി​രു​ന്നു ക​ഴി​ഞ്ഞ​യാ​ഴ്ച സം​സ്ഥാ​ന ക​മ്മി​റ്റി​യി​ൽ ന​ട​ന്ന​ത്. തെ​റ്റു​തി​രു​ത്ത​ൽരേ​ഖ പാ​ർ​ട്ടി ഐ​ക​ക​ണ്ഠ്യേ​ന അം​ഗീ​ക​രി​ച്ചു. അ​തു​ക​ഴി​ഞ്ഞ​പ്പോ​ഴാ​ണ് സ​ഖാ​വ് പി.​ ജ​യ​രാ​ജ​ൻ ചി​ല ക്ര​മ​പ്ര​ശ്ന​ങ്ങ​ൾ ഉ​ന്ന​യി​ച്ച​ത്. തെ​റ്റു​തി​രു​ത്തി​യെ​ന്ന് വെ​റു​തെ​യ​ങ്ങ് പ​റ​ഞ്ഞാ​ൽ പോ​രാ; അ​തേ​റ്റ് പ​റ​യു​ക​യും വേ​ണം. തെ​റ്റു​തി​രു​ത്താ​നു​ള്ള ഉ​ൾ​പാ​ർ​ട്ടി സ​മ​ര​ത്തി​ന്റെ ഭാ​ഗ​മാ​ണ​ത്. പാ​ർ​ട്ടി​യു​ടെ വി​പ്ല​വ ആ​ത്മ​ശു​ദ്ധി നി​ല​നി​ർ​ത്താ​ൻ അ​ത് അ​ത്യാ​വ​ശ്യ​വു​മാ​ണ്. അ​തു​കൊ​ണ്ടാ​ണ്, കേ​ന്ദ്ര ക​മ്മി​റ്റി ​അം​ഗ​വും മു​ന്ന​ണി ക​ൺ​വീ​ന​റു​മാ​യ ഇ.​പി ചെ​യ്തു​കൊ​ണ്ടി​രി​ക്കു​ന്നൊ​രു വ​ലി​യ തെ​റ്റ് അ​ദ്ദേ​ഹ​ത്തി​ന്റെ അ​ഭാ​വ​ത്തി​ൽ ‘ഏ​റ്റൂ’ പ​റ​യാ​ൻ അ​ദ്ദേ​ഹം എ​ണീ​റ്റ​ത്.

അ​ന​ധി​കൃ​ത​മാ​യി പ​ണം സ​മ്പാ​ദി​ച്ച് ഇ.​പി, ക​ണ്ണൂ​രി​ൽ റി​സോ​ർ​ട്ടും ആ​യു​ർ​വേ​ദ വി​ല്ലേ​ജു​മൊ​ക്കെ സ്ഥാ​പി​ച്ചു​വെ​ന്നാ​ണ് ജ​യ​രാ​ജന്റെ പ​രാ​തി. ചി​ല്ല​റ ആ​രോ​പ​ണ​മ​ല്ലി​ത്. സ്വാ​ഭാ​വി​ക​മാ​യും അ​ന്വേ​ഷ​ണം ഉ​റ​പ്പ്. പാ​ർ​ട്ടി​യു​ടെ ഉ​റ​പ്പ് വ​രുംമു​മ്പേ, മാ​ധ്യ​മ​ങ്ങ​ൾ അ​തു​വ​ഴി പോ​യി​നോ​ക്കി. സം​ഗ​തി ശ​രി​യാ​ണ്. പാ​ർ​ട്ടി​യു​ടെ ഈ​റ്റി​ല്ല​മാ​യ ആ​ന്തൂ​ർ ന​ഗ​ര​സ​ഭ പ​രി​ധി​യി​ലു​ള്ള വെ​ള്ളി​ക്കീ​ൽ പു​ഴ​യോ​ടുചേ​ർ​ന്ന ഉ​ടു​പ്പ​ക്കു​ന്ന് നി​ര​ത്തി ‘വൈ​ദേ​കം’ എ​ന്ന പേ​രി​ൽ ഗം​ഭീ​ര​മൊ​രു റി​സോ​ർ​ട്ട് സ​ഖാ​വ് പ​ണിക​ഴി​പ്പി​ച്ചി​ട്ടു​ണ്ട്; ഭാ​ര്യ​യേ​യും മ​ക​നെ​യും അ​തി​ന്റെ ഡ​യ​റ​ക്ട​ർ സ്ഥാ​ന​ത്ത് ഇ​രു​ത്തി​യി​ട്ടു​മു​ണ്ട്. വേ​ണ​മെ​ങ്കി​ൽ, ഇ.​പി​ക്ക് ഈ ​സാ​​​ങ്കേ​തി​കം പ​റ​ഞ്ഞ് ഒ​ഴി​യാം. റി​സോ​ർ​ട്ട് ഭാ​ര്യ​യു​ടെ​യും മ​ക​ന്റെ​തു​മാ​ണെ​ന്ന്. പ​ക്ഷേ, മൗ​ന​മാ​യി​രു​ന്നു മ​റു​പ​ടി. പി. ​ജ​യ​രാ​ജ​ൻ ജി​ല്ല സെ​ക്ര​ട്ട​റി​യാ​യി​രു​ന്ന​പ്പോ​ൾ പ​ണി​ക​ഴി​പ്പി​ച്ച റി​സോ​ർ​ട്ടാ​ണി​ത്; അ​ന്ന് പ​രി​ഷ​ത്ത് അ​ട​ക്കം റി​സോ​ർ​ട്ടി​നെ​തി​രെ പാ​ർ​ട്ടി​ക്ക് പ​രാ​തി പ​റ​ഞ്ഞി​രു​ന്നു. അ​ന്ന് പ​രാ​തി പ​റ​ഞ്ഞ​വ​രെ പു​റ​ത്താ​ക്കി​യാ​ണ് ജ​യ​രാ​ജ​ൻ വി​ഷ​യം പ​രി​ഹ​രി​ച്ച​ത്. അ​പ്പോ​ൾ​പി​ന്നെ ജ​യ​രാ​ജ​ൻ ഇ​പ്പോ​ൾ ഇ.​പി​ക്കെ​തി​രെ ഉ​റ​ഞ്ഞു​തു​ള്ളു​ന്ന​തി​ന്റെ കാ​ര​ണ​മെ​ന്താ​യി​രി​ക്കും?

രാ​ഷ്ട്രീ​യപ​ണ്ഡി​റ്റു​ക​ൾക്ക്​ പലതാണ്​ ഉത്തരങ്ങൾ. ജ​യ​രാ​ജക​ല​ഹ​ത്തോ​ടെ ഉ​ൾ​പാ​ർ​ട്ടി ത​ർ​ക്ക​മ​ല്ല, പാ​ർ​ട്ടി​ക്കു​ള്ളി​ലെ പു​തി​യ വി​ഭാ​ഗീ​യ​ത​യാ​ണ് തു​റ​ന്നു​കാ​ണി​ക്ക​പ്പെ​ട്ട​ത് എ​ന്നാ​ണ് അ​തി​ലൊ​ന്ന്. സാ​മാ​ന്യ​യു​ക്തിയിൽ അ​ത് ശ​രി​യാ​ണ്. ഇ.​പി​ക്കെ​തി​രെ പ​രാ​തി ഉ​ന്ന​യി​ക്ക​പ്പെ​ട്ട​തി​ന്റെ തൊ​ട്ട​ടു​ത്ത നി​മി​ഷം പി.​ ജ​യ​രാ​ജ​നെ​തി​രെ​യും പ​രാ​തിപ്ര​വാ​ഹ​മു​ണ്ടാ​യി. തെ​ര​ഞ്ഞെ​ടു​പ്പ് ഫ​ണ്ട് വി​വാ​ദ​മട​ക്കം ഇ.​പി ഫാ​ൻ​സ് വ​ലി​ച്ചി​ട്ടു; ഒ​പ്പം, ജ​യ​രാ​ജ​ന് നാ​ട്ടി​ലെ ക്വ​ട്ടേ​ഷ​ൻ സം​ഘ​വു​മാ​യു​ള്ള ബ​ന്ധ​വും പു​റ​ത്തി​ട്ടു. പാ​ർ​ട്ടി സെ​ക്ര​ട്ട​റി ഗോ​വി​ന്ദ​ൻ മാഷുമുണ്ട്​ കഥയിൽ. കേ​ന്ദ്ര ക​മ്മി​റ്റി അം​ഗ​മാ​യ ത​ന്നെ നോ​ക്കു​കു​ത്തി​യാ​ക്കി, മാ​സ്റ്റ​റെ പി.​ബി​യി​ലേ​ക്ക് പ​റ​ഞ്ഞ​യ​ച്ച​തി​ൽ ഇ.​പി​ക്ക് ക​ടു​ത്ത നി​രാ​ശ​യു​ണ്ട​​ത്രെ. അ​തു​കൊ​ണ്ടാ​ണ്, ഇ​പ്പോ​ൾ ലീ​വ് എ​ടു​ത്ത് വീ​ട്ടി​ലി​രി​ക്കു​ന്ന​ത്. ഈ ​പി​ണ​ക്കം മാ​റ്റാ​ൻ ജ​യ​രാ​ജ​നെ ഉ​പ​യോ​ഗി​ച്ച് നേ​തൃ​ത്വം ക​ളി​ച്ച ക​ളി​യാ​ണീ നാ​ട​ക​മെ​ന്നും പ​റ​ഞ്ഞുകേ​ൾ​ക്കു​ന്നു. അ​തെ​ന്താ​യാ​ലും, ഈ ​നാ​ട​ക​ത്തി​ൽ പി​ണ​റാ​യിസ​ഖാ​വ് ചെ​റി​യ വേ​ഷം മാ​ത്ര​മാ​ണ് കെ​ട്ടി​യാ​ടി​യ​ത്. അ​​തെ​ന്തേ സ​ഖാ​വേ എ​ന്ന് ഇ​ന്ദ്ര​പ്ര​സ്ഥ​ത്തി​ലെ മാ​ധ്യ​മപ്ര​വ​ർ​ത്ത​ക​ർ ചോ​ദി​ച്ച​പ്പോ​ൾ ‘വ​ല്ലാ​ത്ത ത​ണു​പ്പാ​ണെ’​ന്നാ​യി​രു​ന്നു മ​റു​പ​ടി. ഏ​താ​യാ​ലും നാ​ട​കാ​ന്ത്യം ശു​ഭം എ​ന്നുത​ന്നെ പ​റ​യ​ണം. വ​ലി​യ അ​ന്വേ​ഷ​ണ​മൊ​ക്കെ ​ന​ട​ക്കേ​ണ്ട വി​ഷ​യ​മാ​ണ്; പ്ര​തി​പ​ക്ഷം കേ​ന്ദ്രസം​ഘ​ത്തെ കൊ​ണ്ടു​വ​ര​​​ണ​മെ​ന്നുവ​രെ ആ​വ​ശ്യ​പ്പെ​ട്ട​താ​ണ്. ഒ​ന്നും സം​ഭ​വി​ച്ചി​ല്ല. സം​സ്ഥാ​നസ​മി​തി​യി​ൽ തു​ട​ങ്ങി​യ ക​ലാ​പം അ​വി​ടെ​ത​ന്നെ തീ​ർ​ക്ക​ട്ടെ​യെ​ന്ന് പാ​ർ​ട്ടി​ക്കോ​ട​തി വി​ധി​ച്ചി​രി​ക്കു​ന്നു.

അ​ല്ലെ​ങ്കി​ലും, ഇ.​പി​യു​ടെ കാ​ര്യം മൊ​ത്തം ഇ​ങ്ങ​നെ​യാ​ണ്. എ​ല്ലാം കൈ​വി​ട്ടു​വെ​ന്ന് ക​രു​തു​മ്പോ​ഴാ​യി​രി​ക്കും ഉ​ജ്ജ്വ​ല​മാ​യ തി​രി​ച്ചു​വ​ര​വു​ക​ൾ. 25 വ​ർ​ഷം മു​മ്പ് രാ​ഷ്ട്രീ​യപ്ര​തി​യോ​ഗി​ക​ൾ ട്രെ​യി​നി​ൽ​വെ​ച്ച് വെ​ടി​വെ​ച്ചി​ട്ടപ്പോൾ എ​​​ല്ലാം അ​​​വ​​​സാ​​​നി​​​ച്ചു​​​വെ​​​ന്ന്​ ക​​​രു​​​തി​​​യ​​​താ​​​ണ്. സ​​​ർ​​​വ​​​രെ​​​യും അ​​​ത്ഭു​​ത​​​പ്പെ​​​ടു​​​ത്തി ജീ​​​വി​​​ത​​​ത്തി​​​ലേ​​​ക്ക്​ തി​​​രി​​​ച്ചു​​​വ​​​ന്നു; കൂ​​​ടു​​​ത​​​ൽ ശ​​​ക്തി​​​യോ​​​ടെ രാ​​​ഷ്​​​​ട്രീ​​​യ​​ഭൂ​​​മി​​​ക​​​യി​​​ൽ നി​​​ല​​​യു​​​റ​​​പ്പി​​​ച്ചു. അ​​​ന്ന്​ ക​​​ഴു​​​ത്തി​​​ൽ ത​​​റ​​​ച്ച വെ​​​ടി​​​യു​​​ണ്ട ഇ​​​പ്പോ​​​ഴും അ​​​വി​​​ടെ​​​യു​​​ണ്ട്. അ​​​തും​​​വെ​​​ച്ചാ​​​ണ്​ തൊ​​​ണ്ട ​പൊ​​​ട്ടി വ​ർ​ഗ​ശ​ത്രു​ക്ക​ൾ​ക്ക് മു​​​ന്നി​​​ൽ പ​​​ത​​​റാ​​​തെ പൊ​​​രു​​​തു​​​ന്ന​​​ത്. അ​​​തു​​​കൊ​​​ണ്ടു​​​ത​​​ന്നെ, മ​​​ര​​​ണ​​​ക്ക​​​യ​​​ത്തി​​​ൽ​​​നി​​​ന്ന്​ ഉ​​​യി​​​ർ​​​ത്തെ​​​ഴു​​​ന്നേ​​​റ്റ ച​​​രി​​​ത്ര​​​മു​​​ള്ള സ​​​ഖാ​വി​ന് ഇ​പ്പോ​ഴ​ത്തെ നാ​ട​ക​മൊ​ക്കെ നി​സ്സാ​രം. മാ​ത്ര​വു​മ​ല്ല, രാ​ഷ്ട്രീ​യ ജാ​ത​കപ്ര​കാ​രം ര​ണ്ടാം വ​ര​വി​ലാ​ണ് എ​ല്ലായ്​പോഴും ശോ​ഭി​ച്ചി​ട്ടു​ള്ള​ത്. വി.​എ​സ് മു​ഖ്യ​മ​ന്ത്രി​യാ​യി​രു​ന്ന കാ​ല​ത്ത് ‘ദേ​ശാ​ഭി​മാ​നി​’യി​ൽ​നി​ന്ന് പു​റ​ത്താ​ക്ക​പ്പെ​ട്ട​പ്പോ​ഴും ഒ​ന്നാം പി​ണ​റാ​യിസ​ർ​ക്കാ​റി​ന്റെ കാ​ല​ത്ത് ബ​ന്ധു​നി​യ​മ​ന വി​വാ​ദ​ത്തി​ൽ രാ​ജി​വെ​ച്ച​പ്പോ​ഴും സ​ഖാ​വി​ന് ഭാ​വി​യി​ല്ലെ​ന്ന് വി​ധി​ച്ച​വ​രാ​ണ് മ​ല​യാ​ളി​ക​ൾ. ര​ണ്ട് സ​ന്ദ​ർ​ഭ​ങ്ങ​ളി​ലും പ​ഴ​യ​തി​നേ​ക്കാ​ൾ ക​രു​ത്തോ​ടെ തി​രി​ച്ചു​വ​ന്നു. ഇ​പ്പോ​ൾ മു​ന്ന​ണി ക​ൺ​വീ​ന​റാ​യി​രി​ക്കെ​യാ​ണ് ചി​ല്ല​റവി​ഘ്​ന​ങ്ങ​ൾ. ച​രി​ത്രം വെ​ച്ചു​നോ​ക്കു​മ്പോ​ൾ ഇ.​പി​യു​ടെ തി​രി​ച്ചു​വ​ര​വി​ൽ ശു​ക്ര​ദ​ശത​ന്നെ​യാ​യി​രി​ക്കും. എ​ങ്ങനെ തി​രി​ച്ചു​വ​രാ​തി​രി​ക്കും? പ്ര​ത്യ​യ​ശാ​സ്ത്ര​പ​ര​മാ​യും പ്രാ​യോ​ഗി​ക​മാ​യും ഇ.​പി​യോ​ളം അ​പ്ഡേ​റ്റ​ഡാ​യ മ​റ്റൊ​രു സ​ഖാ​വ് ആ ​പാ​ർ​ട്ടി​യി​ലു​ണ്ടോ. ‘പ​രി​പ്പു​വ​ട ക​ട്ട​ൻ ചാ​യ’ സിദ്ധാന്ത​മൊ​ക്കെ ആ ​സ്വ​യം ന​വീ​ക​ര​ണ​ത്തി​ന്റെ ഭാ​ഗ​മാ​യി​ട്ടാ​യി​രു​ന്നു. പ​​​രി​​​പ്പു​​​വ​​​ട​​​യും ക​​​ട്ട​​​ൻ​​​ചാ​​​യ​​​യും പ​​​തി​​​വ്​ ഭ​​​ക്ഷ​​​ണ​​​മാ​​​ക്കി കാ​​​ലൊ​​​ടി​​​ഞ്ഞ ബെ​​​ഞ്ചി​​​ലി​​​രു​​​ന്ന്​ താ​​​ടി​​​വെ​​​ച്ച നേ​​​താ​​​ക്ക​​​ളു​​​ടെ ചി​​​ത്ര​​​വും നോ​​​ക്കി സ്വ​​​ർ​​​ഗ​​​രാ​​​ജ്യം സ്വ​​​പ്​​​​നം കാ​​​ണു​​​ന്ന ആ​​​ദ​​​ർ​​​ശ​​​വാ​​​ദി​​​ക​​​ൾ​​​ക്ക്​ ന​​​വ​​​ മാ​​​ർ​​​ക്​​​​സി​​​സ​ത്തി​ന്റെ ഈ ​സി​ദ്ധാ​ന്ത​മൊ​ന്നും മ​ന​സ്സി​ലാ​കാ​ത്ത​ത് ഇ.​പി​യു​ടെ കു​റ്റ​മ​ല്ല. ആ​യു​ർ​വേ​ദ റി​സോ​ർ​ട്ട് പ​ണി​ത​തും അ​തേ സി​ദ്ധാ​ന്ത​ത്തി​ന്റെ ബ​ല​ത്തി​ലാ​ണ്. അതിനാൽ പാർട്ടിക്ക്​ ഒരു ചുവടു മുന്നിൽ നടക്കുന്ന ഇ.പി തന്നെ ബലവാൻ.