വിദ്യാഭ്യാസത്തിലും വേണം ജാതി സെൻസസ്

‘‘ജാ​തി​വ്യ​വ​സ്ഥ മ​നു​ഷ്യ​നി​ർ​മി​ത​മാ​ണ്. ഒ​രു വി​ഭാ​ഗ​ത്തി​​ന്റെ മേ​ൽ​ക്കോ​യ്മ​ക്കു​വേ​ണ്ടി മ​റ്റു​ള്ള​വ​രി​ൽ അ​പ​ക​ർ​ഷ​ത​യു​ണ്ടാ​ക്കു​ക​യും മാ​നു​ഷി​ക മൂ​ല്യ​ങ്ങ​ൾ ത​ഴ​യ​പ്പെ​ടു​ക​യും ചെ​യ്യു​ന്ന അ​വ​സ്ഥ​യാ​ണി​ത്​’’ എ​ന്ന്​ പ​റ​ഞ്ഞ​ത്​ അ​മേ​രി​ക്ക​ൻ മാ​ധ്യ​മ​പ്ര​വ​ർ​ത്ത​ക​യും എ​ഴു​ത്തു​കാ​രി​യു​മാ​യ ഇ​സ​ബെ​ൽ വി​ൽ​ക്കേ​സ​നാ​ണ്. അ​മേ​രി​ക്ക​യി​ലെ വ​ർ​ണ​വി​വേ​ച​നം, ഇ​ന്ത്യ​യി​ലെ ജാ​തി​വ്യ​വ​സ്ഥ, നാ​സി ജ​ർ​മ​നി​യി​ലെ വം​ശീ​യ വി​ദ്വേ​ഷം എ​ന്നി​വ​യി​ലൂ​ന്നി​യ സാ​മൂ​ഹി​ക പ്ര​ശ്ന​ങ്ങ​ൾ ‘ജാ​തി: ന​മ്മു​ടെ അ​സം​തൃ​പ്തി​യു​ടെ ഉ​ത്ഭ​വം’ എ​ന്ന പു​സ്ത​ക​ത്തി​ൽ അ​വ​ർ ച​ർ​ച്ച​ചെ​യ്യു​ന്നു. വി​വി​ധ കാ​ര​ണ​ങ്ങ​ളാ​ൽ സാ​മൂ​ഹി​ക​മാ​യും വി​ദ്യാ​ഭ്യാ​സ​പ​ര​മാ​യും പി​ന്നാ​ക്കം നി​ൽ​ക്കു​ന്ന വി​ഭാ​ഗ​ങ്ങ​ളു​ടെ ശാ​ക്തീ​ക​ര​ണം, സാ​മ്പ​ത്തി​ക സു​ര​ക്ഷി​ത​ത്വം, അ​വ​സ​ര സ​മ​ത്വ​ത്തോ​ടൊ​പ്പം അ​ധി​കാ​ര പ​ങ്കാ​ളി​ത്തം എ​ന്നി​വ ഉ​റ​പ്പു​വ​രു​ത്താ​നാ​ണ് ഭ​ര​ണ​ഘ​ട​നാ ശി​ൽ​പി​ക​ൾ സം​വ​ര​ണം കൊ​ണ്ടു​വ​ന്ന​ത്. രാ​ജ്യം സ്വാ​ത​ന്ത്ര്യം നേ​ടി ഏ​ഴ​ര പ​തി​റ്റാ​ണ്ട് പി​ന്നി​ടു​മ്പോ​ൾ അ​വ​ശ-​പി​ന്നാ​ക്ക വി​ഭാ​ഗ​ങ്ങ​ളെ കൂ​ടു​ത​ൽ പി​ന്നോ​ട്ട​ടി​പ്പി​ക്കാ​നു​ള്ള ത​ന്ത്ര​ങ്ങ​ൾ മെ​ന​യു​ക​യാ​ണ്​ മേ​ൽ​ജാ​തി നി​യ​ന്ത്ര​ണ​ത്തി​ലു​ള്ള അ​ധി​കാ​രി-​ഉ​ദ്യോ​ഗ​സ്​​ഥ വ​ർ​ഗം.

രാ​ജ്യ​ത്ത് സം​വ​ര​ണ​വ്യ​വ​സ്ഥ നി​ല​നി​ൽ​ക്കു​​മ്പോ​ഴും പി​ന്നാ​ക്ക വി​ഭാ​ഗ​ങ്ങ​ൾ​ക്ക്​ മ​തി​യാ​യ പ്രാ​തി​നി​ധ്യ​മി​ല്ലെ​ന്ന്​ ക​ണ്ടെ​ത്തി​യ കാ​കാ​ക​ലേ​ൽ​ക​ർ ക​മീ​ഷ​ൻ, മ​ണ്ഡ​ൽ ക​മീ​ഷ​ൻ, രം​ഗ​നാ​ഥ മി​ശ്ര ക​മീ​ഷ​ൻ, സ​ച്ചാ​ർ ക​മ്മി​റ്റി എ​ന്നി​വ കൃ​ത്യ​മാ​യ പ​രി​ഹാ​ര​മാ​ർ​ഗ​ങ്ങ​ൾ നി​ർ​ദേ​ശി​ച്ചെ​ങ്കി​ലും അ​ത്​ ന​ട​പ്പി​ൽ വ​രു​ത്താ​ൻ കേ​ന്ദ്ര-​സം​സ്​​ഥാ​ന സ​ർ​ക്കാ​റു​ക​ൾ​ക്ക്​ താ​ൽ​പ​ര്യ​മു​ണ്ടാ​യി​രു​ന്നി​ല്ല. ഇ​ത്ത​രം ആ​ഴ​ത്തി​ലു​ള്ള പ​ഠ​ന​ങ്ങ​ൾ ന​ട​ന്ന്​ പ​തി​റ്റാ​ണ്ടു​ക​ൾ പി​ന്നി​ടു​മ്പോ​ഴും രാ​ജ്യ​ത്തെ വി​ദ്യാ​ഭ്യാ​സ മേ​ഖ​ല​യി​ലെ അ​ധ്യാ​പ​ക-​വി​ദ്യാ​ർ​ഥി എ​ണ്ണ​ത്തി​ലെ ഞെ​ട്ടി​പ്പി​ക്കു​ന്ന ജാ​തീ​യ​മാ​യ അ​ന്ത​ര​ങ്ങ​ൾ അ​തി​ന്​ അ​ടി​വ​ര​യി​ടു​ന്നു.

വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലെ അ​ന്ത​രം

ഉ​ന്ന​ത വി​ദ്യാ​ഭ്യാ​സ സ്​​ഥാ​പ​ന​ങ്ങ​ളി​ൽ പ​ഠി​ക്കു​ന്ന വി​ദ്യാ​ർ​ഥി​ക​ളു​ടെ എ​ണ്ണം സ​ർ​ക്കാ​ർ രേ​ഖ​ക​ളി​ൽ​നി​ന്ന്​ ക​ണ്ടെ​ത്താ​നാ​വും. എ​ന്നാ​ൽ, ​ഓ​രോ സ്ഥാ​പ​ന​ങ്ങ​ളി​ലും പ​ഠി​ക്കു​ന്ന കു​ട്ടി​ക​ളു​ടെ ജാ​തി​തി​രി​ച്ചു​ള്ള ക​ണ​ക്കു​ക​ൾ പ​ല​പ്പോ​ഴും ല​ഭ്യ​മ​ല്ല. രാ​ജ്യ​ത്തി​ന്റെ വി​ദ്യാ​ഭ്യാ​സ മേ​ഖ​ല​യി​ൽ സ​മ​ഗ്ര​മാ​യ മാ​റ്റം ആ​ഗ്ര​ഹി​ക്കു​ന്ന ഗ​വേ​ഷ​ക​ർ, മാ​ധ്യ​മ​പ്ര​വ​ർ​ത്ത​ക​ർ, വി​ദ്യാ​ർ​ഥി​ക​ൾ, അ​ധ്യാ​പ​ക​ർ തു​ട​ങ്ങി ഒ​രു കൂ​ട്ടം സാ​മൂ​ഹി​ക പ്ര​വ​ർ​ത്ത​ക​ർ വി​വ​രാ​വ​കാ​ശ നി​യ​മ​പ്ര​കാ​രം ഇ​ത്ത​രം ക​ണ​ക്കു​ക​ൾ ശേ​ഖ​രി​ച്ച്​ പ​ഠ​ന വി​ധേ​യ​മാ​ക്കി. രാ​ജ്യ​ത്തെ ആ​ദി​വാ​സി, ദ​ലി​ത് സ​മൂ​ഹ​ങ്ങ​ളി​ൽ​നി​ന്നു​ള്ള കു​ട്ടി​ക​ൾ സ്കൂ​ൾ വി​ദ്യാ​ഭ്യാ​സം നേ​ടി, ആ​ർ​ട്സ് വി​ഷ​യ​ങ്ങ​ളി​ൽ ബി​രു​ദ കോ​ഴ്സു​ക​ളി​ൽ കു​റ​ഞ്ഞ അ​ള​വി​ലെ​ങ്കി​ലും പ​ഠി​ക്കാ​ൻ മു​ന്നോ​ട്ടു​വ​രു​ന്നു​ണ്ട്. എ​ന്നാ​ൽ സ​യ​ൻ​സ്, മെ​ഡി​ക്ക​ൽ, എ​ൻ​ജി​നീ​യ​റിം​ഗ്-​ടെ​ക്നോ​ള​ജി കോ​ഴ്സു​ക​ളി​ൽ ബി​രു​ദ പ​ഠ​ന​ത്തി​ന് അ​വ​ർ പ​ല​വി​ധ വെ​ല്ലു​വി​ളി​ക​ൾ നേ​രി​ടു​ന്ന​താ​യി ക​ണ​ക്കു​ക​ൾ പ​റ​യു​ന്നു. സം​വ​ര​ണം ചെ​യ്യ​പ്പെ​ട്ട സീ​റ്റു​ക​ൾ തി​ക​യും വി​ധ​ത്തി​ൽ​പോ​ലും ഈ ​സ​മൂ​ഹ​ത്തി​ൽ​നി​ന്ന്​ വി​ദ്യാ​ർ​ഥി​ക​ൾ എ​ത്തു​ന്നി​ല്ല. സ്വാ​ഭാ​വി​ക​മാ​യും അ​വ​രു​ടെ പ്രാ​തി​നി​ധ്യം ബി​രു​ദാ​ന​ന്ത​ര ബി​രു​ദ​ത്തി​ലും, ഗ​വേ​ഷ​ണ മേ​ഖ​ല​യി​ലും, അ​ധ്യാ​പ​ക​രു​ടെ എ​ണ്ണ​ത്തി​ലും കു​ത്ത​നെ കു​റ​യു​ന്നു. ഉ​ന്ന​ത ഗ​വേ​ഷ​ണ സ്ഥാ​പ​ന​ങ്ങ​ളാ​യ കാ​ൺ​പു​ർ, ഖ​ര​ഗ്പു​ർ, ഡ​ൽ​ഹി, മും​ബൈ, മ​ദ്രാ​സ് ഐ.​ഐ.​റ്റി​ക​ളി​ലെ വി​ദ്യാ​ർ​ഥി-​അ​ധ്യാ​പ​ക ക​ണ​ക്കു​ക​ൾ പ​രി​ശോ​ധി​ക്കു​​മ്പോ​ൾ മു​സ്‍ലിം​ക​ള​ട​ക്ക​മു​ള്ള ഒ.​ബി.​സി. വി​ഭാ​ഗ​ങ്ങ​ളു​ടെ പ്രാ​തി​നി​ധ്യ​വും മ​റി​ച്ച​ല്ല. ദേ​ശീ​യ ത​ല​ത്തി​ൽ കൃ​ത്യ​മാ​യ ഒ.​ബി.​സി ജ​ന​സം​ഖ്യ ക​ണ​ക്കു​ക​ൾ ഇ​പ്പോ​ഴും സ​ർ​ക്കാ​റി​ൽ​പോ​ലും ല​ഭ്യ​മ​ല്ലെ​ന്ന​തും ഇ​തോ​ടൊ​പ്പം കൂ​ട്ടി​വാ​യി​ക്കേ​ണ്ട​തു​ണ്ട്.

ബി​രു​ദ കോ​ഴ്​​സു​ക​ൾ​ക്ക്​ പ​ട്ടി​ക​വ​ർ​ഗ വി​ദ്യാ​ർ​ഥി​ക​ൾ​ക്ക്​ ഏ​ഴ​ര ശ​ത​മാ​നം സീ​റ്റു​ക​ൾ സം​വ​ര​ണം ചെ​യ്യ​പ്പെ​ട്ടി​ട്ടു​ണ്ടെ​ങ്കി​ലും ആ​ർ​ട്സ് കോ​ള​ജു​ക​ളി​ൽ മാ​ത്ര​മാ​ണ് ഈ ​വി​ഭാ​ഗ​ത്തി​ൽ​നി​ന്നു​ള്ള​വ​ർ സം​വ​ര​ണ സീ​റ്റു​ക​ൾ​ക്കും മു​ക​ളി​ൽ പ്ര​വേ​ശ​നം നേ​ടു​ന്ന​ത്. ഇ​ത് ഏ​ക​ദേ​ശം ഒ​മ്പ​ത് ശ​ത​മാ​ന​ത്തോ​ളം വ​രും. എ​ന്നാ​ൽ, എ​ൻ​ജി​നീ​യ​റി​ങ്ങി​ൽ പ​കു​തി​യും (3.5 %) , മെ​ഡി​ക്ക​ലി​ൽ നാ​ലും, സ​യ​ൻ​സി​ൽ അ​ഞ്ചും, ടെ​ക്നോ​ള​ജി​യി​ൽ മൂ​ന്നു ശ​ത​മാ​ന​വു​മാ​ണ് ഇ​വ​രു​ടെ പ്രാ​തി​നി​ധ്യം. ഇ​തി​നു സ​മാ​ന​മാ​യ ക​ണ​ക്കു​ക​ൾ​ത​ന്നെ​യാ​ണ് പ​ട്ടി​ക​ജാ​തി വി​ഭാ​ഗ​ത്തി​ലെ പ​ഠി​താ​ക്ക​ൾ​ക്കു​മു​ള്ള​ത്. 15 ശ​ത​മാ​നം സം​വ​ര​ണ​മു​ള്ള​വ​രി​ൽ 13 ശ​ത​മാ​ന​ത്തോ​ളം സ​യ​ൻ​സ് വി​ദ്യാ​ർ​ഥി​ക​ളാ​ണ്. എ​ന്നാ​ൽ, എ​ൻ​ജി​നീ​യ​റി​ങ്ങും മെ​ഡി​ക്ക​ലും, ടെ​ക്നോ​ള​ജി​യും തി​ര​ഞ്ഞെ​ടു​ക്കു​ന്ന​വ​രു​ടെ എ​ണ്ണം പി​ന്നെ​യും കു​റ​യു​ന്നു. ഈ ​വി​ഷ​യ​ങ്ങ​ളി​ൽ താ​ൽ​പ​ര്യ​മി​ല്ലാ​ത്ത​ത​ല്ല ഈ ​എ​ണ്ണ​ക്കു​റ​വി​ന്​ കാ​ര​ണം, മ​റി​ച്ച്​ അ​തി​നു​ള്ള സാ​ഹ​ച​ര്യ​ങ്ങ​ളി​ല്ലാ​ത്ത​താ​ണ്.

വി​ദ്യാ​കേ​ന്ദ്ര​ങ്ങ​ള​ല്ല ജാ​തി​ക്കോ​ട്ട​ക​ൾ

ജ​ന​സം​ഖ്യാ​നു​പാ​തി​ക​മാ​യി ഇ​ന്ത്യ​യി​ൽ ഗ​വേ​ഷ​ക​രു​ടേ​യും ഗ​വേ​ഷ​ണ വി​ദ്യാ​ർ​ഥി​ക​ളു​ടേ​യും എ​ണ്ണം കൂ​ടു​ത​ലാ​ണ്. ഉ​ന്ന​ത ഗ​വേ​ഷ​ണ സ്ഥാ​പ​ന​ങ്ങ​ളാ​യ പ​ത്ത് ഇ​ന്ത്യ​ൻ ഇ​ൻ​സ്റ്റി​റ്റ്യൂ​ട്ട് ഓ​ഫ് ടെ​ക്നോ​ള​ജി​ക​ളി​ലും (IIT), ബം​ഗ​ളൂ​രു​വി​ലെ ഇ​ന്ത്യ​ൻ ഇ​ൻ​സ്റ്റി​റ്റ്യൂ​ട്ട് ഓ​ഫ് സ​യ​ൻ​സി​ലും (IISc ), ബ​നാ​റ​സ് ഹി​ന്ദു സ​ർ​വ​ക​ലാ​ശാ​ല​യി​ലും ന​ട​ത്തി​യ ക​ണ​ക്കെ​ടു​പ്പി​ൽ ഒ.​ബി.​സി, എ​സ്.​സി, എ​സ്.​ടി. വി​ഭാ​ഗ​ങ്ങ​ൾ​ക്ക് അ​നു​വ​ദി​ച്ച സീ​റ്റു​ക​ളി​ൽ​പോ​ലും കു​ട്ടി​ക​ളി​ല്ല. ഇ​തി​ൽ ത​ന്നെ, ഐ.​ഐ.​ടി​ക​ളി​ലും, ഐ.​ഐ.​എ​സ്.​സി​യി​ലും സം​വ​ര​ണ സീ​റ്റു​ക​ളു​ടെ പ​കു​തി​മാ​ത്രം വി​ദ്യാ​ർ​ഥി​ക​ളാ​ണ്​ പ്ര​വേ​ശ​നം നേ​ടു​ന്ന​ത്​ എ​ന്ന​ത്​ ആ​ശ​ങ്ക​യു​ണ്ടാ​ക്കു​ന്നു. കൃ​ത്യ​മാ​യ പ​രി​ശീ​ല​ന​ങ്ങ​ളു​ടെ അ​ഭാ​വം, വ്യ​ക്ത​മാ​യ മാ​ർ​ഗ​നി​ർ​ദേ​ശ​ങ്ങ​ൾ ന​ൽ​കാ​ൻ ആ​ളി​ല്ലാ​ത്ത അ​വ​സ്ഥ, വി​വി​ധ​യി​ട​ങ്ങ​ളി​ൽ ശി​പാ​ർ​ശ​ക​ൾ ചെ​യ്യാ​നും, അ​ഡ്മി​ഷ​ൻ സ​ഹാ​യ​ങ്ങ​ൾ ന​ൽ​കാ​നും ആ​ളു​ക​ളി​ല്ലാ​ത്ത പ്ര​യാ​സ​ങ്ങ​ൾ, സാ​മൂ​ഹി​ക-​സാ​മ്പ​ത്തി​ക പ​ശ്ചാ​ത്ത​ല​ങ്ങ​ൾ എ​ന്നി​വ​യെ​ല്ലാം ആ​ദി​വാ​സി-​ദ​ലി​ത് വി​ദ്യാ​ർ​ഥി​ക​ളെ പി​ന്നോ​ട്ട​ടി​പ്പി​ക്കു​ന്ന കാ​ര​ണ​ങ്ങ​ളാ​ണ്. അ​തി​ലേ​റെ, ഉ​യ​ർ​ന്ന ജാ​തി​യി​ൽ പെ​ട്ട പ്ര​ഫ​സ​റു​ടെ കീ​ഴി​ൽ ഗ​വേ​ഷ​ണം ചെ​യ്യാ​ൻ താ​ല്പ​ര്യം അ​റി​യി​ച്ച ആ​ദി​വാ​സി വി​ദ്യാ​ർ​ഥി​ക​ളെ ‘ക്വോ​ട്ട കാ​ൻ​ഡി​ഡേ​റ്റ്’ എ​ന്നാ​ക്ഷേ​പി​ച്ച്​ മ​ട​ക്കി അ​യ​ക്കു​ന്ന​തു​ൾ​പ്പെ​ടെ​യു​ള്ള പ്ര​വ​ണ​ത​ക​ളാ​ണ്​ അ​വ​രു​ടെ മ​ന​സ്സ്​ മ​ടു​പ്പി​ക്കു​ന്ന​ത്. ഇ​വ​യെ​ല്ലാം താ​ണ്ടി ഗ​വേ​ഷ​ണ​ത്തി​ന് ചേ​ർ​ന്നാ​ലും മ​ത-​ജാ​തീ​യ വി​വേ​ച​ന​വും ലൈം​ഗി​ക ചൂ​ഷ​ണ​വു​മെ​ല്ലാം മൂ​ലം പാ​തി​വ​ഴി​യി​ൽ പ​ഠ​നം ഉ​പേ​ക്ഷി​ക്കു​ന്ന സാ​ഹ​ച​ര്യ​വും പി​ന്നാ​ക്ക വി​ഭാ​ഗ​ങ്ങ​ളി​ലെ കു​ട്ടി​ക​ളി​ൽ സാ​ധാ​ര​ണ​മാ​ണ്. ഐ.​ഐ.​റ്റി​ക​ളി​ലും, ഐ.​ഐ.​എ​സ്.​സി​യി​ലും 98 ശ​ത​മാ​നം പ്ര​ഫ​സ​ർ​മാ​രും, 90 ശ​ത​മാ​നം അ​സോ​സി​യേ​റ്റ് പ്ര​ഫ​സ​ർ​മാ​രും ഉ​ന്ന​ത ജാ​തി​യി​ൽ​പെ​ട്ട​വ​രാ​ണെ​ന്ന​ത് ഇ​ത്ത​രം സാ​ഹ​ച​ര്യ​ങ്ങ​ൾ​ക്ക് ആ​ക്കം കൂ​ട്ടു​ന്നു. എ​ന്നാ​ൽ, സി.​എ​സ്.​ഐ.​ആ​റി​ന്റെ 38 ലാ​ബു​ക​ളി​ൽ 18 ശ​ത​മാ​ന​ത്തോ​ളം ഗ​വേ​ഷ​ക​ർ ദ​ലി​ത​രും, 4 ശ​ത​മാ​നം ആ​ദി​വാ​സി വി​ഭാ​ഗ​ത്തി​ലു​മു​ള്ള​വ​രാ​ണെ​ന്ന​ത്​ ആ​ശ്വാ​സ​ക​ര​മാ​ണ്.

ഗ​വേ​ഷ​ണ ഫ​ണ്ടു​ക​ളും മേ​ൽ​ജാ​തി​ക​ൾ​ക്ക്​

രാ​ജ്യ​ത്ത് സി.​എ​സ്.​ഐ.​ആ​ർ, യു.​ജി.​സി, ഡി.​ബി.​ടി, ഡി.​എ​സ്.​ടി, എ​ന്നീ ഏ​ജ​ൻ​സി​ക​ളാ​ണ് ഗ​വേ​ഷ​ണ ഫ​ണ്ടു​ക​ൾ വി​ത​ര​ണം ചെ​യ്യു​ന്ന​ത്. വ്യ​ക്തി​ഗ​ത സ്കോ​ള​ർ​ഷി​പ്പു​ക​ളും ഫെ​ലോ​ഷി​പ്പു​ക​ളും പ്രോ​ജ​ക്ടു​ക​ൾ​ക്ക് വേ​ണ്ടി​യു​ള്ള ധ​ന​സ​ഹാ​യ​വു​മു​ൾ​പ്പെ​ടെ ല​ക്ഷ​ങ്ങ​ൾ ഇ​ത്ത​രം സ്ഥാ​പ​ന​ങ്ങ​ൾ സ​ർ​വ​ക​ലാ​ശാ​ല​ക​ൾ​ക്കും ലാ​ബു​ക​ൾ​ക്കും ഓ​രോ വ​ർ​ഷ​വും ന​ൽ​കു​ന്നു. എ​ന്നാ​ൽ, പോ​സ്റ്റ് ഡോ​ക്ട​റ​ൽ ഗ​വേ​ഷ​ണം ചെ​യ്യു​ന്ന​വ​ർ​ക്ക് ല​ഭി​ക്കു​ന്ന INSPIRE ഫാ​ക്ക​ൽ​റ്റി ഫെ​ല്ലോ​ഷി​പ്പു​ക​ൾ 2016-20 കാ​ല​ഘ​ട്ട​ത്തി​ൽ ല​ഭി​ച്ച 80 ശ​ത​മാ​നം ആ​ളു​ക​ളും ഉ​യ​ർ​ന്ന ജാ​തി​ക്കാ​രാ​ണെ​ന്ന് ക​ണ​ക്കു​ക​ൾ വ്യ​ക്ത​മാ​ക്കു​ന്നു. എ​സ്.​സി വി​ഭാ​ഗ​ത്തി​ൽ​നി​ന്ന്​ കേ​വ​ലം ആ​റു ശ​ത​മാ​നം പേ​ർ​ക്കും എ​സ്.​ടി വി​ഭാ​ഗ​ത്തി​ൽ​നി​ന്ന്​ ഒ​രു ശ​ത​മാ​ന​ത്തി​ൽ താ​ഴെ ആ​ളു​ക​ൾ​ക്കും മാ​ത്ര​മാ​ണ് ഇ​ത് ല​ഭ്യ​മാ​യി​രി​ക്കു​ന്ന​തെ​ന്ന് ഡി.​എ​സ്.​ടി​യു​ടെ ഡേ​റ്റ പ​റ​യു​ന്നു. 12 ശ​ത​മാ​ന​ത്തി​നു മു​ക​ളി​ൽ ഒ.​ബി.​സി. വി​ഭാ​ഗ​ത്തി​ലു​ള്ള​വ​ർ​ക്ക് ഫ​ണ്ടു​ക​ൾ ല​ഭ്യ​മാ​കു​മ്പോ​ഴും 80 ശ​ത​മാ​ന​ത്തി​ല​ധി​കം പ​ണം ജ​ന​റ​ൽ വി​ഭാ​ഗ​ത്തി​ലേ​ക്കാ​ണ്​ ഒ​ഴു​കു​ന്ന​ത്.

കേ​ന്ദ്ര​ത്തി​ൽ ന​രേ​ന്ദ്ര മോ​ദി സ​ർ​ക്കാ​ർ അ​ധി​കാ​ര​ത്തി​ലെ​ത്തി​യ ശേ​ഷം കൈ​ക്കൊ​ണ്ട വി​വേ​ച​ന​പൂ​ർ​ണ​മാ​യ ന​ട​പ​ടി​ക​ൾ ന്യൂ​ന​പ​ക്ഷ സ​മൂ​ഹ​ങ്ങ​ളി​ലെ വി​ദ്യാ​ർ​ഥി​ക​ളു​ടെ ഉ​ന്ന​ത പ​ഠ​ന​ത്തെ ഏ​റെ പ്ര​യാ​സ​ക​ര​മാ​ക്കി​യി​ട്ടു​ണ്ട്. ദേ​ശീ​യ ത​ല​ത്തി​ൽ 14 ശ​ത​മാ​നം മു​സ്​​ലിം​ക​ളി​ൽ കേ​വ​ലം 5.5 ശ​ത​മാ​നം മാ​ത്ര​മാ​ണ് ഉ​ന്ന​ത വി​ദ്യാ​ഭ്യാ​സം നേ​ടു​ന്ന​തെ​ന്ന് 2019-20 ലെ ​ക​ണ​ക്കു​ക​ൾ പ​റ​യു​ന്നു. അ​തി​ലു​പ​രി, 2019ലെ ​പു​തു​ക്കി​യ സാ​മ്പ​ത്തി​ക സം​വ​ര​ണ മാ​ന​ദ​ണ്ഡ​ങ്ങ​ളും മ​റ്റും ഒ​ന്നു​കൂ​ടി അ​വ​ശ-​പി​ന്നാ​ക്ക വി​ഭാ​ഗ​ങ്ങ​ളു​ടെ പ്രാ​തി​നി​ധ്യം ഹ​നി​ക്കു​ന്നു​ണ്ട്. ഉ​ന്ന​ത വി​ദ്യാ​ഭ്യാ​സ സ്​​ഥാ​പ​ന​ങ്ങ​ളി​ൽ ഒ​രു ജാ​തി സെ​ൻ​സ​സ്​ ന​ട​ത്തി​യാ​ൽ മാ​ത്ര​മേ രാ​ജ്യ​ത്തെ പി​ന്നാ​ക്ക സ​മൂ​ഹം വി​ദ്യാ​ഭ്യാ​സ മേ​ഖ​ല​യി​ൽ​നി​ന്ന്​ എ​ത്ര​മാ​ത്രം പു​റ​ന്ത​ള്ള​പ്പെ​ട്ടി​രി​ക്കു​ന്നു എ​ന്ന്​ വ്യ​ക്ത​മാ​വൂ, അ​തി​ൻ പ്ര​കാ​രം തി​രു​ത്ത​ൽ ന​ട​പ​ടി​ക​ൾ ആ​രം​ഭി​ക്കാ​നു​മാ​വൂ.

(തി​രു​ച്ചി​റ​പ്പ​ള്ളി ജ​മാ​ൽ വാ​ക്​​സി​ൻ റി​സ​ർ​ച്ച്​ സെ​ൻ​റ​റി​ൽ ശാ​സ്​​ത്ര​ജ്​​ഞ​നാ​ണ്​ ലേ​ഖ​ക​ൻ)