രാഷ്​ട്രീയത്തിലും പകരമില്ലാത്ത നായകൻ

ദി​ലീ​പ്​ കു​മാ​ർ വെ​ള്ളി​ത്തി​ര​യി​ൽ മാ​ത്ര​മാ​യി​രു​ന്നി​ല്ല, ജ​ന​പ​ക്ഷ രാ​ഷ്​​ട്രീ​യ​ത്തി​ലും നാ​യ​ക​നാ​യി​രു​ന്നു. പി​താ​വ്​ ഗു​ലാം സ​ർ​വാ​ർ ഖാ​നും പി​താ​മ​ഹ​ൻ ഹാ​ജി മു​ഹ​മ്മ​ദ്​ ഖാ​നും സ്വാ​ത​ന്ത്ര്യ​സ​മ​ര​കാ​ല​ത്ത്​ പേ​ഷ​വാ​റി​ലെ കോ​ൺ​​ഗ്ര​സ്​ അ​നു​ഭാ​വി​ക​ളാ​യി​രു​ന്നു. സ്വാ​ത​ന്ത്ര്യ​സ​മ​ര​സേ​നാ​നി​ക​ളു​ടെ യോ​ഗ​ത്തി​ൽ പ​​ങ്കെ​ടു​ത്ത​തി​ന്​ അ​ദ്ദേ​ഹ​ത്തെ യ​ർ​വാ​ദാ ജ​യി​ലി​ലേ​ക്ക്​ പി​ടി​ച്ചു കൊ​ണ്ടു​പോ​യ സം​ഭ​വ​വു​മു​ണ്ട്.

ഗാ​ന്ധി​യു​ടെ ആ​ദ​ർ​ശ​ങ്ങ​ളി​ലും നെ​ഹ്​​റു​വി​​ന്‍റെ വ്യ​ക്​​തി​ത്വ​ത്തി​ലും അദ്ദേഹം ​ ആ​കൃ​ഷ്​​ട​നാ​യി. നെ​ഹ്​​റു​വി​​ന്‍റെ സ്​​നേ​ഹ​നി​ബ​ന്ധ​ന​ക്ക്​ വ​ഴ​ങ്ങി കോ​ൺ​ഗ്ര​സ്​ സ്​​ഥാ​നാ​ർ​ഥി​ക​ൾ​ക്ക്​ വേ​ണ്ടി പ്ര​ചാ​ര​ണ​ത്തി​നി​റ​ങ്ങി. ആ​ചാ​ര്യ കൃ​പ​ലാ​നി​ക്കെ​തി​രെ വി.​കെ. കൃ​ഷ്​ ണ​മേ​നോ​ൻ ബോം​ബെ​യി​ൽ മ​ത്സ​രി​ച്ച സ​മ​യ​ത്ത്​ ​മ​ണ്ഡ​ല​ത്തി​ൽ മു​ഴു​വ​ൻ സ​മ​യ​വും പ്ര​ചാ​ര​ണ​വു​മാ​യി തു​ട​രാ​ൻ നെ​ഹ്​​റു​വാ​ണ്​ ദി​ലീ​പ്​ കു​മാ​റി​നോ​ട്​ നി​ർ​ദേ​ശി​ച്ച​ത്. ​മൂ​ന്ന്​ പ​തി​റ്റാ​ണ്ടി​ലേ​റെ പ​ക​രം വെ​ക്കാ​നി​ല്ലാ​ത്ത താ​ര​മാ​യി തി​ള​ങ്ങി നി​ന്ന​പ്പോ​ഴും തി​ള​ക്ക​മ​റ്റു​പോ​യ മ​നു​ഷ്യ​രെ ചേ​ർ​ത്തു​പി​ടി​ക്കാ​ൻ ഒ​രി​ക്ക​ലും മ​ടി​കാ​ണി​ച്ചി​ല്ല.

ചേ​രി​യി​ലെ മ​നു​ഷ്യ​രെ സി​നി​മ ക​ണ്ട്​ കൈ​യ​ടി​ക്കു​ക​യും സ്​​നേ​ഹി​ക്കു​ക​യും ചെ​യ്യു​ന്ന ആ​രാ​ധ​ക​രാ​യ​ല്ല സ​ഹോ​ദ​ര​ങ്ങ​ളാ​യാ​ണ്​ പ​രി​ഗ​ണി​ച്ചി​രു​ന്ന​ത്.

രാ​ജ്യ​സ​ഭാം​ഗ​മാ​യി​രു​ന്ന ഘ​ട്ട​ത്തി​ൽ എം.​പി​യു​ടെ പ്രാ​ദേ​ശി​ക വി​ക​സ​ന ഫ​ണ്ട്​ മു​ഴു​വ​ൻ വി​നി​യോ​ഗി​ച്ച​ത്​ ചേ​രി പു​ന​ര​ധി​വാ​സ​ത്തി​നും മ​ഹാ​രാ​ഷ്​​ട്ര​യി​ലെ ഗ്രാ​മീ​ണ സ്​​കൂ​ളു​ക​ളു​ടെ ന​വീ​ക​ര​ണ​ത്തി​നു​മാ​യി​രു​ന്നു. ജ​ന​ജീ​വി​ത​ത്തെ ബാ​ധി​ക്കു​ന്ന പ​ല പ്ര​ശ്​​ന​ങ്ങ​ളി​ലും അ​ദ്ദേ​ഹം താ​ൽ​പ​ര്യ​മെ​ടു​ത്ത്​ മു​ന്നി​ട്ടി​റ​ങ്ങി. ദി​ലീ​പ്​ കു​മാ​റി​​ന്‍റെ സാ​ന്നി​ധ്യം ആ ​മു​ന്നേ​റ്റ​ങ്ങ​ൾ​ക്ക്​ പ​ക​ർ​ന്ന ക​രു​ത്ത്​ വി​ല​മ​തി​ക്കാ​നാ​വാ​ത്ത​താ​ണ്.

സാ​ഹി​ത്യ-​ക​ലാ​പ്ര​വ​ർ​ത്ത​ക​ർ​ക്കെ​തി​രെ ന​ട​ക്കു​ന്ന അ​തി​ക്ര​മ​ങ്ങ​ൾ​ക്കെ​തി​രെ പ്ര​തി​ക​രി​ക്കു​ന്ന​തി​നും പ്ര​തി​ഷേ​ധി​ക്കു​ന്ന​തി​ലും അ​ദ്ദേ​ഹം ആ​രെ​യും ഭ​യ​ന്നി​ല്ല. ബാ​ബ​റി ധ്വം​സ​ന​ത്തെ തു​ട​ർ​ന്ന്​ രാ​ജ്യ​ത്ത്​ പ​ട​ർ​ന്ന്​ പി​ടി​ച്ച അ​തി​ക്ര​മ​ങ്ങ​ളും മും​ബൈ ക​ലാ​പ​വും അ​ദ്ദേ​ഹ​ത്തെ ഏ​റെ അ​ല​ട്ടി. രോ​ഗ​ങ്ങ​ളേ​ക്കാ​ളേ​റെ വേ​ദ​നി​പ്പി​ച്ച​ത്​ രാ​ജ്യ​ത്തി​​ന്‍റെ മ​ത​സാ​ഹോ​ദ​ര്യ​ത്തി​നും സ​ഹി​ഷ്​​ണു​ത​ക്കു​മേ​ൽ​ക്കു​ന്ന പ​രി​ക്കു​ക​ളാ​യി​രു​ന്നു.