അ​ത്യു​ന്ന​ത​ങ്ങ​ളി​ലെ അ​ഭി​മാ​ന വി​ജ​യം

ക​ശ്മീ​രും ല​ഡാ​ക്കും ത​മ്മി​ലു​ള്ള ബ​ന്ധം വി​ച്ഛേ​ദി​ച്ച് മ​ഞ്ഞു​മൂ​ടി​യ സി​യാ​ച്ചി​ൻ മ​ല​നി​ര​ക​ളി​ൽ ഇ​ന്ത്യ​ൻ സൈ​നി​ക​രെ ഒ​റ്റ​പ്പെ​ടു​ത്താ​നും ക​ശ്മീ​ർ ത​ർ​ക്കം പ​രി​ഹ​രി​ക്കു​ന്ന​തി​ന് ഇ​ന്ത്യ​യെ ച​ർ​ച്ച​ക്ക് നി​ർ​ബ​ന്ധി​ക്കാ​നു​മാ​ണ് പാ​ക് ​സൈ​ന്യം ല​ക്ഷ്യ​മി​ട്ട​തെ​ന്നാ​ണ് ഇ​ന്ത്യ​ൻ ക​ര​സേ​ന​യു​ടെ വി​ല​യി​രു​ത്ത​ൽ.

പിറവിയെടുത്ത നാൾ മുതൽ തന്നെ പാകിസ്താൻ ഇന്ത്യയുമായി സംഘർഷം ആരംഭിച്ചിരുന്നുവെന്ന് പറയാം. ജ​മ്മു-ക​ശ്മീ​രി​നെ ഏ​തു​വി​ധേ​ന​യും ത​ങ്ങ​ളോ​ട് കൂ​ട്ടി​ച്ചേ​ർ​ക്കാ​നു​ള്ള പാ​കി​സ്താ​​ന്റെ കു​ത​ന്ത്ര​ങ്ങ​ളാ​ണ് സം​ഘ​ർ​ഷ​ത്തി​​ന്റെ ഹേ​തു.

സ്വാ​ത​ന്ത്ര്യം ല​ഭി​ച്ച് അ​ര​നൂ​റ്റാ​ണ്ട് ക​ഴി​ഞ്ഞി​ട്ടും വൈ​ര​ത്തി​ന് അ​റു​തി​യാ​യി​ല്ല എ​ന്ന​തി​​​ന്റെ സ്പ​ഷ്ട​മാ​യ തെ​ളി​വാ​ണ് 1999ലെ ​കാ​ർ​ഗി​ൽ യു​ദ്ധം. ലാ​ഹോ​ർ പ്ര​ഖ്യാ​പ​ന​ത്തി​ൽ ഒ​പ്പു​വെ​ച്ച​തി​ന് തൊ​ട്ടു​പി​ന്നാ​ലെ​യാ​ണ് യു​ദ്ധം ആ​രം​ഭി​ച്ച​തെ​ന്ന​താ​ണ് ഇ​തി​ലെ വി​രോ​ധാ​ഭാ​സം. അ​തി​ശൈ​ത്യ​കാ​ല​ത്ത് ഇ​ന്ത്യ​ൻ സൈ​ന്യം ഒ​ഴി​ഞ്ഞ പോ​സ്റ്റു​ക​ൾ പാ​കി​സ്താ​ൻ സൈ​ന്യം ര​ഹ​സ്യ​മാ​യി കൈ​വ​ശ​പ്പെ​ടു​ത്തി​യ​താ​ണ് കാ​ർ​ഗി​ൽ യു​ദ്ധ​ത്തി​ലേ​ക്ക് വ​ഴി​തെ​ളി​ച്ച​ത്. അ​ന്ന​ത്തെ പാ​കി​സ്താ​ൻ സൈ​നി​ക മേ​ധാ​വി​യാ​യി​രു​ന്ന ജ​ന​റ​ൽ പ​ർ​വേ​സ് മു​ഷ​ർ​റ​ഫി​​ന്റെ ത​ല​യി​ലു​ദി​ച്ച​താ​ണ് ഈ ​അ​തി​സാ​ഹ​സ കൈ​യേ​റ്റം എ​ന്ന് ക​രു​ത​പ്പെ​ടു​ന്നു. 1999 മേ​യ് മൂ​ന്നി​നാ​ണ് ഇ​ന്ത്യ നു​ഴ​ഞ്ഞു​ക​യ​റ്റം ക​ണ്ടെ​ത്തി​യ​ത്. മേ​യ് 26ന് ​ഇ​ന്ത്യ​ൻ എ​യ​ർ​ഫോ​ഴ്‌​സ് ആ​ദ്യ​ത്തെ വ്യോ​മാ​ക്ര​മ​ണം ന​ട​ത്തി. തു​ട​ർ​ന്ന് നു​ഴ​ഞ്ഞു​ക​യ​റ്റ​ക്കാ​രെ പു​റ​ത്താ​ക്കാ​ൻ ഇ​ന്ത്യ​ൻ സൈ​ന്യ​ത്തി​​​ന്റെ ‘ഓ​പ​റേ​ഷ​ൻ വി​ജ​യ്’ എ​ന്ന സൈ​നി​ക നീ​ക്കം. ര​ണ്ടു​മാ​സ​ത്തെ ഏ​റ്റു​മു​ട്ട​ലി​നൊ​ടു​വി​ൽ 1999 ജൂ​ലൈ 26 ന് ​ഇ​ന്ത്യ​ൻ വി​ജ​യ​ത്തോ​ടെ യു​ദ്ധം അ​വ​സാ​നി​ച്ചു.

പ​ശ്ചാ​ത്ത​ലം

1947-48, 1965 വ​ർ​ഷ​ങ്ങ​ളി​ലെ യു​ദ്ധ​ങ്ങ​ൾ​ക്ക് ശേ​ഷം, 1966ൽ ​ഇ​ന്ത്യ​ൻ പ്ര​ധാ​ന​മ​ന്ത്രി ലാ​ൽ ബ​ഹാ​ദൂ​ർ ശാ​സ്ത്രി​യും പാ​കി​സ്താ​ൻ പ്ര​സി​ഡ​ൻ​റ് ജ​ന​റ​ൽ അ​യൂ​ബ് ഖാ​നും താ​ഷ്ക​ൻ​റ് ഉ​ട​മ്പ​ടി ഒ​പ്പു​വെ​ച്ചു. ക​രാ​റി​ലെ വ്യ​വ​സ്ഥ​ക​ൾ അ​നു​സ​രി​ച്ച്, 1965 ആ​ഗ​സ്റ്റ് അ​ഞ്ചി​ന് മു​മ്പു​ണ്ടാ​യി​രു​ന്ന സ്ഥാ​ന​ങ്ങ​ളി​ലേ​ക്ക് സാ​യു​ധ സേ​ന​ക​ളെ പി​ൻ​വ​ലി​ക്കാ​ൻ ഇ​രു​രാ​ജ്യ​ങ്ങ​ളും സ​മ്മ​തി​ച്ചു. ന​യ​ത​ന്ത്ര​ബ​ന്ധം പു​നഃ​സ്ഥാ​പി​ക്കാ​നും സാ​മ്പ​ത്തി​കം, അ​ഭ​യാ​ർ​ഥി പ്ര​ശ്നം തു​ട​ങ്ങി​യ വി​ഷ​യ​ങ്ങ​ൾ ച​ർ​ച്ച ചെ​യ്യാ​നും തീ​രു​മാ​നി​ച്ചു.

എ​ന്നാ​ൽ 1971ൽ, ​കി​ഴ​ക്ക​ൻ പാ​കി​സ്താ​ന്റെ (ഇ​പ്പോ​ൾ ബം​ഗ്ലാ​ദേ​ശ്) സ്വാ​ത​ന്ത്ര്യ പോ​രാ​ട്ട​ത്തി​നി​ടെ ഇ​ന്ത്യ​ൻ പ്ര​ദേ​ശ​ത്തേ​ക്ക് അ​ഭ​യാ​ർ​ഥി​ക​ളു​ടെ ഒ​ഴു​ക്കു​ണ്ടാ​യ​പ്പോ​ൾ ഇ​ട​പെ​ടാ​ൻ ഇ​ന്ത്യ നി​ർ​ബ​ന്ധി​ത​രാ​യി. ഇ​രു രാ​ജ്യ​ങ്ങ​ളും ത​മ്മി​ൽ തു​റ​ന്ന യു​ദ്ധ​ത്തി​ലേ​ക്ക് ഇ​ത് ന​യി​ച്ചു. 1971 ഡി​സം​ബ​ർ മൂ​ന്നി​ന് ആ​രം​ഭി​ച്ച യു​ദ്ധം 14 ദി​വ​സം നീ​ണ്ടു​നി​ന്നു.

ബം​ഗ്ലാ​ദേ​ശ് എ​ന്ന പു​തി​യ രാ​ഷ്ട്ര​ത്തി​ന്റെ രൂ​പ​വ​ത്ക​ര​ണ​മാ​യി​രു​ന്നു യു​ദ്ധ​ത്തി​ന്റെ ഫ​ലം. 1972 ജൂ​ലൈ​യി​ൽ, ഷിം​ല ക​രാ​ർ പ്ര​കാ​രം ഇ​രു രാ​ജ്യ​ങ്ങ​ളു​ടെ​യും സേ​ന​ക​ളെ പി​ൻ​വ​ലി​ച്ചു. വെ​ടി​നി​ർ​ത്ത​ലി​ന്റെ ഫ​ല​മാ​യി ജ​മ്മു-​ക​ശ്മീ​രി​ൽ നി​യ​ന്ത്ര​ണ രേ​ഖ (എ​ൽ.​സി) ഔ​ദ്യോ​ഗി​ക​മാ​യി സ്ഥാ​പി​ക്ക​പ്പെ​ട്ടു. കൂ​ടാ​തെ, സൈ​നി​ക ശ​ക്തി ഉ​പ​യോ​ഗി​ക്കു​ന്ന​തി​ൽ​നി​ന്ന് വി​ട്ടു​നി​ൽ​ക്കാ​നും സൈ​ന്യ​ത്തെ പി​ൻ​വ​ലി​ക്കാ​നും തീ​രു​മാ​ന​മാ​യി.

1998 മേ​യ് മാ​സ​ത്തി​ൽ, ഇ​ന്ത്യ​യും പാ​കി​സ്താ​നും ആ​ണ​വ​ശ​ക്തി​ക​ളാ​യി പ്ര​ഖ്യാ​പി​ച്ച​തോ​ടെ ഇ​രു രാ​ജ്യ​ങ്ങ​ളു​ടെ​യും സു​ര​ക്ഷാ ആ​ശ​ങ്ക​ക​ൾ വ​ർ​ധി​ച്ചു. എ​ന്നാ​ൽ, 1999 ഫെ​ബ്രു​വ​രി 20-21 തീ​യ​തി​ക​ളി​ൽ പാ​കി​സ്താ​നി​ലെ ലാ​ഹോ​റി​ൽ വെ​ച്ച് ഇ​ന്ത്യ​ൻ പ്ര​ധാ​ന​മ​ന്ത്രി അ​ട​ൽ ബി​ഹാ​രി വാ​ജ്‌​പേ​യി​യും പാ​കി​സ്താ​ൻ പ്ര​ധാ​ന​മ​ന്ത്രി ന​വാ​സ് ശ​രീ​ഫും ലാ​ഹോ​ർ പ്ര​ഖ്യാ​പ​ന​ത്തി​ൽ ഒ​പ്പു​വെ​ച്ച​തോ​ടെ ഇ​രു​വ​രും ത​മ്മി​ൽ ആ​ണ​വാ​യു​ധ പ്ര​യോ​ഗ​ത്തി​നു​ള്ള സാ​ധ്യ​ത ല​ഘൂ​ക​രി​ച്ചു. എ​ന്നാ​ൽ, വൈ​കാ​തെ​ത​ന്നെ ഷിം​ല ക​രാ​റി​​​ന്റെ​യും ലാ​ഹോ​ർ പ്ര​ഖ്യാ​പ​ന​ത്തി​​​ന്റെ​യും അ​ന്തഃ​സ്സ​ത്ത​ക്ക് നി​ര​ക്കാ​ത്ത പ്ര​വൃ​ത്തി​യാ​ണ് പാ​കി​സ്താ​​ന്റെ ഭാ​ഗ​ത്തു​നി​ന്നു​ണ്ടാ​യ​ത്.

നു​ഴ​ഞ്ഞു​ക​യ​റ്റം

‘ഓ​പ​റേ​ഷ​ൻ ബ​ദ​ർ’ എ​ന്നു​പേ​രി​ട്ട സൈ​നി​ക നീ​ക്ക​ത്തി​ലൂ​ടെ ക​ശ്മീ​രി ഭീ​ക​ര​രു​ടെ വേ​ഷം ധ​രി​ച്ച് പാ​ക് സൈ​ന്യം നി​യ​ന്ത്ര​ണ രേ​ഖ ലം​ഘി​ച്ച് നു​ഴ​ഞ്ഞു​ക​യ​റു​ക​യും ഇ​ന്ത്യ​ൻ സൈ​ന്യ​ത്തി​​ന്റെ ഒ​ഴി​ഞ്ഞ ശീ​ത​കാ​ല പോ​സ്റ്റു​ക​ൾ കൈ​യ​ട​ക്കു​ക​യും ചെ​യ്ത​തോ​ടെ​യാ​ണ് കാ​ർ​ഗി​ൽ യു​ദ്ധ​ത്തി​ന് തു​ട​ക്കം കു​റി​ച്ച​ത്. ക​ശ്മീ​രും ല​ഡാ​ക്കും ത​മ്മി​ലു​ള്ള ബ​ന്ധം വി​ച്ഛേ​ദി​ച്ച് മ​ഞ്ഞു​മൂ​ടി​യ സി​യാ​ച്ചി​ൻ മ​ല​നി​ര​ക​ളി​ൽ ഇ​ന്ത്യ​ൻ സൈ​നി​ക​രെ ഒ​റ്റ​പ്പെ​ടു​ത്താ​നും ക​ശ്മീ​ർ ത​ർ​ക്കം പ​രി​ഹ​രി​ക്കു​ന്ന​തി​ന് ഇ​ന്ത്യ​യെ ച​ർ​ച്ച​ക്ക് നി​ർ​ബ​ന്ധി​ക്കാ​നു​മാ​ണ് പാ​ക് ​സൈ​ന്യം ല​ക്ഷ്യ​മി​ട്ട​തെ​ന്നാ​ണ് ഇ​ന്ത്യ​ൻ ക​ര​സേ​ന​യു​ടെ വി​ല​യി​രു​ത്ത​ൽ.

ഇ​ന്ത്യ​ൻ സൈ​നി​ക നീ​ക്കം

1999 മേ​യ് മൂ​ന്നി​ന് അ​ജ്ഞാ​ത​രു​ടെ സാ​ന്നി​ധ്യ​ത്തെ​ക്കു​റി​ച്ച് പ്ര​ദേ​ശ​വാ​സി​ക​ളാ​ണ് കാ​ർ​ഗി​ൽ സെ​ക്ട​റി​ലെ ബ​ഞ്ചു ഹെ​ഡ്ക്വാ​ർ​ട്ടേ​ഴ്സി​ലെ സൈ​നി​ക യൂ​നി​റ്റി​നെ ആ​ദ്യം വി​വ​ര​മ​റി​യി​ച്ച​ത്. ഉ​ട​ൻ​ത​ന്നെ നു​ഴ​ഞ്ഞ​ക​യ​റ്റ​ക്കാ​രെ ക​ണ്ടെ​ത്താ​ൻ സൈ​ന്യ​ത്തെ അ​യ​ച്ചു. തു​ട​ർ​ന്നു​ള്ള ദി​വ​സ​ങ്ങ​ളി​ൽ വി​പു​ല​മാ​യ പ​ട്രോ​ളി​ങ്ങും വ്യോ​മ നി​രീ​ക്ഷ​ണ​വും ന​ട​ത്തി. പാ​കി​സ്താ​ൻ അ​ധി​നി​വേ​ശ​ത്തി​ന്റെ വ്യാ​പ്തി​യും ത​യാ​റെ​ടു​പ്പു​ക​ളും എ​ത്ര​ത്തോ​ള​മെ​ന്ന് അ​തോ​ടെ വ്യ​ക്ത​മാ​യി. പാ​ക് സൈ​നി​ക​രെ പു​റ​ത്താ​ക്കാ​നു​ള്ള പ​ദ്ധ​തി അ​തി​വേ​ഗം ത​യാ​റാ​യി. സം​ഘ​ർ​ഷം വ്യാ​പി​ക്കാ​തി​രി​ക്കാ​ൻ ഇ​ന്ത്യ​ൻ സൈ​ന്യം നി​യ​ന്ത്ര​ണ രേ​ഖ മ​റി​ക​ട​ക്ക​രു​തെ​ന്നും കേ​ന്ദ്ര സ​ർ​ക്കാ​ർ നി​ർ​ദേ​ശം ന​ൽ​കി.

ഉ​യ​ര​ങ്ങ​ളി​ലെ പോ​രാ​ട്ടം

പാ​കി​സ്താ​ൻ കൈ​വ​ശ​പ്പെ​ടു​ത്തി​യ കു​ന്നു​ക​ൾ തി​രി​ച്ചു​പി​ടി​ക്കു​ക അ​തീ​വ ദു​ഷ്‍ക​ര​മാ​ണെ​ന്ന് വേ​ഗം ത​ന്നെ വ്യ​ക്ത​മാ​യി. പ​ർ​വ​ത​മു​ക​ളി​ൽ നി​ന്ന് ആ​ക്ര​മ​ണം ന​ട​ത്തു​മ്പോ​ൾ ആ​നു​കൂ​ല്യം ആ​ക്ര​മ​ണം ന​ട​ത്തു​ന്ന​വ​ർ​ക്ക​ല്ല ശ​ത്രു​വി​നാ​ണെ​ന്ന​ത് വ​സ്തു​ത​യാ​ണ്. അ​തി​നാ​ൽ, ക​ര​സൈ​ന്യം ആ​ക്ര​മ​ണം ന​ട​ത്തു​ന്ന​തി​നു​മു​മ്പ് വ്യോ​മ​സേ​ന പ​ര​മാ​വ​ധി ആ​ക്ര​മ​ണം ന​ട​ത്തി ക​ള​മൊ​രു​ക്ക​ണ​മെ​ന്ന് സൈ​നി​ക ആ​സ്ഥാ​ന​ത്ത് തീ​രു​മാ​നി​ച്ചു.

ശ​ത്രു സൈ​ന്യം നി​ല​യു​റ​പ്പി​ച്ച പ​ല സ്ഥ​ല​ങ്ങ​ളും ക​ര​സേ​ന​ക്ക് കാ​ണാ​ൻ ക​ഴി​യാ​ത്ത​താ​യി​രു​ന്നു. അ​തി​നാ​ൽ, വ്യോ​മാ​ക്ര​മ​ണ​മാ​ണ് കൂ​ടു​ത​ൽ ഫ​ല​പ്ര​ദം. സ്വ​ന്തം പ്ര​ദേ​ശ​ത്ത് വ്യോ​മാ​ക്ര​മ​ണം ന​ട​ത്തു​ന്ന​തി​നു​ള്ള അ​നു​മ​തി കേ​ന്ദ്ര മ​ന്ത്രി​സ​ഭ ന​ൽ​കി. ഓ​പ​റേ​ഷ​ൻ സ​ഫേ​ദ് സാ​ഗ​റി​​​ന്റെ ഭാ​ഗ​മാ​യി 1999 മേ​യ് 26ന് ​ ആ​ദ്യ വ്യോ​മാ​ക്ര​മ​ണം ന​ട​ത്തി.

മൂ​ന്ന് സേ​നാ​വി​ഭാ​ഗ​ങ്ങ​ളും യോ​ജി​ച്ച് ക​ർ​മ​പ​ദ്ധ​തി ത​യാ​റാ​ക്കി. ത​ട​യു​ക-​പു​റ​ത്താ​ക്കു​ക-​നി​ഷേ​ധി​ക്കു​ക എ​ന്ന​താ​യി​രു​ന്നു ഇ​ന്ത്യ​ൻ സൈ​ന്യം ന​ട​ത്തി​യ ‘ഓ​പ​റേ​ഷ​ൻ വി​ജ​യ്’ എ​ന്ന നീ​ക്ക​ത്തി​​ന്റെ ത​ന്ത്രം. ശ്രീ​ന​ഗ​ർ-​ലേ ദേ​​ശീ​യ പാ​ത​യോ​ടു​ചേ​ർ​ന്ന ടോ​ളോ​ലി​ങ് പോ​ലെ​യു​ള്ള കു​ന്നി​ൻ മു​ക​ളി​ൽ​നി​ന്ന് നു​ഴ​ഞ്ഞു​ക​യ​റ്റ​ക്കാ​രെ ഒ​ഴി​പ്പി​ക്കു​ന്ന​തി​നാ​യി​രു​ന്നു മു​ഖ്യ പ​രി​ഗ​ണ​ന. ല​ഡാ​ക്ക്-​സി​യാ​ച്ചി​ൻ മേ​ഖ​ല​യോ​ടു​ചേ​ർ​ന്ന ബ​താ​ലി​ക്-​ത​ർ​തോ​ക് സ​ബ് സെ​ക്ട​റി​നാ​യി​രു​ന്നു അ​ടു​ത്ത പ​രി​ഗ​ണ​ന. ജൂ​ലൈ നാ​ലി​ന് സൈ​ന്യം ടൈ​ഗ​ർ ഹി​ൽ​സ് തി​രി​ച്ചു​പി​ടി​ച്ചു.ജൂ​ലൈ 12 മു​ത​ൽ 18 വ​രെ പാ​ക് സൈ​നി​ക​ർ​ക്ക് പി​ൻ​വാ​ങ്ങു​ന്ന​തി​ന് വെ​ടി​നി​ർ​ത്ത​ൽ പ്ര​ഖ്യാ​പി​ച്ചു. ജൂ​ലൈ 24ന് ​അ​വ​സാ​ന കൈ​യേ​റ്റ സ്ഥ​ല​മാ​യ സു​ല്ലു സ്പ​ർ സൈ​ന്യം തി​രി​ച്ചു​പി​ടി​ച്ചു. അ​ങ്ങ​നെ ജൂ​ലൈ 26ന്, ​ഇ​ന്ത്യ​ൻ സൈ​നി​ക ച​രി​ത്ര​ത്തി​ൽ അ​ത്യു​ജ്വ​ല വി​ജ​യ​മാ​യി കാ​ർ​ഗി​ൽ യു​ദ്ധം അ​വ​സാ​നി​ച്ചു.