ആ​രാ​ണ് സ​മ്പ​ത്തി​നെ കൊന്നത്?

ഏ​റെ കോ​ളി​ള​ക്ക​മു​ണ്ടാ​ക്കി​യ പാ​ല​ക്കാ​ട്ടെ സ​മ്പ​ത്ത് ക​സ്റ്റ​ഡി​മ​ര​ണ​ക്കേ​സ് ഇ​ന്ന് ആ​രെ​ങ്കി​ലും ഓ​ർ​മി​ക്കു​ന്നു​ണ്ടോ? പു​ത്തൂ​ർ ഷീ​ല വ​ധ​ക്കേ​സി​ലെ പ്ര​തി സ​മ്പ​ത്ത് 2010 മാ​ർ​ച്ച് 29നാ​ണ് പൊ​ലീ​സ് ക​സ്റ്റ​ഡി​യി​ൽ മ​രി​ച്ച​ത്. ഷീ​ല​യു​ടെ കൊ​ല​പാ​ത​ക​ത്തെ തു​ട​ർ​ന്ന് സ​മ്പ​ത്തി​നെ​യും മ​റ്റ് ര​ണ്ട് പേ​രെ​യും പൊ​ലീ​സ് സം​ഘം ക​സ്റ്റ​ഡി​യി​ലെ​ടു​ത്ത് മ​ല​മ്പു​ഴ​യി​ലെ ഒ​രു കോ​ട്ടേ​ജി​ലേ​ക്ക് കൊ​ണ്ടു​പോ​യി പീ​ഡി​പ്പി​ച്ചു. പൊ​ലീ​സ് ക​സ്റ്റ​ഡി​യി​ലി​രി​ക്കെ​യാ​ണ് സ​മ്പ​ത്ത് മ​രി​ച്ച​ത്. ഒ​രു​പാ​ട് സ​മ​ര​കോ​ലാ​ഹ​ല​ങ്ങ​ൾ​ക്കു​ശേ​ഷം കേ​സ് സി.​ബി.​ഐ ഏ​റ്റെ​ടു​ത്തു. ആ​ന്ത​രി​ക ര​ക്ത​സ്രാ​വ​ത്തെ തു​ട​ർ​ന്നാ​ണ് സ​മ്പ​ത്ത് മ​രി​ച്ച​തെ​ന്നാ​ണ് സി.​ബി.​ഐ കു​റ്റ​പ​ത്ര​ത്തി​ലു​ണ്ടാ​യി​രു​ന്ന​ത്.

പ്ര​തി പൊ​ലീ​സ് ക​സ്റ്റ​ഡി​യി​ൽ കൊ​ല്ല​പ്പെ​ട്ട​ത​റി​ഞ്ഞ് ഡി​വൈ.​എ​സ്.​പി രാ​മ​ച​ന്ദ്ര​ൻ പാ​ല​ക്കാ​ട് ടൗ​ൺ നോ​ർ​ത്ത് പൊ​ലീ​സ് സ്റ്റേ​ഷ​നി​ലെ​ത്തി, കു​റ്റ​ക്കാ​രാ​യ സ​ഹ​പ്ര​വ​ർ​ത്ത​ക​രെ ര​ക്ഷി​ക്കാ​ൻ രേ​ഖ​ക​ൾ മാ​റ്റി വ്യാ​ജ​രേ​ഖ​യു​ണ്ടാ​ക്കാ​ൻ പൊ​ലീ​സു​കാ​ർ​ക്ക് നി​ർ​ദേ​ശം ന​ൽ​കി​യ​താ​യി കു​റ്റ​പ​ത്ര​ത്തി​ൽ പ​റ​യു​ന്നു. ജ​ന​റ​ൽ ഡ​യ​റി, സെ​ൻ​ട്രി റി​ലീ​ഫ് ബു​ക്ക്, അ​റ​സ്റ്റ് മെ​മ്മോ​ക​ൾ, മ​ഹ്‌​സ​ർ തു​ട​ങ്ങി​യ​വ​യി​ൽ മാ​റ്റം വ​രു​ത്തി​യ​താ​യും സി.​ബി.​ഐ അ​ന്വേ​ഷ​ണ സം​ഘം ക​ണ്ടെ​ത്തി.

പ​ണം ന​ൽ​കി സാ​ക്ഷി​യെ സ്വാ​ധീ​നി​ക്കാ​ൻ ശ്ര​മി​ച്ചു​വെ​ന്നാ​യി​രു​ന്നു പൊ​ലീ​സ് ഓ​ഫി​സ​റാ​യ ബി​നു ഇ​ട്ടൂ​പ്പി​നെ​തി​രാ​യ കു​റ്റം. സ​മ്പ​ത്തി​നെ മ​ല​മ്പു​ഴ​യി​ലെ കോ​ട്ടേ​ജി​ലേ​ക്ക് കൊ​ണ്ടു​പോ​യി​ല്ലെ​ന്നും പൊ​ലീ​സ് ക​സ്റ്റ​ഡി​യി​ൽ മ​ർ​ദി​ച്ചി​ട്ടി​ല്ലെ​ന്നും മൊ​ഴി ന​ൽ​കാ​ൻ ഇ​ദ്ദേ​ഹം സാ​ക്ഷി​യെ സ്വാ​ധീ​നി​ച്ചെ​ന്നും സി.​ബി.​ഐ ക​ണ്ടെ​ത്തി​യി​രു​ന്നു.

എ​ന്നാ​ൽ, മ​തി​യാ​യ തെ​ളി​വു​ക​ളി​ല്ലെ​ന്നു​ക​ണ്ട് രാ​മ​ച​ന്ദ്ര​നെ​യും ബി​നു ഇ​ട്ടൂ​പ്പി​നെ​യും വി​ചാ​ര​ണ കോ​ട​തി കു​റ്റ​വി​മു​ക്ത​രാ​ക്കി. ഐ.​പി.​എ​സ് ഓ​ഫി​സ​ർ​മാ​രാ​യ വി​ജ​യ് സാ​ഖ​റെ​യും മു​ഹ​മ്മ​ദ് യാ​സി​നും ഉ​ൾ​പ്പെ​ടെ കേ​സി​ലെ ചി​ല പ്ര​തി​ക​ളെ സി.​ബി.​ഐ കു​റ്റ​പ​ത്ര​ത്തി​ൽ​നി​ന്ന് ഒ​ഴി​വാ​ക്കി​യി​രു​ന്നു. അ​ങ്ങ​നെ 14 വ​ർ​ഷ​ങ്ങ​ൾ​ക്കു​ശേ​ഷ​വും ആ ​ചോ​ദ്യം അ​ന്ത​രീ​ക്ഷ​ത്തി​ൽ ത​ങ്ങി​നി​ൽ​ക്കു​ന്നു- പി​ന്നെ ആ​രാ​ണ്, എ​ങ്ങ​നെ​യാ​ണ് സ​മ്പ​ത്തിനെ കൊന്ന​ത്?

(തുടരും)