ആരുപറഞ്ഞു, ഗോദ്​​സെ ആർ.എസ്​.എസുകാരനല്ലെന്ന്​?

? താങ്കളുടെ പുസ്​തകം ആർ.എസ്​.എസും ഗാന്ധി ഹത്യയും തമ്മിലെ ബന്ധം വെളിപ്പെടുത്തുന്നുണ്ടല്ലോ, ആർ.എസ്​.എസ്​ എങ്ങനെയാണ്​ അവരു​െട ഭൂതകാലത്തെ വെളുപ്പിച്ചെടുക്കുന്നത്​​?

ഗാന്ധിജിയുടെ കൊലപാതകത്തിനു​ പിന്നിലെ ഗൂഢാലോചന ശരിയാംവിധം അന്വേഷിക്കപ്പെട്ടിട്ടില്ല. ഏറെ വൈകി 1960കളിൽ ഇക്കാര്യം അന്വേഷിക്കാൻ ഒരു കമീഷനെ നിയോഗിച്ചു. അപ്പോഴേക്ക്​ ഈ കേസുമായി ബന്ധപ്പെട്ട നിരവധിയാളുകൾ മരിച്ചിരുന്നു. പല കാര്യങ്ങളും നീക്കം ചെയ്യപ്പെടുകയും ചെയ്​തു. കമീഷനാവ​ട്ടെ വസ്​തുതകൾ പരിശോധിക്കാൻ കാര്യമായൊന്നും ചെയ്​തതുമില്ല.

ഗോദ്​​സെ ആർ.എസ്​.എസ്​ വിട്ടു മഹാസഭയിൽ ചേർന്നുവെന്നൊക്കെ കഥകളുണ്ടെങ്കിലും നാഗ്​പുരിലെ ആർ.എസ്​.എസ്​ കേന്ദ്രകാര്യാലയത്തിൽനിന്ന്​ പിടിച്ചെടുത്ത രേഖകൾ ഇത്തരം വാദങ്ങളെ ഖണ്ഡിക്കുന്നു.

ഗോദ്​സെ പറഞ്ഞ വാദങ്ങൾ ശരിയേത്​ തെറ്റേത്​ എന്നു​ കണ്ടെത്തുന്നതിന്​ ഒരു ശ്രമവുമുണ്ടായിട്ടില്ല. അതു ചെയ്​തിരുന്നെങ്കിൽ ഇന്ന്​ കാര്യങ്ങൾ സുവ്യക്​തമായേനെ. ഗാന്ധിഹത്യയു​െട ഗൂഢാലോചനയിലേക്ക്​ അന്വേഷണം നടക്കാഞ്ഞതാണ്​ ആർ.എസ്​.എസിന്​ കെട്ടുകഥകളെ സ്​ഥിരപ്പെടുത്തിയെടുക്കാൻ സൗകര്യം നൽകിയത്​. കെട്ടുകഥകൾ ആദ്യം പ്രാമാണീകരിച്ചത്​ ആർ.എസ്​.എസ്​ അനുകൂലി എഴുത്തുകാരായിരുന്നു, എന്നാൽ, പിൽക്കാലത്ത്​ ഗവേഷകരും ആർ.എസ്​.എസുകാരല്ലാത്ത എഴുത്തുകാരും ഇൗ സിദ്ധാന്തങ്ങളെ മുഖവിലയ്​ക്കെടുത്തു തുടങ്ങി. അതോടെ ആർ.എസ്​.എസിന്​ അവരുടെ ഭൂതകാലം വെളുപ്പിച്ചെടുക്കാനുമായി.

ഗോദ്​സെക്ക്​ ആർ.എസ്​.എസും ​സവർക്കറുമായുണ്ടായിരുന്ന ബന്ധമെന്തായിരുന്നു ?

വിചാരണ വേളയിൽ ഗോദ്​സെ ശ്രമിച്ചത്​ ഗാന്ധിഹത്യയുടെ ആസൂത്രണവും നടത്തിപ്പുമെല്ലാം താനൊറ്റക്ക്​ നടത്തിയതാണ്​ എന്ന ധാരണ സൃഷ്​ടിക്കാനാണ്​. അങ്ങനെ ആരോപണ വിധേയരെയും താൻ ഭാഗമായിരുന്ന ആർ.എസ്​.എസ്​, ഹിന്ദു മഹാസഭ എന്നീ സംഘടനകളെയും കുറ്റമുക്​തരാക്കാൻ നോക്കി. 1929ൽ സവർക്കറുമായി ബന്ധപ്പെടാൻ തുടങ്ങിയപ്പോൾ മുതൽ ഗാന്ധിയൻ ദേശീയതയുടെയും തത്ത്വചിന്തയുടെയും വിപരീത ശക്​തിയായ ഹിന്ദുത്വ വൃത്തങ്ങളുടെ ഭാഗമായി ഗോദ്​സെ. സ്വാതന്ത്ര്യം ലഭിച്ചശേഷം ഇന്ത്യയെ ഒരു ഹിന്ദുരാഷ്​ട്രമാക്കി മാറ്റണം എന്ന്​ ചിന്തിക്കുന്ന സംഘമായിരുന്നു അവർ. അയാൾ ക്രമേണ സവർക്കർ അനുകൂലികൾ വാഗ്​ദാനം ചെയ്​ത ബ്രാഹ്​മണാധിപത്യം വീണ്ടെടുത്ത്​ ഹിന്ദുരാഷ്​ട്ര സംസ്​ഥാപനം എന്ന ആ സ്വപ്​നത്തെ പിന്തുടരാൻ തുടങ്ങി.

മുംബൈയിലും വിരാറിലുമുള്ള മറാത്തി സംസാരിക്കുന്ന മേൽജാതി യുവാക്കളാണ്​ ഈ ചിന്തയോട്​ ഏറെയും ആകർഷിക്കപ്പെട്ടത്​. സവർക്കർ തുടക്കമിട്ടുകൊടുത്ത ചിന്തകൾക്ക്​ 1934ൽ ആർ.എസ്​.എസിൽ ചേർ​ന്നതോടെ രൂപം കൈവന്നു. ഹിന്ദുത്വ സംഘടനകളായ ആർ.എസ്​.എസും ഹിന്ദുമഹാസഭയും വഴി മുന്നോട്ടുകൊണ്ടുപോകുവാൻ ആലോചിച്ചു. സായുധ സംഘടനയായ ഹിന്ദുരാഷ്​ട്ര ദലിനും അയാൾ രൂപം നൽകി. ആ സംഘടനയും മൗലികമായി ആർ.എസ്​.എസുമായി ബന്ധപ്പെട്ടുകിടക്കുന്നു. വിശ്രുത എഴുത്തുകാരൻ ഖുശ്​വന്ത്​ സിങ്​ പറഞ്ഞതുപോലെ ഹിന്ദുത്വ എന്നു പറഞ്ഞാൽ അത്​ ഗോദ്​സെയിസമാണ്​.

ഇന്ത്യൻ സ്വാതന്ത്ര്യപ്പോരാട്ടത്തി​െൻറ എക്കലാത്തെയും വലിയ പ്രതീകമായ, ഹിന്ദു-മുസ്​ലിം ഏകതയുടെ പ്രതിരൂപമായിരുന്ന ഗാന്ധിജിയെ വധിച്ച ഗോദ്​സെക്ക്​ വർത്തമാനകാല ഇന്ത്യയിലെ ഒരു വിഭാഗം ഹിന്ദുയുവതക്കിടയിൽ വലിയ ജനപ്രിയത ഉണ്ടായിരിക്കുന്നു- ഇത്​ എന്താണ്​ പറഞ്ഞുവെക്കുന്നത്​​?

നേരത്തേയും ഗോദ്​സെയെ ബിംബമായി കരുതുന്ന ഒരു വിഭാഗം ഉണ്ടായിരുന്നു, അന്നവരത്​ തികച്ചും നിശ്ശബ്​ദമാണത്​ ചെയ്​തിരുന്നത്​. ഹിന്ദുത്വ സംഘടനകൾ ഇന്ന്​ മുഖ്യധാരയായി മാറിയിരിക്കുന്നു. ഭരണകൂടത്തി​െൻറ പിൻബലമുള്ളതിനാൽ അവരുടെ ഒച്ചക്ക്​ കനമേറിയിരിക്കുന്നു. പലയിടത്തും ഗോദ്​​സെ ക്ഷേത്രങ്ങൾ വരാൻപോലും പോകുന്നു. ഗോദ്​സെയെ വിഗ്രഹവത്​കരിക്കുന്ന രീതി ഇന്ത്യയിൽ ശക്​തിപ്രാപിക്കുകയാണ്​, 2014നു​ ശേഷം സംഭവിച്ചതാണിത്​. 2017ൽ രാജ്യത്തെ ഹിന്ദു കുറുനിരക്കൂട്ടങ്ങളെ പഠനവിധേയമാക്കുന്ന നിഴൽ സൈന്യങ്ങൾ (hadow Armies) എന്ന പുസ്​തകത്തി​നായി പ്രവർത്തിച്ച വേളയിൽപ്പോലും അത്തരം സംഘടനകളിൽ പ്രവർത്തിക്കുന്നവരെ ഹിന്ദു സമുദായത്തിലെ തീവ്രവിഭാഗക്കാരായാണ്​ കണക്കാക്കിയിരുന്നത്​. എന്നാൽ, അന്നും എന്നെ അത്ഭുതപ്പെടുത്തിയത്​ മാധ്യമങ്ങളും ഭരണകൂടവും നമ്മുടെ വ്യവസ്​ഥയുമെല്ലാം അവയെ ഒറ്റപ്പെട്ട സംഭവങ്ങളായാണ്​ കണക്കാക്കിയിരുന്നത്​, അവരുടെ ചെയ്​തികളെല്ലാം വ്യക്​തിപരമെന്നും. ഹിന്ദുത്വ സംഘടനകളുമായി അടുത്ത ബന്ധമുള്ള സംഭവങ്ങളെയാണ്​ ഒറ്റപ്പെട്ട സംഭവമായും വ്യക്​തികളുടെ പ്രവൃത്തികളായും എണ്ണിയിരുന്നത്​.

ഹിന്ദുത്വ സംഘടനകൾ ഇന്ത്യൻ ജനാധിപത്യത്തിന്​ സൃഷ്​ടിക്കുന്ന ഭീഷണി എത്രമാത്രം വലുതാണ്​​?

ഈ വിഭാഗം മാത്രമങ്ങ്​ വിചാരിച്ചാൽ ഇന്ത്യൻ ജനാധിപത്യത്തെയും മതേതരത്വത്തെയും ഭീഷണിയിലാക്കാമെന്ന്​ ഞാൻ ഒരിക്കലും കരുതുന്നില്ല.

നിങ്ങ​െളാരു ഹിതപരിശോധന നടത്തിയാൽ ഇന്ത്യൻ ജനതയുടെ വലിയൊരു വിഭാഗം ഇപ്പോഴും ഗാന്ധിക്കൊപ്പം തന്നെയാണ്. ഹിന്ദുത്വ ഗ്രൂപ്പുകൾക്ക്​ ഭരണകൂട പിൻബലമുള്ളതു​കൊണ്ട്​ ഗാന്ധിയന്മാരേക്കാൾ ഇടം അവർ കൈയടക്കിയതായി അനുഭവപ്പെടുകയാണ്​. ഇപ്പോഴും ബി.ജെ.പിക്ക്​ രാജ്യത്തെ ഭൂരിപക്ഷം ജനങ്ങളുടെ പിന്തുണയില്ല. തീർച്ചയായും അവർ രാജ്യത്തെ ഏറ്റവും വലിയ ഒറ്റക്കക്ഷിയാണ്​, മറ്റു പാർട്ടികളെ അപേക്ഷിച്ച്​ കൂടുതൽ വോട്ടും സീറ്റും അവർക്കുണ്ട്​. എന്നാൽ, രാജ്യത്തെ അറുപത്​ ശതമാനത്തിലേറെ പേർ ബി.ജെ.പിക്ക്​ എതിരായാണ്​ വോട്ടു ചെയ്​തിരിക്കുന്നത്​. അധികാരം മോദിയുടെ കൈകളിൽ അമർന്നുപോയതി​െൻറ വ്യത്യാസമാണ്​ ഇപ്പോൾ നാം കാണുന്ന മാറ്റങ്ങൾക്ക്​ പിന്നിൽ. മുസ്​ലിംകൾ പ്രായോഗിക തലത്തിൽ വലിയ അ​ളവോളം രണ്ടാംതരം പൗരരായി താഴ്​ത്തിക്കെട്ടപ്പെട്ടിരിക്കുന്നു എന്നത്​ ഒരു സത്യമാണ്​. എന്നാൽ, വരും കാലങ്ങളിൽ ഇതിനൊരു തിരിച്ചടിയുണ്ടായാലും എനിക്ക്​ അത്ഭുതമില്ല. മുസ്​ലിംകൾ മാത്രമല്ല, ഹിന്ദുക്കളിൽ ബഹുഭൂരിപക്ഷവും അവർ ജീവിച്ചുപോന്ന ജനാധിപത്യരീതിയെ കൈ​െയാഴിയാൻ താൽപര്യപ്പെടുന്നില്ല. ഇന്ത്യയുടേത്​ അനുഭവ സമ്പന്നമായ ഒരു ജനാധിപത്യക്രമമമാണ്​.

മോദിഭരണത്തിൻ കീഴിൽ സവർക്കറുടെ ഹിന്ദുമേൽക്കോയ്​മാ വീക്ഷണം ഗാന്ധിയൻ ബഹുസ്വരതക്കുമേൽ ആധിപത്യം കൈവരിക്കുന്നതായി താങ്കൾ കരുതുന്നുണ്ടോ?

സവർക്കറെ ഹിന്ദു ദേശീയവാദിയായി കാണുന്നതു​ തന്നെ പ്രശ്​നകരമായി തോന്നുന്നു. സവർക്കറെപ്പോലെയുള്ള ആളുകളെ ദേശീയവാദിയെന്ന്​ വിശേഷിപ്പിക്കുന്നതുതന്നെ തെറ്റാണ്​. അയാൾ ഒരു ദേശീയവാദിയേ ആയിരുന്നില്ല. ഇന്ത്യയിൽ ദേശീയവാദത്തിന്​ ഒരു പശ്ചാത്തലമുണ്ട്​. അത്​ ബ്രിട്ടീഷ്​ കോളനിവാഴ്​ചക്കെതിരായ സ്വാതന്ത്ര്യപ്പോരാട്ടമായിരുന്നു. സ്വാതന്ത്ര്യത്തിനു​വേണ്ടിയുള്ള ഒരു ദേശീയ പ്രസ്​ഥാനത്തിലും സവർക്കർ പങ്കാളിയല്ല. 1924ൽ ജയിലിൽനിന്ന്​ പുറത്തുവന്നതോടെ ബ്രിട്ടീഷ്​ വിരുദ്ധ സമീപനം പൂർണമായും മുസ്​ലിം വിരുദ്ധ സമീപനമാക്കി മാറ്റുകയാണ്​ സവർക്കർ ചെയ്​തത്​. അയാളെ ഹിന്ദു വർഗീയവാദിയെന്നോ ഹിന്ദുമേൽക്കോയ്​മാ വാദിയെന്നോ വിളിക്കാം, പക്ഷേ ദേശീയവാദിയെന്ന്​ വിശേഷിപ്പിക്കാൻ കഴിയില്ല തന്നെ.

​ജയന്തി ദിനത്തിലും സമാധി ദിനത്തിലും മോദി ഗാന്ധിപ്രതിമയെ വണങ്ങുന്നതു കാണു​േമ്പാൾ എനിക്ക്​ ചിരി വരാറുണ്ട്​. സവർക്കറെ പ്രതിനിധാനം ചെയ്യുന്നയാൾക്ക്​ ഗാന്ധിക്കു മുന്നിൽ വണങ്ങേണ്ടി വരുന്നു. ഗാന്ധിജി ഇന്ത്യയുടെ ആത്​മാവാണ്​. ആത്​മാവിനെ കൊലപ്പെടുത്തിയാൽ രാജ്യം തന്നെയാണ്​ ഇല്ലാതാവുന്നത്​. ഏവരെയും ഉൾക്കൊള്ളുന്ന ഗാന്ധിജിയുടെ വീക്ഷണമാണ്​ ഹിന്ദുത്വ ശക്​തികൾ ഏറ്റവുമധികം വെറുക്കുന്നത്​. എല്ലാ ഇന്ത്യക്കാർക്കും തുല്യ അവകാശമുള്ള പൗരരെ ജാതിയുടെയോ വർഗത്തി​െൻറയോ പേരിൽ വേർതിരിക്കാത്ത ഗാന്ധിജിയുടെ ഇന്ത്യ അവർ വിഭാവനം ചെയ്യുന്നതിൽ നിന്ന്​ വ്യത്യസ്​തമാണ്​. അതുകൊണ്ടാണ്​ അവർ ഗാന്ധിജിയോട്​ വിദ്വേഷം പുലർത്തിയതും നെഞ്ചിനുനേരെ ഉന്നംപിടിച്ചതും.

(ക​ടപ്പാട്: അൽജസീറ)