മാധ്യമങ്ങളിലെ വ്യക്തി: സ​മ​ര​സാ​ക്ഷ്യം

മ​ഹാ​നാ​യ പ്ലാ​റ്റോ ത​ത്ത്വ​ചി​ന്ത​ക​ൻ മാ​ത്ര​മാ​യി​രു​ന്നി​ല്ല, ഒ​ന്നാ​ന്ത​രം ഗു​സ്തി​ക്കാ​ര​നു​മാ​യി​രു​ന്നു​വെ​ന്നാ​ണ് ച​രി​ത്രം പ​റ​യു​ന്ന​ത്. ഗു​സ്‍തി​യി​ൽ പ​ല​രെ​യും മ​ല​ർ​ത്തി​യ​ടി​ച്ചതോടെയാണ്​ അ​രി​സ്റ്റോ​ക്ലി​സ് എ​ന്നു പേ​രുള്ളയാൾ പ്ലാ​റ്റോ ആ​യി മാ​റി​യത്​. ‘വി​ട​ർ​ന്ന തോ​ളു​ക​ൾ’ എ​ന്ന​ർ​ഥ​മു​ള്ള പ്ല​തോ​ൻ എ​ന്ന പ​ദ​ത്തി​ൽ​നി​ന്നാ​ണ് പ്ലാ​റ്റോ​യു​ടെ നി​ഷ്പ​ത്തി​.

വി​ട​ർ​ന്ന തോ​ളും വി​പു​ല​മാ​യ ചി​ന്ത​യും ​ചേ​ർ​ന്നാ​ൽ വ​ലി​യ വി​പ്ല​വം സാ​ധ്യ​മാ​ണെ​ന്ന് ജീ​വി​ത​ത്തി​ലൂ​ടെ തെ​ളി​യി​ച്ച അദ്ദേഹം പോ​രാ​ട്ട​ത്തേ​ക്കാ​ൾ സൗ​ന്ദ​ര്യ​മാ​യി​ട്ടെ​ന്തു​ണ്ട് എ​ന്ന് ‘റി​പ്പ​ബ്ലി​ക്കി’​ൽ ചോ​ദി​ക്കു​ന്നു​മു​ണ്ട്. ഭൂഗോളത്തിലെ സ​ർ​വ പോ​രാ​ളി​ക​ൾ​ക്കും ബാ​ധ​ക​മാ​യ ഫി​ലോ​സ​ഫി​യാ​ണ​ത്.

തലസ്​ഥാനനഗരയിലെ ജ​ന്ത​ർമ​ന്തറിൽ ത​മ്പ​ടി​ച്ച പോ​രാ​ളി​ക​ളും ഇ​തി​ൽ​നി​ന്ന് ഒ​ഴി​വ​ല്ല. അ​ത​റി​യാ​വു​ന്ന​തു​കൊ​ണ്ടാ​ണ്, സാ​ക്ഷി മ​ലി​കി​നെ​പോ​ലു​ള്ള​വ​ർ ര​ണ്ടി​ലൊ​ന്ന​റി​യാ​തെ പി​ന്മാ​റി​ല്ലെ​ന്ന് തീ​ർ​ത്തു​പ​റ​ഞ്ഞി​രി​ക്കു​ന്ന​ത്. വി​ഷ​യം ഗു​സ്തി​യാ​ണ്. ഇ​വി​ടെ ഇ​തൊ​രു മ​ത്സ​ര​മ​ല്ല; ഗോ​ദ​ക്കു​പു​റ​ത്തെ മ​ല്ല​യു​ദ്ധ​മാ​ണ്. അ​റി​യാ​മ​ല്ലോ, ഗു​സ്‍തി മ​ത്സ​രം നി​യ​​ന്ത്രി​ക്കു​ന്ന​ത് റ​​ഫ​​റി, ജ​​ഡ്ജ്, മാ​​റ്റ് ചെ​​യ​​ര്‍മാ​​ന്‍ എ​​ന്നി​​ങ്ങ​​നെ മൂ​​ന്നു പേ​​രാ​​ണ്.

വി​ധി നി​ർ​ണ​യം ന​ട​ത്തു​ന്ന​തും ഇ​വ​ർ ചേ​ർ​ന്നാ​ണ്. എ​ന്നാ​ൽ, ക​ളി ന​മ്മു​ടെ രാ​ജ്യ​ത്തെ​ത്തു​മ്പോ​ൾ നി​യ​ന്ത്ര​ണം സ​മ്പൂ​ർ​ണ​മാ​യി ഫെ​ഡ​റേ​ഷ​ന്റെ കൈ​യി​ൽ. തെ​ളി​ച്ചു പ​റ​ഞ്ഞാ​ൽ, ടി ​സം​ഘ​ട​ന​യു​ടെ അ​ധ്യ​ക്ഷ​നും കാ​വി​ക്കൊമ്പന്മാരിൽ ഒ​രാ​ളു​മാ​യ ബ്രി​ജ് ഭൂ​ഷ​ൺ സി​ങ്ങിന്റെ ​കൈപ്പിടിയിൽ.

യു.​പി​യി​ലെ കൈ​സ​ർ ഗ​ഞ്ചി​ൽ​നി​ന്നു​ള്ള പാ​ർ​ല​മെ​ന്റ് അം​ഗമായ ബ്രി​ജ് ഭൂ​ഷ​ൺ യോ​ഗി​ക്കും മോ​ദി​ക്കും അ​മി​ത് ഷാ​ക്കു​മെ​ല്ലാം ഒ​രു​പോ​ലെ പ്രിയങ്കരൻ. ക​ളി​നി​യ​മ​ങ്ങ​ൾ​ക്ക് വി​രു​ദ്ധ​മാ​യി​ട്ടു​ള്ള ഇ​ങ്ങേ​രു​ടെ ക​ളി​ക​ൾ​ക്കെ​തി​രെ​യാ​ണ് സാ​ക്ഷി​യും സം​ഘ​വും ഗോ​ദ​ക്ക് പു​റ​​ത്ത് നി​ല​യു​റ​പ്പി​ച്ചി​രി​ക്കു​ന്ന​ത്. ഫെ​ഡ​റേ​ഷ​ന്റെ ഭ​ര​ണം തോ​ന്നി​യ​പോ​ലെ ന​ട​ത്തു​ന്ന​തോ പോ​ട്ടെ, വ​നി​ത താ​ര​ങ്ങ​ൾ​ക്കു​നേ​രെ തു​ട​ർ​ച്ച​യാ​യി ലൈം​ഗി​കാ​തി​ക്ര​മ​ത്തി​നും മു​തി​രു​ക​യാ​ണ് ക​ക്ഷി.

എ​തി​ർ​ത്താ​ൽ, ഫെ​​ഡ​റേ​ഷ​ന് പു​റ​ത്താ​യി​രി​ക്കും താ​ര​ങ്ങ​ളു​ടെ സ്ഥാ​നം. അ​തോ​ടെ, സ്വ​പ്നം ക​ണ്ട ക​രി​യ​ർ എ​ന്നെ​ന്നേ​ക്കു​മാ​യി അ​വ​സാ​നി​ക്കും. എ​ത്ര​കാ​ലം ഇ​ത് സ​ഹി​ച്ചി​രി​ക്കാ​നാ​കും? ഒ​ടു​വി​ൽ, താ​ര​ങ്ങ​ളെ​ല്ലാം ഒ​ത്തു​ചേ​ർ​ന്നു; ആ​ക്ര​മി​ക്ക​പ്പെ​ട്ട​വ​ർ പ​രാ​തി ന​ൽ​കി; ന​ട​പ​ടി​യു​ണ്ടാ​കു​ന്നി​ല്ലെ​ന്ന് ക​ണ്ട​പ്പോ​ൾ പ്ര​ത്യ​ക്ഷ പ്ര​തി​ഷേ​ധ​മാ​യി. ഒ​ന്നും ര​ണ്ടും ദി​വ​സ​മ​ല്ല, മാ​സം ആ​റ് ക​ഴി​ഞ്ഞു ഈ ​നി​ൽ​പ് തു​ട​ങ്ങി​യി​ട്ട്.

ജ​നു​വ​രി​യി​ലാ​ണ് സ​മ​രം ആ​രം​ഭി​ച്ച​ത്. ബ്രി​ജ് ഭൂ​ഷണി​നെ​തി​​രെ കേ​സെ​ടു​ക്ക​ണ​മെ​ന്നാ​യി​രു​ന്നു ആ​വ​ശ്യം. വി​ഷ​യം പ​ഠി​ക്ക​ട്ടെ​യെ​ന്നാ​യി കേ​ന്ദ്രം. പ​ഠി​ച്ചി​ട്ട് ശി​ക്ഷി​ക്കും എ​ന്ന ധാ​ര​ണ​യി​ൽ ദി​വ​സ​ങ്ങ​ൾ​ക്ക​കം സ​മ​രം പി​ൻ​വ​ലി​ച്ചു. സ​ർ​ക്കാ​ർ വാ​ക്കുപാ​ലി​ച്ചു; മൂ​ന്ന് മാ​സം തി​ക​യും മു​മ്പേ റി​പ്പോ​ർ​ട്ട് സ​മ​ർ​പ്പി​ച്ചു.

പ​ക്ഷേ, അ​ത് പു​റ​ത്തു​വി​ടാ​ൻ സ​ർ​ക്കാ​ർ ത​യാ​റാ​കു​ന്നി​ല്ല. ഭൂ​ഷ​ൺ​ജി​ക്ക് ക്ലീ​ൻ ചി​റ്റ് ന​ൽ​കി​യു​ള്ള റി​പ്പോ​ർ​ട്ടാ​യി​രു​ന്നു അ​തെ​ന്നാ​ണ് സം​സാ​രം. അ​ല്ലെ​ങ്കി​ലും അ​ത​ങ്ങ​നെ​യേ വ​രൂ. വ​രും​നാ​ളു​ക​ളി​ൽ ഇ​ന്ദ്ര​പ്ര​സ്ഥ​ത്തെ ന​യി​ക്കേ​ണ്ട​വ​രി​ലൊ​രാ​ളാ​ണ്. എ​ന്നു​വെ​ച്ച്, പ​ത്ത് വ​ർ​ഷമാ​യി ഇ​യാ​ൾ കാ​ണി​ച്ചു​കൂ​ട്ടു​ന്ന സ​ക​ല തോ​ന്നിയ​വാ​സ​ങ്ങ​ൾ​ക്ക് മു​ന്നി​ലും ഓ​ച്ചാ​നി​ച്ച് നി​ൽ​ക്കാ​നൊ​ന്നു​മാ​കി​ല്ല. കേ​സെ​ടു​ത്ത് അ​റ​സ്റ്റ് ചെ​യ്യ​ണ​മെ​ന്നാ​വ​ശ്യ​പ്പെ​ട്ട് വീ​ണ്ടും സ​മ​രം ആ​രം​ഭി​ച്ചു സാ​ക്ഷി​യും സം​ഘ​വും.

അ​തോ​ടെ, സ​മ​ര​ത്തി​ന് ആ​ള് കൂ​ടി. രാ​ഷ്ട്രീ​യ, സാം​സ്കാ​രി​ക, രാ​ഷ്ട്രീ​യ പ്ര​വ​ർ​ത്ത​ക​രി​ൽ​നി​ന്നൊ​ക്കെ വേ​ണ്ടു​വോ​ളം പി​ന്തു​ണ കി​ട്ടി. കോ​ട​തി​യി​ലും വി​ഷ​യ​മെ​ത്തി​യ​തോ​ടെ പോ​ക്സോ വ​കു​പ്പി​ൽ കേ​സു​മെ​ടു​ത്തു. എ​ന്നി​ട്ടും അ​റ​സ്റ്റി​ല്ല! അ​തോ​ടെ​യാ​ണ്, ജ​ന്തർമ​ന്ത​ർ പ്ര​ക്ഷോ​ഭം കൂ​ടു​ത​ൽ ശ​ക്ത​മാ​യ​ത്. മേ​യ് 28ന് ​പു​തി​യ പാ​ർ​ല​മെ​ന്റി​ൽ മോ​ദി​ജി​യും ത​മി​ഴ്നാ​ട്ടി​ൽ​നി​ന്നെ​ത്തി​യ ബ്രാ​ഹ്മ​ണ പു​രോ​ഹി​ത​രും ചേ​ർ​ന്ന് ചെ​ങ്കോ​ൽ പ്ര​തി​ഷ്ഠ ന​ട​ത്തു​മ്പോ​ൾ, പു​റ​ത്ത് പൊ​ലീ​സും താ​ര​ങ്ങ​ളും ഗു​സ്തി ന​ട​ത്തി​യ​തൊ​ക്കെ അ​തി​ന്റെ ഭാ​ഗ​മാ​യി​ട്ടാ​ണ്.

സാ​ക്ഷി​യെ​യും മ​റ്റും വ​ലി​ച്ചി​ഴ​ച്ചാ​ണ് സേ​ന കൊ​ണ്ടു​പോ​യ​ത്. അ​തു​കൊ​ണ്ടൊ​ന്നും ആ ​മ​നോ​വീ​ര്യം ത​ക​ർ​ക്കാ​നാ​വി​ല്ല. രാ​ജ്യ​ത്തി​നു​വേ​ണ്ടി ല​ഭി​ച്ച ഒ​ളി​മ്പി​ക് മെ​ഡ​ലു​ക​ൾ ഗം​ഗ​യി​ലെ​റി​ഞ്ഞും പോ​രാ​ട്ടം തു​ട​രു​മെ​ന്ന് അ​വ​ർ പ്ര​ഖ്യാ​പി​ച്ചു. ഇ​തി​നി​ട​യി​ൽ, റെ​യി​ൽ​വേ​യി​ലെ ജോ​ലി​ തെ​റി​പ്പി​ക്കു​മെ​ന്നൊ​ക്കെ ഭീ​ഷ​ണി​പ്പെ​ടു​ത്തി​യി​ട്ടും വ​ഴ​ങ്ങി​യി​ല്ല. ഒ​രു ര​ക്ഷ​യു​മി​ല്ലെ​ന്ന് മ​ന​സ്സി​ലാ​യ​പ്പോ​ഴാ​ണ് ത​ർ​ക്ക പ​രി​ഹാ​ര​ത്തി​ന് അ​മി​ത് ഷാ ​നേ​രി​ട്ടെ​ത്തി​യ​ത്.

പി​ന്നെ, മ​ന്ത്രി​ അ​നു​രാ​ഗ് ഠാ​കു​റു​മാ​യും ച​ർ​ച്ച. ജൂ​ൺ 15നു​ള്ളി​ൽ ​അ​ന്വേ​ഷ​ണം പൂ​ർ​ത്തി​യാ​ക്കു​മെ​ന്ന് ഉ​റ​പ്പ് ല​ഭി​ച്ച​പ്പോ​ഴാ​ണ് താ​ൽ​ക്കാ​ലി​ക​മാ​യി സ​മ​രം നി​ർ​ത്താ​ൻ തീ​രു​മാ​നി​ച്ച​ത്. കാ​വി​സം​ഘ​വും അ​വ​രു​ടെ മാ​ധ്യ​മ​പ്പ​ട​യും ട്രോ​ൾ ​ഗ്രൂ​പ്പു​ക​ളും പ്ര​ച​രി​പ്പി​ക്കു​ന്ന​തു​പോ​ലെ, സ​മ​ര​മൊ​ന്നും നി​ർ​ത്തി​യി​ട്ടി​ല്ല.

അ​ന്വേ​ഷ​ണ റി​പ്പോ​ർ​ട്ടി​ന​നു​സ​രി​ച്ച്, ജ​ന്ത​ർ മ​ന്ത​റി​ൽ വീ​ണ്ടും സ​മ​ര​മു​ഖം തു​റ​ന്നേ​ക്കും. അ​തെ​ന്താ​യാ​ലും, ഫെ​ഡ​റേ​ഷ​ൻ ത​ല​പ്പ​ത്ത് ഇ​നി ആ ​പുമാൻ ഉ​ണ്ടാ​വി​ല്ലെ​ന്ന് ഉ​റ​പ്പാ​യി​രി​ക്കു​ന്നു. സ​മ​ര​ല​ക്ഷ്യ​ങ്ങ​ളി​ലൊ​ന്ന് സാ​ക്ഷി​യും സം​ഘ​വും നേ​ടി​യി​രി​ക്കു​ന്നു. ഒ​രു ​പ​ക്ഷേ, ഒ​ളി​മ്പി​ക് മെ​ഡ​ലി​നേ​ക്കാ​ൾ വ​ലി​യ നേ​ട്ടം!

1992 സെ​പ്റ്റം​ബ​ർ മൂ​ന്നി​ന് ഹ​രി​യാ​ന​യി​ലെ റോ​ഹ്ത​ക് ജി​ല്ല​യി​ലെ മോ​ഖ്റ ഗ്രാ​മ​ത്തി​ൽ ജ​ന​നം. ബ​സ് ക​ണ്ട​ക്ട​റാ​യി​രു​ന്നു പി​താ​വ് സു​ഖ്‍വീ​ർ; മാ​താ​വ് സു​ദേ​ഷ് മ​ലി​ക് പ്ര​ദേ​ശ​ത്തെ ആ​രോ​ഗ്യ​കേ​ന്ദ്ര​ത്തി​ൽ സൂ​പ്പ​ർ​വൈ​സ​റും. ​അ​ന്നാ​ട്ടി​ലെ അ​റി​യ​പ്പെ​ടു​ന്ന ഗു​സ്തി​ക്കാ​രനായി​രു​ന്ന പി​താ​മഹൻ ബ​ദുറാം ഗു​സ്തി പ​രി​ശീ​ല​നം ന​ട​ത്തു​ന്ന​ത് ക​ണ്ടാ​ണ് സാ​ക്ഷി​യും ഗോ​ദ​യി​ലി​റ​ങ്ങി​യ​ത്.

അ​ന്ന് പ്രാ​യം 12. ആ ​സ​മ​യം അ​വി​ടെ പെ​ൺ​കു​ട്ടി​ക​ൾ ഗു​സ്തി പ​രി​ശീ​ലി​ച്ചി​രു​ന്നി​ല്ല. അ​തു​കൊ​ണ്ടു​ത​ന്നെ, ഈ​ശ്വ​ർ ദ​ഹി​യ എ​ന്ന പ​രി​ശീ​ല​ക​ന്റെ കീ​ഴി​ൽ പ​ഠ​നം ആ​രം​ഭി​ച്ച​പ്പോ​ൾ​ത​ന്നെ ഗ്രാ​മ​വാ​സി​ക​ളി​ൽ​നി​ന്ന് മു​റു​മു​റു​പ്പു​ക​ൾ കേ​ട്ടു. സ​ത്യ​ത്തി​ൽ അ​ന്ന് തു​ട​ങ്ങി​യ പോ​രാ​ട്ട​മാ​ണ് സാ​ക്ഷി​യു​ടേ​ത്. പെ​ൺ​കു​ട്ടി​ക​ളു​ടെ അ​ഭാ​വ​ത്തി​ൽ ആ​ൺ​കു​ട്ടി​ക​ളു​മാ​യി മ​ല്ലി​ട്ടാ​ണ് പ​രി​ശീ​ല​ന​ത്തി​ന്റെ ആ​ദ്യഘ​ട്ടം പൂ​ർ​ത്തി​യാ​ക്കി​യ​ത്.

പി​ന്നീ​ട്, മ​ന്ദീ​പ് സി​ങ്ങി​​ന്റെ കീ​ഴി​ൽ ഗു​സ്തി​യു​ടെ പ്ര​ഫ​ഷ​ന​ൽ പാ​ഠ​ങ്ങ​ളും മ​നസ്സി​ലാ​ക്കി. 2010​ലെ ​ലോ​ക ജൂ​നി​യ​ർ ചാ​മ്പ്യ​ൻ​ഷി​പ്പാ​ണ് എ​ടു​ത്തു​പ​റ​യേ​ണ്ട ആ​ദ്യ അ​ന്താ​രാ​ഷ്ട്ര ​മ​ത്സ​രവേ​ദി. അ​വി​ടെ​നി​ന്ന് വെ​ങ്ക​ല​വു​മാ​യാണ് മ​ട​ങ്ങി​യ​ത്. നാ​ല് വ​ർ​ഷ​ത്തി​നു​ശേ​ഷം, വി​ഖ്യാ​ത അ​മേ​രി​ക്ക​ൻ റെ​സ്‍ല​ർ ഡെ​വ് ഷെ​ൽ​റ്റ്സി​ന്റെ നാ​മ​ധേ​യ​ത്തി​ൽ ന​ട​ന്ന അ​ന്താ​രാ​ഷ്ട്ര മ​ത്സ​ര​ത്തി​ൽ സ്വ​ർ​ണം നേ​ടി​യ​തോ​ടെ ശ്ര​ദ്ധി​ക്ക​പ്പെ​ടു​ന്ന താ​ര​മാ​യി. അ​തേ വ​ർ​ഷം കോ​മ​ൺ​വെ​ൽ​ത്ത് ഗെ​യിം​സി​ൽ വെ​ള്ളി​യും 2015ൽ ​ഏ​ഷ്യ​ൻ ഗെ​യിം​സി​ൽ വെ​ങ്ക​ല​വും നേ​ടി​യ​തോ​ടെ എ​ണ്ണ​പ്പെ​ട്ട അ​ന്താ​രാ​ഷ്ട്ര താ​ര​ങ്ങ​ളു​ടെ പ​ട്ടി​ക​യി​ലിടം പിടിച്ചു.

2016ലെ ​റി​യോ ഒ​ളി​മ്പി​ക്സി​ൽ 58 കി​ലോ ​വി​ഭാ​ഗ​ത്തി​ൽ ചൈ​ന​യു​ടെ ഷാ​ങ് ലാ​നി​നെ തോ​ൽ​പി​ച്ച് സാ​ക്ഷി വെ​ങ്ക​ലം സ്വ​ന്ത​മാ​ക്കി​യ​പ്പോ​ൾ അ​ത് ഇ​ന്ത്യ​ക്ക് ച​രി​ത്രനി​മി​ഷ​മാ​യി. രാ​ജ്യ​ത്തി​നു​വേ​ണ്ടി ആ​ദ്യ ഒ​ളി​മ്പി​ക് മെ​ഡ​ൽ നേ​ടു​ന്ന വ​നി​ത ഗു​സ്തി താ​രം. തൊ​ട്ട​ടു​ത്ത വ​ർ​ഷം, ഡ​ൽ​ഹി​യി​ൽ ന​ട​ന്ന ഏ​ഷ്യ​ൻ ഗെ​യിം​സി​ൽ വെ​ള്ളി നേ​ടി​യ​തോ​ടെ കാ​യി​ക ​ലോ​ക​ത്ത് സൂ​പ്പ​ർ താ​ര​പ​ദ​വി​യി​ലേ​ക്കു​യ​ർ​ന്നു.

സ​ർ​ക്കാ​ർ പ​ത്മ​ശ്രീ​യും ഖേ​ൽ ര​ത്ന​യു​മൊ​ക്കെ ന​ൽ​കി ആ​ദ​രി​ച്ചു. റെ​യി​ൽ​വേ​യി​ൽ ഗ​സ​റ്റ​ഡ് റാ​ങ്കി​ൽ ജോ​ലി​യും ന​ൽ​കി. ഈ ​ആ​ദ​ര​വൊ​ക്കെ ന​ൽ​കി​യ സ​ർ​ക്കാ​റും ഫെ​ഡ​റേ​ഷ​നു​മാ​ണി​പ്പോ​ൾ തി​രി​ഞ്ഞു​കു​ത്തി​യി​രി​ക്കു​ന്ന​തും അ​റ​സ്റ്റ് ചെ​യ്ത് ന​ടുറോ​ഡി​ലൂ​ടെ വ​ലി​ച്ചി​ഴ​ച്ചു​കൊ​ണ്ടു​പോ​യ​തു​മെ​ല്ലാം. ഇ​തു​പോ​ലെ, രാ​ജ്യ​ത്തി​ന് അ​ഭി​മാ​ന​മാ​യ​വ​രാ​യി​രു​ന്നു സാ​ക്ഷി​യു​ടെ സ​മ​ര​സ​ഖാ​ക്ക​ളെ​ല്ലാം.

അ​ത​റി​യാ​വു​ന്ന​വ​രും അ​വ​ർ രാ​ജ്യ​ത്തി​ന് സ​മ​ർ​പ്പി​ച്ച സേ​വ​ന​ങ്ങ​ളു​ടെ വി​ല മ​ന​സ്സി​ലാ​ക്കി​യ​വ​രു​മെ​ല്ലാം അ​തി​നെ ഒ​രു ജ​നാ​ധി​പ​ത്യ പോ​രാ​ട്ട​മാ​യി ക​ണ്ട് അ​വ​ർ​ക്കൊ​പ്പം നി​ന്നു. ഈ ​ട്രാ​ക്കി​ൽ​നി​ന്ന് വ​ഴി​തെ​റ്റി​പ്പോ​യ​ത് സ്​പോർട്​സ്​ പേഴ്​സൻ സ്​പിരിറ്റിനേക്കാൾ അ​ധി​കാ​രദാസ്യം ഇഷ്​ടപ്പെടുന്ന പ​​യ്യോ​ളി എ​ക്സ്പ്ര​സ് പോ​ലെ ചു​രു​ക്കം ചി​ല ‘താ​ര’​ങ്ങ​ൾ​ക്കു​മാ​​​ത്ര​മാ​ണ്. കോ​മ​ൺ​വെ​ൽ​ത്ത് ഗെ​യിം​സി​ല​ട​ക്കം നി​ര​വ​ധി മെ​ഡ​ലു​ക​ൾ നേ​ടി​യ രാ​ജ്യാ​ന്ത​ര റെ​സ്‍ല​ർ സ​ത്യ​വ്രത് കാദിയാ​നാ​ണ് സാ​ക്ഷി​യു​ടെ ജീ​വി​തസു​ഹൃ​ത്ത്.