വി​ശ്വ​സി​ക്ക​ല​ല്ല, ചോ​ദ്യം ചെ​യ്യ​ലാ​ണ് ജ​നാ​ധി​പ​ത്യം

വോ​ട്ടു​യ​ന്ത്ര​വു​മാ​യി (ഇ.​വി.​എം) ബ​ന്ധ​പ്പെ​ട്ട സു​പ്രീം​കോ​ട​തി​യു​ടെ വി​ധി, ഉ​ന്ന​യി​ക്ക​പ്പെ​ട്ട വാ​ദ​ങ്ങ​ളെ സ​മ​ഗ്ര​മാ​യി അ​ഭി​മു​ഖീ​ക​രി​ക്കു​ന്ന​തി​നു​പ​ക​രം, നി​ല​വി​ലെ പ​രി​മി​തി​ക​ൾ​ക്കു​ള്ളി​ൽ ന​ൽ​കാ​വു​ന്ന ഒ​ന്ന് മാ​ത്ര​മാ​ണെ​ന്ന് തോ​ന്നു​ന്നു. വോ​ട്ടെ​ടു​പ്പ് പ്ര​ക്രി​യ തു​ട​ങ്ങി​ക്ക​ഴി​ഞ്ഞി​രി​ക്കെ അ​ടി​മു​ടി​യു​ള്ള ഒ​രു പ​രി​ശോ​ധ​ന അ​പ്രാ​യോ​ഗി​ക​മാ​യി​രു​ന്നു; ഇ​ല​ക്ഷ​ൻ ക​മീ​ഷ​ന്റെ വാ​ദ​വും ഈ ​അ​പ്രാ​യോ​ഗി​ക​ത​യി​ലാ​ണ് ഊ​ന്നി​യ​ത്. ഹ​ര​ജി​ക്കാ​ർ ആ​വ​ശ്യ​പ്പെ​ട്ട​പോ​ലെ ക​ട​ലാ​സ് ബാ​ല​റ്റി​ലേ​ക്ക് തി​രി​ച്ചു​പോ​വു​ക ഈ ​ഘ​ട്ട​ത്തി​ൽ അ​സാ​ധ്യ​മാ​ണ്. അ​ത്ര​ത​ന്നെ അ​പ്രാ​യോ​ഗി​ക​മാ​ണ് വി​വി​പാ​റ്റ് (വോ​ട്ട​ർ വെ​രി​ഫ​യ​ബ്ൾ പേ​പ്പ​ർ ഓ​ഡി​റ്റ് ട്രെ​യ്ൽ) മു​ഴു​വ​ൻ എ​ണ്ണ​ണ​മെ​ന്ന ആ​വ​ശ്യ​വും. ഈ ​ഹ​ര​ജി​ക​ൾ ത​ള്ളി​ക്കൊ​ണ്ട് ജ​സ്റ്റി​സു​മാ​രാ​യ സ​ഞ്ജീ​വ് ഖ​ന്ന, ദീ​പാ​ങ്ക​ർ ദ​ത്ത എ​ന്നി​വ​ർ ചൂ​ണ്ടി​ക്കാ​ട്ടി​യ​ത്, തി​രു​ത്താ​നാ​വാ​ത്ത ന്യൂ​ന​ത​ക​ളെ​ന്തെ​ങ്കി​ലും ഇ​പ്പോ​ഴ​ത്തെ വെ​രി​ഫി​ക്കേ​ഷ​ൻ സം​വി​ധാ​ന​ത്തി​ൽ ഉ​ണ്ടെ​ന്ന​തി​ന് തെ​ളി​വി​ല്ലെ​ന്നാ​ണ്. ഊ​ഹാ​പോ​ഹം വെ​ച്ച് വോ​ട്ടു​യ​ന്ത്ര​ത്തെ സം​ശ​യി​ക്കാ​നാ​കി​ല്ല. വോ​ട്ടു​യ​ന്ത്ര​ത്തെ​ക്കു​റി​ച്ചു​ള്ള ആ​ശ​ങ്ക​ക​ൾ അ​സ്ഥാ​ന​ത്താ​ണെ​ന്ന് കോ​ട​തി വി​ധി​ക്കു​ന്ന​ത് ഇ​താ​ദ്യ​മ​ല്ല. എ​ന്നാ​ൽ, ഓ​രോ ത​വ​ണ​യും സം​ശ​യ​ങ്ങ​ൾ കൂ​ടി​ക്കൊ​ണ്ടി​രു​ന്നു എ​ന്ന​താ​ണ് വ​സ്തു​ത. വി​വി​പാ​റ്റ് 50 ശ​ത​മാ​നം പ​രി​ശോ​ധ​ന​ക്കെ​ടു​ക്ക​ണം എ​ന്ന് ഒ​രു കേ​സി​ലും 100 ശ​ത​മാ​നം പ​രി​ശോ​ധി​ക്ക​ണ​മെ​ന്ന് മ​റ്റൊ​ന്നി​ലും ഉ​ന്ന​യി​ക്ക​പ്പെ​ട്ട ആ​വ​ശ്യ​ങ്ങ​ൾ കോ​ട​തി ത​ള്ളു​ക​യാ​യി​രു​ന്നു. ഇ​ത്ത​വ​ണ വോ​ട്ടു​ക​ളു​ടെ സു​ര​ക്ഷാ സം​വി​ധാ​ന​ങ്ങ​ൾ പ​രി​ഗ​ണി​ച്ച കോ​ട​തി​ക്ക് അ​തി​ലൊ​ന്നും അ​പാ​ക​ത ക​ണ്ടെ​ത്താ​നാ​യി​ല്ല.

പ്രാ​യോ​ഗി​ക പ​രി​മി​തി​ക​ൾ അം​ഗീ​ക​രി​ക്കു​മ്പോ​ഴും, ഈ ​കോ​ട​തി തീ​ർ​പ്പു​പോ​ലും ജ​ന​ങ്ങ​ളു​ടെ സം​ശ​യ​ങ്ങ​ൾ അ​ന്തി​മ​മാ​യി ഇ​ല്ലാ​താ​ക്കി​ല്ല. തെ​ര​ഞ്ഞെ​ടു​പ്പ് ക​മീ​ഷ​ന്റെ വി​ശ്വാ​സ്യ​ത ചൂ​ണ്ടി​ക്കാ​ട്ടി​യാ​ണ് കോ​ട​തി ക​മീ​ഷ​ന്റെ ത​ല​യി​ൽ അ​ധി​ക​ഭാ​രം ചു​മ​ത്തേ​ണ്ട ആ​വ​ശ്യ​മി​ല്ലെ​ന്ന് പ​റ​യു​ന്ന​ത്. എ​ഴു​പ​ത് വ​ർ​ഷ​മാ​യി സ്വ​ത​ന്ത്ര​വും നീ​തി​പൂ​ർ​വ​ക​വു​മാ​യി തെ​ര​ഞ്ഞെ​ടു​പ്പ് ന​ട​ത്തി​യ​തി​ന്റെ ക്രെ​ഡി​റ്റ് ക​മീ​ഷ​ന് ന​ൽ​കു​ന്ന കോ​ട​തി ഈ​യി​ടെ ക​മീ​ഷ​ന്റെ വി​ശ്വാ​സ്യ​ത​ക്കേ​റ്റി​ട്ടു​ള്ള ക്ഷ​തം ക​ണ്ടി​ല്ല. 70 വ​ർ​ഷ​മാ​യി നി​ല​നി​ന്ന ക​മീ​ഷ​ൻ ഘ​ട​ന മൗ​ലി​ക​മാ​യി മാ​റ്റ​പ്പെ​ട്ട​ത് ഇ​പ്പോ​ഴാ​ണ് -നി​യ​മ​ന​ത്തി​ൽ ജു​ഡീ​ഷ്യ​റി​ക്കു​ണ്ടാ​യി​രു​ന്ന നി​ർ​ണാ​യ​ക സ്ഥാ​നം ഇ​ല്ലാ​താ​യി. ഫ​ല​ത്തി​ൽ ക​മീ​ഷ​ൻ സ​ർ​ക്കാ​റി​ന്റെ ഉ​പ​വ​കു​പ്പ് പോ​ലെ​യാ​യി. ജ​ന​ങ്ങ​ളി​ൽ ഭൂ​രി​പ​ക്ഷ​വും വോ​ട്ടു​യ​ന്ത്ര​ത്തെ വി​ശ്വ​സി​ക്കു​ന്നി​ല്ലെ​ന്ന സി.​എ​സ്.​ഡി.​എ​സ്-​ലോ​ക് നീ​തി സ​ർ​വേ വെ​റു​മൊ​രു സ്വ​കാ​ര്യ റി​പ്പോ​ർ​ട്ട് മാ​ത്ര​മാ​ണെ​ന്നു​പ​റ​ഞ്ഞ് ത​ള്ളു​ന്ന കോ​ട​തി, ‘രാ​ജ്യ​ത്തി​ന്റെ പു​രോ​ഗ​തി കു​റ​ച്ചു​കാ​ട്ടാ​നും ദു​ർ​ബ​ല​പ്പെ​ടു​ത്താ​നു​മു​ള്ള സം​ഘ​ടി​ത നീ​ക്ക’​ത്തെ​പ്പ​റ്റി വി​ധി​യി​ൽ എ​ഴു​തി​യ​ത് എ​ന്ത് തെ​ളി​വി​ന്റെ അ​ടി​സ്ഥാ​ന​ത്തി​ലാ​ണ്? ഒ​രു ‘സ്വ​കാ​ര്യ റി​പ്പോ​ർ​ട്ടി’​ന്റെ പി​ൻ​ബ​ലം​പോ​ലും ചൂ​ണ്ടി​ക്കാ​ട്ടി​യി​ട്ടി​ല്ല​ല്ലോ. അ​തേ​പോ​ലെ, മൈ​ക്രോ ക​ൺ​ട്രോ​ള​റി​ലെ സ്ഥാ​യി​യാ​ക്ക​പ്പെ​ട്ട ഡേ​റ്റ (ബേ​ൺ​ട് മെ​മ്മ​റി) പ​രി​ശോ​ധി​ക്കാ​ൻ അ​ത് നി​ർ​മി​ച്ച ക​മ്പ​നി​യി​ൽ​നി​ന്നു​ള്ള എ​ൻ​ജി​നീ​യ​ർ​മാ​രു​ടെ സം​ഘ​ത്തെ വെ​ക്കാ​മെ​ന്ന ക​ൽ​പ​ന​യി​ലും പൊ​രു​ത്ത​ക്കേ​ടു​ണ്ട്. ക​മ്പ്യൂ​ട്ട​ർ സം​വി​ധാ​ന​ത്തി​ന് പി​ഴ​വു പ​റ്റി​യോ എ​ന്ന് പ​രി​ശോ​ധി​ക്കേ​ണ്ട​ത് നി​ർ​മാ​താ​ക്ക​ളാ​ണോ എ​ന്ന​താ​ണ് ചോ​ദ്യം. ത​ങ്ങ​ളു​ടെ ഉ​ൽ​പ​ന്ന​ത്തി​ന് പി​ഴ​വ് പ​റ്റി​യി​ല്ല എ​ന്ന് സ്ഥാ​പി​ക്കാ​നാ​വി​ല്ലേ അ​വ​ർ ശ്ര​മി​ക്കു​ക? സം​വി​ധാ​നം അ​ന്യൂ​ന​മാ​ണെ​ങ്കി​ൽ​പോ​ലും ഇ​ത്ത​രം അ​യു​ക്തി​ക ‘പ​രി​ശോ​ധ​ന’​ക​ൾ ജ​ന​ങ്ങ​ളി​ലെ ശ​ങ്ക വ​ള​ർ​ത്തു​ക​യേ ചെ​യ്യൂ.

ത​ന്റെ വോ​ട്ട് ശ​രി​യാ​യി​ട്ടാ​ണോ രേ​ഖ​പ്പെ​ടു​ത്ത​പ്പെ​ട്ട​ത് എ​ന്ന​റി​യാ​നു​ള്ള വോ​ട്ട​റു​ടെ അ​വ​കാ​ശം നി​റ​വേ​റ്റ​പ്പെ​ട്ടോ എ​ന്ന​താ​ണ് വി​ഷ​യ​മെ​ന്ന് കോ​ട​തി പ​റ​യു​ന്നു. വാ​സ്ത​വ​ത്തി​ൽ മൂ​ന്ന് കാ​ര്യ​ങ്ങ​ളി​ൽ ഉ​റ​പ്പു​വ​രു​ത്തു​മ്പോ​ഴേ വോ​ട്ട് സം​വി​ധാ​നം ശ​രി​യാ​യെ​ന്ന് പ​റ​യാ​നാ​കൂ. വോ​ട്ട​ർ ഉ​ദ്ദേ​ശി​ച്ച​യാ​ൾ​ക്ക് ത​ന്നെ വോ​ട്ട് രേ​ഖ​പ്പെ​ട്ടു എ​ന്ന​ത് അ​തി​ൽ ഒ​ന്നു​മാ​ത്രം. (അ​ത് ഉ​റ​പ്പു​വ​രു​ത്തു​ന്ന വി​വി​പാ​റ്റ് പോ​ലും മു​ഴു​വ​ൻ എ​ണ്ണേ​ണ്ട​തി​ല്ല എ​ന്നു​വ​രു​ന്ന​തോ​ടെ ഈ ​ഉ​റ​പ്പി​നും ഭം​ഗം വ​ന്നു). വോ​ട്ട​ർ ഉ​ദ്ദേ​ശി​ച്ച​യാ​ൾ​ക്ക് വോ​ട്ട് രേ​ഖ​പ്പെ​ട്ടു എ​ന്ന​തി​നു​പു​റ​മെ, ആ ​രേ​ഖ​പ്പെ​ട്ട​തു​ത​ന്നെ​യാ​ണ് റെ​ക്കോ​ഡി​ൽ വ​ന്ന​ത് എ​ന്നും, റെ​ക്കോ​ഡി​ൽ വ​ന്ന​ത് ത​ന്നെ​യാ​ണ് എ​ണ്ണി​യ​ത് എ​ന്നും ഉ​റ​പ്പു​വേ​ണം. വി​വി​പാ​റ്റ് യ​ന്ത്രം​കൂ​ടി ചേ​ർ​ന്ന​തോ​ടെ, ഈ ​ഓ​രോ​ന്നും ഉ​റ​പ്പി​ല്ലെ​ന്ന് വ​ന്ന​താ​യി വി​ദ​ഗ്ധ​ർ പ​റ​യു​ന്നു. വി​വി​പാ​റ്റ് പ്രോ​ഗ്രാ​മി​ൽ മാ​റ്റം വ​രു​ത്താ​തെ​ത​ന്നെ സിം​ബ​ൽ ലോ​ഡി​ങ് യൂ​നി​റ്റി​ൽ (എ​സ്.​എ​ൽ.​യു) ഡേ​റ്റ വ്യ​ത്യാ​സ​പ്പെ​ടു​ത്തി ഫ​ല​ത്തെ സ്വാ​ധീ​നി​ക്കാ​നാ​കു​മെ​ന്ന് ക​രു​തു​ന്ന വി​ദ​ഗ്ധ​രു​മു​ണ്ട്. എ​സ്.​എ​ൽ.​യു മു​ദ്ര​ചെ​യ്ത് സൂ​ക്ഷി​ക്ക​ണ​മെ​ന്ന​ല്ലാ​തെ, അ​ത് പ​രി​ശോ​ധി​ക്ക​ണ​മെ​ന്ന് കോ​ട​തി പ​റ​യു​ന്നി​ല്ല.

ഇ​ല​ക്ഷ​ൻ ക​മീ​ഷ​നെ​യും ഇ​ല​ക്ഷ​ൻ സം​വി​ധാ​ന​ത്തെ​യും വി​ശ്വ​സി​ക്കു​ന്ന​തി​ല​ല്ല, അ​ന്യൂ​ന​മാ​ക്കു​ന്ന​തി​ലാ​ണ് ജു​ഡീ​ഷ്യ​റി ഊ​ന്നേ​ണ്ട​ത്. വോ​ട്ടു​യ​ന്ത്ര കേ​സി​ൽ ഹ​ര​ജി സ​മ​ർ​പ്പി​ച്ച അ​സോ​സി​യേ​ഷ​ൻ ഫോ​ർ ഡെ​മോ​ക്രാ​റ്റി​ക് റൈ​റ്റ്സി (എ.​ഡി.​ആ​ർ) നെ​യാ​വാം ജ​സ്റ്റി​സ് ദീ​പാ​ങ്ക​ർ ദ​ത്ത​യു​ടെ വി​ധി​ന്യാ​യ​ത്തി​ൽ കു​റ്റ​പ്പെ​ടു​ത്തു​ന്ന​ത്. കോ​ട​തി​യെ സ​മീ​പി​ക്കു​ന്ന​ത് ജ​നാ​ധി​പ​ത്യ സം​വി​ധാ​ന​ങ്ങ​ളെ അ​വ​ഹേ​ളി​ക്കാ​നാ​ണെ​ന്ന സൂ​ച​ന​യും അ​തി​ലു​ണ്ട്. മ​ർ​മ​പ്ര​ധാ​ന​മാ​യ ഒ​രു വി​ഷ​യ​ത്തി​ൽ കോ​ട​തി​യെ സ​മീ​പി​ക്കു​ന്ന​വ​രെ വ്യം​ഗ്യ​മാ​യി​പ്പോ​ലും അ​ധി​ക്ഷേ​പി​ക്കു​ന്ന​ത് ദൗ​ർ​ഭാ​ഗ്യ​ക​ര​മാ​ണ്. ‘ഹ​ര​ജി സ​മ​ർ​പ്പി​ച്ച അ​സോ​സി​യേ​ഷ​നെ’​പ്പ​റ്റി സം​ശ​യ​മു​ന്ന​യി​ക്കു​ന്ന ജ​ഡ്ജി, സ്ഥാ​നാ​ർ​ഥി​ക​ളു​ടെ സ്വ​ത്തും ക്രി​മി​ന​ൽ പ​ശ്ചാ​ത്ത​ല​വു​മ​ട​ക്കം വെ​ളി​പ്പെ​ടു​ത്ത​ണ​മെ​ന്ന ഹ​ര​ജി​യി​ൽ എ.​ഡി.​ആ​റി​ന്റെ വാ​ദ​ത്തോ​ട് നൂ​റു​ശ​ത​മാ​നം ചേ​ർ​ന്നു​നി​ന്ന് അ​ന്ന​ത്തെ സ​ർ​ക്കാ​റി​ന്റെ അ​ട്ടി​മ​റി​ശ്ര​മ​ങ്ങ​ൾ പ​രാ​ജ​യ​പ്പെ​ടു​ത്തി​യ ച​രി​ത്ര​മു​ണ്ട് സു​പ്രീം​കോ​ട​തി​ക്ക് എ​ന്നു​കൂ​ടി അ​റി​യ​ണം. ഈ​യി​ടെ സു​പ്രീം​കോ​ട​തി നി​യ​മ​വി​രു​ദ്ധ​മെ​ന്നും ഭ​ര​ണ​ഘ​ട​ന വി​രു​ദ്ധ​മെ​ന്നും വി​ധി​ച്ച ഇ​ല​ക്ട​റ​ൽ ബോ​ണ്ട് ചോ​ദ്യം ചെ​യ്ത​വ​രി​ൽ എ.​ഡി.​ആ​റു​മു​ണ്ട്. വോ​ട്ടെ​ടു​പ്പി​ന്റെ വി​ശ്വാ​സ്യ​ത​യാ​ണ് തെ​ര​ഞ്ഞെ​ടു​പ്പി​ന്റെ വി​ശ്വാ​സ്യ​ത. അ​താ​ണ് ജ​നാ​ധി​പ​ത്യ​ത്തി​ന്റെ വി​ശ്വാ​സ്യ​ത. അ​ത് ഉ​റ​പ്പു​വ​രു​ത്തേ​ണ്ട ചു​മ​ത​ല​യാ​ണ് ഇ​ല​ക്ഷ​ൻ ക​മീ​ഷ​ൻ നി​ർ​വ​ഹി​ക്കേ​ണ്ട​ത്. അ​ക്കാ​ര്യം ഉ​റ​പ്പു​വ​രു​ത്തു​ന്ന​തി​ൽ കോ​ട​തി വി​ജ​യി​ച്ചോ എ​ന്ന ചോ​ദ്യം ഇ​പ്പോ​ഴും ബാ​ക്കി​യാ​ണ്.