സ്വ​ത​ന്ത്ര​വും സു​താ​ര്യ​വു​മാ​ക​ട്ടെ തെ​ര​ഞ്ഞെ​ടു​പ്പും ക​മീ​ഷ​നും

തെ​ര​ഞ്ഞെ​ടു​പ്പ് ക​മീ​ഷ​ണ​ർ​മാ​രു​ടെ നി​യ​മ​നം സം​ബ​ന്ധി​ച്ച് സു​പ്രീം​കോ​ട​തി ച​രി​ത്ര​പ​ര​മാ​യൊ​രു വി​ധി പു​റ​പ്പെ​ടു​വി​ച്ചി​രി​ക്കു​ക​യാ​ണ്. മു​ഖ്യ തെ​ര​ഞ്ഞെ​ടു​പ്പ് ക​മീ​ഷ​ണ​ർ, തെ​ര​ഞ്ഞെ​ടു​പ്പ് ക​മീ​ഷ​ണ​ർ​മാ​ർ എ​ന്നി​വ​രെ പ്ര​ധാ​ന​മ​ന്ത്രി, ലോ​ക്സ​ഭ പ്ര​തി​പ​ക്ഷ നേ​താ​വ്, സു​പ്രീം​കോ​ട​തി ചീ​ഫ്ജ​സ്റ്റി​സ് എ​ന്നി​വ​ർ അം​ഗ​ങ്ങ​ളാ​യ സ​മി​തി​യു​ടെ ശി​പാ​ർ​ശപ്ര​കാ​രം, രാ​ഷ്ട്ര​പ​തി നി​യ​മി​ക്ക​ണ​മെ​ന്നാ​ണ് പ​ര​മോ​ന്ന​ത നീ​തി​പീ​ഠ​ത്തി​ന്റെ അ​ഞ്ചം​ഗ ഭ​ര​ണ​ഘ​ട​നാ ​ബെ​ഞ്ചി​ന്റെ ഉ​ത്ത​ര​വ്. ലോ​ക്സ​ഭ​യി​ൽ ഔ​ദ്യോ​ഗി​ക പ്ര​തി​പ​ക്ഷ നേ​താ​വി​ല്ലാ​ത്ത​പ​ക്ഷം, പ്ര​തി​പ​ക്ഷ​നി​ര​യി​ലെ ഏ​റ്റ​വും വ​ലി​യ ഒ​റ്റക്ക​ക്ഷി​യു​ടെ സ​ഭാനേ​താ​വി​നെ സ​മി​തി​യി​ൽ ഉ​ൾ​പ്പെ​ടു​ത്ത​ണ​മെ​ന്നും കോ​ട​തി നി​ർ​ദേ​ശി​ച്ചി​ട്ടു​ണ്ട്.

ഇ​ക്കാ​ല​മ​ത്ര​യും പ്ര​ധാ​ന​മ​ന്ത്രി​യു​ടെ ശി​പാ​ർ​ശ​യി​ൽ രാ​ഷ്ട്ര​പ​തി​യാ​ണ് മു​ഖ്യ തെ​ര​ഞ്ഞെ​ടു​പ്പ് ക​മീ​ഷ​ണ​റെ​യും ര​ണ്ട് ക​മീ​ഷ​ണ​ർ​മാ​രെ​യും നി​യ​മി​ച്ചി​രു​ന്ന​ത്. മി​ക്ക​പ്പോ​ഴും ഭ​ര​ണ​കൂ​ട​ത്തോ​ട് ചേ​ർ​ന്നുനി​ൽ​ക്കു​ന്ന ബ്യൂ​റോ​ക്രാ​റ്റു​ക​ൾ​ക്കാ​വും ഇ​ങ്ങ​നെ നി​യ​മ​നം ല​ഭി​ക്കു​ക എ​ന്ന​ത് അ​നു​ഭ​വ​മാ​ണ്; അ​വ​രാ​ക​ട്ടെ, എ​ങ്ങ​നെ​യെ​ല്ലാ​മാ​ണ് അ​ത​തു കാ​ല​ത്തെ സ​ർ​ക്കാ​റു​ക​​ളോ​ട് ചേ​ർ​ന്നു​നി​ന്ന​തെ​ന്നും തെ​ര​ഞ്ഞെ​ടു​പ്പ് പ്ര​ക്രി​യ​ക​ളി​ൽ ഇ​ട​പെ​ട്ട​തെ​ന്നും രാജ്യം കണ്ടതാണ്​.

ഈ ​യാ​ഥാ​ർ​ഥ്യ​മ​ത്ര​യും എ​ടു​ത്തു​പ​റ​ഞ്ഞ സു​​പ്രീം​കോ​ട​തി, അ​ടി​യ​ന്ത​ര​മാ​യി വി​ഷ​യ​ത്തി​ൽ നി​യ​മ​നി​ർ​മാ​ണ​ത്തി​ന് ത​യാ​റാ​ക​ണ​മെ​ന്നും നി​ർ​ദേ​ശി​ച്ചി​ട്ടു​ണ്ട്. സ്വ​ത​ന്ത്ര​വും നീ​തി​പൂ​ർ​വ​വു​മാ​യ തെ​ര​ഞ്ഞെ​ടു​പ്പ് സം​ഘ​ടി​പ്പി​ക്കാ​ൻ സു​പ്രീം​കോ​ട​തി​യു​ടെ മേ​ൽ​പ​റ​ഞ്ഞ നി​ർ​ദേ​ശ​ങ്ങ​ള​ത്ര​യും സ​ഹാ​യ​ക​മാ​വും എ​ന്ന​തു​കൊ​ണ്ടു​ത​ന്നെ, ​കോ​ട​തി​വി​ധി​യെ ജ​നാ​ധി​പ​ത്യ പ്ര​സ്ഥാ​ന​ങ്ങ​ൾ സ്വാ​ഗ​തംചെ​യ്തു. അ​തേ​സ​മ​യം, സം​ഘ്പ​രി​വാ​ർ കേ​ന്ദ്ര​ങ്ങ​ൾ കോ​ട​തി വി​ധി​യെ അ​ൽ​പം നീ​ര​സ​ത്തോ​ടെ​യാ​ണ് നോ​ക്കി​ക്കാ​ണു​ന്ന​തെ​ന്നതും ശ്ര​ദ്ധേ​യ​മാ​ണ്. ബി.​ജെ.​പി വ​ക്താ​വ് നൂ​പു​ർ ശ​ർ​മ​യെ​​പ്പോ​ലു​ള്ള​വ​ർ അ​തൃ​പ്തി പ​ര​സ്യ​മാ​യി പ്ര​ക​ടി​പ്പി​ക്കു​ക​യും ചെ​യ്തു.

ഇ​ത്ത​ര​മൊ​രു വി​ധി​യി​ലേ​ക്ക് പ​ര​മോ​ന്ന​ത നീ​തി​പീ​ഠ​ത്തെ എ​ത്തി​ച്ച സാ​ഹ​ച​ര്യം ഏ​റെ വി​ചി​ത്ര​മാ​ണ്. തെ​ര​ഞ്ഞെ​ടു​പ്പ് ക​മീ​ഷ​ണ​റാ​യി അ​രു​ൺ ഗോ​യ​ൽ എ​ന്ന ഐ.​എ.​എ​സ് ഉ​ദ്യോ​ഗ​സ്ഥ​ൻ നി​യ​മി​ത​നാ​യ​താ​യി​രു​ന്നു വ്യ​വ​ഹാ​ര​ത്തി​ന്റെ പ​ശ്ചാ​ത്ത​ലം. 1985 കേ​ഡ​ർ ഉ​ദ്യോ​ഗ​സ്ഥ​നാ​യ ഗോ​യ​ൽ ഖ​ന​ന മ​ന്ത്രാ​ല​യ​ത്തി​ൽ സെ​ക്ര​ട്ട​റി​യാ​യി​രു​ന്നു. 2022 ഡി​സം​ബ​ർ 31ന് ​വി​ര​മി​ക്കേ​ണ്ടി​യി​രു​ന്ന​ അ​ദ്ദേ​ഹം ന​വം​ബ​ർ 18ന് ​സ്വ​മേ​ധ​യാ വി​ര​മി​ക്കു​ന്നു; തൊ​ട്ട​ടു​ത്ത ദി​വ​സം അ​ദ്ദേ​ഹ​ത്തെ തെ​ര​ഞ്ഞെ​ടു​പ്പ് ക​മീ​ഷ​ണ​റാ​യി രാ​ഷ്ട്ര​പ​തി നി​യ​മി​ക്കു​ന്നു; ര​ണ്ടാം നാ​ൾ ചു​മ​ത​ല​യേ​ൽ​ക്കു​ക​യും ചെ​യ്യു​ന്നു. അ​ത്യ​ന്തം വി​ചി​ത്ര​വും കേ​ട്ടു​കേ​ൾ​വി​യി​ല്ലാ​ത്ത​തു​മാ​യ ഈ ‘​നി​യ​മ​ന നാ​ട​കം’ പ്ര​ശാ​ന്ത് ഭൂ​ഷ​ണെ​പ്പോ​ലു​ള്ള​വ​ർ സു​പ്രീം​കോ​ട​തി​യു​ടെ ശ്ര​ദ്ധ​യി​ൽ​പെ​ടു​ത്തി.

ഇ​ത്ര പ്ര​ധാ​ന​പ്പെ​ട്ടൊ​രു ത​സ്തി​ക​യി​ലേ​ക്ക് ഒ​രൊ​റ്റ രാ​​ത്രി​കൊ​ണ്ട് ശി​പാ​ർ​ശ​യും നി​യ​മ​ന​വു​മെ​ല്ലാം ന​ട​ന്ന​തെ​ങ്ങ​നെ​യെ​ന്ന് കോ​ട​തി​പോ​ലും ആ​ശ്ച​ര്യ​പ്പെ​ട്ടു; നി​യ​മ​നം സം​ബ​ന്ധി​ച്ച ഫ​യ​ലു​ക​ൾ ഹാ​ജ​രാ​ക്കാ​ൻ കോ​ട​തി ആ​വ​ശ്യ​പ്പെ​ട്ടു. ക​മീ​ഷ​ൻ നി​യ​മ​ന​ങ്ങ​ൾ​ക്ക് സ്വ​ത​ന്ത്രസ​മി​തി ​വേ​ണ​​മെ​ന്ന ആ​വ​ശ്യ​മു​ന്ന​യി​ച്ചു​ള്ള ഹ​ര​ജി​ക​ൾ കോ​ട​തി​യു​ടെ പ​രി​ഗ​ണ​ന​യി​ലി​രി​ക്കെ​യാ​ണ് കേ​ന്ദ്ര​ത്തി​ന്റെ ഈ ​ക​ളി​യെ​ന്നോ​ർ​ക്ക​ണം. സ്വാ​ഭാ​വി​ക​മാ​യും അ​ത് കോ​ട​തി​യെ ചൊ​ടി​പ്പി​ച്ചു; അ​തി​ശ​ക്ത​മാ​യ ഭാ​ഷ​യി​ൽ സ​ർ​ക്കാ​ർ ന​ട​പ​ടി​യെ വി​മ​ർ​​ശി​ച്ച ജ​സ്റ്റി​സ് കെ.​എം. ജോ​സ​ഫ് അ​ധ്യ​ക്ഷ​നാ​യ ഭ​ര​ണ​ഘ​ട​ന ​ബെ​ഞ്ച്, പ്ര​ധാ​ന​മ​ന്ത്രി​ക്കെ​തി​രെ പോ​ലും ന​ട​പ​ടി​യെ​ടു​ക്കാ​ൻ നി​ശ്ച​യ​ദാ​ർ​ഢ്യ​മു​ള്ള​യാ​ളാ​യി​രി​ക്ക​ണം ഇ​ത്ത​രം പ​ദ​വി​യി​​ലി​രി​ക്കേ​ണ്ട​തെ​ന്നു​കൂ​ടി ഓ​ർ​മ​പ്പെ​ടു​ത്തി. അ​പ്പോ​ഴേ, ഇ​ത്ത​ര​മൊ​രു വി​ധി പ്ര​തീ​ക്ഷി​ച്ച​താ​ണ്. അ​ത് സം​ഭ​വി​ക്കു​ക​യും ചെ​യ്തി​രി​ക്കു​ന്നു.

ന​മ്മു​ടെ ഭ​ര​ണ​ഘ​ട​ന​യി​ൽ തെര​ഞ്ഞെ​ടു​പ്പു​ക​ളെ​പ്പ​റ്റി പ്ര​തി​പാ​ദി​ക്കു​ന്ന പ്ര​ത്യേ​ക ഭാ​ഗം ത​ന്നെ​യു​ണ്ട്. അ​നു​​ച്ഛേ​ദം 324 അ​നു​സ​രി​ച്ച്, രാ​ജ്യ​ത്തെ തെ​ര​ഞ്ഞെ​ടു​പ്പു​ക​ളു​ടെ മേ​ൽ​നോ​ട്ട​വും മാ​ർ​ഗ​നി​ർ​ദേ​ശം ന​ൽ​ക​ലും മ​റ്റും ക​മീ​ഷ​​ന്റെ ചു​മ​ത​ല​യാ​ണ്. കു​റ്റ​മ​റ്റ​തും സ്വ​ത​ന്ത്ര​വു​മാ​യ തെ​ര​ഞ്ഞെ​ടു​പ്പ് സാ​ധ്യ​മാ​ക്കു​കയാ​ണ് ആ​ത്യ​ന്തി​ക ല​ക്ഷ്യം. എ​ന്നാ​ൽ, ടി.​എ​ൻ. ശേ​ഷ​നെ​​പ്പോ​ലെ​ അ​ത്യ​പൂ​ർ​വം ക​മീ​ഷ​ണ​ർ​മാ​രൊ​ഴി​കെ ബാ​ക്കി​യെ​ല്ലാ​വ​രും അ​ക്കാ​ര്യ​ത്തി​ൽ ദ​യ​നീ​യ​മാ​യി പ​രാ​ജ​യ​പ്പെ​ട്ടു​. ഭൂ​രി​പ​ക്ഷം പേ​രും അ​ത​തു​കാ​ല​ത്തെ ഭ​ര​ണ​കൂ​ട​ത്തി​ന്റെ റാ​ൻ മൂ​ളി​ക​ളാ​യി ‘സ​ർ​വി​സ് കാ​ലം’ ആ​സ്വ​ദി​ക്കു​ക​യാ​യി​രു​ന്നു​വെ​ന്ന​താ​ണ് വ​സ്തു​ത.

കേ​ന്ദ്ര​ത്തി​ൽ മോ​ദി​യു​ടെ നേ​തൃ​ത്വ​ത്തി​ൽ സം​ഘ്പ​രി​വാ​ർ ഭ​ര​ണ​കൂ​ടം അ​ധി​കാ​ര​ത്തി​ൽ​വ​ന്ന​തോ​ടെ ഈ ​പ്ര​വ​ണ​ത​ക്ക് ആ​ക്കം​കൂ​ടി. തെ​ര​ഞ്ഞെ​ടു​പ്പ് ക​മീ​ഷ​ൻ ഏ​റ്റ​വും ഗു​രു​ത​ര​മാ​യ ആ​രോ​പ​ണ​ങ്ങ​ൾ നേ​രി​ട്ട​ത് ഇ​ക്ക​ഴി​ഞ്ഞ എ​ട്ടു വ​ർ​ഷ​മാ​ണ്. ഇ​ക്കാ​ല​ത്തു ​ന​ട​ന്ന എ​ത്ര​യോ തെ​ര​ഞ്ഞെ​ടു​പ്പു​ക​ളി​ൽ ഈ ​സം​വി​ധാ​നം ഏ​ക​പ​ക്ഷീ​യ​മാ​യി പ്ര​വ​ർ​ത്തി​ക്കു​ന്ന​തി​ന് രാ​ജ്യം സാ​ക്ഷി​യാ​യി. ഇ​ക്ക​ഴി​ഞ്ഞ ഡ​ൽ​ഹി നി​യ​മ​സ​ഭ തെ​ര​ഞ്ഞെ​ടു​പ്പു കാ​ല​ത്ത്, പൗ​ര​ത്വ നി​യ​മ​ത്തി​നെ​തി​രെ സ​മ​രം ചെ​യ്ത​വ​രെ സൂ​ചി​പ്പി​​ച്ച് ‘രാ​​​ജ്യ​​വ​​​ഞ്ച​​​ക​​​ർ​​​ക്കെ​​​തി​​​രെ വെ​​​ടി​​​യു​​​തി​​​ർ​​​ക്കൂ’ എ​ന്ന് ആ​ഹ്വാ​നംചെ​യ്ത അ​നു​രാ​ഗ് ഠാ​ക്കൂ​റി​നോ​ടുപോ​ലും മൃ​ദു​സ​മീ​പ​ന​മാ​യി​രു​ന്നു ക​മീ​ഷ​ന്; 72 മ​ണി​ക്കൂ​ർ ‘മൗ​ന​വ്ര​ത’​മാ​ണ് ഠാ​ക്കൂ​റി​ന് ക​മീ​ഷ​ൻ വി​ധി​ച്ച ശി​ക്ഷ.

അ​തേ​സ​മ​യം, പ​ശ്ചി​മ ബം​ഗാ​ൾ നി​യ​മ​സ​ഭ തെ​ര​ഞ്ഞെ​ടു​പ്പു കാ​ല​ത്ത്, ആ​ക്ര​മ​ണം ന​ട​ന്ന​യി​ട​ങ്ങ​ളി​ൽ തൃ​ണ​മൂ​ൽ പ്ര​ചാ​ര​ണ​ത്തെ ഒ​ന്നാ​കെ ഒ​ഴി​വാ​ക്കാ​നും ക​മീ​ഷ​ൻ മ​ടി​ച്ചി​ല്ല. ഈ ​ഇ​ര​ട്ട​ത്താ​പ്പ് പ​ല​കു​റി ചേ​ാദ്യംചെ​യ്യ​പ്പെ​ട്ട​താ​ണ്. അ​തി​ന് സ​മാ​ന്ത​ര​മെ​ന്നോ​ണ​മാ​ണ്, സ്വ​ത​ന്ത്ര​വും സു​താ​ര്യ​വു​മാ​യ തെ​ര​ഞ്ഞെ​ടു​പ്പ് ക​മീ​ഷ​ൻ എ​ന്ന ആ​വ​ശ്യ​വു​മാ​യി പ​ല​രും കോ​ട​തി​കേ​റി​യ​ത്. അ​തി​ന് ഫ​ല​മു​ണ്ടാ​യി​രി​ക്കു​ന്നു ഇ​പ്പോ​ൾ. എ​ന്നാ​ൽ, ഈ ​വി​ധി​യും അ​ട്ടി​മ​റി​ക്ക​പ്പെ​ടി​ല്ലെ​ന്ന് ഉ​റ​പ്പു ​പ​റ​യാ​നാ​കി​ല്ല.

അ​ടി​സ്ഥാ​ന​പ​ര​മാ​യി, കു​റ്റ​മ​റ്റ രീ​തി​യി​ൽ ക​മീ​ഷ​നെ നി​യ​മി​ക്കാ​നു​ള്ള നി​യ​മ​നി​ർ​മാ​ണ​ത്തി​നാ​ണ് കോ​ട​തി ഉ​ത്ത​ര​വി​ട്ടി​രി​ക്കു​ന്ന​ത്; അ​തു​വ​രെ മേ​ൽ സൂചി​പ്പി​ച്ച സ​മി​തി​ക്ക് നി​ർ​ദേ​ശി​ക്കാം. നി​ല​വി​ലെ സാ​ഹ​ച​ര്യ​ത്തി​ൽ, കേ​ന്ദ്ര​സ​ർ​ക്കാ​ർ ഉ​ദ്ദേ​ശി​ക്കും​വി​ധ​മു​​ള്ളൊ​രു നി​യ​മ​നി​ർ​മാ​ണം സാ​ധ്യ​മാ​ണെ​ന്നി​രി​ക്കെ, ഈ ​കോ​ട​തിവി​ധി​യെ സ്വാ​ഗ​തംചെ​യ്യു​മ്പോ​ഴും അ​തി​ൽ ആ​ഹ്ലാ​ദി​ക്കാ​ൻ​മാ​ത്രം എ​ന്തി​രി​ക്കു​ന്നു​വെ​ന്ന ചോ​ദ്യം ബാ​ക്കി​യാ​വു​ന്നു.