ബൗ​ദ്ധി​ക ക​ലാ​പ​ങ്ങ​ൾ

ക്യാ​പ്ട​നെ ടീം ​പു​റ​ത്താ​ക്കു​ന്നു, അ​ടു​ത്ത ദി​വ​സം ത​ന്നെ അ​ദ്ദേ​ഹം എതിർ ടീ​മി​ന്റെ ത​ല​പ്പ​ത്ത് അ​വ​രോ​ധി​ത​നാ​വു​ന്നു, ര​ണ്ടു നാ​ൾ ക​ഴി​ഞ്ഞ് ടി​യാ​ൻ പ​ഴ​യ ടീ​മി​ൽ തി​രി​ച്ചെ​ത്തി ത​ന്നെ പു​റ​ത്താ​ക്കി​യ​വ​രെ മു​ഴു​വ​ൻ പു​റ​ത്താ​ക്കു​ന്നു... ന​മ്മു​ടെ നാ​ട്ടി​ലെ ജ​ന​താ​ദ​ൾ, കേ​ര​ള കോ​ൺ​ഗ്ര​സ് പാ​ർ​ട്ടി​ക​ളി​ലോ ചി​ല വി​ഡി​യോ ഗെ​യി​മു​ക​ളി​ലോ മാ​ത്രം സ​ങ്ക​ല്പി​ക്കാ​വു​ന്ന ത​ര​ത്തി​ലൊ​രു പു​റ​ത്താ​ക്ക​ൽ നാ​ട​കം അ​ര​ങ്ങേ​റു​ന്ന​ത് ലോ​ക​ത്തി​ന്റെ ഭാ​വി​ത​ന്നെ നി​ർ​ണ​യി​ച്ചു​ക​ള​യു​മെ​ന്ന് നി​രൂ​പി​ക്ക​പ്പെ​ടു​ന്ന നി​ർ​മി​ത ബു​ദ്ധി​യു​ടെ പ​രീ​ക്ഷ​ണ​ശാ​ല​യി​ലാ​ണ്. മ​നു​ഷ്യ​ബു​ദ്ധി​ക്ക് അ​തീ​ത​മാ​യ ബൗ​ദ്ധി​ക മി​ക​വ് നി​ർ​മി​ച്ചെ​ടു​ക്കാ​നു​ള്ള മ​ത്സ​ര​മാ​യ​തി​നാ​ൽ ആ​ർ​ട്ടി​ഫി​ഷ​ൽ ഇ​ന്റ​ലി​ജ​ൻ​സ് ​രം​ഗ​ത്തെ പ​ല ക​ളി​ക​ളും ന​മ്മു​ടെ സാ​മാ​ന്യ ചി​ന്ത​ക​ൾ​ക്ക് അ​പ്പു​റ​മാ​വു​ന്ന​ത് സ്വാ​ഭാ​വി​കം. ഓ​പ​ൺ എ.​ഐ​യി​ൽ ന​ട​ക്കു​ന്ന ഈ ​പാ​ര​വെ​പ്പ് ക​ഥ​ക​ളെ​ക്കു​റി​ച്ചോ ക​ഥാ​നാ​യ​ക​നാ​യ സാം ​ആ​ൾ​ട്ട്മാ​നെ​പ്പ​റ്റി​യോ കാ​ര്യ​മാ​യ ധാ​ര​ണ​യി​ല്ലാ​ത്ത​വ​രു​ടെ​പോ​ലും ദൈ​നം​ദി​ന ജീ​വി​ത​ത്തി​ൽ അ​വ​ർ രൂ​പ​പ്പെ​ടു​ത്തി​യ ചാ​റ്റ് ജി​പി​ടി നി​ത്യ​സാ​ന്നി​ധ്യ​മാ​യി മാ​റി​ക്കൊ​ണ്ടി​രി​ക്കു​ക​യാ​ണെ​ന്ന​താ​ണ് മ​റ്റൊ​രു സ​ത്യം.

ലോ​ക​ത്തെ ഏ​തൊ​രു കോ​ർ​പ​റേ​റ്റ് പ്ര​സ്ഥാ​ന​ത്തെ​യും പോ​ലെ മ​നു​ഷ്യ പു​രോ​ഗ​തി ല​ക്ഷ്യ​മി​ട്ട് ലാ​ഭേ​ച്ഛ​യേ​തു​മി​ല്ലെ​ന്ന് പ്ര​ഖ്യാ​പി​ച്ചാ​ണ് ഓ​പ​ൺ എ.​ഐ​യു​ടെ​യും തു​ട​ക്കം. അ​തി​ന്റെ വി​ക​സ​ന​ത്തി​നും ഗ​വേ​ഷ​ണ​ത്തി​നും പ​ണം ആ​വ​ശ്യ​മാ​യി​രു​ന്നു. ഭാ​വി​യി​ലെ ലോ​ക​ത്തെ നി​യ​ന്ത്രി​ക്കാ​ൻ കെ​ല്പു​ള്ള ഉ​ൽ​പ​ന്ന​മാ​ണ് അ​ണി​യ​റ​യി​ൽ ഒ​രു​ങ്ങു​ന്ന​തെ​ന്ന​തി​നാ​ൽ നി​ക്ഷേ​പ​വു​മാ​യി ടെ​ക്നോ​ളി ഭീ​മ​ന്മാ​ർ പ​റ​ന്നി​റ​ങ്ങി. ഈ ​രം​ഗ​ത്തെ വ​മ്പ​ന്മാ​രാ​യ മൈ​ക്രോ​സോ​ഫ്റ്റ് മാ​ത്രം പ​ത്ത് ബി​ല്യ​ൻ ഡോ​ള​റി​ല​ധി​കം മു​ട​ക്കി ഓ​പ​ൺ എ.​ഐ ക​മ്പ​നി​യു​ടെ 49 ശ​ത​മാ​നം ഓ​ഹ​രി​യാ​ണ് സ്വ​ന്ത​മാ​ക്കി​യ​ത്. സം​ഭാ​വ​ന​ക​ൾ കൂ​മ്പാ​ര​മാ​യ​തോ​ടെ ഗ​വേ​ഷ​ണം അ​തി​വേ​ഗം ബ​ഹു​ദൂ​രം മു​ന്നോ​ട്ടു​നീ​ക്ക​ണ​മെ​ന്ന നി​ല​വ​ന്നു. ഇ​പ്പോ​ൾ ത​ന്നെ ആ​ലോ​ച​ന​ക​ൾ​ക്ക​പ്പു​റ​ത്തേ​ക്ക് പോ​യി​രി​ക്കു​ന്ന നി​ർ​മി​ത ബു​ദ്ധി​യെ അ​ത്ര വേ​ഗ​ത്തി​ൽ ക​യ​റൂ​രി വി​ട​ണ​മോ എ​ന്ന കാ​ര്യ​ത്തി​ൽ ടെ​ക് ലോ​ക​ത്തു​ത​ന്നെ അ​ഭി​​പ്രാ​യ ഐ​ക്യ​മി​ല്ല. നി​ർ​മി​ത ബു​ദ്ധി​യു​ടെ ക​ട​ന്നു​ക​യ​റ്റം ലോ​ക​ത്ത് വ​രു​ത്തി​വെ​ക്കാ​വു​ന്ന ഭീ​ഷ​ണി​ക​ളെ​ക്കു​റി​ച്ച് ആ​കു​ല​പ്പെ​ടു​ന്ന ബു​ദ്ധി​ജീ​വി​ക​ളു​ടെ പ്ര​സ്താ​വ​ന​യി​ൽ ആ​ൾ​ട്ട്മാ​ൻ ഒ​പ്പു​വെ​ച്ച​തു​ത​ന്നെ ക​മ്പ​നി​യി​ലെ ബോ​ർ​ഡ് അം​ഗ​ങ്ങ​ൾ ത​മ്മി​ലെ അ​ലോ​സ​രം സൃ​ഷ്ടി​ച്ചി​രു​ന്നു. കാ​ര്യ​ങ്ങ​ളൊ​ന്നും ബോ​ർ​ഡ് അം​ഗ​ങ്ങ​ളു​മാ​യി പ​ങ്കു​വെ​ക്കു​ന്നി​ല്ലെ​ന്ന കു​റ്റം ചു​മ​ത്തി​യാ​ണ് വാ​ശി​യേ​റി​യ ഒ​രു മാ​ച്ചി​നി​ട​യി​ൽ​വെ​ച്ച് ടീം ​ക്യാ​പ്റ്റ​നെ പി​രിച്ചു​വി​ടു​ന്ന​തു​പോ​ലെ ഓ​പ​ൺ എ.​ഐ സി.​ഇ.​ഒ ക​സേ​ര​യി​ൽ​നി​ന്ന് ആ​ൾ​ട്ട്മാ​നെ ഇ​റ​ക്കി​വി​ട്ട​ത്, വെ​റു​മൊ​രു ഗൂ​ഗ്ൾ മീ​റ്റ് വി​ളി​ച്ചാ​ണ് ഓ​പ​ൺ എ​ഐ സ​ഹ​സ്ഥാ​പ​ക​ൻ ഇ​ല്യ സു​റ്റ് സ്കെ​വ​ർ ഇ​ക്കാ​ര്യം പു​റം​ലോ​ക​ത്തെ അ​റി​യി​ച്ച​ത്. ക​മ്പ​നി​യു​ടെ ചീ​ഫ് ടെ​ക്നി​ക്ക​ൽ ഓ​ഫി​സ​ർ മി​റാ മു​റ​റ്റി​യെ താ​ൽ​കാ​ലി​ക സി.​ഇ.​ഒ ആ​യി നി​യ​മി​ച്ചു. ക​ഴി​ഞ്ഞ നി​മി​ഷം വ​രെ ക​മ്പ​നി​യു​ടെ മു​ഖ​മാ​യി അ​റി​യ​പ്പെ​ട്ടി​രു​ന്ന ആ​ൾ​ട്ട്മാ​ന് സാ​ൻ​ഫ്രാ​ൻ​സി​സ്കോ​യി​ലെ ക​മ്പ​നി ആ​സ്ഥാ​ന​ത്ത് ക​യ​റാ​ൻ ഗ​സ്റ്റ് പാ​സ് എ​ടു​ക്കേ​ണ്ടി വ​ന്നു.

മാ​നു​ഷി​ക വി​കാ​ര​ങ്ങ​ൾ മാ​റ്റി​വെ​ച്ച് യാ​ന്ത്രി​ക ബു​ദ്ധി​വെ​ച്ച് കൈ​ക്കൊ​ണ്ട ഒ​രു പു​റ​ത്താ​ക്ക​ൽ തീ​രു​മാ​ന​മാ​യി​രി​ക്ക​ണ​മ​ത്, അ​ല്ലെ​ങ്കി​ൽ യാ​ന്ത്രി​ക ബു​ദ്ധി​യെ അ​തി​വൈ​കാ​രി​ക​ത ആ​വേ​ശി​ച്ച​തു​മാ​വാം. എ​ന്തു​ത​ന്നെ​യാ​യാ​ലും ആ​ൾ​ട്ട്മാ​ൻ പോ​യാ​ൽ കൂ​ടെ​പ്പോ​കു​മെ​ന്ന് ക​മ്പ​നി പ്ര​സി​ഡ​ന്റ് ഗ്രെ​ക് ​ബ്രൊ​ക്മാ​ൻ ഉ​ൾ​പ്പെ​ടെ മ​റ്റു ചി​ല മി​ടു​ക്ക​രും പ്ര​ഖ്യാ​പി​ച്ചു. ഗ​വേ​ഷ​ണ​ത്തി​ന്റെ​യും ക​മ്പ​നി​യു​ടെ​യും ഭാ​വി​യെ​ക്കു​റി​ച്ച് ക​ടു​ത്ത ആ​ശ​ങ്ക​യി​ലാ​യി നി​ക്ഷേ​പ​ക​ർ. നി​ർ​മി​ത ബു​ദ്ധി മ​ത്സ​ര​ത്തി​ൽ ഓ​പ​ൺ എ.​ഐ​യെ തോ​ല്പി​ക്കാ​ൻ ത​ക്കം പാ​ർ​ത്ത് ന​ട​ക്കു​ന്ന ഗൂ​ഗ്ളോ ഇ​ലോ​ൺ മ​സ്കി​ന്റെ ഗ്രോ​ക് എ.​ഐ​യോ മ​റ്റോ ആ​ൾ​ട്ട്മാ​നെ​യും സം​ഘ​ത്തെ​യും റാ​ഞ്ചി​ക്കൊ​ണ്ടു​പോ​യാ​ലു​ള്ള അ​പ​ക​ട​ങ്ങ​ൾ അ​തി​ലേ​റെ. ക​മ്പ​നി ഒ​രു കാ​ല​ത്ത് ത​രം​ഗ​മാ​യി​രു​ന്ന ഓ​ർ​ക്കൂ​ട്ടെ​ന്ന​പോ​ലെ ഓ​ർ​മ​യാ​യി മാ​റി​യാ​ലും അ​തി​ശ​യി​ക്കാ​നി​ല്ലാ​യി​രു​ന്നു. പൊ​ടു​ന്ന​​നെ മൈ​​​ക്രോ​സോ​ഫ്റ്റ് സി.​ഇ.​ഒ സത്യ നദെല്ല മ​നു​ഷ്യ​ബു​ദ്ധി (ദോ​ഷൈ​ക ദൃ​ക്കു​ക​ൾ​ക്ക് ക​ച്ച​വ​ട ബു​ദ്ധി​യെ​ന്നും വാ​യി​ക്കാം) പ്ര​യോ​ഗി​ച്ചു. ആ​ൾ​ട്ട്മാ​നെ തി​രി​ച്ചെ​ടു​ക്ക​ണ​മെ​ന്ന നി​ർ​ദേ​ശം ഓ​പ​ൺ എ.​ഐ​യി​ലെ പ്ര​മു​ഖ​ർ​ക്ക് മു​ന്നി​ൽ വെ​ച്ചു, അ​വ​ര​ത് ചെ​വി​ക്കൊ​ള്ളു​ന്നി​ല്ലെ​ന്ന് വ​ന്ന​തും മൈ​ക്രോ​സോ​ഫ്റ്റി​ന്റെ എ.​ഐ വി​ഭാ​ഗം ഗ​വേ​ഷ​ണ മേ​ധാ​വി​യാ​യി സാം ​ആ​ൾ​ട്ട്മാ​നെ പ്ര​തി​ഷ്ഠി​ച്ചു. ആ​ൾ​ട്ട്മാ​നോ​ടൊ​പ്പം വ​രു​ന്ന സ​ക​ല അ​നു​യാ​യി​ക​ൾ​ക്കും ജോ​ലി ന​ൽ​കാ​നും തീ​രു​മാ​നി​ച്ചു. ച​ങ്ങാ​തി​യു​ടെ മാ​നം ര​ക്ഷി​ക്കു​ന്ന​തി​നൊ​പ്പം ഓ​പ​ൺ എ.​ഐ​യി​ൽ മു​ട​ക്കി​യി​രി​ക്കു​ന്ന ബി​ല്യ​ൻ ക​ണ​ക്കി​ന് ഡോ​ള​റും ര​ക്ഷി​ച്ചെ​ടു​ക്കാ​ൻ ഇ​തു​വ​ഴി സാ​ധി​ക്കു​മെ​ന്ന​തു ത​ന്നെ കാ​ര്യം.

​മൈ​​ക്രോ​സോ​ഫ്റ്റി​നൊ​പ്പം കൈ​കോ​ർ​ക്കു​ന്നു​വെ​ന്ന വാ​ർ​ത്ത അ​ച്ച​ടി​ച്ച് മ​ഷി​യു​ണ​ങ്ങു​മ്പോ​ഴേ​ക്കും അ​ടു​ത്ത ട്വി​സ്റ്റ് വ​ന്നു, ആ​ൾ​ട്ട്മാ​ൻ ഓ​പ​ൺ എ.​ഐ​യു​ടെ സി.​ഇ.​ഒ സ്ഥാ​ന​ത്ത് തി​രി​ച്ചെ​ത്തി. വെ​റും തി​രി​ച്ചു​വ​ര​വ​ല്ല, ത​ന്നെ പു​റ​ത്താ​ക്കി​യ ബോ​ർ​ഡ് അം​ഗ​ങ്ങ​ളെ മു​ഴു​വ​ൻ പു​റ​ത്താ​ക്കി​യാ​ണ് ര​ണ്ടാം വ​ര​വ്.

1985 ഏ​പ്രി​ൽ 22ന് ​ഷി​കാ​ഗോ​യി​ൽ ജ​നി​ച്ച സാം ​ഹാ​രി​സ് ആ​ൾ​ട്മാ​ന് എ​ട്ടാം വ​യ​സ്സി​ൽ ല​ഭി​ച്ച ആ​പ്പി​ൾ ക​മ്പ്യൂ​ട്ട​റാ​യി​രു​ന്നു ഏ​റ്റ​വും പ്രി​യ​പ്പെ​ട്ട ക​ളി​ക്കൂ​ട്ട്. താ​നൊ​രു സ്വ​വ​ർ​ഗാ​നു​രാ​ഗി​യാ​ണെ​ന്ന് സ്കൂ​ൾ കാ​ല​ത്ത് ത​ന്നെ തു​റ​ന്നു​പ​റ​ഞ്ഞ സാ​മി​ന് സ്കൂ​ൾ ജീ​വി​തം ഒ​ട്ടും സ​ന്തോ​ഷ​ക​ര​മാ​യി​രു​ന്നി​ല്ല. സ്റ്റാ​ൻ​ഫോ​ഡ് യൂ​നി​വേ​ഴ്സി​റ്റി​യി​ൽ ക​മ്പ്യൂ​ട്ട​ർ സ​യ​ൻ​സ് പ​ഠി​ക്കാ​ൻ ചേ​ർ​ന്നെ​ങ്കി​ലും ബി​രു​ദ കോ​ഴ്സ് പൂ​ർ​ത്തി​യാ​ക്കാ​തെ 2005ൽ ​കാ​മ്പ​സ് വി​ട്ടി​റ​ങ്ങി. ര​ണ്ട് സ​ഹ​പാ​ഠി​ക​ൾ​ക്കൊ​പ്പം ലൂ​പ്റ്റ് എ​ന്ന സ​മൂ​ഹ മാ​ധ്യ​മ ആ​പ് സ്ഥാ​പി​ച്ചു. ക​മ്പ​നി​യി​ലേ​ക്ക് നി​ക്ഷേ​പം ആ​ക​ർ​ഷി​ക്കാ​ൻ ക​ഴി​ഞ്ഞെ​ങ്കി​ലും വേ​ണ്ട​ത്ര ഉ​പ​യോ​ക്താ​ക്ക​ളെ ക​ണ്ടെ​ത്താ​നാ​യി​ല്ല. എ​യ​ർ ബി​എ​ൻ​ബി, ഡ്രോ​പ് ബോ​ക്സ് തു​ട​ങ്ങി​യ ബ്രാ​ൻ​ഡു​ക​ളു​ടെ ഉ​ട​മ​ക​ളാ​യ വൈ ​കോം​ബി​നേ​റ്റ​റി​ൽ ചേ​ർ​ന്ന് അ​ഞ്ചു വ​ർ​ഷ​ത്തി​നു​ശേ​ഷം 2016ൽ ​ക​മ്പ​നി​യു​ടെ പ്ര​സി​ഡ​ന്റ് പ​ദ​വി​യി​ലെ​ത്തി. 2015ൽ ​ആ​രം​ഭി​ച്ച ഓ​പ​ൺ എ.​ഐ​യി​ൽ മു​ഴു​വ​ൻ സ​മ​യ ശ്ര​ദ്ധ കേ​ന്ദ്രീ​ക​രി​ക്കാ​ൻ 2019ൽ ​വൈ കോം​ബി​നേ​റ്റ​റി​ൽ നി​ന്നി​റ​ങ്ങി. ചാ​റ്റ് ജി.​പി.​ടി വി​ജ​യ​ക​ര​മാ​യി അ​വ​ത​രി​പ്പി​ച്ച ശേ​ഷം ഈ ​വ​ർ​ഷം ന​ട​ത്തി​യ ആ​ഗോ​ള​പ​ര്യ​ട​ന​ത്തി​നി​ടെ ഋ​ഷി സു​ന​ക്, ഇ​മ്മാ​നു​വ​ൽ മാ​ക്രോ​ൺ, ന​രേ​ന്ദ്ര മോ​ദി തു​ട​ങ്ങി 22 ലോ​ക നേ​താ​ക്ക​ളെ​യും സ​ന്ദ​ർ​ശി​ച്ചി​രു​ന്നു. നി​ർ​മി​ത ബു​ദ്ധി​യു​മാ​യി ബ​ന്ധ​പ്പെ​ട്ട വ​ർ​ത്ത​മാ​ന​ങ്ങ​ൾ സാം ​ആ​ൾ​ട്ട്മാ​നെ​ക്കൂ​ടാ​തെ അ​പൂ​ർ​ണ​മാ​ണെ​ന്ന അ​വ​സ്ഥ​യാ​യി. അ​താ​ണി​പ്പോ​ൾ പു​റ​ത്താ​ക്ക​ലും തി​രി​ച്ചു​ക​യ​റ​ലു​മെ​ല്ലാ​മു​ൾ​പ്പെ​ടെ ഉ​ച്ഛ​സ്ഥാ​യി​ലാ​യി​രി​ക്കു​ന്ന​ത്.

2015ൽ ​ഫോ​ർ​ബ്സ് മാ​സി​ക 30 വ​യ​സ്സി​ന് താ​ഴെ​യു​ള്ള ഏ​റ്റ​വും മി​ക​ച്ച നി​ക്ഷേ​പ​ക​നാ​യി തെ​ര​ഞ്ഞെ​ടു​ത്തു. ബി​രു​ദ പ​ഠ​നം പൂ​ർ​ത്തി​യാ​ക്കാ​ത്ത ആ​ൾ​ട്ട്മാ​ന് കാ​ന​ഡ​യി​ലെ വാ​ട്ട​ർ​ലൂ സ​ർ​വ​ക​ലാ​ശാ​ല ഓ​ണ​റ​റി ഡോ​ക്ട​ർ ഓ​ഫ് എ​ൻ​ജി​നീ​യ​റി​ങ് ബി​രു​ദം ന​ൽ​കി, ഇ​ന്തോ​നേ​ഷ്യ​ൻ സ​ർ​ക്കാ​ർ ഗോ​ൾ​ഡ​ൻ വി​സ പ്ര​ഖ്യാ​പി​ച്ച​പ്പോ​ൾ ആ​ദ്യം ന​ൽ​കേ​ണ്ട​താ​ർ​ക്ക് എ​ന്ന കാ​ര്യ​ത്തി​ൽ സം​ശ​യ​മി​ല്ലാ​യി​രു​ന്നു. ഈ ​വ​ർ​ഷം ഏ​റ്റ​വു​മ​ധി​കം ലോ​ക​ത്തെ സ്വാ​ധീ​നി​ച്ച നൂ​റു പേ​രി​ൽ പ്ര​ധാ​ന​സ്ഥാ​ന​മാ​ണ് ടൈം ​മാ​ഗ​സി​ൻ ക​ല്പി​ച്ചി​രി​ക്കു​ന്ന​ത്.

കു​ട്ടി​ക്കാ​ലം മു​ത​ൽ സ​സ്യാ​ഹാ​രി​യാ​ണ്. ലൂ​പ്റ്റ് സ​ഹ​സ്ഥാ​പ​ക​ൻ നി​ക്ക് സി​വോ ആ​യി​രു​ന്നു ആ​ദ്യ പ​ങ്കാ​ളി, ആ​സ്‌​ട്രേ​ലി​യ​ൻ സോ​ഫ്റ്റ്‌​വെ​യ​ർ എ​ൻ​ജി​നീ​യ​ർ ഒ​ലി​വ​ർ മ​ൾ​ഹെ​റി​നാ​ണ് ഇ​പ്പോ​ൾ ജീ​വി​ത സ​ഹ​യാ​ത്രി​ക​ൻ. ഏ​തൊ​രു അ​ടി​യ​ന്ത​ര സാ​ഹ​ച​ര്യ​ത്തെ​യും നേ​രി​ടാ​നാ​യി ഇ​സ്രാ​യേ​ൽ പ്ര​തി​രോ​ധ സേ​ന (ഐ.​ഡി.​എ​ഫ്) ഉ​പ​യോ​ഗി​ക്കു​ന്ന ഗ്യാ​സ് മാ​സ്ക്, തോ​ക്ക്, സ്വ​ർ​ണം, ബാ​റ്റ​റി​ക​ൾ, വെ​ള്ളം എ​ന്നി​ത്യാ​ദി ‘അ​വ​ശ്യ വ​സ്തു​ക്ക​ൾ’ സ​ദാ സൂ​ക്ഷി​ക്കു​ന്നു​ണ്ട്. മാ​തൃ​കാ പു​രു​ഷ​നാ​യി​രു​ന്ന ആ​പ്പി​ൾ സ​ഹ​സ്ഥാ​പ​ക​ൻ സ്റ്റീ​വ് ജോ​ബ്സി​ന് ഒ​രി​ക്ക​ൽ ക​മ്പ​നി വി​ടേ​ണ്ടി​വ​ന്ന സം​ഭ​വ​വു​മാ​യി സാ​മി​ന്റെ പു​റ​ത്തു​പോ​ക്കി​നെ താ​ര​ത​മ്യ​പ്പെ​ടു​ത്തു​ന്ന​വ​രു​ണ്ട്. 1976ൽ ​സ്ഥാ​പി​ച്ച ആ​പ്പി​ളി​ൽ​നി​ന്ന് സി.​ഇ.​ഒ ജോ​ൺ സ്‌​ക​ല്ലി​യു​മാ​യു​ണ്ടാ​യ അ​ഭി​പ്രാ​യ വ്യ​ത്യാ​സ​ങ്ങ​ളു​ടെ പേ​രി​ൽ 1985ലാ​ണ് സ്റ്റീ​വ് ജോ​ബ്സി​ന് വി​ട്ടു​പോ​കേ​ണ്ടി വ​ന്ന​ത്. 12 വ​ർ​ഷ​ങ്ങ​ൾ​ക്കു ശേ​ഷം ആ​പ്പി​ളി​ന്റെ സി.​ഇ.​ഒ പ​ദ​വി​യി​ലേ​ക്ക് അ​ദ്ദേ​ഹം അ​വ​രോ​ധി​ത​നാ​വു​ക​യും ചെ​യ്തു. സാം ​ആ​ൾ​ട്ട്മാ​ന്റെ തി​രി​ച്ചു​വ​ര​വി​ന് വ​ർ​ഷ​ങ്ങ​ളു​ടെ കാ​ത്തി​രി​പ്പൊ​ന്നും വേ​ണ്ടി​വ​ന്നി​ല്ല. നി​ർ​മി​ത ബു​ദ്ധി​യു​ടെ കാ​ല​മ​ല്ലേ, ഇ​പ്പോ കാ​ര്യ​ങ്ങ​ളെ​ല്ലാം ഞൊ​ടി​യി​ട​യി​ലാ​ണെ​ന്നേ!.