ക​ഠോര നി​യ​മ​ങ്ങ​ൾ തു​ട​രത്തു​ട​രെ

ബ്രി​ട്ടീ​ഷ്​ ഇ​ന്ത്യ​യി​ൽ 1920 മു​ത​ൽ ന​ട​പ്പി​ലി​രു​ന്ന ത​ട​വു​കാ​രെ തി​രി​ച്ച​റി​യ​ൽ നി​യ​മം പി​ൻ​വ​ലി​ച്ച് ക്രി​മി​ന​ൽ ന​ട​പ​ടി (തി​രി​ച്ച​റി​യ​ൽ) ബി​ൽ 2022 ആ​ഭ്യ​ന്ത​ര സ​ഹ​മ​ന്ത്രി അ​ജ​യ് മി​ശ്ര ലോ​ക്സ​ഭ​യി​ൽ അ​വ​ത​രി​പ്പി​ച്ചി​രി​ക്കു​ക​യാ​ണ്. എ​ന്തു കാ​ര​ണ​ത്തിനും കാ​ര​ണ​മൊ​ന്നു​മി​ല്ലെ​ങ്കി​ലും അ​റ​സ്റ്റി​ലാ​വു​ന്ന ആ​രു​ടെ​യും വി​ര​ല​ട​യാ​ളം, കൈ​പ്പ​ത്തി അ​ട​യാ​ളം, കാ​ല​ട​യാ​ളം, ഫോ​ട്ടോ, ബ​യോ​ള​ജി​ക്ക​ൽ സാ​മ്പി​ൾ എ​ന്നി​വ ശേ​ഖ​രി​ക്കാ​ൻ പൊ​ലീ​സി​നും ജ​യി​ൽ അ​ധി​കൃ​ത​ർ​ക്കും അ​ധി​കാ​രം ന​ൽ​കു​ന്ന​താ​ണ് 58 നെ​തി​രെ 120 വോ​ട്ടു​ക​ൾ​ക്ക് അ​വ​ത​ര​ണാ​നു​മ​തി ല​ഭി​ച്ച ബി​ൽ. ഇ​നി അ​ത് ഇ​രുസ​ഭ​ക​ളി​ലും വി​ശ​ദ​മാ​യ ച​ർ​ച്ച​ക്ക് വി​ധേ​യ​മാ​ക്കി​യാ​ലും ഇ​ല്ലെ​ങ്കി​ലും കൊടിയ ഭൂ​രി​പ​ക്ഷ​ത്തോ​ടെ പാ​സാ​വു​മെ​ന്നു​റ​പ്പ്. തു​ട​ർ​ന്ന് രാ​ഷ്ട്ര​പ​തി​യു​ടെ അം​ഗീ​കാ​ര​ത്തോ​ടെ നി​യ​മ​വുമാ​വും.

കു​റ്റം തെ​ളി​യി​ക്കാ​ൻ പ്രാ​കൃ​തരീ​തി​ക​ൾ മാ​ത്രം നി​ല​വി​ലി​രു​ന്ന നൂ​റ്റാ​ണ്ടു​മു​മ്പു​ള്ള സാ​ഹ​ച​ര്യ​ത്തി​ൽ നി​ർ​മി​ക്ക​പ്പെ​ട്ട നി​യ​മം കാ​ല​ഹ​ര​ണ​പ്പെ​ട്ടു​വെ​ന്നും അ​ത്യ​ന്താ​ധു​നി​ക സാ​​ങ്കേ​തി​ക സം​വി​ധാ​ന​ങ്ങ​ൾ​ പ്ര​യോ​ഗ​ത്തി​ൽ വ​ന്നു​ക​ഴി​ഞ്ഞി​രി​ക്കെ അ​ത് പ്ര​യോ​ജ​ന​പ്പെ​ടു​ത്തി കു​റ്റാ​ന്വേ​ഷ​ണ​വും കു​റ്റം തെ​ളി​യി​ക്ക​ലും കൂ​ടു​ത​ൽ ച​ടു​ല​വും ശാ​സ്ത്രീ​യ​വു​മാ​ക്കുക​യാ​ണ് ബി​ല്ലി​ന്റെ ല​ക്ഷ്യ​മെ​ന്നും കേ​ന്ദ്രസ​ർ​ക്കാ​ർ അ​വ​കാ​ശ​പ്പെ​ടു​മ്പോ​ൾ അ​ത് ശ​രി​യാ​ണെ​ന്നോ അ​തി​ൽ ശ​രി​യു​ണ്ടെ​ന്നോ തോ​ന്നാം. പ​ക്ഷേ, കു​റ്റാ​ന്വേ​ഷ​ണ​വും തെ​ളി​വു ശേ​ഖ​രണവും സ​ത്യ​സ​ന്ധ​വും മു​ൻ​വി​ധി​ക​ളാ​ൽ സ്വാ​ധീ​നി​ക്ക​പ്പെ​ടാ​ത്ത​തും നീ​തി​പൂ​ർ​വ​ക​വു​മാ​യി​രി​ക്ക​ണ​മെ​ന്ന് നി​ഷ്ക​ർ​ഷ​യു​ള്ള പൊ​ലീ​സും അ​ന്വേ​ഷ​ണ ഏ​ജ​ൻ​സി​ക​ളും ജ​യി​ൽ അ​ധി​കൃ​ത​രു​മാ​ണ് രാ​ജ്യ​ത്ത് നി​ല​വി​ലു​ള്ള​തെ​ങ്കി​ൽ മാ​ത്ര​​മേ ഇ​പ്പ​റ​ഞ്ഞ​ത് പ്ര​സ​ക്ത​മാ​വൂ.

ഹെ​ഡ്കോ​ൺ​സ്റ്റ​ബി​ളോ ജ​യി​ൽ ഹെ​ഡ് വാ​ർ​ഡ​നോ മ​ജി​സ്ട്രേ​റ്റി​ന്റെ അ​നു​മ​തി​യോ​ടെ പ്ര​യോ​ഗി​ക്കേ​ണ്ട​താ​ണ് നി​ർ​ദി​ഷ്ട നി​യ​മ​പ്ര​കാ​രം ഈ​യ​ധി​കാ​രം. സാ​മ്പ​ത്തി​ക പ്ര​ലോ​ഭ​ന​ത്തി​നോ രാ​ഷ്ട്രീ​യ സമ്മർദ​ത്തി​നോ വ്യ​ക്തി​വി​രോ​ധ​ത്തി​നോ വ​ഴ​ങ്ങി കേ​വ​ലം സം​ശ​യ​ത്തി​ന്റെ പേ​രി​ൽ നി​ര​പ​രാ​ധി​ക​ളെ പി​ടി​കൂ​ടി രാ​ജ്യ​ദ്രോ​ഹ​മ​ട​ക്ക​മു​ള്ള ഭീ​ക​രകു​റ്റ​ങ്ങ​ൾ ചു​മ​ത്തി അ​നി​ശ്ചി​ത​കാ​ലം ജാ​മ്യം​പോ​ലും നി​ഷേ​ധി​ച്ച് കാ​രാ​ഗൃ​ഹ​ങ്ങ​ളി​ൽ അ​ട​ക്ക​പ്പെ​ടു​ന്ന ആ​യി​ര​ങ്ങ​ളു​ടെ രാ​ജ്യ​മാ​ണ് ന​മ്മു​ടേ​ത്. പ​ത്തോ പ​ന്ത്ര​ണ്ടോ വ​ർ​ഷ​ങ്ങ​ൾ നീ​ണ്ട വി​ചാ​ര​ണ ന​ട​പ​ടി​ക​ൾ പൂ​ർ​ത്തി​യാ​ക്കി ഒ​ടു​വി​ൽ നി​ര​പ​രാ​ധി​ക​ളെ​ന്ന് കോ​ട​തി വി​ധി​ച്ച് പു​റ​ത്തു​വ​രു​ന്ന​വ​ർ നി​ർ​ഭാ​ഗ്യ​വ​ശാ​ൽ ഇ​ന്ത്യ​യി​ൽ ഒ​ട്ടും കു​റ​വ​ല്ല. ജീ​വി​ത​ത്തി​ൽ വ​ല്ല​തും ചെ​യ്യാ​ൻ ക​ഴി​യു​ന്ന യൗ​വ​ന​കാ​ലം മു​ഴു​വ​ൻ ജ​യി​ലു​ക​ളി​ൽ ഹോ​മി​ക്ക​പ്പെ​ട്ട​ശേ​ഷം പു​റ​ത്തി​റ​ങ്ങു​ന്ന​വ​ർ​ക്ക് അ​വ​ശേ​ഷി​ച്ച കാ​ലം ജീ​വി​ത​മെ​ന്ന ശി​ക്ഷ അ​നു​ഭ​വി​ച്ചുതീ​ർ​ക്കാം എ​ന്ന​ത​ല്ലാ​തെ ഒ​ന്നും ചെ​യ്യാ​നു​ണ്ടാ​വി​ല്ല.

ഇ​ത്ത​ര​മൊ​രു പ​രി​ത​ഃസ്ഥി​തി​യി​ൽ​ ജൈ​വസാ​മ്പി​ൾ മു​ത​ൽ അ​ധി​കൃ​ത​ർ​ക്ക് യു​ക്ത​മെ​ന്ന് തോ​ന്നു​ന്ന അ​ട​യാ​ള​ങ്ങ​ൾ മു​ഴു​വ​ൻ രേ​ഖ​പ്പെ​ടു​ത്തി​വെ​ക്കു​ന്ന​ത് നി​ര​പ​രാ​ധി​ക​ളെ വീ​ണ്ടും വേ​ട്ട​യാ​ടാ​നു​ള്ള കു​ത​ന്ത്ര​മാ​യേ വി​ല​യി​രു​ത്ത​പ്പെ​ടു​ക​യു​ള്ളൂ. ക്രി​മി​ന​ൽ പ​ശ്ചാ​ത്ത​ല​മി​ല്ലാ​ത്ത ഒ​രു വ്യ​ക്തി, വി​ചാ​ര​ണ കൂ​ടാ​തെ​യോ കോ​ട​തി നി​ര​പ​രാ​ധി​ത്വം അം​ഗീ​ക​രി​ച്ച​തുകൊ​ണ്ടോ ജ​യി​ൽമു​ക്ത​നാ​യാ​ൽ അ​ട​യാ​ള​ങ്ങ​ൾ മു​ഴു​വ​ൻ രേ​ഖ​ക​ളി​ൽനി​ന്ന് നീ​ക്കം ചെ​യ്യ​ണ​മെ​ന്ന് ബി​ല്ലി​ൽ വ്യ​വ​സ്ഥ ചെ​യ്തി​ട്ടു​ണ്ടെ​ന്ന​ത് ശ​രി​യാ​ണ്. പ​ക്ഷേ, കു​റ്റാ​ന്വേ​ഷ​ണ​വും വി​ചാ​ര​ണ​യും വി​ധി​യു​മൊ​ക്കെ നീ​തിയു​ക്ത​വും സ​ത്യ​സ​ന്ധ​വും മു​ൻ​വി​ധി​ക​ളി​ല്ലാ​ത്ത​തു​മാ​ണെ​ങ്കി​ൽ മാ​ത്ര​മേ ഇ​ര​യു​ടെ അ​ട​യാ​ള​ങ്ങ​ൾ ന​ശി​പ്പി​ക്ക​പ്പെ​ടൂ. രേ​ഖ​ക​ൾ ന​ശി​പ്പി​ക്ക​പ്പെ​ടു​വോ ഇ​ല്ലേ എ​ന്ന് പ​രി​ശോ​ധി​ക്കാ​ൻപോ​ലും ശാ​സ്ത്രീ​യ സം​വി​ധാ​ന​മോ അ​തി​ലു​പ​രി മ​നു​ഷ്യസ്നേ​ഹ​മോ ഇ​ല്ലാ​ത്ത നി​ല​വി​ലെ ഘ​ട​ന​യി​ൽ വ​ഴി​പാ​ടി​ന് എ​ഴു​തി​ച്ചേ​ർ​ത്ത ഖ​ണ്ഡി​ക​യി​ൽ ക​വി​ഞ്ഞ പ്ര​സ​ക്തി അ​തി​നി​ല്ല.

മ​റു​വ​ശ​ത്ത്, ഏ​തു കു​റ്റ​ത്തി​നും പി​ടി​യി​ലാ​വു​ന്ന വ്യ​ക്തി​യോ​ട് സാ​മ്പി​ൾ ന​ൽ​ക​ണ​മെ​ന്ന് മ​ജി​സ്ട്രേ​റ്റി​ന് ആ​വ​ശ്യ​പ്പെ​ടാ​മെ​ന്ന് ബി​ൽ അ​നു​ശാ​സി​ക്കു​ന്നു. പ്ര​തി​യാ​ക്ക​​പ്പെ​ട്ട​യാ​ൾ അ​തി​ന് വി​സ​മ്മ​തി​ച്ചാ​ൽ ഐ.​പി.​സി 186ാം വ​കു​പ്പു പ്ര​കാ​രം അതു ശി​ക്ഷ​ാർ​ഹ​മാ​യി​രി​ക്കും. ഇ​ങ്ങ​നെ​യൊ​രു ഡെ​​​മോ​ക്ല​സി​ന്റെ വാ​ൾ ത​ല​ക്കു​മീ​തെ തൂ​ങ്ങി​ക്കി​ട​ക്കെ ഒ​രുമാ​തി​രി​പ്പെ​ട്ട​വ​രാ​രും വി​സ​മ്മ​തി​ക്കു​ന്ന പ്ര​ശ്ന​മേ​യി​ല്ല. സ​ർ​ക്കാ​റി​ന്റെ ന​യ​നി​ല​പാ​ടു​ക​ളി​ലോ അന്യായനി​യ​മ​ങ്ങ​ളി​ലോ ന​ട​പ​ടി​ക​ളി​ലോ പ്ര​തി​​ഷേ​ധി​ക്കു​ന്ന​വ​രെ അ​റ​സ്റ്റ് ചെ​യ്യു​ക ഭ​ര​ണ​കൂ​ട​ങ്ങ​ളു​ടെ ഹോ​ബി​യാ​യി ക​ഴി​ഞ്ഞ നി​ല​വി​ലെ ചു​റ്റു​പാ​ടി​ൽ ദു​ർ​വി​നി​യോ​ഗം ചെ​യ്യ​പ്പെ​ടാ​ൻ ഏ​റെ സാ​ധ്യ​ത​യു​ള്ള​താ​ണ് പാ​ർ​ല​മെ​ന്റി​ന്റെ പ​രി​ഗ​ണ​ന​യി​ലു​ള്ള ബി​ൽ.

അ​ത് തി​രി​ച്ച​റി​ഞ്ഞുത​ന്നെ​യാ​വും ബി​ൽ അന്യായമാ​ണെ​ന്ന് ചൂ​ണ്ടി​ക്കാ​ട്ടി പ്ര​തി​പ​ക്ഷം അ​തി​ന്റെ അ​വ​ത​ര​ണ​ത്തെ എ​തി​ർ​ത്ത​ത്. ഭ​ര​ണ​ഘ​ട​ന​യു​ടെ 20, 21 വകുപ്പുക​ൾ​ക്ക് വി​രു​ദ്ധ​മാ​യ ഇ​ത്ത​ര​മൊ​രു നി​യ​മ​നി​ർ​മാ​ണ​ത്തി​ന് പാ​ർ​ല​മെ​ന്റ​ിന്​ അ​ധി​കാ​ര​മി​ല്ലെ​ന്ന് കോ​ൺ​ഗ്ര​സ് എം.​പി മ​നീ​ഷ് തി​വാ​രി ചൂ​ണ്ടി​ക്കാ​ട്ടി​യ​പ്പോ​ൾ, ബി​ൽ ഭ​ര​ണ​ഘ​ട​നാ വി​രു​ദ്ധ​വും മ​നു​ഷ്യാ​വ​കാ​ശ ലം​ഘ​ന​വു​മാ​ണെ​ന്നാ​ണ് ആ​ർ.​എ​സ്.​പി​യി​ലെ എ​ൻ.​കെ. പ്രേ​മ​ച​ന്ദ്ര​ൻ അ​ഭി​പ്രാ​യ​പ്പെ​ട്ട​ത്. പൊ​ലീ​സി​ന് അ​മി​താ​ധി​കാ​രം ന​ൽ​കു​ന്ന ബി​ൽ മൗ​ലി​കാ​വ​കാ​ശ​ങ്ങ​ളു​ടെ മേ​ലു​ള്ള ക​ട​ന്നു​ക​യ​റ്റ​ത്തി​ന് ഭ​ര​ണ​കൂ​ട​ത്തി​നവ​സ​രം ന​ൽ​കു​മെ​ന്ന് കോ​ൺ​ഗ്ര​സി​ന്റെ ലോ​ക്സ​ഭ ചീ​ഫ് വി​പ്പ് കൊ​ടി​ക്കു​ന്നി​ൽ സു​രേ​ഷു​ം വ്യ​ക്ത​മാ​ക്കി.

അ​ധി​ർ ​ര​ഞ്ജ​ൻ ചൗ​ധ​രി, സൗ​ഗ​ത റോ​യ് തു​ട​ങ്ങി​യ പ​ല പ്ര​തി​പ​ക്ഷ നേ​താ​ക്ക​ളും ബി​ല്ലി​നെ​തി​രെ രം​ഗ​ത്തു​വ​ന്നെ​ങ്കി​ലും കനത്ത ഭൂ​രി​പ​ക്ഷ​ത്തി​ന്റെ ത​ണ​ലി​ൽ കേ​ന്ദ്ര സ​ർ​ക്കാ​ർ, ഡീ​പ് സ്​​റ്റേ​റ്റി​ന്റെ വ​ഴി​യെ​ത്ത​ന്നെ പോ​വാ​ൻ തീ​രു​മാ​നി​ച്ചി​രി​ക്കു​ക​യാ​ണ്. ഇ​ന്ത്യ​യി​ലെ ജ​യി​ലു​ക​ളി​ൽ ദ​ലി​ത​ർ​ക്കും മു​സ്‍ലിം​ക​ൾ​ക്കും ജ​ന​സം​ഖ്യാ​നു​പാ​ത​ത്തി​ൽ എ​ത്ര​യോ കൂ​ടു​ത​ൽ പ്രാ​തി​നി​ധ്യ​മു​ണ്ടെ​ന്ന് ക​ണ​ക്കു​ക​ൾ സം​സാ​രി​ക്കു​മ്പോ​ഴും അ​വ​രി​ൽ വ​ലി​യൊ​രു പ​ങ്ക് വെ​റും വി​ചാ​ര​ണ​ത്ത​ട​വു​കാ​രാ​ണെ​ന്ന വ​സ്തു​ത​യോ​ർ​ക്കു​മ്പോ​ഴും ഭ​ര​ണ​ഘ​ട​ന​യു​ടെ അ​ന്ത​സ്സ​ത്ത​ക്ക് ചേ​രാ​ത്ത മ​നു​ഷ്യാ​വ​കാ​ശ ധ്വം​സ​ന നി​യ​മ​ങ്ങ​ൾ ഇ​നി​യു​മി​നി​യും പ്ര​തീ​ക്ഷി​ക്ക​ണം.