യൂ​നി​ഫോം സി​വി​ൽ കോ​ഡും ഭ​ര​ണ​ഘ​ട​ന അ​സം​ബ്ലി​യും

ഇ​ന്ത്യ​ൻ ഭ​ര​ണ​ഘ​ട​ന​യു​ടെ ശി​ൽ​പി​ക​ൾ ത​ന്നെ ഏ​കീ​കൃ​ത സി​വി​ൽ കോ​ഡ് എ​ന്ന ആ​ശ​യം മു​ന്നോ​ട്ടു​വെ​ച്ചി​രു​ന്നു​വെ​ന്നും അ​ത് ന​ട​പ്പി​ൽ​വ​രു​ത്താ​നാ​ണ് ന​രേ​ന്ദ്ര മോ​ദി സ​ർ​ക്കാ​ർ ശ്ര​മി​ക്കു​ന്ന​തെ​ന്നു​മു​ള്ള ന്യാ​യീ​ക​ര​ണ വാ​ദ​ങ്ങ​ൾ ഇ​പ്പോ​ൾ സ​ജീ​വ​മാ​ണ്. ഈ ​ഘ​ട്ട​ത്തി​ൽ യൂ​നി​ഫോം സി​വി​ൽ കോ​ഡ് ഭ​ര​ണ​ഘ​ട​ന​യി​ലെ 44-ാം അ​നു​ച്ഛേ​ദ​ത്തി​ന്റെ ഭാ​ഗ​മാ​യി ഒ​രു മാ​ർ​ഗ​നി​ർ​ദേ​ശ​ക​ത​ത്ത്വ​മാ​യി എ​ങ്ങ​നെ നി​ല​വി​ൽ വ​ന്നു​വെ​ന്ന ച​ർ​ച്ച ഏ​റെ പ്രാ​ധാ​ന്യ​മു​ള്ള​താ​ണ്. 1946-49 കാ​ല​യ​ള​വി​ൽ ഭ​ര​ണ​ഘ​ട​ന നി​ർ​മാ​ണ​സ​ഭ​യി​ൽ ന​ട​ന്ന ച​ർ​ച്ച​യി​ലൂ​ടെ​യാ​ണ് നി​ർ​ദേ​ശ​ക ത​ത്ത്വ​ങ്ങ​ളു​ടെ ഭാ​ഗ​മാ​യി യൂ​നി​ഫോം സി​വി​ൽ കോ​ഡ് പ്ര​തി​ഷ്ഠി​ക്ക​പ്പെ​ടു​ന്ന​ത്. എ​ന്താ​ണ് യൂ​നി​ഫോം സി​വി​ൽ കോ​ഡ് എ​ന്ന​തി​നു ഒ​രു നി​ർ​വ​ച​നം ന​ൽ​കാ​നോ അ​തി​ന്റെ അ​ടി​സ്ഥാ​ന​ങ്ങ​ളെ​ക്കു​റി​ച്ചു പൊ​തു സ​മ്മ​ത​മു​ണ്ടാ​ക്കാ​നോ ഭ​ര​ണ​ഘ​ട​ന അ​സം​ബ്ലി​യി​ൽ ന​ട​ന്ന ച​ർ​ച്ച​ക്കു സാ​ധി​ച്ചി​രു​ന്നി​ല്ല.

മ​തം, മ​തേ​ത​ര​ത്വം, സ്ത്രീ

​മ​തേ​ത​ര​ത്വ​ത്തി​ന്റെ​യോ സ്ത്രീ​അ​വ​കാ​ശ​ത്തി​ന്റെ​യോ പ്ര​ശ്ന​മാ​യ​ല്ല മ​റി​ച്ച്, മ​ത​ത്തെ​യും മ​ത​ത്തെ​ക്കു​റി​ച്ചു​ള്ള അ​റി​വി​നേ​യും സം​ബ​ന്ധി​ച്ച പു​തി​യൊ​രു ദേ​ശീ​യ- രാ​ഷ്ട്രീ​യ സ​ങ്ക​ല്പ​ത്തി​ന്റെ ഭാ​ഗ​മാ​യാ​ണ് യൂ​നി​ഫോം സി​വി​ൽ കോ​ഡു​മാ​യി ബ​ന്ധ​പ്പെ​ട്ട ച​ർ​ച്ച ഭ​ര​ണ​ഘ​ട​ന നി​ർ​മാ​ണ​സ​ഭ​യി​ൽ വി​ക​സി​ച്ച​ത്.

യൂ​നി​ഫോം സി​വി​ൽ കോ​ഡി​നെ എ​തി​ർ​ത്ത​വ​ർ വി​വി​ധ മ​ത-​സാ​മൂ​ഹി​ക വി​ഭാ​ഗ​ങ്ങ​ൾ​ക്കി​ട​യി​ലു​ള്ള വ്യ​ത്യാ​സ​ങ്ങ​ൾ (ഡി​ഫ​റ​ൻ​സ​സ്) വ്യ​ക്തി​നി​യ​മ​ത്തി​ലൂ​ടെ നി​ല​നി​ർ​ത്തു​ക എ​ന്ന അ​ർ​ഥം ഉ​യ​ർ​ത്തി​പ്പി​ടി​ച്ചു. അ​തി​നാ​ൽ​ത​ന്നെ, മ​ത​വ്യ​ത്യാ​സ​ങ്ങ​ളെ നി​രാ​ക​രി​ക്കു​ന്ന​തി​നാ​ൽ ത​ള്ളി​ക്ക​ള​യേ​ണ്ട മ​തേ​ത​ര വി​രു​ദ്ധ ആ​ശ​യ​മാ​യി യൂ​നി​ഫോം സി​വി​ൽ കോ​ഡ് വ്യാ​ഖ്യാ​നി​ക്ക​പ്പെ​ട്ടു.

എ​ന്നാ​ൽ, യൂ​നി​ഫോം സി​വി​ൽ കോ​ഡി​നെ അ​നു​കൂ​ലി​ക്കു​ന്ന​വ​രാ​ക​ട്ടെ മ​തേ​ത​ര​ത്വ​ത്തി​നു ‘വ്യ​ത്യാ​സം’ എ​ന്ന അ​ർ​ഥ​ത്തി​നു​പ​ക​രം ത​ദ്ദേ​ശീ​യ സം​സ്കാ​ര​ത്തി​ലൂ​ന്നി​യ സാ​മൂ​ഹി​ക യോ​ജി​പ്പി​ന്റെ (സോ​ഷ്യ​ൽ സോ​ളി​ഡാ​രി​റ്റി) അ​ടി​സ്ഥാ​നം എ​ന്ന വ്യാ​ഖ്യാ​നം ന​ൽ​കി. ഇ​തു​പ്ര​കാ​രം ഹി​ന്ദൂ​യി​സ​മെ​ന്ന​ത് കേ​വ​ല മ​ത​മ​ല്ല, രാ​ജ്യ​ത്തി​ന്റെ ഭൂ​മി​ശാ​സ്ത്ര​വു​മാ​യി ബ​ന്ധ​പ്പെ​ട്ട സാം​സ്കാ​രി​ക പ്ര​തി​ഭാ​സ​മാ​ണ്. അ​ത് ഉ​ൾ​ക്കൊ​ള്ളു​ന്ന​തി​ലൂ​ടെ കൊ​ളോ​ണി​യ​ൽ വി​രു​ദ്ധ​ത​യും ദേ​ശീ​യോ​ദ്ഗ്ര​ഥ​ന​വും ശ​ക്തി​പ്പെ​ടു​മെ​ന്ന വാ​ദ​വും വി​ക​സി​ച്ചു. ഭ​ര​ണ​ഘ​ട​നാ നി​ർ​മാ​ണ​സ​മി​തി​യെ​ക്കു​റി​ച്ച് വി​ശ​ദ പ​ഠ​നം ന​ട​ത്തി​യ സൗ​മ്യ സ​ക്സേ​ന​യു​ടെ (ഡി​വോ​ഴ്സ് ആ​ൻ​ഡ് ഡെ​മോ​ക്ര​സി: എ ​ഹി​സ്റ്റ​റി ഓ​ഫ് ​േപ​ഴ്സ​ന​ൽ ലോ ​ഇ​ൻ പോ​സ്റ്റ്- ഇ​ൻ​ഡി​പെ​ൻ​ഡ​ൻ​ഡ് ഇ​ന്ത്യ, 2022, കാം​ബ്രി​ജ് യൂ​നി​വേ​ഴ്സി​റ്റി പ്ര​സ്) നി​രീ​ക്ഷ​ണ പ്ര​കാ​രം ഹി​ന്ദു​മ​ത​ത്തെ സൂ​ചി​പ്പി​ക്കു​മ്പോ​ഴൊ​ക്കെ അ​ത് കൂ​ടു​ത​ലും ലി​ബ​റ​ലും സെ​ക്കു​ല​റു​മാ​ണെ​ന്ന കാ​ഴ്ച​പ്പാ​ട് ഭ​ര​ണ​ഘ​ട​നാ നി​ർ​മാ​ണ​സ​മി​തി​യി​ൽ നി​ര​ന്ത​രം ആ​വ​ർ​ത്തി​ക്ക​പ്പെ​ട്ടി​രു​ന്നു.

മാ​ത്ര​മ​ല്ല, യൂ​നി​ഫോം സി​വി​ൽ കോ​ഡ് ഒ​രു സ്ത്രീ​യ​വ​കാ​ശ രാ​ഷ്ട്രീ​യ പ്ര​ശ്ന​മാ​യി ഇ​ന്ത്യ​ൻ ഭ​ര​ണ​ഘ​ട​ന നി​ർ​മാ​ണ​സ​ഭ​യി​ൽ പ്ര​ത്യ​ക്ഷ​മാ​യി ഉ​യ​ർ​ത്ത​പ്പെ​ട്ടി​ട്ടി​ല്ല. സ്ത്രീ​ക​ളെ ഇ​ര എ​ന്ന​തി​ന​പ്പു​റം അ​വ​കാ​ശ​മു​ള്ള രാ​ഷ്ട്രീ​യ വി​ഭാ​ഗ​മാ​യി ക​ണ്ടു കൊ​ണ്ടു​ള്ള ച​ർ​ച്ച​ക​ൾ ഭ​ര​ണ​ഘ​ട​ന നി​ർ​മാ​ണ​സ​ഭ​യി​ൽ ന​ട​ന്നി​ട്ടി​ല്ല എ​ന്ന പൊ​തു​പ്ര​വ​ണ​ത​യു​ടെ ഭാ​ഗ​മാ​ണി​ത്. യൂ​നി​ഫോം സി​വി​ൽ കോ​ഡ​ല്ല വ​നി​ത പ്ര​തി​നി​ധി​ക​ൾ ആ​വ​ശ്യ​പ്പെ​ട്ട​ത് വി​ശി​ഷ്യ, അ​മൃ​ത കൗ​റും ഹ​ൻ​സ് മേ​ത്ത​യും. അ​വ​ർ യൂ​നി​ഫോം ഫാ​മി​ലി ലോ​ക്കും ഹി​ന്ദു കോ​ഡ് ബി​ല്ലി​നും വേ​ണ്ടി വാ​ദി​ച്ചു. പ​ക്ഷേ, ര​ണ്ടും ല​ക്ഷ്യം ക​ണ്ടി​ല്ല.

ന്യൂ​ന​പ​ക്ഷ പ്ര​ശ്നം

യൂ​​നി​​ഫോം സി​​വി​​ൽ കോ​​ഡി​​നെ​​ക്കു​​റി​​ച്ചു​​ള്ള ച​​ർ​​ച്ച അ​​തി​​ന്റെ തു​​ട​​ക്ക കാ​​ല​​ഘ​​ട്ടം മു​​ത​​ൽ ത​​ന്നെ മു​​സ്‍ലിം ന്യൂ​​ന​​പ​​ക്ഷാ​​വ​​കാ​​ശ​​ങ്ങ​​ളു​​മാ​​യി ബ​​ന്ധ​​പ്പെ​​ട്ട് രൂ​​പ​​പ്പെ​​ട്ട​​തെ​​ങ്ങ​​നെ​​യാ​​ണ്? വ​​ട​​ക്കു കി​​ഴ​​ക്ക​​ൻ സം​​സ്ഥാ​​ന​​ങ്ങ​​ൾ​​ക്ക് പ്ര​​ത്യേ​​ക ത​​ര​​ത്തി​​ലു​​ള്ള നി​​യ​​മ​​ങ്ങ​​ൾ കൊ​​ടു​​ക്കു​​ന്ന​​തി​​നും ജാ​​തി-വ​​ർ​​ഗാ​​ടി​​സ്ഥാ​​ന​​ത്തി​​ലു​​ള്ള സം​​വ​​ര​​ണാ​​വ​​കാ​​ശം ന​​ൽ​​കു​​ന്ന​​തി​​നു​​മെ​​ല്ലാ​​മു​​ള്ള നി​​യ​​മ​​ബ​​ഹു​​സ്വ​​ര​​ത ഇ​​ന്ത്യ​​ൻ ഭ​​ര​​ണ​​ഘ​​ട​​ന നി​​ർ​​മാ​​ണ​​സ​​ഭ ഒ​​രു പ​​രി​​ധി​​വ​​രെ അം​​ഗീ​​ക​​രി​​ക്കു​​ന്നു​​ണ്ട്. അ​​തു​​കൊ​​ണ്ടു​​ത​​ന്നെ, നി​​യ​​മ​​ബ​​ഹു​​സ്വ​​ര​​ത എ​​ന്നു​​ള്ള​​ത് പ​​ല​​പ്പോ​​ഴും മു​​സ്‍ലിം വ്യ​​ക്തി​​നി​​യ​​മ​​ത്തി​​ന്റെ കാ​​ര്യ​​ത്തി​​ൽ മാ​​ത്ര​​മാ​​ണ് ഒ​​രു ത​​ട​​സ്സ​​മാ​​യി ഇ​​ന്ത്യ​​ൻ ഭ​​ര​​ണ​​ഘ​​ട​​ന നി​​ർ​​മാ​​ണ​​സ​​ഭ​​യി​​ൽ നി​​ല​​നി​​ന്നി​​രു​​ന്ന​​തെ​​ന്ന് സൗ​​മ്യ സ​​ക്സേ​​ന സൂ​​ചി​​പ്പി​​ക്കു​​ന്നു.

കൊ​​ളോ​​ണി​​യ​​ൽ കാ​​ല​​ത്ത് ന്യൂ​​ന​​പ​​ക്ഷാ​​വ​​കാ​​ശ​​ങ്ങ​​ളു​​ടെ ഭാ​​ഗ​​മാ​​യി നി​​ല​​വി​​ലു​​ണ്ടാ​​യി​​രു​​ന്ന പ്ര​​ത്യേ​​ക ഇ​​ല​​ക്ട്രേ​​റ്റ്, ന്യൂ​​ന​​പ​​ക്ഷാ​​ടി​​സ്ഥാ​​ന​​ത്തി​​ലു​​ള്ള സം​​വ​​ര​​ണം എ​​ന്നി​​വ നി​​ഷേ​​ധി​​ച്ച ഭ​​ര​​ണ​​ഘ​​ട​​നാ നി​​ർ​​മാ​​ണ​​സ​​ഭ വ്യ​​ക്തി - കു​​ടും​​ബ​​നി​​യ​​മ​​ത്തി​​ൽ മാ​​ത്ര​​മാ​​ണ് മു​​സ്‍ലിം​​ക​​ൾ​​ക്ക് പ്ര​​ത്യേ​​ക നി​​യ​​മം അ​​നു​​വ​​ദി​​ച്ച​​ത്. ഭ​​ര​​ണ​​ഘ​​ട​​നാ നി​​ർ​​മാ​​ണ​​സ​​ഭ​​യി​​ലെ ബ​​ഹു​​ഭൂ​​രി​​പ​​ക്ഷം മു​​സ്‍ലിം അം​​ഗ​​ങ്ങ​​ളും വ്യ​​ക്തി​​നി​​യ​​മ​​ത്തി​​ന്റെ പ്ര​​ത്യേ​​ക​​ത​​യെ ഉ​​യ​​ർ​​ത്തി​​പ്പി​​ടി​​ക്കാ​​നാ​​ണ് കൂ​​ടു​​ത​​ൽ ശ്ര​​ദ്ധി​​ച്ച​​ത്. ഇ​​സ്‍ലാ​​മി​​ക ശ​​രീ​​അ​​ത്ത് പ്ര​​കാ​​ര​​മു​​ള്ള സ്വ​​ത്തു​​നി​​യ​​മ​​ങ്ങ​​ൾ നി​​രാ​​ക​​രി​​ച്ച​​പ്പോ​​ഴോ, ബാ​​ങ്കി​​ങ്, ഇ​​ൻ​​ഷു​​റ​​ൻ​​സ് എ​​ന്നി​​വ​​യു​​മാ​​യി ബ​​ന്ധ​​പ്പെ​​ട്ട നി​​യ​​മ​​ങ്ങ​​ൾ ശ​​രീ​​അ​​ത്ത് വി​​ല​​ക്കു​​ന്ന പ​​ലി​​ശ​​യി​​ല​​ധി​​ഷ്ഠി​​ത​​മാ​​യ സാ​​മ്പ​​ത്തി​​ക വ്യ​​വ​​സ്ഥ​​യി​​ലേ​​ക്ക് മാ​​റ്റി​​മ​​റി​​ച്ച​​പ്പോ​​ഴോ വ​​ലി​​യ പ്ര​​തി​​ഷേ​​ധ​​ങ്ങ​​ളു​​ണ്ടാ​​യി​​ല്ല എ​​ന്നു​​ള്ള​​തും ശ്ര​​ദ്ധേ​​യ​​മാ​​ണ്. യ​​ഥാ​​ർ​​ഥ​​ത്തി​​ൽ ഭ​​ര​​ണ​​ഘ​​ട​​നാ നി​​ർ​​മാ​​ണ സ​​ഭ​​യി​​ലെ ഭൂ​​രി​​ഭാ​​ഗം ച​​ർ​​ച്ച​​ക​​ളും കേ​​ന്ദ്രീ​​ക​​രി​​ച്ച​​ത് മു​​സ്‍ലിം വ്യ​​ക്തി-കു​​ടും​​ബ നി​​യ​​മ​​ങ്ങ​​ളു​​മാ​​യി ബ​​ന്ധ​​പ്പെ​​ട്ട പ്ര​​ശ്ന​​ങ്ങ​​ളി​​ലാ​​ണ്. യൂ​​നി​​ഫോം സി​​വി​​ൽ കോ​​ഡ് ന​​ട​​പ്പാ​​കു​​ന്ന​​തോ​​ടെ, ഭ​​ര​​ണ​​ഘ​​ട​​നാ​​പ​​ര​​മാ​​യി അ​​വ​​ശേ​​ഷി​​ക്കു​​ന്ന ഈ ​​വ്യ​​ക്തി-കു​​ടും​​ബ നി​​യ​​മ​​ങ്ങ​​ളി​​ലു​​ള്ള മു​​സ്‍ലിം​​ക​​ളു​​ടെ അ​​വ​​കാ​​ശം റ​​ദ്ദു​​ചെ​​യ്യു​​മെ​​ന്നു​​ള്ള ആ​​കാം​​ക്ഷ ച​​രി​​ത്ര​​പ​​ര​​മാ​​യി അ​​ങ്ങ​​നെ സ്ഥാ​​പി​​ത​​മാ​​യി.

മു​സ്‍ലിം പ്ര​തി​നി​ധി​ക​ളു​ടെ വീ​ക്ഷ​ണം

ഭൂ​രി​പ​ക്ഷം മു​സ്‍ലിം ന്യൂ​ന​പ​ക്ഷ പ്ര​തി​നി​ധി​ക​ളും യൂ​നി​ഫോം സി​വി​ൽ കോ​ഡി​നെ​തി​രാ​യി​രു​ന്നു എ​ന്ന ധാ​ര​ണ​യും സ​ങ്കീ​ർ​ണ​മാ​ണ്.

മു​സ്‍ലിം ലീ​ഗ് നേ​താ​വാ​യി​രു​ന്ന മു​ഹ​മ്മ​ദ് ഇ​സ്മാ​ഈ​ൽ സാ​ഹി​ബ്, യൂ​നി​ഫോം സി​വി​ൽ കോ​ഡ് ന​ട​പ്പാ​ക്കു​ക​യാ​ണെ​ങ്കി​ൽ അ​ത് ഒ​രു ഓ​പ്ഷ​ന​ൽ കോ​ഡാ​യി വേ​ണ​മെ​ന്ന പ​ക്ഷ​ക്കാ​ര​നാ​യി​രു​ന്നു. ഇ​ന്ത്യ​ക്ക് പൊ​തു​വാ​യൊ​രു യൂ​നി​ഫോം സി​വി​ൽ കോ​ഡ് ഉ​ണ്ടാ​വു​ക​യും അ​തേ​സ​മ​യം, വ്യ​ത്യ​സ്ത സാ​മൂ​ഹി​ക വി​ഭാ​ഗ​ങ്ങ​ൾ​ക്കും സ​മു​ദാ​യ​ങ്ങ​ൾ​ക്കും അ​വ​രു​ടെ വ്യ​ക്തി​നി​യ​മ​ങ്ങ​ൾ ഇ​ച്ഛാ​നു​സ​ര​ണം സ്വീ​ക​രി​ക്കാ​നു​ള്ള ഇ​ട​മു​ണ്ടാ​വു​ക​യും വേ​ണ​മെ​ന്ന് അ​ദ്ദേ​ഹം വാ​ദി​ച്ചു.

മു​സ്‍ലിം വ്യ​ക്തി നി​യ​മ​ത്തെ മാ​ത്രം ബാ​ധി​ക്കു​ന്ന ഒ​ന്നാ​യ​ല്ല ബി.​പോ​ക്ക​ർ സാ​ഹി​ബ് ഇ​തി​നെ ക​ണ്ട​ത്. വി​വി​ധ സാ​മൂ​ഹി​ക വി​ഭാ​ഗ​ങ്ങ​ളു​ടെ വ്യ​ക്തി​നി​യ​മ​ങ്ങ​ളെ ബാ​ധി​ക്കു​ന്ന കോ​ഡ് ഒ​രു സ്വേ​ച്ഛാ​ധി​പ​ത്യ ഭ​ര​ണ​കൂ​ട ന​യ​മാ​ണെ​ന്നാ​യി​രു​ന്നു അ​ദ്ദേ​ഹ​ത്തി​ന്റെ നി​ല​പാ​ട്.

ക​മ്യൂ​ണി​സ്റ്റ് പ്ര​സ്ഥാ​ന​ത്തി​ന്റെ സ്ഥാ​പ​ക​നേ​താ​ക്ക​ളി​ലൊ​രാ​ളാ​യി​രു​ന്ന ഹ​സ്ര​ത് മൊ​ഹാ​നി മു​സ്‍ലിം​ക​ളു​ടെ വ്യ​ക്തി​നി​യ​മം ഇ​ല്ലാ​താ​ക്കു​ന്ന​ത് അ​ടി​സ്ഥാ​ന​പ​ര​മാ​യി ദോ​ഷം​ചെ​യ്യു​മെ​ന്നും വ​ലി​യ പ്ര​തി​ഷേ​ധ​വും പ്ര​ക്ഷോ​ഭ​വും ക്ഷ​ണി​ച്ചു വ​രു​ത്തു​മെ​ന്നും പ​റ​യു​ക​യു​ണ്ടാ​യി.

ഫ്ര​ഞ്ച് സെ​ക്കു​ല​ർ മാ​തൃ​ക​യി​ലു​ള്ള യൂ​നി​ഫോം സി​വി​ൽ കോ​ഡാ​ണ് ഇ​ന്ത്യ​യി​ൽ ന​ട​പ്പാ​കേ​ണ്ട​ത് എ​ന്നാ​യി​രു​ന്നു ത​ജ​മ്മു​ൽ ഹു​സൈ​ന്റെ കാ​ഴ്ച​പ്പാ​ട്. ആ​ർ​ട്ടി​ക്ക്ൾ 19 പ്ര​കാ​ര​മു​ള്ള മ​ത​സ്വാ​ത​ന്ത്ര്യ​ത്തി​ന്റെ ഭാ​ഗ​മാ​യി ഒ​രു ത​ര​ത്തി​ലു​ള്ള മ​ത​ചി​ഹ്ന​ങ്ങ​ളോ പേ​രോ വ​സ്ത്ര​മോ വ്യ​ക്തി​സ്വാ​ത​ന്ത്ര്യ​ത്തി​ന്റെ പേ​രി​ൽ പ​രി​ഗ​ണി​ക്കാ​വ​ത​ല്ല. നൂ​റൂ വ​ർ​ഷം മു​ന്നോ​ട്ടാ​ണ് താ​ൻ ചി​ന്തി​ക്കു​ന്ന​തെ​ന്നും ഒ​രു​ത​രം മ​ത അ​ട​യാ​ള​ങ്ങ​ളെ​യും ചി​ഹ്ന​ങ്ങ​ളെ​യും പി​ന്തു​ണ​ക്കു​ന്നി​ല്ലെ​ന്നും അ​ദ്ദേ​ഹം പ​റ​യു​ന്നു. ന്യൂ​ന​പ​ക്ഷ​മെ​ന്ന ആ​ശ​യം ബ്രി​ട്ടീ​ഷു​കാ​ർ നി​ർ​മി​ച്ച​താ​ണെ​ന്നും ആ ​വാ​ക്ക് ത​ന്നെ എ​ടു​ത്തു​ക​ള​യ​ണ​മെ​ന്നും ത​ജ​മ്മു​ൽ ഹു​സൈ​ൻ നി​ർ​ദേ​ശി​ച്ചു.

ഹി​ന്ദു പാ​ര​മ്പ​ര്യ​വാ​ദി​ക​ൾ

ഇ​ന്ത്യ​യി​ൽ ന്യൂ​ന​പ​ക്ഷ​ങ്ങ​ൾ​ക്ക് മേ​ലു​ള്ള ഭൂ​രി​പ​ക്ഷ​ത്തി​ന്റെ ആ​ധി​പ​ത്യ​മ​ല്ല യൂ​നി​ഫോം സി​വി​ൽ കോ​ഡ് എ​ന്ന വാ​ദം അ​തി​ശ​ക്ത​മാ​യി ഉ​ന്ന​യി​ച്ച​ത് കെ. ​എം മു​ൻ​ഷി​യാ​ണ്. സോ​മ​നാ​ഥ് ക്ഷേ​ത്ര പു​ന​ർ നി​ർ​മാ​ണ​ത്തെ രാ​ഷ്ട്രീ​യ പ്ര​ക്ഷോ​ഭ​മാ​യി ഉ​യ​ർ​ത്തി​ക്കൊ​ണ്ടു​വ​ന്ന​തി​ലൂ​ടെ ഹി​ന്ദു പാ​ര​മ്പ​ര്യാ​വ​കാ​ശ​ങ്ങ​ളു​ടെ സം​ര​ക്ഷ​ക​ൻ എ​ന്ന മു​ഖം നേ​ടി​യ, കോ​ൺ​ഗ്ര​സി​ന​ക​ത്തും പി​ന്നീ​ടു പു​റ​ത്തും പ്ര​വ​ർ​ത്തി​ച്ചി​ട്ടു​ള്ള കെ.​എം. മു​ൻ​ഷി​യു​ടെ യു​ക്തി ഏ​റെ ശ്ര​ദ്ധേ​യ​മാ​ണ്.

മു​സ്‍ലിം​ക​ൾ​ക്കി​ട​യി​ൽ ത​ന്നെ​യു​ള്ള വ്യ​ക്തി​നി​യ​മ​ത്തി​ലെ ചി​ല അ​വ്യ​ക്ത​ത​ക​ൾ ചൂ​ണ്ടി​ക്കാ​ണി​ച്ചാ​ണ് കെ.​എം. മു​ൻ​ഷി സ്വ​ന്തം വാ​ദ​ങ്ങ​ൾ അ​വ​ത​രി​പ്പി​ച്ച​ത്. ഖോ​ജ, ക​ച്ച്മേ​മ​ൻ വി​ഭാ​ഗ​ങ്ങ​ൾ ഹി​ന്ദു ആ​ചാ​ര​പ്ര​കാ​ര​മു​ള്ള അ​ന​ന്ത​രാ​വ​കാ​ശ നി​യ​മ​ങ്ങ​ൾ പി​ന്തു​ട​രു​ക​യും മ​റ്റു കാ​ര്യ​ങ്ങ​ളി​ൽ മു​സ്‍ലിം വ്യ​ക്തി​നി​യ​മം പി​ന്തു​ട​രു​ന്ന​വ​രു​മാ​ണ്. അ​ത്ത​ര​ത്തി​ലൊ​രു വി​ഭാ​ഗ​ത്തി​ന് യ​ഥാ​ർ​ഥ​ത്തി​ൽ വേ​ണ്ട​ത് മു​സ്‍ലിം വ്യ​ക്തി​നി​യ​മ​മോ ഹി​ന്ദു വ്യ​ക്തി​നി​യ​മ​മോ അ​ല്ല, മ​റി​ച്ച് യൂ​നി​ഫോം സി​വി​ൽ കോ​ഡാ​ണ് എ​ന്ന ഒ​രു വാ​ദ​മാ​ണ് കെ.​എം. മു​ൻ​ഷി മു​ന്നോ​ട്ടു​വെ​ച്ച​ത്. അ​തി​നൊ​പ്പം​ത​ന്നെ, ഇ​ന്ത്യ ഒ​രു മ​തേ​ത​ര രാ​ഷ്ട്ര​മാ​യ​തി​നാ​ൽ മ​താ​ടി​സ്ഥാ​ന​ത്തി​ലു​ള്ള നി​യ​മ​ങ്ങ​ൾ പാ​ടി​ല്ലെ​ന്നും അ​ദ്ദേ​ഹ​ത്തി​ന് വാ​ദ​മു​ണ്ടാ​യി​രു​ന്നു. യ​ഥാ​ർ​ഥ​ത്തി​ൽ മു​ൻ​ഷി​യെ​പ്പോ​ലു​ള്ള​വ​രു​ടെ യു​ക്തി പ്ര​കാ​രം യൂ​നി​ഫോം സി​വി​ൽ കോ​ഡ് എ​ന്നു​ള്ള​ത് ഹി​ന്ദൂ​യി​സ​ത്തി​ന്റെ സാം​സ്കാ​രി​ക സാ​ർ​വ​ലൗ​കി​ക​ത​യു​ടെ​യും നി​ര​പേ​ക്ഷ സ്വ​ഭാ​വ​ത്തി​ന്റെ​യും പ്ര​കാ​ശ​ന​മാ​യി​രു​ന്നു.

ഏ​ക സി​വി​ൽ കോ​ഡി​നു​വേ​ണ്ടി ഭ​ര​ണ​ഘ​ട​നാ നി​ർ​മാ​ണ​സ​ഭ​യി​ൽ വാ​ദി​ച്ച പ്ര​ധാ​ന​പ്പെ​ട്ട മ​റ്റൊ​രു സ്വ​ര​മാ​ണ് അ​ല്ലാ​ടി കൃ​ഷ്ണ സ്വാ​മി അ​യ്യ​ങ്കാ​രു​ടേ​ത്. ജ​ർ​മ​ൻ, ഫ്ര​ഞ്ച് ഭ​ര​ണ​ഘ​ട​ന​ക​ൾ ഉ​പ​യോ​ഗി​ച്ചു​കൊ​ണ്ടാ​യി​രു​ന്നു ആ ​വാ​ദ​ങ്ങ​ൾ. ആ​ധു​നി​ക​ത​യി​ലേ​ക്കു​ള്ള കു​തി​പ്പി​ന്റെ തു​ട​ക്ക​മാ​ണ് യൂ​നി​ഫോ​മി​റ്റി എ​ന്നാ​ണ് അ​ദ്ദേ​ഹ​ത്തി​ന്റെ അ​ഭി​പ്രാ​യം.

അം​ബേ​ദ്ക​റു​ടെ നി​ല​പാ​ട്

ഡോ. ​ബി.​ആ​ർ. അം​ബേ​ദ്ക​റാ​യി​രു​ന്നു ഭ​ര​ണ​ഘ​ട​ന​യു​ടെ ഡ്രാ​ഫ്റ്റി​ങ് ക​മ്മി​റ്റി ചെ​യ​ർ​മാ​നാ​യി പ്ര​വ​ർ​ത്തി​ച്ചി​രു​ന്ന​ത്. ഭാ​വി​യി​ൽ ചി​ല​പ്പോ​ൾ ഒ​രു യൂ​നി​ഫോം സി​വി​ൽ കോ​ഡ് നി​ർ​മി​ച്ചാ​ൽ​പോ​ലും അ​തൊ​രു സ്വേ​ച്ഛാ​നു​സ​ര​ണ​മു​ള്ള തെ​ര​ഞ്ഞെ​ടു​പ്പ് (വ​ള​ന്റി​യ​റി ചോ​യി​സ്) ആ​യാ​ണ് നി​ല​നി​ൽ​ക്കേ​ണ്ട​ത് എ​ന്ന സ​മീ​പ​ന​മാ​ണ് അ​ദ്ദേ​ഹം ഉ​യ​ർ​ത്തി​പ്പി​ടി​ച്ച​ത്.

മൂ​ന്ന് അ​ടി​സ്ഥാ​ന​ങ്ങ​ൾ ഈ ​നി​ല​പാ​ടി​ന്റെ യു​ക്തി നി​ർ​ണ​യി​ച്ചു. ഒ​ന്ന് ) യൂ​നി​ഫോം സി​വി​ൽ കോ​ഡു​മാ​യി ബ​ന്ധ​പ്പെ​ട്ട അം​ബേ​ദ്ക​റു​ടെ നി​ല​പാ​ട് ദ​ലി​ത് രാ​ഷ്ട്രീ​യ സ്വ​ത്വ​ത്തെ ഹ​രി​ജ​നം എ​ന്നു​ള്ള വ​ർ​ഗീ​ക​ര​ണ​ത്തി​ലൂ​ടെ ഹി​ന്ദൂ​യി​സ​ത്തി​ന്റെ ഭാ​ഗ​മാ​ക്കി​ത്തീ​ർ​ക്കു​ന്ന കോ​ൺ​ഗ്ര​സി​ന്റെ​യും ഗാ​ന്ധി​യു​ടെ​യും നി​ല​പാ​ടി​നെ​ക്കൂ​ടി ക​ണ്ടി​ട്ടു​ള്ള​താ​യി​രു​ന്നു. ഹി​ന്ദൂ​യി​സ​ത്തി​ൽ​നി​ന്നു​ള്ള വ്യ​ത്യ​സ്ത​ത​ക്ക് അം​ബേ​ദ്ക​ർ വ​ള​രെ​യ​ധി​കം പ്രാ​ധാ​ന്യം ക​ൽ​പി​ച്ചു. ര​ണ്ട് ) യൂ​നി​ഫോ​മി​റ്റി​ക്ക് അം​ബേ​ദ്ക​ർ ന​ൽ​കു​ന്ന അ​ർ​ഥം വി​കേ​ന്ദ്രീ​ക​ര​ണം എ​ന്ന​താ​ണ്, അ​ഥ​വാ മേ​ൽ​ജാ​തി ഹി​ന്ദു​ക്ക​ളു​ടെ ആ​ധി​പ​ത്യ​ത്തി​ൽ​നി​ന്ന് ഭ​ര​ണ​ഘ​ട​ന​യെ മോ​ചി​പ്പി​ക്കു​ക എ​ന്നു​ള്ള ഒ​രു രീ​തി​യി​ലാ​ണ് അ​ദ്ദേ​ഹം യൂ​നി​ഫോ​മി​റ്റി​യെ സ​മീ​പി​ക്കു​ന്ന​ത്. മൂ​ന്ന്) അ​ക്കാ​ല​ഘ​ട്ട​ത്തി​ൽ ഭൂ​രി​പ​ക്ഷാ​ധി​പ​ത്യ​ത്തി​ന്റെ പ്ര​ശ്ന​ങ്ങ​ളെ അം​ബേ​ദ്ക​ർ ഉ​ൾ​ക്കൊ​ണ്ടി​രു​ന്നു.

അ​ത്ത​ര​മൊ​രു നി​ല​പാ​ടി​ന്റെ ഭാ​ഗ​മാ​യി ഏ​ക​സി​വി​ൽ കോ​ഡ് ഭാ​വി​യി​ൽ ന​ട​പ്പി​ലാ​ക്കു​ക​യാ​ണെ​ങ്കി​ൽ​പോ​ലും അ​തൊ​രു സ്വേ​ച്ഛാ​നു​സ​ര​ണ​മു​ള്ള തെ​ര​ഞ്ഞെ​ടു​പ്പ് മാ​ത്ര​മാ​ണെ​ന്നും ന്യൂ​ന​പ​ക്ഷാ​വ​കാ​ശ​ത്തെ ഹ​നി​ക്കി​ല്ലെ​ന്നും അം​ബേ​ദ്ക​ർ ക​രു​തി. ഭ​ര​ണ​ഘ​ട​ന​യു​ടെ അ​ന്തഃ​സ​ത്ത​യു​ടെ ഭാ​ഗ​മാ​യി അം​ബേ​ദ്ക​ർ മ​ന​സ്സി​ലാ​ക്കു​ന്ന ര​ണ്ടു ത​ത്ത്വ​ങ്ങ​ളാ​ണ് നീ​തി​യും തു​ല്യ​ത​യും. അ​വ​യെ മ​തേ​ത​ര​ത്വം, സാ​മൂ​ഹി​ക ഐ​ക്യം തു​ട​ങ്ങി​യ​വ​യേ​ക്കാ​ൾ പ്രാ​ധാ​ന്യ​പൂ​ർ​വം അ​ദ്ദേ​ഹം ഉ​ൾ​ക്കൊ​ണ്ടു. മാ​ത്ര​മ​ല്ല, ആ​ർ​ട്ടി​ക്കി​ൾ 44 ന്റെ ​ഭാ​ഗ​മാ​യ നി​ർ​ദേ​ശ​ക ത​ത്ത്വ​ത്തെ മ​ത​വും രാ​ഷ്ട്ര​വും ത​മ്മി​ലെ ബ​ന്ധ​ത്തെ​ക്കു​റി​ച്ചു​ള്ള ഒ​രു പ്ര​സ്താ​വ​ന​യാ​യോ വ്യ​ക്തി​നി​യ​മ​ങ്ങ​ൾ​ക്ക് മാ​ത്രം ബാ​ധ​ക​മാ​യ ഒ​രു പ്ര​ശ്ന​മാ​യോ അ​ല്ല അ​ദ്ദേ​ഹം കാ​ണു​ന്ന​ത്. അം​ബേ​ദ്ക​റെ സം​ബ​ന്ധി​ച്ചി​ട​ത്തോ​ളം ഭ​ര​ണ​ഘ​ട​ന​യു​ടെ അ​ന്തഃ​സ​ത്ത​യാ​യ നീ​തി​യെ​യും തു​ല്യ​ത​യെ​യും ഉ​ൾ​ക്കൊ​ള്ളു​ന്ന ഒ​രു ത​ത്ത്വ​മാ​യി​രു​ന്നു അ​ത്. അ​ഥ​വാ, ഒ​രു പ്ര​യോ​ഗ​മെ​ന്ന​തി​നേ​ക്കാ​ൾ ഒ​രു ത​ത്ത്വ​മെ​ന്ന നി​ല​ക്കാ​ണ് അം​ബേ​ദ്ക​ർ ഇ​തി​നെ നി​ർ​ദേ​ശ​ക​ത​ത്ത്വ​ങ്ങ​ളു​ടെ ഭാ​ഗ​മാ​യി ഉ​യ​ർ​ത്തി​പ്പി​ടി​ക്കു​ന്ന​ത്.

ഭ​ര​ണ​ഘ​ട​ന​യെ നി​ല​ക്കാ​ത്ത സം​വാ​ദ​ങ്ങ​ളു​ടെ വേ​ദി​യാ​ക്കാ​നാ​ണ് ഈ ​നി​ർ​ദേ​ശ​ക ത​ത്ത്വം എ​ന്ന സ​മീ​പ​നം ശ്ര​മി​ക്കു​ന്ന​ത്. ഇ​ത്ത​ര​മൊ​രു ഭ​ര​ണ​ഘ​ട​നാ സ​മീ​പ​ന​ത്തി​ന്റെ ലം​ഘ​ന​മാ​ണ് ഭൂ​രി​പ​ക്ഷ സ്വേ​ച്ഛാ​ധി​പ​ത്യ​ത്തി​ലൂ​ടെ ന​ട​പ്പാ​ക്കു​ന്ന യൂ​നി​ഫോം സി​വി​ൽ കോ​ഡ്.

(ദക്ഷിണാ​ഫ്രിക്കയിലെ ജൊഹാനസ് ബർഗ് സർവകലാശാലയിൽ പോസ്റ്റ് ഡോക്ടറൽ റിസർച്ച് ഫെലൊയും യു.കെയിലെ വാർവിക് സർവകലാശാലയിൽ അധ്യാപകനുമാണ് ലേഖകൻ)