ന്യൂയോർക്ക്: അദ്ഭുതങ്ങളൊന്നും സംഭവിച്ചില്ല. യു.എസ് ഒാപൺ പുരുഷ സിംഗ്ൾസിൽ ഇന്ത്യയുടെ കുതിപ്പ് രണ്ടാം റൗണ്ടിൽ അവസാനിച്ചു. ലോക മൂന്നാം നമ്പറുകാരൻ ഡൊമനിക് തീമിെൻറ പിറന്നാൾ ആഘോഷം ഇന്ത്യക്കാരൻ സുമിത് നാഗലിന് മടക്ക ടിക്കറ്റ് സമ്മാനിച്ചു തന്നെയാക്കി (6-3, 6-3, 6-2).
ആൻഡി മറെയുടെ ഘോഷയാത്രക്ക് രണ്ടാം റൗണ്ടിൽ സമാപനം. 15ാം സീഡുകാരനായ കാനഡക്കാരൻ ഫെലിക്സ് ആഗർ അലിസിമെ നേരിട്ടുള്ള മൂന്നു സെറ്റിനാണ് മറെയെ പുറത്താക്കിയത്. സ്കോർ: 6-2, 6-3, 6-4. ഗ്രിഗർ ദിമിത്രോവും മിലോസ് റാവോണിചും പുറത്തായി.
വനിത സിംഗ്ൾസിൽ സെറിന വില്യംസ് റഷ്യക്കാരി മാർഗരിറ്റ ഗാസ്പറിനെ 6-2, 6-4 സ്കോറിന് തോൽപിച്ച് മൂന്നാം റൗണ്ടിൽ കടന്നു. വിക്ടോറിയ അസരെങ്ക, െസ്ലാവെയ്ൻ സ്റ്റീഫൻസ് മൂന്നാം റൗണ്ടിൽ കടന്നപ്പോൾ, മുൻ ലോക ഒന്നാം നമ്പർ ഗർബിൻ മുഗുരുസ പുറത്തായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.