ചന്ദ്രയാൻ 3: പ്രഗ്യാൻ റോവറിൽ നിന്നുള്ള ചിത്രങ്ങൾ പുറത്തുവിട്ട് ഐ.എസ്.ആർ.ഒ

ബംഗളൂരു: ചന്ദ്രനിൽ പര്യവേക്ഷണം നടത്തുന്ന പ്രഗ്യാൻ റോവറിൽനിന്നുള്ള ചിത്രങ്ങൾ ഇന്ത്യൻ ബഹിരാകാശ ഗവേഷണ സ്ഥാപനം (ഐ.എസ്.ആർ.ഒ) പുറത്തുവിട്ടു. ചന്ദ്രോപരിതല ഗർത്തങ്ങളും സഞ്ചാരപാതയുമാണ് ചിത്രങ്ങളിലുള്ളത്. പ്രഗ്യാൻ റോവറിൽനിന്നു ലഭിക്കുന്നതു  ഇന്നുവരെ ലഭിച്ചിട്ടില്ലാത്തത്ര കൗതുകകരമായ വിവരങ്ങളാണെന്ന് ഐഎസ്ആർഒ ചെയർമാൻ എസ്.സോമനാഥ് പറഞ്ഞിരുന്നു.

നാല് മീറ്റർ വ്യാസമുള്ള ഒരു ഗർത്തം മൂന്നു മീറ്റർ മുന്നിലായാണ് റോവർ കണ്ടത്. പാത തിരിച്ചുപിടിക്കാൻ റോവറിന് നിർദേശം നൽകി. ഇപ്പോൾ സുരക്ഷിതമായി പുതിയ പാതയിലേക്ക് നീങ്ങുകയാണ്. -ഐ.എസ്.ആർ.ഒ ട്വീറ്റ് ചെയ്തു.

അതേസമയം, ച​ന്ദ്ര​ന്റെ ദ​ക്ഷി​ണ ധ്രു​വ​ത്തി​ൽ​നി​ന്നു​ള്ള ആ​ദ്യ ശാ​സ്ത്രീ​യ വി​വ​ര​ങ്ങ​ൾ ഐ.​എ​സ്.​ആ​ർ.​ഒ ഇന്നലെ പു​റ​ത്തു​വി​ട്ടിരുന്നു. ച​ന്ദ്രോ​പ​രി​ത​ല​ത്തി​ന് ഉ​യ​ർ​ന്ന താ​പ​പ്ര​തി​രോ​ധ​ശേ​ഷി​യു​ണ്ടെ​ന്നാണ് ച​ന്ദ്ര​യാ​ൻ-3 ദൗ​ത്യ​ത്തി​ലെ ലാ​ൻ​ഡ​റി​ലെ പ​രീ​ക്ഷ​ണോ​പ​ക​ര​ണ​മാ​യ ‘ചാ​സ്തെ’ ക​ണ്ടെ​ത്തിയത്. ച​ന്ദ്ര​ന്റെ ഉ​പ​രി​ത​ല​ത്തി​ലെ താ​പ​നി​ല​യു​മാ​യി ബ​ന്ധ​പ്പെ​ട്ട പ​രീ​ക്ഷ​ണ​മാ​ണ് ചാ​സ്തെ (ച​ന്ദ്രാ​സ് സ​ർ​ഫേ​സ് തെ​ർ​മോ ഫി​സി​ക്ക​ൽ എ​ക്സ്പി​രി​മെ​ന്റ്) ന​ട​ത്തു​ന്ന​ത്.

ച​ന്ദ്ര​നി​ൽ പ​തി​ക്കു​ന്ന സൂ​ര്യ​പ്ര​കാ​ശം കാ​ര​ണ​മാ​യു​ണ്ടാ​കു​ന്ന താ​പം റീ​ഗോ​ലി​ത്ത് എ​ന്ന​റി​യ​പ്പെ​ടു​ന്ന ച​ന്ദ്ര​നി​ലെ മ​ണ്ണി​ൽ എ​ന്തു മാ​റ്റ​മാ​ണു​ണ്ടാ​ക്കു​ന്ന​ത് എ​ന്ന​താ​ണ് പ​രീ​ക്ഷ​ണം. ദ​ക്ഷി​ണ​ധ്രു​വ​ത്തി​ൽ ന​ട​ക്കു​ന്ന ആ​ദ്യ പ​ര്യ​വേ​ക്ഷ​ണ​മാ​യ​തി​നാ​ൽ ച​ന്ദ്ര​യാ​ൻ-3 ക​ണ്ടെ​ത്തു​ന്ന ഓ​രോ വി​വ​ര​വും ശാ​സ്ത്ര​ലോ​ക​ത്തി​ന് പു​തു​മ​യു​ള്ള​താ​ണ്.