ബാഴ്സലോണ വിട്ട് ഫ്രഞ്ച് ക്ലബായ പി.എസ്.ജിയിലെത്തിയതോടെ സൂപ്പർ താരം ലയണൽ മെസ്സി താമസിക്കുന്ന പാരീസിലെ ആഡംബര ഹോട്ടലായ ലേ റോയൽ മോസുവാണ് ഇപ്പോൾ വാർത്താകേന്ദ്രം.
ഒരു രാത്രി ഈ ഹോട്ടലിൽ താമസിക്കാൻ 17.5 ലക്ഷം രൂപ വാടക നൽകണം. ഫൈവ് സ്റ്റാർ ഹോട്ടൽ മുറിയുടെ ചിത്രങ്ങളും പുറത്തുവന്നു. സ്വിമ്മിങ് പൂൾ, സിനിമ ഹാൾ, ആഡംബര റസ്റ്ററൻറ് എന്നിവ അടങ്ങിയതാണ് ഹോട്ടൽ.
പാരീസിെൻറ ഏറ്റവും ഹൃദയഭാഗത്താണ് ഹോട്ടൽ സ്ഥിതിചെയ്യുന്നത്. പാരീസിെൻറ മനോഹാരിതയും ആകാശ കാഴ്ചകളും ആസ്വദിക്കാനും സാധിക്കും. പി.എസ്.ജി സൂപ്പർ താരങ്ങളെ ടീമിലെത്തിക്കുേമ്പാൾ പാർപ്പിക്കുക ഈ ആഡംബര േഹാട്ടലിലാണ്. നെയ്മർ പി.എസ്.ജിയിലെത്തിയപ്പോഴും ഈ ഹോട്ടലിൽ തന്നെയാണ് താമസിച്ചതെന്നാണ് വിവരം. മെസ്സിക്കും കുടുംബത്തിനും സ്ഥിരതാമസ സൗകര്യം ഒരുക്കുന്നുവരെ താമസം ഈ ഹോട്ടലിലായിരിക്കും.
സ്പാനിഷ് ക്ലബായ ബാഴ്സലോണയിലെ 21 വർഷത്തെ കരിയർ അവസാനിപ്പിച്ചാണ് മെസ്സി പി.എസ്.ജിയിലെത്തിയത്. രണ്ടു വർഷത്തെ കരാറാണ് മെസിയും പി.എസ്.ജിയും തമ്മിലുള്ളത്. പി.എസ്.ജിയിലെത്തിയതോടെ മെസ്സിയുടെ പ്രതിവർഷ വരുമാനം 360 കോടിയാകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.