നോയിഡ: ജോലി നഷ്ടപ്പെട്ട ദുഃഖത്തിൽ സ്വയം ജീവനൊടുക്കാൻ ശ്രമിച്ച യുവാവിന്‍റെ ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നു. അപാർട്മെന്‍റ് കെട്ടിടത്തിൽനിന്ന് താഴേക്ക് ചാടിയെങ്കിലും 12-ാം നിലയിലെ ബാൽക്കണിയിൽ തങ്ങിനിന്നു. തുടർന്ന് ആളുകൾ എത്തി യുവാവിനെ രക്ഷിക്കുന്ന ദൃശ്യങ്ങളാണ് വൈറലായത്.
നോയിഡയിൽ ഇന്ന് ഉച്ചക്ക് സൂപ്പർടെക്ക് കേപ്ടൗൺ ഹൗസിങ് സൊസൈറ്റിയിലായിരുന്നു സംഭവം. യുവാവ് ചാടുന്നതും ബാൽക്കണിയിൽ തങ്ങി നിന്നതും കണ്ട താമസക്കാർ ഉടൻ ഓടിയെത്തി രക്ഷിക്കുകയായിരുന്നു.
नोएडा के सुपरटेक केप टाउन में युवक ने किया आत्महत्या का प्रयास, Video @noidapolice #Noida #Suicide #NoidaPolice pic.twitter.com/4yrUpxDh42
— Tricity Today (@tricitytoday) October 21, 2024
ജോലി നഷ്ടപ്പെട്ടതിനെ തുടർന്ന് യുവാവ് ഏതാനും ദിവസങ്ങളായി കടുത്ത മാനസിക സമ്മർദത്തിലായിരുന്നത്രെ. സമൂഹമാധ്യമത്തിൽ പ്രചരിച്ച ദൃശ്യത്തിന്‍റെ കമന്‍റ് ബോക്സിൽ, യുവാവിനെ രക്ഷിച്ചവർക്ക് നിരവധി നെറ്റിസൺസ് അഭിനന്ദനവുമായി രംഗത്തെത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.