കസവുമുണ്ടുടുത്ത്​ കല്യാണവേഷത്തിൽ 'പഗ്​ പയ്യൻ', ​െപണ്ണുണ്ടോയെന്ന്​ ഉടമസ്​ഥൻ -വൈറലായി ഒരു വിവാഹാലോചന

ഒരു മൊബൈൽ കമ്പനിയുടെ പരസ്യത്തിലെ ബാലനെ വിടാതെ പിന്തുടർന്നാണ്​ പഗ്​ എന്ന ഓമനനായ​ മലയാളികളുടെ പ്രിയങ്കരനായത്​. ഇപ്പോഴിതാ തനി മലയാളി വേഷത്തിൽ അണിഞ്ഞൊരുങ്ങി കല്യാണച്ചെക്കനായി നിൽക്കുന്നൊരു പഗ്​ ആണ്​ സമൂഹ മാധ്യമങ്ങളിലെ താരം. വീട്ട​ിലെ 'പഗ്​ പയ്യന്​' കല്യാണ ആലോചനയുമായി ഉടമസ്​ഥനിട്ട പോസ്റ്റാണ്​ വൈറലായത്​. 'മലയാളി ചെക്കന്​' കശ്​മീർ സുന്ദരിമാരുടെ വരെ 'ആലോചന'യുമെത്തിയപ്പോൾ ഈ 'പെട്രിമോണിയൽ' സമൂഹ മാധ്യമങ്ങൾ ഏറ്റെടുത്തു.

വിവാഹ ആലോചനകൾക്ക്​ സമൂഹ മാധ്യമങ്ങളിൽ വലിയ പഞ്ഞമില്ലെങ്കിലും കേരളത്തിലെ ഒരു വീട്ടിലെ 'തികച്ചും മലയാളിയായ' പഗിനുവേണ്ടി നടന്ന കല്യാണ ആലോചന ഏറെ കൗതുകകരമായി. 'ആരെങ്കിലും അവരുടെ മകൾക്ക് വേണ്ടി സുന്ദരനായ ഒരു മലയാളി പയ്യനെ വിവാഹത്തിനായി നോക്കുന്നുണ്ടെങ്കിൽ...' എന്ന കുറിപ്പോടെയാണ് ഫോട്ടോകൾ പങ്കു​െവച്ചിരിക്കുന്നത്.

ചി​ത്രത്തിലുള്ള പഗ് തികച്ചും പരമ്പരാഗത രീതിയിലാണ് ഡ്രസ്​ ധരിച്ചിരിക്കുന്നത്​. കസവുമുണ്ടും അതിനു ചേരുന്ന വിധത്തിലുള്ള പിങ്ക് ഷർട്ടുമാണ് പഗിന്‍റെ വേഷം. രണ്ടു കാലിൽ നിവർന്നു നിൽക്കുന്ന ഒരു ഫുൾ സൈസ് ഫോട്ടോയും വിളമ്പിയ സദ്യയ്ക്ക് മുമ്പിൽ ഇരിക്കുന്ന മറ്റൊരു ഫോട്ടോയുമാണുള്ളത്​. വാഴയിലയിൽ പരമ്പരാഗത രീതിയിലാണ് സദ്യ ഒരുക്കിയിരിക്കുന്നത്.

ഈ കുറിപ്പിന്‍റെ സ്‌ക്രീൻഷോട്ട് ആണ് ട്വിറ്ററിലടക്കം പ്രചരിക്കുന്നത്. അതുകൊണ്ടു തന്നെ ആരാണ് ഒറിജിനൽ പോസ്റ്റ് ഇട്ടത്​, എന്നാണ് പോസ്റ്റ് ചെയ്തത്​ എന്നൊന്നും വ്യക്​തമല്ല. തന്‍റെ പ്രിയപ്പെട്ട പഗിന് ഒരു പങ്കാളി വേണമെന്ന് തോന്നിയപ്പോൾ ആരോ സോഷ്യൽ മീഡിയയിൽ പരസ്യവുമായി എത്തിയതാണെന്നാണ്​ കരുതപ്പെടുന്നത്​. എന്തായാലും പോസ്റ്റിനെ നിരവധിയാളുകളാണ്​ കൈയും നീട്ടി സ്വീകരിച്ചിരിക്കുന്നത്. വിവാഹ ആലോചനയോട് കാര്യമായി പ്രതികരിച്ചവരുമുണ്ട്​. '

എന്‍റെ ​െപണ്ണ്​ ഇവിടെയുണ്ട്​, അവൾ കശ്​മീരിൽ നിന്നാണ്​' എന്നാണ്​ ഒരു പെൺപട്ടിയുടെ ഫോ​ട്ടോയിട്ട്​ ഒരാൾ പ്രതികരിച്ചത്​. 'ഈ നായ എന്‍റെ കോളജ്​ ബാച്ചിലെ ചില പയ്യൻമാരെക്കാൾ വളരെ ഭേദമാണ്​. അന്നത്തെ കാലത്ത്​ ബെൽബോട്ടം പാന്‍റ്​സും എംബ്രോയ്​ഡറിയുള്ള പ്രിന്‍റഡ്​ ഷർട്ടുമാണ്​ പലരും ഇട്ടിരുന്നത്​' തുടങ്ങിയ രസകരമായ കമന്‍റുകളും ഈ ആലോചനക്ക്​ ലഭിച്ചു.