ദുബൈ: ഏഷ്യ ബാഡ്മിന്റൺ ചാമ്പ്യൻഷിപ്പിൽ ഇന്ത്യയുടെ പി.വി. സിന്ധുവും കിഡംബി ശ്രീകാന്തും തെരേസ ജോളി-ഗായത്രി ഗോപിചന്ദ് സഖ്യവും പ്രീക്വാർട്ടർ ഫൈനലിൽ പ്രവേശിച്ചപ്പോൾ ലക്ഷ്യ സെൻ ഒന്നാം റൗണ്ടിൽ പുറത്തായി. വനിത സിംഗ്ൾസിൽ തായ്‍വാന്റെ വെൻ ചി സൂവിനെ 21-15, 22-20 സ്കോറിനാണ് സിന്ധു തോൽപിച്ചത്.
ബഹ്റൈന്റെ അദ്നാൻ ഇബ്രാഹിമിനെ പുരുഷ സിംഗ്ൾസിൽ 21-13, 21-8ന് ശ്രീകാന്തും പരാജയപ്പെടുത്തി. സിംഗപ്പൂരിന്റെ ലോ കിയാൻ യൂവിനോട് 7-21, 21-23 തോൽവി ഏറ്റുവാങ്ങി ലക്ഷ്യ. ഇന്തോനേഷ്യയുടെ ലാനി ട്രിയ മയസാരി-റിബ്ക സുഗ്യാർതോ സഖ്യത്തെ വനിത ഡബ്ൾസിൽ ട്രീസയും ഗായത്രിയും ചേർന്ന് 17-21, 21-17, 21-18ന് വീഴ്ത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.