ച​രി​ത്രം ആ​വ​ർ​ത്തി​ക്കാ​ൻ സൗ​ദി ദേ​ശീ​യ ഗെ​യിം​സി​ൽ ഇ​ത്ത​വ​ണ​യും ബാ​ഡ്മി​ൻ​റ​ൺ താ​രം ഖ​ദീ​ജ നി​സ

ദമ്മാം: സൗ​ദി ദേ​ശീ​യ ഗെ​യിം​സി​ൽ ബാ​ഡ്മി​ൻ​റ​ൺ വ്യ​ക്തി​ഗ​ത ചാ​മ്പ്യ​ൻ​ഷി​പ്പി​ൽ ജേ​താ​വാ​യി 10 ല​ക്ഷം റി​യാ​ൽ സ​മ്മാ​ന​ത്തു​ക നേ​ടി മ​ല​യാ​ളി​ക​ളു​ടെ അ​ഭി​മാ​ന​മാ​യ കൊ​ടു​വ​ള്ളി​ക്കാ​രി ഖ​ദീ​ജ നി​സ ഇ​ത്ത​വ​ണ​യും മ​ത്സ​ര​ത്തി​നി​റ​ങ്ങു​ന്നു. സൗ​ദി​യു​ടെ കാ​യി​ക ച​രി​ത്ര​ത്തി​ൽ ആ​ദ്യ​മാ​യി മ​ല​യാ​ളി​യു​ടെ പേ​ര് എ​ഴു​തി​ച്ചേ​ർ​ത്ത ഈ ​പ​തി​നേ​ഴു​കാ​രി ക​ഴി​ഞ്ഞ ഒ​രു വ​ർ​ഷം കൊ​ണ്ട് സ്വ​ന്തം പേ​രി​ൽ എ​ഴു​തി​ച്ചേ​ർ​ത്ത നി​ര​വ​ധി നേ​ട്ട​ങ്ങ​ളു​മാ​യാ​ണ് ഇ​ത്ത​വ​ണ പോ​രാ​ടാ​നെ​ത്തു​ന്ന​ത്.

ഈ ​മാ​സം 22ന് ​ആ​രം​ഭി​ക്കു​ന്ന സൗ​ദി ദേ​ശീ​യ ഗെ​യിം​സി​ൽ 25നാ​ണ് ഖ​ദീ​ജ നി​സ ആ​ദ്യ പോ​രാ​ട്ട​ത്തി​ന് അ​ട​ർ​ക്ക​ള​ത്തി​ലി​റ​ങ്ങു​ന്ന​ത്. ക​ഴി​ഞ്ഞ ദേ​ശീ​യ ഗെ​യിം​സി​ലെ മി​ന്നും വി​ജ​യ​ത്തി​നു ശേ​ഷം ലോ​ക മാ​ധ്യ​മ​ങ്ങ​ൾ​ക്ക് പ്രി​യ​ങ്ക​രി​യാ​യി മാ​റി​യ ഖ​ദീ​ജ തെൻറ കാ​യി​ക ജീ​വി​ത​ത്തി​ലെ തി​ള​ക്ക​മാ​ർ​ന്ന വി​ജ​യ​മാ​ണ് നേ​ടി​യെ​ടു​ത്ത​ത്. സൗ​ദി​യെ പ്ര​തി​നി​ധീ​ക​രി​ച്ച് ഏ​ഴ് അ​ന്താ​രാ​ഷ്ട്ര ടൂ​ർ​ണ​മെൻറി​ലാ​ണ് ക​ഴി​ഞ്ഞ ഒ​രു വ​ർ​ഷ​ത്തി​നു​ള്ളി​ൽ ഖ​ദീ​ജ പ​ങ്കെ​ടു​ത്ത​ത്.

പ​ല​തി​ലും മെ​ഡ​ലു​ക​ൾ തൂ​ത്തു​വാ​രി​യാ​ണ് ഈ ​കൗ​മാ​ര​ക്കാ​രി തി​രി​കെ​യെ​ത്തി​യ​ത്. ക​ഴി​ഞ്ഞ ത​വ​ണ കാ​യി​ക​മേ​ള​യി​ലെ​ത്തു​മ്പോ​ൾ ബാ​ഡ്മി​ൻ​റ​ണി​ൽ ലോ​ക റാ​ങ്കി​ങ്ങി​ൽ 1200 ന് ​മു​ക​ളി​ലാ​യി​രു​ന്ന ഖ​ദീ​ജ 130 -ാം റാ​ങ്കി​ലേ​ക്ക് ഉ​യ​ർ​ത്തി​യാ​ണ് ത​ന്റെ തേ​രോ​ട്ട​ത്തി​ന് അ​ടി​വ​ര​യി​ട്ട​ത്. ക​ഴി​ഞ്ഞ ത​വ​ണ അ​ൽ ന​ജ്ദ് ക്ല​ബി​ന്‍റെ ഭാ​ഗ​മാ​യി ക​ള​ത്തി​ലി​റ​ങ്ങി​യ ഖ​ദീ​ജ ഇ​ത്ത​വ​ണ റി​യാ​ദ് ക്ല​ബി​നു​വേ​ണ്ടി​യാ​ണ് മ​ത്സ​രി​ക്കു​ന്ന​ത്. ഖ​ദീ​ജ​യു​ടെ ക​ളി​യ​ഴ​കും ക​രു​ത്തും തി​രി​ച്ച​റി​ഞ്ഞ സൗ​ദി​യി​ലെ ത​ന്നെ പ്ര​മു​ഖ ക്ല​ബാ​യ റി​യാ​ദ് ക്ല​ബ് സ​ർ​വ പി​ന്തു​ണ​യു​മാ​യി ഖ​ദീ​ജ​യു​ടെ ഒ​പ്പ​മു​ണ്ട്. വ​ർ​ധി​ച്ച ആ​ത്മ​വി​ശ്വാ​സ​ത്തോ​ടെ​യാ​ണ് ഇ​ത്ത​വ​ണ​യും ഖ​ദീ​ജ ക​ള​ത്തി​ലി​റ​ങ്ങു​ന്ന​ത്.

ഖ​ദീ​ജ​യെ പോ​ലെ ക​ഴി​ഞ്ഞ ത​വ​ണ പു​രു​ഷ​ന്മാ​രു​ടെ ബാ​ഡ്മി​ൻ​റ​ൺ വി​ഭാ​ഗ​ത്തി​ൽ വ്യ​ക്തി​ഗ​ത ചാ​മ്പ്യ​നാ​യ ഹൈ​ദ​രാ​ബാ​ദ് സ്വ​ദേ​ശി ശൈ​ഖ് മെ​ഹ​ദ്ഷാ​യു​മാ​യി ചേ​ർ​ന്ന് സൗ​ദി​ക്ക് വേ​ണ്ടി നി​ര​വ​ധി അ​ന്താ​രാ​ഷ്ട്ര ടൂ​ർ​ണ​മെൻറു​ക​ളി​ൽ പ​ങ്കെ​ടു​ക്കു​ക​യും വി​ജ​യ​ങ്ങ​ൾ നേ​ടു​ക​യും ചെ​യ്തി​രു​ന്നു. റി​യാ​ദി​ലെ ന്യൂ​മി​ഡി​ലീ​സ്റ്റ് സ്കു​ളി​ൽ കോ​മേ​ഴ്സ് വി​ഭാ​ഗ​ത്തി​ൽ 12-ാം ക്ലാ​സു​കാ​രി​യാ​യ ഈ ​മി​ടു​ക്കി​ക്ക് സ്കു​ൾ അ​ധി​കൃ​ത​രും എ​ല്ലാ പി​ന്തു​ണ​യു​മാ​യി ഒ​പ്പ​മു​ണ്ട്. സ്കു​ൾ കാ​യി​ക മേ​ള​യി​ൽ സ്വ​ർ​ണ​മെ​ഡ​ൽ നേ​ടി​യ ഖ​ദീ​ജ രാജസ്ഥാനിൽ ന​ട​ക്കു​ന്ന അ​ന്ത​ർ​ദേ​ശീ​യ കാ​യി​ക​മേ​ള​യി​ൽ പ​ങ്കെ​ടു​ക്കാ​നു​ള്ള ഒ​രു​ക്ക​ത്തി​ലാ​ണ്.

160 ഓ​ളം ക്ല​ബു​ക​ളി​ൽ​നി​ന്നാ​ണ് ഇ​ത്ത​വ​ണ ദേ​ശീ​യ ഗെ​യിം​സി​ലേ​ക്കു​ള്ള തെ​ര​ഞ്ഞെ​ടു​പ്പ് മ​ത്സ​ര​ത്തി​ന് താ​ര​ങ്ങ​ൾ എ​ത്തി​യ​ത്. ഇ​വ​രെ പ​ങ്കെ​ടു​പ്പി​ച്ചു​കൊ​ണ്ട് ന​ട​ത്തി​യ ടൂ​ർ​ണ​മെൻറി​ൽ ക്വാ​ർ​ട്ട​ർ ഫൈ​ന​ൽ ക​ട​ന്ന​വ​ർ​ക്കാ​ണ് ഇ​ത്ത​വ​ണ ദേ​ശീ​യ ഗെ​യിം​സി​ലേ​ക്ക് പ്ര​വേ​ശ​നം ല​ഭി​ച്ച​ത്. ഇ​ത്ത​വ​ണ മ​ല​യാ​ളി​ക​ൾ ഉ​ൾ​പ്പെ​ടെ ഇ​ന്ത്യ​ക്കാ​ർ പ​ല​രും ദേ​ശീ​യ മേ​ള​യി​ൽ പ്ര​വേ​ശ​നം സാ​ധ്യ​മാ​ക്കി​യി​ട്ടു​ണ്ട്. അ​പ്പോ​ഴും ച​രി​ത്രം കു​റി​ക്കാ​ൻ മു​ന്നി​ൽ​നി​ന്ന നി​ർ​വൃ​തി​യി​ലാ​ണ് ഖ​ദീ​ജ. റി​യാ​ദി​ൽ ജോ​ലി​ചെ​യ്യു​ന്ന കൊ​ടു​വ​ള്ളി കൂ​ട​ത്തി​ങ്ക​ൽ ല​ത്തീ​ഫ് കോ​ട്ടൂ​രി​ന്റെ​യും ഷാ​നി​ദ​യു​ടെ​യും മൂ​ന്നാ​മ​ത്തെ മ​ക​ളാ​ണ് ഖ​ദീ​ജ നി​സ.