കോപ്പ നിറച്ച്​ നീലാഘോഷം...

മല​പ്പു​റം: പേ​മാ​രി പെ​യ്തി​റ​ങ്ങി​യ പു​ല​ർ​വേ​ള​യി​ൽ ​​ആ​രാ​ധ​ക​രെ കോ​രി​ത്ത​ണി​പ്പി​ച്ച്​ അ​ർ​ജ​ന്‍റീ​ന​ക്ക്​ വീ​ണ്ടു​മൊ​രു കോ​പ്പ കി​രീ​ടം. ശ​ക്ത​രാ​യ കൊ​ളം​ബി​യ​ൻ ആ​ക്ര​മ​ണ​ത്തെ പ്ര​തി​രോ​ധി​ച്ച്​ നി​ർ​ണാ​യ​ക സ​മ​യ​ത്ത്​ വ​ല കു​ലു​ക്കി​യാ​ണ്​ നീ​ല​പ്പ​ട കോ​പ്പ​യും ആ​രാ​ധ​ക​രു​ടെ മ​ന​സ്സും കീ​ഴ​ട​ക്കി​യ​ത്. ലോ​ക​പ്പി​ന്​ പി​ന്നാ​ലെ വീ​ണ്ടു​മൊ​രു വി​ശ്വ​കി​രീ​ടം ചൂ​ടി​യ അ​ർ​ജ​ന്‍റീ​ന​യു​ടെ പ്ര​ക​ട​ന​ത്തി​ൽ ആ​ഹ്ലാ​ദ തി​മി​ർ​പ്പി​ലാ​ണ്​ മ​ല​പ്പു​റ​ത്തെ ആ​രാ​ധ​ക​രും.

ബ്ര​സീ​ലു​മാ​യി ഫൈ​ന​ൽ സ്വ​പ്​​നം ക​ണ്ടി​രു​ന്നെ​ങ്കി​ലും എ​തി​രാ​ളി​ക​ൾ കൊ​ളം​ബി​യ ആ​യ​ത്​ ക​ളി​യു​ടെ ആ​വേ​ശം കെ​ടു​ത്തി​യി​ല്ല. അ​ർ​ജ​ന്‍റീ​നി​യ​ൻ ആ​രാ​ധ​ക​ർ മെ​സ്സി​പ്പട​യു​ടെ കി​രീ​ട​നേ​ട്ടം പ​ക​ല​ന്തി​യോ​ളം ആ​സ്വാ​ദി​ച്ചു. ക​ളി​ക്കി​ടെ പ​രി​ക്കേ​റ്റ്​ സ​ങ്ക​ടക്കണ്ണീ​രോ​ടെ മ​ട​ങ്ങി​യ പ്രി​യ​താ​രം മെ​സ്സി​യു​ടെ അ​ഭാ​വം ആ​രാ​ധ​ക​രെ നി​രാ​ശ​രാ​ക്കി​യെ​ങ്കി​ലും അ​വ​സാ​ന​ലാ​പ്പി​ൽ ലൗ​റ്റാ​രോ മാ​ർ​ട്ടി​നെ​സ്​ എ​തി​ർ​വ​ല കു​ലു​ക്കി​യ​പ്പോ​ൾ അ​തൊ​രു സ​ന്തോ​ഷ​ക്കണ്ണീ​രാ​യി മാ​റി.

കോ​പ്പ​യി​ൽ ഇ​ര​ട്ടി മ​ധു​രം

ലോ​ക കി​രീ​ട​ശേ​ഷം ഒ​ന്ന​ര​വ​ർ​ഷം പി​ന്നി​ടു​മ്പോ​ൾ വീ​ണ്ടു​മൊ​രു കോ​പ്പ കി​രീ​ടം കൂ​ടി അ​ർ​ജ​ന്‍റീ​ന​യു​ടെ ഷോ​ക്കേ​സി​ലെ​ത്തി​​. 2021 കോ​പ്പ​യി​ൽ സാ​ക്ഷാ​ൽ ബ്ര​സീ​ലി​നെ​യാ​ണ്​ പ​രാ​ജ​യ​പ്പെ​ടു​ത്തി​യ​തെ​ങ്കി​ൽ ഇ​ക്കു​റി​ കൊ​ളം​ബി​യ​യാ​ണ്​ നീ​ല​പ്പ​ട​യു​ടെ ക​ളി​ച്ചൂ​ട​റി​ഞ്ഞ​ത്. ലോ​ക​ക​പ്പി​ൽ ഫ്രാ​ൻ​സി​നെ ത​ക​ർ​ത്ത്​ ​ആ​രാ​ധ​ക​രു​ടെ ഇ​ട​നെ​ഞ്ചി​ൽ സ്ഥാ​ന​മു​റ​പ്പി​ച്ച അ​ർ​ജ​ന്‍റീ​ന​ക്ക്​ തു​ട​ർ​ച്ചാ​യ ര​ണ്ട്​ കോ​പ്പ കി​രീ​ട​ങ്ങ​ൾ കൂ​ടി കി​ട്ടി​യ​പ്പോ​ൾ ല​ഭി​ച്ച​ത്​ അ​പൂ​ർ​വ നേ​ട്ട​മാ​ണ്. വി​ശ്വ​കി​രീ​ട​ത്തി​ന്‍റെ നെ​റു​ക​യി​ൽ​നി​ന്ന്​ വീ​ണ്ടു​മൊ​രും സൂ​പ്പ​ർ കി​രീ​ടം ചൂ​ടി​ അ​ർ​ജ​ന്‍റീ​ന ഫു​ട്​​ബാ​ൾ ടീം ​അ​ഭി​മാ​ന​ത്തി​ന്‍റെ ​​മു​ന്നേ​റ്റ നി​ര​യി​ലാ​ണ്.

മ​തി​മ​റ​ന്ന്​ മ​ല​പ്പു​റം

മൂ​ന്ന്​ വ​ർ​ഷ​ത്തി​നി​ടെ മൂ​ന്ന്​ ‘ലോ​ക’ കി​രീ​ട​ങ്ങ​ൾ. 2022ൽ ​ലോ​ക​പ്പും 2021ലും 2024​ലും കോ​പ്പ അ​മേ​രി​ക്ക​യും. അ​ർ​ജ​ന്‍റീ​നി​യ​ൻ ആ​രാ​ധ​ക​ർ​ക്ക്​ മ​തി​മ​റ​ന്ന്​ സ​ന്തോ​ഷി​ക്കാ​ൻ ഇ​നി​യെ​ന്ത്​ വേ​ണം. ഖ​ത്ത​റി​ൽ വി​ശ്വ​കി​രീ​ടം മു​ത്ത​മി​ട്ട​തി​ന്​ പി​ന്നാ​ലെ​യാ​ണ്​ തു​ട​ർ​ച്ച​യാ​യി കോ​പ്പ ജേ​താ​ക്ക​ളാ​യി അ​ർ​ജ​ന്‍റീ​ന ക​രു​ത്തു​തെ​ളി​യി​ച്ച​ത്. ലോ​ക ഫു​ട്​​ബാ​ളി​ലെ ക​ന​ക​കി​രീ​ടം ഉ​ൾ​പ്പെ​ടെ എ​ല്ലാം സ്വ​ന്തം കാ​ൽ​ക്കീ​ഴി​ലാ​ക്കി മെ​സ്സി​യും കൂ​ട്ട​രും പു​ഞ്ചി​രി​ക്കു​മ്പോ​ൾ മ​ല​പ്പു​റ​ത്തെ​ങ്ങും അ​ർ​ജ​ന്‍റീ​ന​ൻ ആ​രാ​ധ​ക​രു​ടെ ആ​വേ​ശ​മാ​യി​രു​ന്നു.

ജി​ല്ല​യി​ലെ പ​ല​യി​ട​ത്തും ആ​വേ​ശം അ​ണ​പ്പൊ​ട്ടി ഒ​ഴു​കി. ടി.​വി​യി​ൽ സം​പ്രേ​ഷ​ണം ഇ​ല്ലാ​ത്ത​ത്​ ആ​രാ​ധ​ക​രെ നി​രാ​ശ​രാ​ക്കി​യി​രു​ന്നെ​ങ്കി​ലും പ​ല മാ​ർ​ഗ​ത്തി​ലൂ​ടെ മ​ത്സ​രം വീ​ക്ഷി​ക്കാ​ൻ ആ​രാ​ധ​ക​ർ വെ​മ്പ​ൽ​കൊ​ണ്ടു. പ​ല​ഭാ​ഗ​ത്തും അ​ർ​ജ​ന്റീ​ന​ൻ ആ​രാ​ധ​ക​രു​​ടെ ആ​ഹ്ലാ​ദ പ്ര​ക​ട​ന​ങ്ങ​ൾ ന​ട​ന്നു. അ​ർ​ജ​ന്റീ​ന​യു​ടെ പ​താ​ക​യും ജ​ഴ്​​സി​യു​മാ​യി പ​ട​ക്കം​ പൊ​ട്ടി​ച്ചും മ​ധു​ര​പ​ല​ഹാ​ര​വും വി​ത​ര​ണം ചെ​യ്​​തും സ​ന്തോ​ഷ നി​മി​ഷ​ങ്ങ​ൾ അ​വ​ർ ആ​ഘോ​ഷി​ച്ചു.

യൂ​റോ​യി​ലും ആ​വേ​ശ​രാ​വ്​

യൂ​റോക​പ്പും കോ​പ്പ​യും രാ​വി​ലും പ​ക​ലി​ലും ഫു​ട്​​ബാ​ൾ വ​സ​ന്തം തീ​ർ​ത്ത​പ്പോ​ൾ, മ​ല​പ്പു​റ​ത്തെ ഫു​ട്​​ബാ​ൾ ആ​രാ​ധ​ക​ർ​ക്ക്​ ഇ​ന്ന​ലെ ആ​വേ​ശ രാ​വാ​യി. ലോ​ക ഫു​ട്​​ബാ​ൾ സൗ​ന്ദ​ര്യ​ത്തി​ന്‍റെ എ​ല്ലാ സു​വ​ർ​ണ നി​മ​ഷ​ങ്ങ​ളും അ​ഴി​ഞ്ഞാ​ടി​യ യൂ​റോ ​ക​പ്പ്​ ഫൈ​ന​ൽ കാ​ണാ​ൺ ഉ​റ​ക്ക​മൊ​ഴി​ഞ്ഞി​രു​ന്ന​ത്​​ പ​തി​നാ​യി​ര​ങ്ങ​ളാ​ണ്. ക്ല​ബു​ക​ളു​ടെ കീ​ഴി​ലും കൂ​ട്ടാ​യ്മ​ക​ളു​ടെ നേ​തൃ​ത്വ​ത്തി​ൽ വി​വി​ധ ഭാ​ഗ​ങ്ങ​ളി​ൽ ബി​ഗ്​ സ്​​​ക്രീ​ൻ ഒ​രു​ക്കി​യി​രു​ന്നു.

സ്​​പെ​യി​ൻ ടീ​മി​ന്‍റെ ആ​രാ​ധ​ക​ർ​ക്കൊ​പ്പം എ​ല്ലാ ഫു​ട്​​ബാ​ൾ ഫു​ട്​​ബാ​ൾ പ്രേ​മി​ക​ളും യൂ​റോ ഫൈ​ന​ൽ പോ​രാ​ട്ടം ക​ണ്ട്​ മ​നം നി​റ​ഞ്ഞു. ഓ​രോ മി​ക​ച്ച നീ​ക്ക​ത്തി​നും ആ​വേ​ശം​നി​റ​ഞ്ഞ പി​ന്തു​ണ ന​ൽ​കി​യാ​ണ്​ ആ​രാ​ധ​ക​ർ ക​ളി ക​ണ്ട​ത്. ബ്ര​സീ​ൽ, അ​ർ​ജ​ന്‍റീ​ന ടീ​മു​ക​ൾ​ക്ക്​ പി​ന്നാ​ലെ ജി​ല്ല​യി​ൽ കു​ടു​ത​ൽ ആ​രാ​ധ​ക​രു​ള്ള ടീ​മു​ക​ളാ​ണ്​ സ്​​പെ​യി​നും ഇം​ഗ്ല​ണ്ടും. ജി​ല്ല​യി​ലെ വി​വി​ധ ഭാ​ഗ​ങ്ങ​ളി​ൽ ആ​രാ​ധ​ക​ർ കേ​ക്ക്​ മു​റി​ച്ചും മ​ധു​രം വി​ത​ര​ണം ചെ​യ്തും ടീ​മി​ന്‍റെ വി​ജ​യം ആ​​ഘോ​ഷി​ച്ചു.