ഗോൾഡ് കോസ്റ്റ്: ഇന്ത്യ ‘എ’ക്കെതിരായ വനിത ടെസ്റ്റിന്റെ ആദ്യദിനം തകർന്ന് ആസ്ട്രേലിയ എ. നായികയും മലയാളിയുമായ ഓഫ് സ്പിന്നർ മിന്നു മണിയുടെ അഞ്ച് വിക്കറ്റ് പ്രകടനത്തിൽ ആതിഥേയർ ഒന്നാം ഇന്നിങ്സിൽ 212 റൺസിന് കൂടാരം കയറി. 58 റൺസ് വഴങ്ങിയാണ് മിന്നു അഞ്ചു പേരെ മടക്കിയത്.
ലെഗ് സ്പിന്നർ പ്രിയ മിശ്ര ഇത്രയും റൺസ് വിട്ടുകൊടുത്ത് നാല് വിക്കറ്റും വീഴ്ത്തി. 71 റൺസെടുത്ത ജോർജിയ വോളാണ് ആസ്ട്രേലിയൻ നിരയിലെ ടോപ് സ്കോറർ. ഗ്രേസ് പാർസൺസ് 55 പന്തിൽ 35 റൺസും മയ്തലാൻ ബ്രോൺ 49 പന്തിൽ 30 റൺസും നേടി. അഞ്ചു താരങ്ങൾക്ക് രണ്ടക്കം കടക്കാനായില്ല.
ഒന്നാം ദിനം കളി നിർത്തുമ്പോൾ ഇന്ത്യ എ രണ്ട് വിക്കറ്റിന് 100 റൺസെടുത്തിട്ടുണ്ട്. ശ്വേത സെഹ്റാവത്തും (40) തേജൽ ഹസാബ്നിസുമാണ് (31) ക്രീസിൽ. പ്രിയ പൂനിയ (15 പന്തിൽ ഏഴ്), സുഭ സതീഷ് (28 പന്തിൽ 22) എന്നിവരുടെ വിക്കറ്റുകളാണ് ഇന്ത്യക്ക് നഷ്ടമായത്. 112 റൺസ് പിന്നിലാണ് ഇന്ത്യ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.