ഇന്ത്യൻ പ്രീമിയർ ലീഗിലെ രണ്ടാം ക്വാളിഫയറിൽ ടോസ് നേടി ബാറ്റിങ് തെരഞ്ഞെടുത്ത ഡൽഹി കാപിറ്റൽസിന് കൂറ്റൻ സ്കോർ. ഐ.പി.എല്ലിൽ കന്നി ഫൈനൽ പ്രവേശനത്തിന് കോപ്പുകൂട്ടുന്ന ഡൽഹിയെ ബൗളിങ് മികവ് കൊണ്ട് പിടിച്ചുകെട്ടാൻ ഇത്തവണ സൺറൈസേഴ്സ് ഹൈദരാബാദിന് സാധിച്ചില്ല. 20 ഓവറിൽ മൂന്ന് വിക്കറ്റ് നഷ്ടത്തിൽ 189 റൺസെടുത്ത ഡൽഹിക്ക് വേണ്ടി ഫോം വീണ്ടെടുത്ത ശിഖർ ധവാൻ 50 പന്തിൽ 78 റൺസടിച്ചു.
അവസാന ഓവറുകളിൽ ഷിംറോൺ ഹെറ്റ്മയറും കത്തിക്കയറി. 22 പന്തിൽ 42 റൺസാണ് ഹെത്മയർ അടിച്ചുകൂട്ടിയത്. ഒരുഘട്ടത്തിൽ സ്കോർ 200 കടക്കുമെന്ന് തോന്നിച്ചെങ്കിലും സന്ദീപ് ശർമയും നടരാജനും മികച്ച രീതിയിൽ ബോളെറിഞ്ഞതാടെ ലക്ഷ്യം 190 ആയി കുറഞ്ഞു. നാലോവറിൽ 26 റൺസ് വഴങ്ങി ഒരു വിക്കറ്റെടുത്ത റാഷിദ് ഖാൻ മാത്രമാണ് എസ്.ആർ.എച്ച് ബൗളിങ് നിരയിൽ മികച്ചുനിന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.