'നിങ്ങൾ എ​െൻറ ബിസിനസ്​ ക്ലാസ് സീറ്റിൽ ഇരുന്നോളൂ'; ഹൃദയങ്ങൾ കീഴടക്കി​ വീണ്ടും ധോണിയുടെ വിനയം

ചെന്നൈ: പണക്കൊഴുപ്പിനും താരത്തിളക്കത്തിനും നടുവിൽ വിരാജിക്കു​േമ്പാഴും റാഞ്ചിയിലെ പഴയ സാധാരണക്കാരൻ പയ്യ​െൻറ ലാളിത്യവും വിനയവും കൈമോശം വന്നിട്ടില്ലെന്ന്​ ഒരിക്കൽകൂടി സാക്ഷ്യപ്പെടുത്തുകയാണ്​ മ​േഹന്ദ്ര സിങ്​ ധോണി. ചെന്നൈയിൽനിന്ന്​ ദുബൈയിലേക്കുള്ള വിമാന യാത്രയിൽ ത​െൻറ ബിസിനസ്​ ക്ലാസ്​ സീറ്റ്​ ഇക്കണോമി ക്ലാസിലെ യാത്രക്കാരന്​ നൽകിയാണ്​ ധോണി വീണ്ടും ഹൃദയങ്ങൾ കീഴടക്കിയത്​.

ധോണി നായകനായ ചെന്നൈ സൂപ്പർ കിങ്​സ്​ ടീം ഇന്ത്യൻ പ്രീമിയർ ലീഗ്​ ക്രിക്കറ്റിനായി വെള്ളിയാഴ്​ചയാണ്​ യു.എ.ഇയിലേക്ക്​ തിരിച്ചത്​. ​ൈഫ്ലറ്റിൽ യാത്രക്കിടെ ഇക്കണോമി ക്ലാസി​െല സീറ്റിൽ കാലിന്​ നീളക്കൂടുതലുള്ള ഒരാൾ ഇരിക്കാൻ ബുദ്ധിമുട്ടിയ സാഹചര്യത്തിലാണ്​ ബിസിനസ്​ ക്ലാസിലെ ത​െൻറ സീറ്റ്​ ധോണി വെച്ചുമാറിയതെന്ന്​ 'ടൈംസ്​ നൗ' റിപ്പോർട്ട്​ ചെയ്​തു. ൈഫ്ലറ്റിലെ ഇക്കണോമി ക്ലാസിൽ ധോണി ഇരിക്കുന്ന ദൃശ്യങ്ങൾ ജോർജ്​ എന്നുപേരുള്ള ഒരാൾ ട്വിറ്ററിൽ ​പോസ്​റ്റ്​ ചെയ്​തിട്ടുണ്ട്​. ചെന്നൈ സൂപ്പർ കിങ്​സി​െൻറ സപ്പോർട്ടിങ്​ സ്​റ്റാഫ്​ അംഗം എന്നുതോന്നിക്കുന്നതാണ്​ ​​ൈഫ്ലറ്റിലെ ജോർജി​െൻറ വേഷം.

'നിങ്ങളുടെ കാൽ നീളമുള്ളതാണ്​. നിങ്ങൾ എ​െൻറ ബിസിനസ്​ ക്ലാസ്​ സീറ്റിൽ ഇരുന്നോളൂ. ഞാൻ ഇക്കണോമി ക്ലാസിൽ ഇരിക്കാം.'-ധോണി യാത്രക്കാരനോട്​ ഇങ്ങനെ പറഞ്ഞതായി ജോർജ്​ എഴുതുന്നു. 'ക്യാപ്​റ്റൻ എന്നെ അതിശയിപ്പിക്കുന്നതിൽ ഒരിക്കലും പരാജയപ്പെടുന്നില്ല' എന്ന വാചകവും ചേർത്താണ്​ ജോർജി​െൻറ ട്വീറ്റ്​.

സുരേഷ്​ റെയ്​നക്കും സൂപ്പർ കിങ്​സിലെ മറ്റു ചില സഹതാരങ്ങൾക്കും ഒപ്പം ധോണി സംസാരിക്കുന്നതും വിഡിയോയിൽ കാണാം. കഴിഞ്ഞ കാലങ്ങളിൽ ​േധാണിയുടെ ലാളിത്യത്തെക്കുറിച്ച്​ ക്രിക്കറ്റർമാരടക്കം പലരും പല അനുഭവങ്ങളും പങ്കുവെച്ചിട്ടുണ്ട്​. ഈയിടെ രാജ്യാന്തര ക്രിക്കറ്റിൽനിന്ന്​ പാഡഴിച്ച്​ പിൻവാങ്ങിയ വിഖ്യാതതാരം ഐ.പി.എല്ലിൽ ത​െൻറ അവസാന ടൂർണമെൻറാവും യു.എ.ഇയിൽ കളിക്കുന്നതെന്നാണ്​ ആരാധകർ കരുതുന്നത്​.