ദുബൈ: ചെന്നൈ ടെസ്റ്റിൽ ഇന്ത്യക്കെതിരെ നേടിയ തകർപ്പൻ ഡബിൾ സെഞ്ച്വറിയുടെ കരുത്തിൽ റാങ്കിങ്ങിൽ മൂന്നാം സ്ഥാനത്തേക്ക് ജോറൂട്ട് ഉയർന്നു. നേരത്തേ റാങ്കിങ്ങിൽ അഞ്ചാംസ്ഥാനത്തായിരുന്നു ഇംഗ്ലണ്ട് നായകൻ. അതേസമയം മൂന്നാംസ്ഥാനത്തുണ്ടായിരുന്ന ഇന്ത്യൻ നായകൻ വിരാട് കോഹ്ലി അഞ്ചാംസ്ഥാനത്തേക്ക് വീണു. ചെന്നൈ ടെസ്റ്റിൽ ആദ്യ ഇന്നിങ്സിൽ 11 റൺസിന് പുറത്തായ കോഹ്ലി രണ്ടാം ഇന്നിങ്സിൽ 72 റൺസ് നേടിയിരുന്നു.
919 റേറ്റിങ്ങുമായി കിവി നായകൻ കെയ്ൻ വില്യംസണാണ് പട്ടികയിൽ ഒന്നാമത്. 891 റേറ്റിങ്ങുമായി ഓസീസ് താരം സ്റ്റീവ് സ്മിത്ത് രണ്ടാമതാണ്. 883 റേറ്റിങ് പോയന്‍റാണ് റൂട്ടിനുള്ളത്. 878 റേറ്റിങ്ങുള്ള ഓസീസിന്‍റെ ലാബുഷെയ്ൻ നാലാമതാണ്. കോഹ്ലിയുടെ റേറ്റിങ് 852 ആണ്. 754 പോയന്‍റുമായി പട്ടികയിൽ ഏഴാമതുള്ള ചേതേശ്വർ പുജാരയാണ് ആദ്യ പത്തിലുള്ള മറ്റൊരു ഇന്ത്യക്കാരൻ.
ബൗളർമാരിൽ 908 റേറ്റിങ് പോയന്‍റുള്ള പാറ്റ് കമ്മിൻസ് ബഹുദൂരം മുന്നിലാണ്. ഇംഗ്ലണ്ടിന്‍റെ സ്റ്റുവർട്ട് ബ്രോഡ് രണ്ടാമതാണ്. ചെന്നൈ ടെസ്റ്റിലെ മികച്ച പ്രകടനത്തോടെ ജെയിംസ് ആൻഡേഴ്സൺ മൂന്നാംസ്ഥാനത്തേക്ക് കയറി. രവിചന്ദ്രൻ അശ്വിൻ ഏഴാമതും ജസ്പ്രീത് ബുംറ എട്ടാമതുമുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.