സതാംപ്ടൺ: ലോക ടെസ്റ്റ് ചാമ്പ്യന്മാരെ കണ്ടെത്തേണ്ടത് ഒരു മത്സരം കൊണ്ടല്ലെന്ന് ഇന്ത്യൻ നായകൻ വിരാട് കോഹ്ലി. ചുരുങ്ങിയത് മൂന്നു മത്സരങ്ങളെങ്കിലുമടങ്ങിയതായിരിക്കണം ഫൈനലെന്ന് കോഹ്ലി അഭിപ്രായപ്പെട്ടു. 'നമ്മൾ സാധാരണ ടെസ്റ്റ് കളിക്കുന്നത് പരമ്പര ആയാണ്. അതുതന്നെയാണ് ഇതുപോലൊരു ഫൈനലിലും വേണ്ടത്. ഒരു മത്സരം മാത്രമായതിനാൽ തിരിച്ചുവരവിനുപോലും അവസരമില്ലെന്നത് കഷ്ടമാണ്' -കോഹ്ലി പറഞ്ഞു.
പ്രഥമ ലോക ടെസ്റ്റ് ചാമ്പ്യൻഷിപ് നേടിയത് സന്തോഷകരമായ അനുഭവണമെന്ന് ന്യൂസിലൻഡ് നായകൻ കെയ്ൻ വില്യംസൺ പറഞ്ഞു. ചരിത്രത്തിലാദ്യമായി ലോകകിരീടം നേടിയ ടീമിനെ കുറിച്ച് ഏറെ അഭിമാനമുണ്ടെന്നും അദ്ദേഹം കൂട്ടിച്ചേർത്തു.
ഫൈനലിൽ എട്ടു വിക്കറ്റിനാണ് കിവീസ് ഇന്ത്യയെ തോൽപിച്ചത്. മഴമൂലം റിസർവ് ദിനത്തിലേക്ക് നീണ്ട കളിയിൽ രണ്ടാം ഇന്നിങ്സിൽ ചെറിയ സ്കോറിൽ ഇന്ത്യയെ ഒതുക്കിയ ന്യൂസിലൻഡ് രണ്ട് വിക്കറ്റ് നഷ്ടത്തിൽ ലക്ഷ്യത്തിലെത്തുകയായിരുന്നു. സ്കോർ: ഇന്ത്യ: 217, 170. ന്യൂസിലൻഡ്: 249, 140/2.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.