ലണ്ടൻ: ക്രിക്കറ്റ് ഗ്രൗണ്ടിൽ സമ്മാനമായി നൽകാൻ പ്രദർശിപ്പിച്ച കാറുകളുടെ ഗ്ലാസ് വെടിക്കെട്ട് വീരൻമാരുടെ സിക്സർ പതിച്ച് പൊട്ടിയ കാഴ്ച നാം നിരവധി കണ്ടിട്ടുണ്ട്.
എന്നാൽ ആഭ്യന്തര ട്വൻറി20 മത്സരത്തിനിടെ ഗ്രൗണ്ടിന് പുറത്ത് പാർക്ക് ചെയ്ത സ്വന്തം വാഹനത്തിെൻറ ചില്ല് തന്നെ സിക്സടിച്ച് തകർത്തിരിക്കുകയാണ് അയർലൻഡ് വെടിക്കെട്ട് വീരൻ കെവിൻ ഒബ്രീൻ.
വ്യാഴാഴ്ച ഡബ്ലിനിൽ ലെൻസ്റ്റർ ലൈറ്റ്നിങ്- നോർത് വെസ്റ്റ് വാരിയേഴ്സ് മത്സരത്തിടെയാണ് സംഭവം. എട്ടു സിക്സുകളുടെ അകമ്പടിയോടെ 37 പന്തിൽ 82 റൺസാണ് താരം അടിച്ചു കൂട്ടിയത്.
📸: KEVIN O'BRIEN SMASHES SIX...
— Cricket Ireland (@Irelandcricket) August 27, 2020
...and his own car window. Seriously.#IP2020 | @TestTriangle ☘️🏏 pic.twitter.com/dKbfDRHrjY
ക്രിക്കറ്റ് അയർലൻഡ് ട്വിറ്ററിൽ പങ്കുവെച്ച ചിത്രം ക്രിക്കറ്റ് ആസ്ട്രേലിയ അടക്കം റീട്വീറ്റ് ചെയ്തു. 12 ഓവറാക്കി ചുരുക്കിയ മത്സരത്തിൽ ലെൻസ്റ്റർ നാലുവിക്കറ്റ് നഷ്ടത്തിൽ 124 റൺസെടുത്തു. വില്യം പോർടർഫീൽഡ് 30 പന്തിൽ 50 റൺസെടുത്തെങ്കിലും വാരിയേഴ്സിെൻറ ഇന്നിങ്സ് എട്ടിന് 104ൽ അവസാനിച്ചു.
ലോകകപ്പിലെ ഏറ്റവും വേഗതയേറിയ സെഞ്ച്വറി സ്വന്തം പേരിലാക്കിയാണ് ഒബ്രീൻ തന്നെ ക്രിക്കറ്റ് ചരിത്രത്തിൽ അടയാളപ്പെടുത്തിയത്. 2011 ലോകകപ്പിൽ ഇംഗ്ലണ്ടിനെതിരെ െബംഗളുരുവിൽ വെച്ചാണ് 50 പന്തിൽ താരം റെക്കോഡ് സെഞ്ച്വറി തികച്ചത്.
What ever happened to the 'Luck of the Irish'? 🤔 https://t.co/nDsVx6gI8D
— cricket.com.au (@cricketcomau) August 28, 2020
അടുത്തിടെ സതാംപ്റ്റണിൽ ഇംഗ്ലണ്ടിനെതിരെ അയർലൻഡ് 329 റൺസ് പിന്തുടർന്ന് ജയിച്ച വേളയിൽ ഒബ്രീനാണ് ഫിനിഷറുടെ റോൾ കൈകാര്യം ചെയ്തിരുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.