മൊഹാലി: സയ്യിദ് മുഷ്താഖലി ട്രോഫി ട്വന്റി20 ക്രിക്കറ്റ് കിരീടം പഞ്ചാബിന്. ആവേശകരമായ ഫൈനലിൽ ബറോഡയെ 20 റൺസിനാണ് ഇവർ തോൽപിച്ചത്. ആദ്യം ബാറ്റ് ചെയ്ത ആതിഥേയർ 20 ഓവറിൽ നാല് വിക്കറ്റിന് 223 റൺസെന്ന കൂറ്റൻ സ്കോറിലെത്തി.
തിരിച്ചടിച്ച ബറോഡക്ക് 20 ഓവറിൽ ഏഴ് വിക്കറ്റിന് 203 റൺസാണ് എടുക്കാനായത്. 61 പന്തിൽ 113 റൺസ് നേടിയ അൻമോൽ പ്രീത് സിങ്ങിന്റെ സെഞ്ച്വറിയും 27 പന്തിൽ 61 റൺസുമായി പുറത്താവാതെനിന്ന നേഹൽ വധേരയുടെ അർധ ശതകവുമാണ് പഞ്ചാബിനെ മികച്ച നിലയിലെത്തിച്ചത്.
42 പന്തിൽ 61 റൺസെടുത്ത അഭിമന്യൂ സിങ് രജ്പുതാണ് ബറോഡയുടെ ടോപ് സ്കോറർ. പഞ്ചാബിനായി അന്താരാഷ്ട്ര പേസർ അർഷ്ദീപ് സിങ് നാല് വിക്കറ്റ് നേടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.