മുംബൈ: സയ്യിദ് മുഷ്താഖ് അലി ട്രോഫിയിലെ വാശിയേറിയ പോരാട്ടത്തിൽ സർവിസസിനെ ഒരു റണ്ണിന് പരാജയപ്പെടുത്തി കേരളം. വിഷ്ണു വിനോദ് കേരളത്തിനായി സെഞ്ച്വറി നേടി. സ്കോർ: കേരളം: 189/3. സർവിസസ്: 188/5.
ആദ്യം ബാറ്റ് ചെയ്ത കേരളം 20 ഓവറിൽ മൂന്ന് വിക്കറ്റിന് 189 റൺസാണ് നേടിയത്. 62 പന്തുകളിൽ നാല് സിക്സറും 15 ഫോറും ഉൾപ്പെടെ 109 റൺസോടെ വിഷ്ണു വിനോദ് പുറത്താവാതെ നിന്നു. താളം കണ്ടെത്താൻ പ്രയാസപ്പെട്ട ക്യാപ്റ്റൻ സഞ്ജു സാംസൺ 22 പന്തിൽ 22 റൺസെടുത്ത് പുറത്തായി. സൽമാൻ നിസാർ 42 റൺസെടുത്ത് പുറത്താവാതെ നിന്നു.
മറുപടി ബാറ്റിങ്ങിൽ 20 ഓവറിൽ അഞ്ച് വിക്കറ്റ് നഷ്ടത്തിൽ 188 റൺസെടുക്കാനേ സർവിസസിനായുള്ളൂ. അവസാന ഓവറിൽ 17 റൺസായിരുന്നു സർവിസിന് വേണ്ടിയിരുന്നത്. ആദ്യ പന്തിൽ തന്നെ എൻ. ശർമയെ ബേസിൽ തമ്പി ക്ലീൻ ബൗൾഡാക്കി. വികാസ് ഹതാവാലെയും അർജുൻ ശർമയും തുടർന്ന് തകർത്തടിച്ചെങ്കിലും കേരളത്തിന്‍റെ സ്കോറിന് ഒരു റണ്ണകലെ പോരാട്ടം അവസാനിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.