മുംബൈ: വനിത പ്രീമിയർ ലീഗ് ക്രിക്കറ്റിൽ തുടർച്ചയായ അഞ്ചു തോൽവികൾക്കുശേഷം ജയം കൈപ്പിടിയിലൊതുക്കി ബാംഗ്ലൂർ റോയൽ ചലഞ്ചേഴ്സ്. യു.പി വാരിയേഴ്സിനെ അഞ്ചു വിക്കറ്റിനാണ് തോൽപിച്ചത്.
ടോസ് നഷ്ടപ്പെട്ട് ബാറ്റിങ്ങിനിറങ്ങിയ വാരിയേഴ്സ് തുടക്കത്തിലെ തകർച്ചക്കുശേഷം 19.3 ഓവറിൽ 135 റൺസ് നേടി പുറത്തായി. ബാംഗ്ലൂർ രണ്ട് ഓവർ ബാക്കിനിൽക്കെ അഞ്ചു വിക്കറ്റ് നഷ്ടത്തിൽ ലക്ഷ്യംകണ്ടു. 30 പന്തിൽ 46 റൺസെടുത്ത കനിക അഹൂജയാണ് ടോപ് സ്കോറർ.
റിച്ച ഘോഷ് 31 റൺസുമായി പുറത്താവാതെ നിന്നു. നാല് ഓവറിൽ 16 റൺസ് മാത്രം വഴങ്ങി മൂന്നു വിക്കറ്റ് വീഴ്ത്തി‍യ എല്ലിസ് പെരിയാണ് ബാംഗ്ലൂർ ബൗളർമാരിൽ മികച്ചുനിന്നത്. വാരിയേഴ്സിനായി ഗ്രേസ് ഹാരിസ് 32 പന്തിൽ 46 റൺസെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.