മ്യൂണിക്: ജർമൻ ബുണ്ടസ് ലിഗ കിരീടം വീണ്ടെടുക്കാൻ വിജയ വഴിയിൽ തിരിച്ചെത്തി ബയേൺ മ്യൂണിക്. കഴിഞ്ഞ മത്സരത്തിൽ മെയ്ൻസിനോട് അപ്രതീക്ഷിത തോൽവി ഏറ്റുവാങ്ങിയ ഇവർ അലയൻസ് അറീനയിലെ സ്വന്തം കാണികൾക്കുമുന്നിൽ ആർ.ബി ലെയ്പ്സിഷിനെതിരെ 5 -1ന്റെ ജയം പിടിച്ചു.
മത്സരത്തിന്റെ ആദ്യ രണ്ട് മിനിറ്റ് പൂർത്തിയാവുമ്പോൾ 1 -1 ആയിരുന്നു സ്കോർ. 28ാം സെക്കൻഡിൽത്തന്നെ ജമാൽ മ്യൂസിയാല ബയേണിനെ മുന്നിലെത്തിച്ചു. പിന്നാലെ ലെയ്പ്സിഷിനായി ബെഞ്ചമിൻ സെസ്കോ ഗോൾ മടക്കിയതോടെ ആതിഥേയർ ഞെട്ടി. ബുണ്ടസ് ലിഗയുടെ ചരിത്രത്തിലാദ്യമായാണ് ആദ്യ രണ്ട് മിനിറ്റിനകം ഇരു ഭാഗത്തും ഗോൾ വീഴുന്നത്. 25ാം മിനിറ്റിൽ കൊണാർഡ് ലൈമറിലൂടെ ലീഡ് തിരിച്ചുപിടിച്ച ബയേണിന് പിന്നെ തിരിഞ്ഞുനോക്കേണ്ടിവന്നില്ല.
36ാം മിനിറ്റിൽ ജോഷ്വ കിമ്മിച്ച് ആദ്യ പകുതി 3 -1 ആക്കി. 75ൽ ലെറോയ് സെയ്നും 78ൽ അൽഫോൺസോ ഡേവിസും ഗോൾ നേടി. 15 മത്സരങ്ങളിൽ 36 പോയന്റുമായി ബയേൺ ഒന്നാംസ്ഥാനം സുരക്ഷിതമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.