പാരിസ്: യുവേഫ ചാമ്പ്യൻസ് ലീഗ് 2023-24ലെ ആദ്യ ഫൈനലിസ്റ്റുകളെ ചൊവ്വാഴ്ച അറിയാം. ഫ്രഞ്ച് ചാമ്പ്യന്മാരായ പി.എസ്.ജിയും ജർമൻ വമ്പന്മാരായ ബൊറൂസിയ ഡോർട്ട്മുണ്ടും തമ്മിലെ രണ്ടാംപാദ സെമി ഫൈനൽ മത്സരം ഇന്ത്യൻ സമയം അർധരാത്രി നടക്കും. പി.എസ്.ജിയുടെ തട്ടകമായ പാർക് ഡെസ് പ്രിൻസസിലാണ് കളി. ആദ്യ പാദത്തിൽ ഏകപക്ഷീയമായ ഒരു ഗോളിന് ഡോർട്ട്മുണ്ട് ജയിച്ചിരുന്നു.
ഫൈനലിലെത്താൻ ഇവർക്ക് സമനില മതിയെങ്കിൽ ഒരു ഗോളെങ്കിലും അധികം നേടി ജയിക്കേണ്ടതുണ്ട് ആതിഥേയർക്ക്. മുൻ ചാമ്പ്യന്മാരായ റയൽ മഡ്രിഡും ബയേൺ മ്യൂണിക്കും തമ്മിലെ രണ്ടാംപാദ സെമി ബുധനാഴ്ച നടക്കും. റയലിന്റെ തട്ടകമായ സാൻഡിയാഗോ ബെർണാബ്യൂവിലാണ് പോരാട്ടം. ഒന്നാംപാദം 2-2 സമനിലയിൽ അവസാനിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.