ടൂറിൻ: സൂപ്പർതാരം ക്രിസ്റ്റ്യാനോ റൊണാൾഡോ രണ്ടു ഗോളുമായി േഫാം തിരിച്ചുപിടിച്ചപ്പോൾ സീരി എയിൽ യുവൻറസിന് തകർപ്പൻ ജയം. ക്രൊട്ടോണിനെ 3-0ത്തിനാണ് യുവൻറസ് തോൽപിച്ചത്.
38ാം മിനിറ്റിലും ആദ്യ പകുതിയുടെ ഇഞ്ച്വറി സമയത്തുമാണ് (45+1) ക്രിസ്റ്റ്യാനോ റൊണാള്‍ഡോ ഗോളുകള്‍ നേടിയത്. 66ാം മിനിറ്റില്‍ മക്കെനി യുവൻറസി‍െൻറ ഗോള്‍പട്ടിക തികച്ചു. 22 മത്സരങ്ങളില്‍ 45 പോയൻറുമായി ലീഗില്‍ മൂന്നാം സ്ഥാനത്താണ് യുവൻറസ്. മിലാന്‍ ടീമുകളാണ് ആദ്യ രണ്ടു സ്ഥാനങ്ങളില്‍. 23 വീതം കളികള്‍ കളിച്ചപ്പോള്‍ ഇൻറര്‍ മിലാന്‍ 53 പോയൻറുമായി ഒന്നാമതും 49 പോയൻറുമായി എ.സി. മിലാന്‍ രണ്ടും സ്ഥാനങ്ങളില്‍ തുടരുന്നു.
രണ്ടു ഗോളോടെ ക്രിസ്റ്റ്യാനോ ടോപ്സ്കോറർ പട്ടികയിൽ ഒന്നാം സ്ഥാനത്തു കയറി. 18 ഗോളുമായി പോർചുഗീസ് നായകൻ ഒന്നും ലുകാകു (17) രണ്ടും ഇബ്രാഹിമോവിച് (14) മൂന്നും സ്ഥാനത്താണ് നിലവിൽ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.