ടീമിലെ ഭാവി വ്യക്തമാക്കി മാഞ്ചസ്റ്റർ യുനൈറ്റഡിന്റെ ഇംഗ്ലീഷ് ഡിഫൻഡർ ഹാരി മഗ്വെയർ. ഓൾഡ് ട്രാഫോർഡിലെ താരത്തിന്റെ ഭാവിയെ കുറിച്ച് അഭ്യൂഹങ്ങൾ പരക്കെയാണ് മഗ്വെയറിന്റെ തുറന്നുപറച്ചിൽ. താരത്തെ വാങ്ങുവാൻ ശ്രമിക്കുന്ന ക്ലബ്ബുകളെ യുനൈറ്റഡ് നോക്കുന്നതായി നേരത്തെ റിപ്പോർട്ടുണ്ടായിരുന്നു.
തനിക്ക് ഒരു വർഷത്തെ കരാർ ഓപ്ഷനായിട്ട് ഉണ്ടെന്നും എന്നാൽ യുനൈറ്റഡ് ടീമിൽ നിന്നും പോകാൻ ആവശ്യപ്പെട്ടാൽ പോകുമെന്നുമാണ് താരം അറിയിച്ചത്.
'എനിക്ക് ഒരു വർഷത്തെ കരിയർ കൂടെ ബാക്കിയുണ്ട്. എന്നാൽ ടീമിന് എന്നെ ആവശ്യമില്ലെന്ന് പറഞ്ഞാൽ മറ്റ് ക്ലബ്ബിലേക്ക് പോകാൻ ഞാൻ തയ്യാറാണ്. എന്നാൽ അത് ഇതുവരെ എന്നോട് പറഞ്ഞിട്ടില്ല. അതിനാൽ ഇവിടെ ട്രോഫികൾ ജയിക്കുന്നതിനെ പറ്റിയാണ് ഇപ്പോൾ ശ്രദ്ധ,' മഗ്വെയർ പറഞ്ഞു.
മിററിന്റെ റിപ്പോർട്ട് പ്രകാരം മഗ്വെയറിനെ വാങ്ങാൻ ഇറ്റലിയിൽ ക്ലബ്ബുകളുണ്ട്. ലെനി യോറോയെ പോലുള്ള യുവ ഡിഫൻഡർമാരെ ടീമിലെത്തിച്ച യുനൈറ്റഡ് മഗ്വെയറിനെ വിൽക്കാനാണ് സാധ്യത എന്നാണ് റിപ്പോർട്ടുകൾ സൂചിപ്പിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.