കേരള പ്രിമിയർ ലീഗ് ഫുട്ബാളിൽ കെ.എസ്.ഇ.ബിക്കെതിരെ ഗോൾ നേടാനുള്ള കൊല്ലം സായ് സെന്ററിന്റെ അതുൽകൃഷ്ണയുടെ ശ്രമം
കണ്ണൂർ: ജവഹർ സ്റ്റേഡിയത്തിൽ നടക്കുന്ന കേരള പ്രീമിയർ ലീഗ് ഫുട്ബാളിൽ സായി സെന്റർ കൊല്ലത്തിന് ജയം. കെ.എസ്.ഇ.ബിയെയാണ് സായി സെന്റർ മൂന്നിനെതിരെ നാലു ഗോളുകൾക്ക് പരാജയപ്പെടുത്തിയത്. കേരള യുനൈറ്റഡ് എഫ്.സിയും വയനാട് യുനൈറ്റഡ് എഫ്.സിയും തമ്മിൽ നടന്ന മത്സരം സമനിലയിൽ പിരിഞ്ഞു. സായി സെന്ററിനായി അനൂപ് (രണ്ടു ഗോൾ), മിദുൽ ഡോളി, ആൻഡ്രൂസ് എന്നിവർ ഗോളുകൾ നേടി. കെ.എസ്.ഇ.ബിക്കായി മുഹമ്മദ് സഫ്‍വാൻ, മുഹമ്മദ് അജീർ, മുഹമ്മദ് ബിലാൽ എന്നിവരാണ് ഗോളുകൾ കണ്ടെത്തിയത്. സമനിലക്ക് വേണ്ടി അവസാനം വരെ പൊരുതിയ കെ.എസ്.ഇ.ബിക്ക് അവസാന നിമിഷം കിട്ടിയ പെനാൽറ്റി ഗോളാക്കാൻ ലിനിജോ ഗില്‍ബര്‍ട്ടിനായില്ല.
ഷോട്ട് ഗോൾ പോസ്റ്റിന് തട്ടി പുറത്തായി. രണ്ടു വീതം ഗോളടിച്ചാണ് കേരള യുനൈറ്റഡ് എഫ്.സിയും വയനാട് യുനൈറ്റഡ് എഫ്.സിയും തമ്മിൽ നടന്ന മത്സരം സമനിലയിൽ അവസാനിച്ചത്. അരുൺലാൽ, എം. ശ്രീനാഥ് എന്നിവർ വയനാട് എഫ്.സിക്ക് വേണ്ടിയും വില്യം, ക്രയിമാൻ ഗാൻ ലിയൻ എന്നിവർ കേരള യുനൈറ്റഡ് എഫ്.സിക്ക് വേണ്ടിയും ഗോളുകൾ നേടി. ഇന്ന് കളിയില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.