ലണ്ടൻ: ഇംഗ്ലണ്ടും ഒപ്പം കായിക ലോകവും കാത്തിരുന്ന മാഞ്ചസ്റ്ററുകാരുടെ ക്ലാസിക് പോരാട്ടം ജയിച്ച് സിറ്റി. കരുത്തുറപ്പിച്ച പ്രകടനവുമായി പ്രിമിയർ ലീഗിൽ ഒന്നാം സ്ഥാനത്തേക്കുയർന്നിട്ടും ലീഗ് കപ് സെമിയിൽ പെപ് ഗാർഡിയോളയുടെ സംഘത്തിനു മുന്നിലെ തോൽവിയിൽ നാണംകെട്ട് മാഞ്ചസ്റ്റർ യുനൈറ്റഡ്. ജോൺ സ്റ്റോൺസും ഫെർണാണ്ടീഞ്ഞോയുമായിരുന്നു സിറ്റിക്ക് ജയം സമ്മാനിച്ച ഗോളുകൾ നേടിയത്.
തുടക്കം മുതൽ ഗോൾ കണ്ടെത്താൻ ഇരുടീമും ശ്രമം ശക്തമാക്കിയത് കളി ആവേശകരമാക്കി. ആദ്യ ഗോൾ ശ്രമങ്ങളിൽ പലതും ഓഫ്സൈഡൊരുക്കിയാണ് ഇരു ടീമും നേരിട്ടത്. ആക്രമണത്തിൽ മുനകൂർപിച്ച് സിറ്റിയും ഒത്ത പ്രതിരോധവുമായി യുനൈറ്റഡും നിലയുറപ്പിച്ച കളിയിൽ േജാൺ സ്റ്റോൺസ്, ഫെർണാണ്ടീഞ്ഞോ എന്നിവരാണ് സിറ്റിക്കായി ഗോൾ നേടിയത്.
ഹോസെ മൊറീഞ്ഞോയുടെ ടോട്ടൻഹാം ഹോട്സ്പറാണ് കലാശപ്പോരിൽ സിറ്റിയുടെ എതിരാളി. ഏപ്രിൽ 25ന് വെംബ്ലിയിലായിരിക്കും മത്സരം നടക്കുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.