ഫുട്ബാൾ ആവേശത്തിൽ അർജന്റീനയോടുള്ള ആരാധന ഒരിക്കൽ കൂടി പ്രകടമാക്കി സി.പി.എം നേതാവ് എം.എം. മണി രംഗത്ത്. ``എം ബാപ്പയോ ഓന്റെ ബാപ്പയോ വരട്ടെ, നാളെ പാക്കലാം'' എന്നാണ് മണിയുടെ പുതിയ എഫ്.ബി പോസ്റ്റ്. ഇതിനിനെതിരെ പ്രതികരണവുമായി കോൺഗ്രസ് നേതാവ് വി.ടി. ബാലറാമുമെത്തിയരിക്കുകയാണ്. ബാലറാം ഫേസ്ബുക്കിലിട്ട പോസ്റ്റിങ്ങനെ: ``സിപിഎം എംഎൽഎയും മുൻ മന്ത്രിയുമാണ്. നിരവധി മാധ്യമപ്രവർത്തകർക്കും സാംസ്ക്കാരിക നായകർക്കും ആരാധ്യ പുരുഷനായ "ആശാനാ"ണ്.
പതിവ് പോലെ മറ്റുള്ളവരെ തെറിവിളിച്ചാലേ വലിയ ഫുട്ബാൾ കമ്പക്കാരനായി അംഗീകരിക്കപ്പെടുകയുള്ളൂ എന്നാണ് ധരിച്ചു വച്ചിരിക്കുന്നതെന്ന് തോന്നുന്നു''.
ആദ്യമത്സരത്തിൽ സൗദിയോട് അർജന്റീന പരാജയപ്പെട്ടപ്പോൾ `കളിയും ഇനിയും ബാക്കിയാണ് മക്കളെ' എന്നായിരുന്നു എം.എം. മണി ഫേസ് ബുക്കിൽ കുറിച്ചത്. ഫ്രഞ്ച് സൂപ്പർ താരം കിലിയൻ എംബാപ്പെയുടെ പേര് പറഞ്ഞാണ് പുതിയ പോസ്റ്റ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.