ലണ്ടൻ: വോൾവ്സിനെ എതിരില്ലാത്ത നാലുഗോളുകൾക്ക് തുരത്തി ലിവർപൂൾ ആനന്ദനടനമാടിയ മത്സരത്തിൽ തെൻറ പേരിൽ പുതുറെക്കോർഡ് ചേർത്ത് മുഹമ്മദ് സലാഹ്. വോൾവ്സിനെതിരെ നേടിയ രണ്ടുഗോളുകളോടെ പ്രീമിയർ ലീഗിലെ ക്രിസ്റ്റ്യാനോ റൊണാൾഡോയുടെ 84 ഗോളുകളെന്ന നേട്ടത്തിനൊപ്പം സലാഹെത്തി. ഇത്രയും ഗോളടിക്കാൻ ക്രിസ്റ്റ്യാനോയേക്കാൾ 66 മത്സരങ്ങൾ കുറച്ചേ സലാഹിന് വേണ്ടി വന്നുള്ളൂ. റൊണാൾഡോ 196 മത്സരങ്ങളിൽ നിന്നാണ് 84ഗോളുകൾ നേടിയതെങ്കിൽ 131 മത്സരങ്ങളിൽ നിന്നാണ് സലാഹിെൻറ നേട്ടം.
സലാഹിെൻറ ഗോളുകളിൽ രണ്ടെണ്ണം ചെൽസിക്കുവേണ്ടിയും ബാക്കിയുള്ളവ ലിവർപൂളിന് വേണ്ടിയുമാണ്. 2017ൽ എ.എസ് റോമയിൽ നിന്നും ലിവർപൂളിലെത്തിയ ഈജിപ്ഷ്യൻ താരം പോയ സീസണുകളിലെ മിന്നും ഫോം ഈ വർഷവും തുടരുകയാണ്. സീസണിൽ ഒൻപത് മത്സരങ്ങളിൽ കളത്തിലിറങ്ങിയ സലാഹ് 10ഗോളുകൾ ഇതിനോടകം നേടിക്കഴിഞ്ഞു.
2003 മുതൽ 2009 വരെ അലക്സ് ഫെർഗൂസണ് കീഴിൽ മാഞ്ചസ്റ്റർ യുനൈറ്റഡിൽ പന്തുതട്ടിയ ക്രിസ്റ്റ്യാനോ 2009ൽ റയൽ മാഡ്രിഡിലേക്ക് ചേക്കേറുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.