വാസ്കോ: ഐ.എസ്.എൽ ഏഴാം സീസൺ ലീഗ് റൗണ്ടിലെ ജേതാക്കൾക്കുള്ള വിന്നേഴ്സ് ഷീൽഡ് മുംബൈ സിറ്റിക്ക്.അവസാന അങ്കത്തിൽ എ.ടി.കെ മോഹൻ ബഗാനെ 2-0ത്തിന് തോൽപിച്ച് പോയൻറ് നിലയിൽ ഒപ്പത്തിനൊപ്പമെത്തിയ മുംബൈ, ഗോൾ ശരാശരിയിലെ മികവുമായാണ് വിന്നേഴ്സ് ഷീൽഡും, ഏഷ്യൻ ചാമ്പ്യൻസ് ലീഗ് യോഗ്യതയും നേടിയത്. ഇതോടെ, ഐ.എസ്.എൽ റൗണ്ട് മത്സരങ്ങൾ പൂർത്തിയായി.
മുംബൈ, എ.ടി.കെ, നോർത് ഈസ്റ്റ്, എഫ്.സി ഗോവ ടീമുകളാണ് ആദ്യ നാല് സ്ഥാനക്കാരായി േപ്ല ഓഫിന് യോഗ്യത നേടിയത്. ഞായറാഴ്ച നടന്ന ആദ്യ മത്സരത്തിൽ ഗോവയും ഹൈദരാബാദും ഗോൾരഹിത സമനിലയിൽ പിരിയുകയായിരുന്നു.
ഇതോടെ, 31 പോയൻറുള്ള ഗോവ നാലാം സ്ഥാനക്കാരായി േപ്ല ഓഫ് ഉറപ്പിച്ചു. സീസൺ തുടക്കം മുതൽ ഒന്നാം സ്ഥാനത്തായിരുന്നു മുംബൈ അവസാന ഘട്ടത്തിൽ തോൽവിയും സമനിലയുമായി പിന്തള്ളപ്പെട്ടതോടെയാണ് എ.ടി.കെ മുൻനിരയിലെത്തിയത്. എന്നാൽ, നിർണായക മത്സരത്തിൽ ഫോമിലേക്കുയർന്നതോടെ വിന്നേഴ്സ് ഷീൽഡും ചാമ്പ്യൻസ് ലീഗും ഉറപ്പായി. േപ്ലഓഫ് മത്സരങ്ങൾ മാർച്ച് അഞ്ചിന് തുടങ്ങും.
ഒന്നാം പാദം മാർച്ച് അഞ്ച്, ആറിനും, രണ്ടാം പാദം എട്ട്, ഒമ്പതിനുമാണ്. ഫൈനൽ 13നും. േപ്ല ഓഫ്: മുംബൈ x ഗോവ, എ.ടി.കെ x നോർത് ഈസ്റ്റ്
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.