കാലിക്കറ്റ് സർവകലാശാലയിൽ നടക്കുന്ന ദേശീയ സീനിയര്‍ വനിത ഫുട്‌ബാള്‍ ചാമ്പ്യന്‍ഷിപ്പിൽ ഗോവയും കർണാടകയും തമ്മിൽ നടന്ന മത്സരം. എതിരില്ലാത്ത മൂന്ന് ഗോളിന് ഗോവ ജയിച്ചു
തേഞ്ഞിപ്പലം: കാലിക്കറ്റ് സർവകലാശാല സ്റ്റേഡിയത്തിൽ നടന്ന ദേശീയ സീനിയര്‍ വനിത ഫുട്‌ബാള്‍ ചാമ്പ്യന്‍ഷിപ്പില്‍ ഗ്രൂപ് ഡിയില്‍ ഗോവ ക്വാര്‍ട്ടറില്‍. വെള്ളിയാഴ്ച നടന്ന മത്സരത്തില്‍ കര്‍ണാടകയെ എതിരില്ലാത്ത മൂന്ന് ഗോളിന് തോല്‍പിച്ചാണ് ഗോവ ക്വാര്‍ട്ടറിലെത്തിയത്. ഗോവക്കു വേണ്ടി റിസ്സില്ല സിയ അല്‍മീഡിയ ഇരട്ട ഗോള്‍ നേടി.
സുസ്മിത ജാദവിെൻറ വകയാണ് ഒരു ഗോള്‍. രാവിലെ നടന്ന മത്സരത്തില്‍ ഡല്‍ഹിയെ തോല്‍പിച്ചെങ്കിലും ഝാര്‍ഖണ്ഡ് ചാമ്പ്യന്‍ഷിപ്പില്‍ നിന്ന് പുറത്തായി. മൂന്ന് മത്സരങ്ങള്‍ കളിച്ച ഗോവ രണ്ട് വിജയവും ഒരു സമനിലയും നേടി ഏഴ് പോയൻറ് സ്വന്തമാക്കി. രണ്ട് മത്സരം ജയിച്ച് ഒരു മത്സരം തോറ്റ ഝാര്‍ഖണ്ഡിന് ആറ് പോയൻറാണുള്ളത്. വിജയം മാത്രം ലക്ഷ്യമിട്ടായിരുന്നു ഗോവ കര്‍ണാടകക്കെതിരെ ഇറങ്ങിയത്. ഉച്ചക്ക് നടന്ന മത്സരത്തിൽ 19ാം മിനിറ്റില്‍ ഗോവ ആദ്യ ലീഡ് നേടി. ഉഗ്രൻ വോളി കിക്കിലൂടെ റിസ്സില്ല സിയ അല്‍മീഡിയയുടെ വകയായിരുന്നു ഗോൾ.
അഞ്ച് മിനിറ്റിന് ശേഷം 24ാം മിനിറ്റില്‍ ലീഡ് രണ്ടാക്കി ഉയര്‍ത്തി. മധ്യനിരയില്‍ നിന്ന് ഉയര്‍ത്തി നല്‍കിയ പാസിനായി ഓടിക്കയറിയ റിസ്സില്ല മനോഹരമായി ഗോളാക്കി മാറ്റി. ആദ്യ പകുതിയുടെ അധിക സമയത്തായിരുന്നു ഗോവയുടെ മൂന്നാം ഗോൾ. ഗോവന്‍ ക്യാപ്റ്റന്‍ സ്റ്റെസി കാര്‍ഡോസേ നല്‍കിയ പാസില്‍ ഗോള്‍ കീപ്പറെയും മറികടന്ന് സുസ്മിത ജാദവിെൻറ ഗോള്‍.
രണ്ടാം പകുതിയില്‍ ഇരു ടീമുകള്‍ക്കും അവസരങ്ങള്‍ ലഭിച്ചെങ്കിലും ഗോളൊന്നും നേടാന്‍ സാധിച്ചില്ല. വെള്ളിയാഴ്ചത്തെ മത്സരത്തോെട കാലിക്കറ്റ് യൂനിവേഴ്സിറ്റി സ്റ്റേഡിയത്തിലെ പ്രാഥമിക റൗണ്ട് മത്സരങ്ങൾ സമാപിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.