ഹൈദരാബാദിനെതിരെ ജയം; കേരള ബ്ലാസ്റ്റേഴ്സ് ഒന്നാമത്

പ​നാ​ജി: അ​ല​ക​ട​ലാ​യി ഇ​രു ​ഗോ​ൾ​മു​ഖ​ങ്ങ​ളും വി​റ​കൊ​ണ്ട ആ​വേ​ശ​പ്പോ​രി​ൽ ക​രു​ത്ത​രാ​യ ഹൈ​ദ​രാ​ബാ​ദി​നെ ഏ​ക​പ​ക്ഷീ​യ​മാ​യ ഒ​രു ഗോ​ളി​ന് വീ​ഴ്ത്തി കേ​ര​ള ബ്ലാ​സ്റ്റേ​ഴ്സ് പ​ട്ടി​ക​യി​ൽ ഒ​ന്നാം സ്ഥാ​ന​ത്ത്. തോ​ൽ​വി​യ​റി​യാ​ത്ത തു​ട​ർ​ച്ച​യാ​യ ഒ​മ്പ​താം മ​ത്സ​ര​ത്തി​ലാ​ണ് ഐ.​എ​സ്.​എ​ൽ ച​രി​ത്ര​ത്തി​ൽ ആ​ദ്യ​മാി ടീം ​ഒ​ന്നാം സ്ഥാ​നം പി​ടി​ക്കു​ന്ന​ത്.

പോ​യ​ന്‍റ് നി​ല​യി​ലെ ചെ​റി​യ മാ​റ്റം ഒ​ഴി​ച്ചു​നി​ർ​ത്തി​യാ​ൽ അ​ക്ഷ​രാ​ർ​ഥ​ത്തി​ൽ ഒ​പ്പ​ത്തി​നൊ​പ്പം​നി​ന്ന ഇ​രു​ടീ​മു​ക​ൾ ത​മ്മി​ലാ​യി​രു​ന്നു വാ​സ്കോ തി​ല​ക് മൈ​താ​ന​ത്തെ ആ​വേ​ശ​പ്പോ​ര്. അ​വ​സാ​ന എ​ട്ടു ക​ളി​ക​ളി​ലും തോ​ൽ​വി​യ​റി​യാ​ത്ത ര​ണ്ടു ടീ​മു​ക​ൾ. ഏ​തു കൊ​ല​കൊ​മ്പ​ന്മാ​രെ​യും ​അ​നാ​യാ​സം മു​ട്ടു​കു​ത്തി​ച്ച​വ​ർ. അ​തേ പെ​രു​മ വി​ടാ​തെ കാ​ത്താ​ണ് ഇ​രു ടീ​മു​ക​ളും ആ​ദ്യ വി​സി​ൽ മു​ത​ൽ ഞാ​യ​റാ​ഴ്ച അ​ങ്കം കൊ​ഴു​പ്പി​ച്ച​ത്. ഒ​മ്പ​താം മി​നി​റ്റി​ൽ ആ​ദ്യ ഗോ​ള​വ​സ​രം തു​റ​ന്ന​ത് ഹൈ​ദ​രാ​ബാ​ദ്. എ​ഡു ഗാ​ർ​സി​യ എ​ടു​ത്ത ​ഫ്രീ​കി​ക്ക് ബ്ലാ​സ്റ്റേ​ഴ്സ് ഗോ​ളി​യു​ടെ വി​ര​ലു​ക​ൾ ത​ലോ​ടി പ​റ​ന്ന​ത് ക്രോ​സ്ബാ​റി​ൽ ത​ട്ടി മ​ട​ങ്ങി.

അ​തി​നി​ടെ ബ്ലാ​സ്റ്റേ​ഴ്സ് ഗോ​ൾ​മു​ഖ​ത്ത് ഗോ​ളി​യെ വീ​ഴ്ത്തി​യ​തി​ന് ഒ​ഗ്ബെ​ച്ചെ മ​ഞ്ഞ​ക്കാ​ർ​ഡ് ക​ണ്ടു. 17ാം മി​നി​റ്റി​ലാ​യി​രു​ന്നു കേ​ര​ള​ത്തി​നു മു​ന്നി​ൽ അ​വ​സ​രം വ​ന്നു​ത​ട​യു​ന്ന​ത്. ലൂ​ന എ​ടു​ത്ത ഫ്രീ​കി​ക്ക് എ​തി​ർ​ഗോ​ളി ക​ട്ടി​മ​ണി ത​ട്ടി​യി​ട്ടെ​ങ്കി​ലും വീ​ണ​ത് ബ്ലാ​സ്റ്റേ​ഴ്സ് താ​ര​ങ്ങ​ൾ​ക്കു മു​ന്നി​ൽ. കൂ​ട്ട​പ്പൊ​രി​ച്ചി​ലി​ൽ എ​വി​ടെ​യു​മെ​ത്താ​തെ പ​ന്ത് പെ​നാ​ൽ​റ്റി ബോ​ക്സ് വി​ട്ട​തോ​ടെ ഹൈ​ദ​രാ​ബാ​ദ് നി​ര​യി​ൽ ആ​ശ്വാ​സം. വൈ​കാ​തെ അ​നി​കെ​തി​നെ കൂ​ട്ടി ഒ​ഗ്ബെ​ച്ചെ ന​ട​ത്തി​യ മു​ന്നേ​റ്റം പ്ര​തി​രോ​ധ​നി​ര​യി​ലെ ഖ​ബ്റ​യു​ടെ ഇ​ട​പെ​ട​ലി​ൽ അ​വ​സാ​നി​ച്ചു.

പി​ന്നെ​യും അ​വ​സ​ര​ങ്ങ​ൾ തു​റ​ന്ന് പാ​ഞ്ഞു​ന​ട​ന്ന മ​ഞ്ഞ​പ്പ​ട​ക്കാ​യി 27ാം മി​നി​റ്റി​ൽ സ​ഹ​ൽ പ്ര​തീ​ക്ഷ ന​ൽ​കി. പെ​നാ​ൽ​റ്റി ബോ​ക്സി​ൽ പെ​രേ​ര​ക്ക് പാ​സ് ന​ൽ​കി​യെ​ങ്കി​ലും എ​തി​ർ​ഗോ​ളി അ​പ​ക​ട​മൊ​ഴി​വാ​ക്കി. 42ാം മി​നി​റ്റി​ലാ​യി​രു​ന്നു കേ​ര​ളം കാ​ത്തി​രു​ന്ന ഗോ​ളെ​ത്തു​ന്ന​ത്. ലോ​ങ്ത്രോ സ​ഹ​ൽ ത​ല​വെ​ച്ച​ത് അ​സാ​ധ്യ ഷോ​ട്ടി​ൽ അ​ൽ​വാ​രോ വാ​സ്ക്വ​സ് ഹൈ​ദ​രാ​ബാ​ദ് വ​ല​യി​ലെ​ത്തി​ച്ചു.

അ​തോ​ടെ, ക​രു​ത്തു​കൂ​ട്ടി​യ ബ്ലാ​സ്റ്റേ​ഴ്സ് ര​ണ്ടാം പ​കു​തി​യി​ൽ ഒ​രു പ​ണ​ത്തൂ​ക്കം ആ​ധി​പ​ത്യം കാ​ട്ടി​യെ​ങ്കി​ലും എ​തി​ർ​ഗോ​ളി​യും നി​ർ​ഭാ​ഗ്യ​വും വി​ല്ല​നാ​യി. മ​റു​വ​ശ​ത്ത്, പ​ല​വ​ട്ടം ബ്ലാ​സ്റ്റേ​ഴ്സ് നെ​ഞ്ചി​ൽ തീ ​പ​ട​ർ​ത്തി ഒ​ഗ്ബെ​ച്ചെ കേ​ര​ള​മു​ഖ​ത്ത് പാ​ഞ്ഞെ​ത്തി​യ​ത് അ​പ​ക​ട​ക​ര​മാ​യി ഒ​ഴി​വാ​ക്കി​യ​ത് കേ​ര​ള​ത്തി​ന് ലീ​ഡ് നി​ല​നി​ർ​ത്തി.

53ാം മി​നി​റ്റി​ൽ അ​നി​കെ​റ്റും 60ാം മി​നി​റ്റി​ൽ ഒ​ഗ്ബെ​ച്ചെ​യും ന​ട​ത്തി​യ നീ​ക്ക​ങ്ങ​ൾ വ​ലി​യ അ​പ​ക​ടം സൃ​ഷ്ടി​ക്കാ​തെ മ​ട​ങ്ങി. 72ാം മി​നി​റ്റി​ൽ അ​നി​കെ​റ്റി​നെ​യും നി​ഖി​ൽ പൂ​ജാ​രി​യെ​യും പി​ൻ​വ​ലി​ച്ച ഹൈ​ദ​രാ​ബാ​ദ് രോ​ഹി​ത് ദാ​നു​വി​നെ​യും യാ​സി​ർ മു​ഹ​മ്മ​ദി​നെ​യും ഇ​റ​ക്കി. ഇ​തോ​ടെ മൂ​ർ​ച്ച കൂ​ടി​യ ഹൈ​ദ​രാ​ബാ​ദ് അ​തി​വേ​ഗ നീ​ക്ക​ങ്ങ​ളു​മാ​യി ബ്ലാ​സ്റ്റേ​ഴ്സ് പെ​നാ​ൽ​റ്റി ഏ​രി​യ​യി​ൽ വ​ട്ട​മി​ട്ടു​നി​ന്നു. അ​തി​നി​ടെ സ​ഹ​ലി​നു പ​ക​രം നി​ഷു കു​മാ​ർ എ​ത്തി. 80ാം മി​നി​റ്റി​ൽ ​ഗോ​ളി വീ​ണു​കി​ട​ക്കു​ന്ന​തി​നി​ടെ ഹൈ​ദ​രാ​ബാ​ദ് താ​രം ഗോ​ളി​ലേ​ക്കു പാ​യി​ച്ച​ത് ബ്ലാ​സ്റ്റേ​ഴ്സ് പ്ര​തി​രോ​ധ​താ​രം ത​ട്ടി​യ​ക​റ്റി.

ര​ണ്ടു മി​നി​റ്റ് ക​ഴി​ഞ്ഞ് വാ​സ്ക്വ​സ് ന​ട​ത്തി​യ മ​നോ​ഹ​ര ഡ്രി​ബ്ലി​ങ് ക​ളി​യു​ടെ കൗ​തു​ക​മാ​യി. പി​ന്നെ​യും മൈ​താ​നം നി​റ​ഞ്ഞ് മ​നോ​ഹ​ര​നീ​ക്ക​ങ്ങ​ളു​മാ​യി ബ്ലാ​സ്റ്റേ​ഴ്സ് നി​ര ആ​വേ​ശം കൊ​ടു​മു​ടി​യോ​ള​മെ​ത്തി​ച്ചു. ഇ​ഞ്ച്വ​റി സ​മ​യ​ത്ത് കോ​ർ​ണ​ർ സ്വീ​ക​രി​ക്കു​ന്ന​തി​ലെ കൂ​ട്ട​പ്പൊ​രി​ച്ചി​ൽ ഗോ​ളാ​ക്കി ഹൈ​ദ​രാ​ബാ​ദ് സ​മ​നി​ല പി​ടി​ച്ചു​വെ​ന്ന് തോ​ന്നി​ച്ചെ​ങ്കി​ലും റ​ഫ​റി ഓ​ഫ്സൈ​ഡ് വി​ളി​ച്ചു. ​ഒ​ന്നി​ലേ​റെ ത​വ​ണ കേ​ര​ള താ​ര​ങ്ങ​ൾ എ​തി​ർ​ഗോ​ൾ​മു​ഖ​ത്ത് അ​പ​ക​ടം സൃ​ഷ്ടി​ച്ചെ​ങ്കി​ലും ഗോ​ൾ മാ​ത്രം പി​റ​ന്നി​ല്ല.

10 മത്സരങ്ങളിൽനിന്ന് നാല് ജയവും അഞ്ച് സമനിലയും ഒരു തോൽവിയുമടക്കം 17 പോയിന്‍റാണ് ബ്ലാസ്റ്റേഴ്സിനുള്ളത്. രണ്ടാമതുള്ള മുംബൈ സിറ്റിക്കും 17 പോയിന്‍റുണ്ട്. ഗോൾ ശരാശരിയിൽ ബ്ലാസ്റ്റേഴ്സ് മുന്നിലെത്തുകയായിരുന്നു.

മൂന്നും നാലും സ്ഥാനത്തുള്ള ഹൈദരാബാദിനും ജംഷദ് പുരിനും 16 വീതം പോയിന്‍റാണുള്ളത്. 15 പോയിന്‍റുമായി മോഹൻ ബഗാനാണ് അഞ്ചാമത്.