പ്രവീൺകുമാർ
ടോക്യാ: പാരലിമ്പിക്സിൽ ഇന്ത്യക്ക് 11ാം മെഡൽ. പുരുഷ വിഭാഗം ഹൈജംപിൽ (ടി64) പ്രവീൺകുമാർ വെള്ളി മെഡൽ സ്വന്തമാക്കി. കന്നി പാരലിമ്പിക്സിൽ ഏഷ്യൻ റെക്കോഡുമായി 2.07 മീറ്റർ ഉയരം താണ്ടിയാണ് 18കാരനായ പ്രവീൺ വെള്ളി നേടിയത്. ബ്രിട്ടന്‍റെ ജെനാഥൻ ബ്രൂം-എഡ്വേഡ്സാണ് സ്വർണം നേടിയത് (2.10 മീ.). റിയോ ഗെയിംസ് ജേതാവായ പോളണ്ടിന്‍റെ മാസി ലേപിയാതോ (2.04 മീ.) വെങ്കലം സ്വന്തമാക്കി.
പാരലിമ്പിക്സ് ചരിത്രത്തിലെ ഇന്ത്യയുടെ ഏറ്റവും മികച്ച പ്രകടനമാണ് ടോക്യോയിലേത്. രണ്ട് സ്വർണം, ആറ് വെള്ളി, മൂന്ന് വെങ്കലമാണ് ടോക്യോ പാരലിമ്പിക്സിലെ ഇന്ത്യയുടെ ഇതുവരെയുള്ള സമ്പാദ്യം. അവാനല ലേഖാരയും (ഷൂട്ടിങ്) സുമിത് ആന്‍റിലുമാണ് (ജാവലിൻ ത്രോ) സ്വർണം നേടി രാജ്യത്തിന്‍റെ അഭിമാനമായത്.
ഭവിനബെൻ പേട്ടൽ (ടേബിൾ ടെന്നിസ്), മാരിയപ്പൻ തങ്കവേലു, നിശാദ് (ഹൈജംപ്), യോഗേഷ് (ഡിസ്കസ്), ദേവേന്ദ്ര ജജാരിയ (ജാവലിൻ) എന്നിവരാണ് വെള്ളി നേടിയ മറ്റ് താരങ്ങൾ. സുന്ദർ സിങ് (ജാവലിൻ, ശരദ് (ഹൈജംപ്), സിങ്രാജ് (ഷൂട്ടിങ്) എന്നിവരാണ് വെങ്കലമെഡൽ ജേതാക്കൾ. ഡിസ്കസ്േത്രായിൽ വിനോദ്കുമാർ വെങ്കലം നേടിയെങ്കിലും പിന്നീട് അയോഗ്യനായി പ്രഖ്യാപിക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.